ARYNews.tv | Urdu – Har Lamha Bakhabar

Tag: caronavirus

  • پاکستان میں کورونا کے مزید 63 مریض جاں بحق ،ایک ہزار881 کی حالت تشویشناک

    پاکستان میں کورونا کے مزید 63 مریض جاں بحق ،ایک ہزار881 کی حالت تشویشناک

    اسلام آباد : پاکستان میں کورونا کے مزید 63 مریض انتقال کر گئے، جس سے اموات کی تعداد11ہزار746 تک جا پہنچی جبکہ ایک ہزار881 مریضوں کی حالت تشویشناک ہیں۔

    تفصیلات کے مطابق نیشنل کمانڈاینڈآپریشن سینٹرسےکوروناکیسزکےتازہ ترین اعدادوشمارجاری کردیئے گئے ، جس میں بتایا گیا ہے کہ ملک میں 24گھنٹےمیں مزید63 کورونا مریضوں کا انتقال ہوا ، جس سے کوروناسےانتقال کرنےوالوں کی تعداد11ہزار746ہوگئی۔

    این سی اوسی کا کہنا ہے کہ 24گھنٹےمیں38ہزار813ٹیسٹ کئے گئے ، جس میں سے ایک ہزار220 نئے کیسز کی تصدیق ہوئی اور کوروناوائرس کے فعال کیسزکی تعداد33ہزار365ہوگئی جبکہ اب تک رپورٹ ہونے والے کوروناکیسز کی تعداد 5 لاکھ47ہزار 648 تک جاپہنچی۔

    ملک میں 24گھنٹےمیں کوروناوائرس کےٹیسٹ مثبت آنےکی شرح3.14فیصد رہی جبکہ ملک بھرمیں کورونا کے ایک ہزار881 کیسز تشویشناک نوعیت کے ہیں اور کوروناکے5لاکھ 2ہزار537مریض صحت یاب ہوچکےہیں۔

    اعدادو شمار کے مطابق پنجاب میں کورونا کیسزکی تعداد ایک لاکھ 58 ہزار220، سندھ میں 2 لاکھ 47 ہزار727، خیبرپختونخوا میں 67 ہزار419 ، بلوچستان میں 18 ہزار830 ، آزاد کشمیر 9ہزار50 اور گلگت بلتستان میں 4 ہزار 909 ہوگئی ہے۔

  • کورونا میں اضافہ، تجارتی سرگرمیوں کے نئے اوقات کار سے متعلق نوٹیفکیشن جاری

    کورونا میں اضافہ، تجارتی سرگرمیوں کے نئے اوقات کار سے متعلق نوٹیفکیشن جاری

    لاہور : پنجاب حکومت نے تجارتی سرگرمیاں رات 10 بجے بند کرنے سے متعلق نوٹیفکیشن جاری کردیا، سیکرٹری پرائمری اینڈ سیکنڈری ہیلتھ کا کہنا ہے کہ نوماسک نوسروس کےقانون کوقائم رکھا جائے۔

    تفصیلات کے مطابق پنجاب حکومت نے تجارتی سرگرمیوں کےاوقات کارسےمتعلق نوٹیفکیشن جاری کردیا ، جس میں کہا گیا ہے کہ تجارتی سرگرمیاں اور ادارے رات 10 بجے بند کر دیے جائیں گے جبکہ میڈیکل سروسز، فارمیسیز، میڈیکل اسٹورز 24 گھنٹے کھلے رہیں گے۔

    نوٹیفکیشن میں کہا گیا کہ ٹائرپنکچرشاپس،پھل وسبزیوں کی دکانیں،تندور،آٹاچکیاں کھلی رہیں گی جبکہ ڈرائیور ہوٹل، پیٹرول پمپس،آئل ڈپو،ایل پی جی شاپس اور فلنگ پلانٹس،زرعی آلات ورکشاپس،سپئرپارٹس شاپس،پرنٹنگ پریس بھی مسلسل کام جاری رکھ سکیں گے۔

    جاری نوٹیفکیشن کے مطابق کال سنٹرز(50%عملے کے ساتھ)اور ریسٹورنٹس سے ٹیک اوے/ہوم ڈیلیوری سرویسز 24گھنٹے کام کر سکیں گے جبکہ تفریحی اور پبلک پارکس صبح 7 سے شام 6 بجےتک کھلے رہیں گے۔

