چھوٹی الائچی یاسبز الائچی گھروں میں عام استعمال کی جاتی ہے اور یہ دنیا کے تقریباً تمام ممالک میں پائی جاتی، اس کے استعمال سے صحت پر بے شمار فوائد مرتب ہوتے ہیں۔
اگر آپ روزانہ دو الائچی کھانے کے فوائد جانتے ہیں تو آپ بھی یہ نسخہ اپنائیں گے، سبز الائچی روزانہ کھانے کے بہت سے فائدے ہوسکتے ہیں۔ اینٹی آکسیڈنٹ عناصر سے بھرپور سبز الائچی دل کو صحت مند رکھنے میں معاون اور مددگار ہے۔
الائچی ویسے تو گرم مسالوں کا ایک اہم حصہ سمجھی جاتی ہے، کھانے کی خوشبو، ذائقہ اور معیار کو بڑھانے کے لیے استعمال ہوتی ہے، اس میں مخصوص قسم کے غذائی اجزاء، فائبر اور تیل ہوتا ہے جو کئی طرح کی بیماریوں کے علاج میں کارآمد ہے۔
الاچی کا قہوہ ہچکی روکنے کے لئے ایک بہترین چیز ہے۔2 عدد الائچی کو اچھی طرح سے پیس لیں۔ 5 پتے پودینہ کے بھی لیں۔ ایک کپ پانی میں الائچی اور پودینہ ڈال کر 5 منٹ تک ابالیں۔نیم گرم ہی پی لیں۔ ہچکی فوری طور پر رک جائے گی۔
روزانہ 2 الائچی کھانے کے صحت کے فوائد درج ذیل ہیں۔
ہاضمے میں مدد کرتی ہے۔ سانس تازہ کرتی ہے۔ بلڈ شوگر لیول کو متوازن کرتی ہے۔ بلڈ پریشر کو کم کرتی ہے۔ برونکائٹس کے علاج میں مدد کرتی ہے۔
سبز الائچی میں میگنیشیم، پوٹاشیم اور کیلشیم سے بھرپور ہوتی، اسے خون کے الیکٹرو لائٹس کے لیے خزانہ قرار دیا جاتا ہے، الائچی کا استعمال خون کی ترسیل کے عمل کو بہتر بناتی ہے اور بلڈ پریشر کو کنٹرول میں رکھنے میں مدد فراہم کرتی ہے۔
اس کے علاوہ خون کی گردش کو بہتر بنانے کے لیے محرک کے طور پر کام کرتا ہے۔ ذیابیطس کو کنٹرول کرنے میں مدد کرتی ہے۔ حمل کے دوران معدے کی تکلیف کو کم کرتی ہے۔ پیٹ کے السر کے علاج میں مدد کرتی ہے۔
یاد رکھیں الائچی زیادہ تر لوگوں کے لیے محفوظ چیز ہے، کھانا پکاتے وقت خاص طور پر متوازن غذا کے حصے کے طور پر الائچی کھانے سے کوئی خطرہ نہیں ہوتا۔
