ممبئی: لاکھوں دلوں پر راج کرنے والے کنگ خان کی نئی تصاویر سوشل میڈیا پر وائرل ہوگئیں جنہیں دیکھ کر اُن کے مداح خود بھی حیران رہ گئے مگر شاہ رخ نے تصاویر بنانے والے فوٹو گرافر کو گاڑی مارکر زخمی کیا اور سیکیورٹی گارڈز سے تشدد کا نشانہ بھی بنوایا۔
بھارتی رپورٹس کے مطابق شاہ رخ خان ادکارہ عالیہ بھٹ کے گھر سے فوٹو شوٹ کے بعد اُن کی رہائش گاہ سے باہر نکلے تو وہاں موجود فوٹو گرافر نے چپکے سے شاہ رخ خان کی تصاویر بنالیں۔
کنگ خان نے جب فوٹو گرافر کو تصاویر لیتے دیکھا تو گاڑی روک اپنے سیکیورٹی گارڈ کو اُس کا کیمرہ چھننے کا حکم دیا تاہم موقع غنیمت جانتے ہوئے فوٹو گرافر بھاگنے لگا تو اداکار کے حکم پر ڈرائیور نے انہیں گاڑی مارکر زخمی کردیا۔
ایک اور اطلاع کے مطابق شاہ رخ نے اپنے گارڈ کو حکم دیا ہر صورت اس کا کیمرہ چھینوں اور اسے اسپتال لے چلو‘‘۔ انٹرٹینمنٹ ویب سائٹ کے مطابق وہاں موجود عینی شاہد نے بتایا کہ ’’فوٹو گرافر کو جب کنگ خان کی موجودگی کی اطلاع ملی تو وہ انہیں دیکھنے اپنے کیمرے کے ہمراہ پہنچا، جیسے ہی شاہ رخ دروازے سے باہر نکلے تو اُس نے موقع غنیمت جان کر تصاویر بنالیں‘‘۔
لاکھوں دلوں پر راج کرنے والے شاہ رخ کو یہ بات اتنی ناگوار گزری کے انہوں نے فوٹو گرافر کو تصاویر ریلیز ہونے کی صورت میں سنگین نتائج کی دھمکیاں بھی دیں جب کہ اُن کے گارڈ گاڑی مار کر زخمی کرنے کے باوجود اُس پر تشدد بھی کیا‘‘۔ فوٹو گرافر نے شاہ رخ خان کے رویے پر ناراضگی کا اظہار کرتے ہوئے کہا کہ اداکار کی اس بات سے اُن کا دل ٹوٹ گیا۔