    نوٹیفیکیشن میں کہا گیا کہ تمام صنعتی سرگرمیاں اور ادارے اس نوٹیفیکیشن سے مستشنٰی اپنا کام پہلے کی جاری کردہ ہدایات کے مطابق جاری رکھیں گے۔

    مزید پڑھیں : ملک بھر میں مارکیٹس، دکانیں، شاپنگ مالز رات 10 بجے بند کرنے کا فیصلہ

    سیکرٹری پرائمری اینڈ سیکنڈری ہیلتھ کا کہنا ہے کہ لازمی ماسک پہنے اور سماجی فاصلہ قائم رکھنے کے ایس او پیز پر پہلے کی طرح سختی سے عمل پیرا رہنا ہو گا اور نوماسک نوسروس کےقانون کوقائم رکھا جائے۔

    کیپٹن (ر)محمد عثمان نے کہا کہ اس نوٹیفیکیشن کا اطلاق فوری طور پر لاہور،ملتان اور راولپنڈی ڈسٹرکٹ کے علاقائی حدود پر ہوگا، فیس ماسک،ہینڈ سینیٹائزر اور گلوز کا استعمال مسلسل جاری رکھا جائے۔

    دوسری جانب ترجمان پنجاب حکومت مسرت جمشیدچیمہ نے اے آر وائی نیوز سے گفتگو کرتے ہوئے کہ این سی او سی کے اقدامات عوام کےمفاد میں ہیں، کوروناسےمحفوظ رہنےکیلئےویکسین اب تک تیارنہیں ہوسکی ہے۔

    مسرت جمشیدچیمہ کا کہنا تھا کہ جہاں کوروناایس اوپیزپرعمل نہیں ہوگاوہ مقام سیل کیاجائیگا، پنجاب میں اس وقت کہیں بھی اسمارٹ لاک ڈاؤن نہیں، کوروناکیسزرپورٹ ہونےپرمتاثرہ مقام کوہی سیل کیاجائے گا۔

    یاد رہے گذشتہ روز کورونا وبا کی دوسری لہر کے پیش نظر نیشنل کمانڈ اینڈ کنٹرول سینٹرل (این سی او سی) نے سے ملک بھر میں مارکیٹس، دکانیں اور شاپنگ مالز رات 10 بجے بند کرنے کا فیصلہ کیا تھا۔

  • پاکستان میں کورونا کی دوسری لہر کا خدشہ ، ایک دن میں 14 اموات

    پاکستان میں کورونا کی دوسری لہر کا خدشہ ، ایک دن میں 14 اموات

    اسلام آباد : پاکستان میں کورونا کے مزید 14 مریض جاں بحق ہوگئے ، جس کے بعد اموات کی تعداد 6ہزار673 تک جا پہنچی جبکہ کورونا کے 3 لاکھ 7ہزار 950 مریض صحتیاب ہوچکے ہیں۔

    تفصیلات کے مطابق نیشنل کمانڈاینڈآپریشن سینٹر نے ملک میں کورونا کے حوالے سے تازہ ترین اعداد و شمارجاری کردیئے ہیں، جس میں بتایا گیا کہ ملک میں 24 گھنٹے میں کورونا کے 14 مریض انتقال کرگئے ، جس کے بعد کورونا سے جاں بحق افراد کی تعداد 6ہزار673 ہوگئی۔

    این سی اوسی کا کہنا ہے کہ ملک میں 24 گھنٹے کے دوران کورونا کے 625 مثبت کیسز سامنے آئے ، جس کے بعد ملک میں کورونا کے مصدقہ کیسز کی تعداد 3 لاکھ 24 ہزار84 تک جا پہنچی جبکہ کورونا کے فعال کیسز کی تعداد 9ہزار461 ہے۔

    نیشنل کمانڈاینڈآپریشن سینٹر نے کہا ہے کہ ملک میں اب تک مجموعی طور پر کورونا کے 3 لاکھ 7ہزار 950 مریض صحت یاب ہوچکے ہیں جبکہ ملک کے 735 اسپتالوں میں کورونا کے 805مریض زیرعلاج ہیں ، جن میں سے 80 مریض وینٹی لیٹر پر ہے۔

    اعداد و شمار کے مطابق سندھ میں کورونا کے ایک لاکھ 42 ہزار 134 کیسز،پنجاب میں ایک لاکھ 1760، خیبر پختونخوا میں 38ہزار708کیسز سامنے آئے جبکہ اسلام آباد میں 18ہزار187کیسز ، گلگت بلتستان میں 4084، بلوچستان میں 15ہزار704 کیسز اور آزادکشمیر میں کورونا کے 3507 کیس رپورٹ ہو چکے ہیں۔

  • پاکستان میں کورونا سے مزید 6 افراد جاں بحق ، 516 مریضوں کی حالت تشویشناک

    پاکستان میں کورونا سے مزید 6 افراد جاں بحق ، 516 مریضوں کی حالت تشویشناک

    اسلام آباد : پاکستان میں چوبیس گھنٹے کے دوران کورونا سے مزید چھ مریض جان سے گئے ، جس کے بعد اموات کی تعداد 6 ہزار 523 ہوگئی جبکہ 516 مریضوں کی حالت تشویشناک ہے۔

    تفصیلات کے مطابق نیشنل کمانڈ اینڈ آپریشن سینٹر نے ملک میں کورونا صورتحال کے تازہ اعداو شمار جاری کردیئے، جس میں بتایا گیا کہ ملک بھر میں24گھنٹےمیں کورونا وائرس سے مزید 6 افراد جاں بحق ہوئے ، جس کے بعد ملک بھر میں کورونا وائرس سےاموات 6523 ہوگئی۔

    این سی اوسی کا کہنا ہے کہ 24گھنٹے میں ملک بھر میں 28 ہزار 280 کورونا ٹیسٹ کیے گئے، جس میں سے 467 افراد میں کوروناوائرس کی تصدیق ہوئی ، جس کے بعد ملک میں مجموعی کیسز کی تعداد 3 لاکھ 15 ہزار 727 تک جا پہنچی جبکہ کورونا کے فعال کیسز کی تعداد 8588 ہے۔

    نیشنل کمانڈ اینڈ آپریشن سینٹر کے مطابق ملک بھر کے 735 اسپتالوں میں کورونا کے 793 مریض زیرعلاج ہیں ، جس میں سے 516 کیسز تشویشناک یا سنجیدہ نوعیت کےہیں اور 86 مریض وینٹی لیٹر پر ہیں جبکہ صحت یاب افراد کی تعداد 3 لاکھ 616 ہوچکی ہے۔

    اعدادو شمار کے مطابق اب تک مجموعی طور پر 37لاکھ 2 ہزار 607 کورونا کے ٹیسٹ کیےجاچکے ہیں جبکہ سندھ میں کورونا کیسز کی تعداد ایک لاکھ 38 ہزار 593 ، پنجاب ایک لاکھ33 ، خیبرپختونخوا میں38 ہزار 105، بلوچستان میں 15 ہزار 420 ہیں۔

    خیال رہے نیشنل کمانڈاینڈآپریشن سینٹر نے ایس او پیز پر عملدرآمد نہ ہونے پر کورونا کے پھیلاؤ کا خدشہ ظاہر کردیا ، اسد عمر کا کہنا تھا کہ ایس اوپیزپرعملدرآمد سے کورونا کی دوسری لہر سے بچاؤ ممکن ہے۔

  • کورونا وبا سے بدترین صورتحال آنا باقی، عالمی ادارہ صحت نے خطرے کی گھنٹی بجادی

    کورونا وبا سے بدترین صورتحال آنا باقی، عالمی ادارہ صحت نے خطرے کی گھنٹی بجادی

    جنیوا : عالمی ادارہ صحت کے سربراہ ڈاکٹرٹیڈروس نے خبردار کیا ہے کہ ابھی کورونا وبا سے بدترین صورتحال آنا باقی ہے، 6ماہ بعد بھی وائرس خاتمے کے قریب تک نہیں پہنچا بلکہ مرض کا پھیلاؤ درحقیقت تیزہو رہا ہے۔

    تفصیلات کے مطابق قاتل کورونا وائرس کو دنیا میں تباہی مچاتے ہوئے چھ ماہ مکمل ہوگئے، عالمی ادارہ صحت کے سربراہ ڈاکٹرٹیڈروس نے کہا 6ماہ بعد بھی کورونا وائرس خاتمے کے قریب تک نہیں پہنچا، وائرس کم ہونے کے بجائے تیزی سے پھیل رہا ہے۔

    ڈاکٹر ٹیڈ روس نے خبردار کرتے ہوئے کہا کہ ابھی وبا سے بدترین صورتحال آنا باقی ہے، اگر حکومتوں نے درست پالیسیاں نہ اپنائیں تو مریضوں کی تعداد کئی گنا بڑھ سکتی ہے، جنوبی ایشیا میں وبا کا عروج جولائی کے آخر میں متوقع ہے۔

    ان کا کہنا تھا کہ سب چاہتےہیں کوروناجلدختم اورمعمول کی زندگی کی طرف لوٹیں، بہت ملکوں کےاقدامات سےمرض کاپھیلاؤکم ہوالیکن رکانہیں جبکہ کچھ ملکوں میں معیشت دوبارہ کھلنےپرکیسزمیں اضافہ ہورہاہے۔

    ڈاکٹرٹیڈروس نے کہا کہ چین سے کیسزرپورٹ ہونے کے کل6ماہ مکمل ہورہے ہیں ، 6 ماہ پہلے کسی نےسوچانہ تھاکہ کوروناہماری دنیامیں افراتفری پیدا کرے گا، آئندہ ماہ ٹیم وائرس کے آغاز کی تحقیقات کیلئے چین جائے گی۔

    عالمی ادارہ صحت کے سربراہ کا مزید کہنا تھا کہ وبائی مرض کاپھیلاؤدرحقیقت تیزہورہاہے اور یہ انسانیت کی سب سےبہترین اوربدترین حالت سامنےلایا ہے۔

  • کورونا وائرس ، ایئر لائنز کی عالمی تنظیم ایاٹا نے ٹریول ایڈ وائزری جاری کردی

    کورونا وائرس ، ایئر لائنز کی عالمی تنظیم ایاٹا نے ٹریول ایڈ وائزری جاری کردی

    اسلام آباد : ایئر لائنز کی عالمی تنظیم ایاٹا نے فضائی آپریشن کے لئے نئی حکمت عملی تیارکرتے ہوئے ٹریول ایڈ وائزری جاری کردی، جس میں ایئرلائنزکو مسافروں کا مکمل ڈیٹا جمع کرنے کی ہدایت کی ہے۔

    تفصیلات کے مطابق ایئر لائنز کی عالمی تنظیم ایاٹا نے کورونا کے پھیلاؤکی روک تھام کے بعد فضائی آپریشن کے لئے نئی حکمت عملی تیار کرلی اور؎ ٹریول ایڈ وائزری جاری کردی۔

    جس میں عالمی ایئر ٹرانسپورٹ ایسوسی ایشن نے ایئرلائنزکو مسافروں کا مکمل ڈیٹا جمع کرنے کی ہدایت کرتے ہوئے کہا کہ ایئرلائنز مسافروں کو ٹکٹ کی فروخت سے قبل ان کے رابطوں کی تفصیل الگ سے جمع کی جائیں اور ٹکٹ کی فروخت سے قبل ٹریول ایجنٹس مسافروں کی مکمل تفصیلات مرتب کریں گے۔

    ایاٹا کا کہنا تھا کہ بیرون ممالک سفر کرنے والوں کا اب پبلک ہیلتھ پیسنجرلوکیٹر فارم بھی مکمل کیا جائے گا۔

    مزید پڑھیں : کورونا وائرس: بیرون ملک سفر کرنے والے مسافروں کیلئے نقشہ متعارف

    یاد رہے ایئر لائنز کی عالمی تنظیم ایاٹا انٹرنیشل ائیر ٹرانسپورٹ ایسوسی ایشن نے بین الاقوامی فلائٹ آپریشن سے متعلق نقشہ متعارف کرایا تھا ، بین الاقوامی پروازوں کے نقشے میں ان ملکوں اور شہروں کی نشاندھی کی جا سکے گی، جہاں فضائی آپریشن جاری ہے۔

    ایاٹا سفری نقشے کو ہر 15 منٹ بعد اپ ڈیٹ کرے گا، اس نقشے کا مقصد بیرون ملک سفر کر نے والے مسافروں کی رہنمائی کر نا ہے اور عالمی وباء کورونا وائرس کے دوران سفری طریقہ کار میں کیا تبدیلیاں ہوئی ہیں ، مسافروں کو اپ ڈیٹ رکھا جائے گا۔

    بین القوامی پروازوں سے سفر سے متعلق قوانین میں روزانہ کی بنیاد پر ہونے والی تبدیلی سے متعلق بھی باخبر رکھا جائے گا جبکہ اس نقشے میں بتایا جائے گا کہ سرحدوں میں داخلے اور پروازوں کے آپریٹ ہونے سے متعلق مختلف ممالک اپنے قوانین بھی تبدیل کررہے ہیں اور سفری کیا پابندیاں عائد ہیں۔

  • پاکستان میں کورونا مریضوں کی جان بچانے والی دوا ‘ڈیکسا میتھازون’ کی قیمتوں میں 100 گنا اضافہ

    پاکستان میں کورونا مریضوں کی جان بچانے والی دوا ‘ڈیکسا میتھازون’ کی قیمتوں میں 100 گنا اضافہ

    کراچی : ادویات ساز اداروں اور ڈسٹری بیوٹرز نے کورونا مریضوں کی جان بچانے والی دوا ‘ڈیکسا میتھازون کی قیمتوں میں 100گنا اضافہ کردیا، ہولسیل فارما آرگنائزیشن نے حکومت سے مطالبہ کیا ہے کہ ادویات غائب ہونے کا نوٹس لے اور عناصر کو پکڑا جائے۔

    تفصیلات کے مطابق ایکٹیمرا کے بعد ڈیکسامیتھازون کا بغیر نسخے استعمال شروع ہوتے ہی ادویات ساز ادراوں اور ڈسٹری بیوٹرز کی ملی بھگت سے ہول سیل اور ریٹیل مارکیٹ میں جان بچانے والی ادویات کے ساتھ ساتھ کرونا مریضوں کو لگنے والے انجکشن ایکٹیمرا اور ڈیکسامیتھازون کی قیمتوں میں ایک سو گنا اضافہ ہوگیا۔

    ہول سیل کیمسٹ کونسل آف پاکستان کے صدر عاطف بلو کہنا ہے کہ کمشنر کراچی کو صورتحال سے آگاہ کردیا ہے کہ ادویات کی قلت اور نرخوں کے اضافے کے ذمہ دار ہول سیل ادویات فروش نہیں بلکہ ادویات ساز کمپنیاں اور ان کے مخصوص سٹریبیوٹرزہیں۔

    زبیر میمن صدر ہولسیل فارما آرگنائزیشن نے حکومت سے مطالبہ کیا ہے کہ کورونا مریضوں کو لگنے والے انجکشن کے غائب ہونے کا نوٹس لے۔ انجکشن بلیک کرنے والے عناصر کو پکڑا جائے اور انجکشن میڈیسن مارکیٹوں کو بھی سپلائی کی جائے۔

    دوسری جانب ادویات کے تاجروں کا کہنا ہے کہ ہول سیل مارکیٹوں میں ادویات کی قیمتوں میں کسی قسم کو ئی اضافہ نہیں کیا گیا ہے، کمپنیوں نے مارکیٹوں میں ادویات کی مصنوعی قلت پیدا کرکے ہول سیلرز کو بھی یہ ادویات پوری قیمتوں میں سپلائی کی جارہی ہے اور ہول سیلرز مقررہ قیمت پر ہی فروخت کررہے ہیں ۔

  • وزیراعظم کا کورونا صورتحال پر آج پھر قوم کو اعتماد میں لینے کا فیصلہ

    وزیراعظم کا کورونا صورتحال پر آج پھر قوم کو اعتماد میں لینے کا فیصلہ

    اسلام آباد : وزیراعظم عمران خان نے کوروناصورتحال پرآج قوم کواعتمادمیں لینےکافیصلہ کرلیا ، وزیراعظم کی گفتگوسرکاری ٹی وی پرنشرکی جائے گی۔

    تفصیلات کے مطابق وزیراعظم عمران خان کی زیرصدارت کوروناصورت حال پراجلاس ہوا، جس میں وزیراعظم نے کوروناصورتحال پرآج قوم کواعتمادمیں لینےکافیصلہ کرلیا ، وزیراعظم کی گفتگوسرکاری ٹی وی پرنشرکی جائے گی۔

    یاد رہے دو روز قبل وزیراعظم عمران خان نے کرونا کی صورتحال پر قوم سے خطاب کرتے ہوئے کہا تھا کہپاکستان میں جولائی کے آخر اور اگست میں کرونا کے کیسز عروج پر ہوں گے، ہم سب احتیاط کریں تو پاکستان تباہی سے بچ جائے گا اور اگر احتیاط نہ کی تو بہت مشکل وقت آنے والا ہے۔

    وزیراعظم کا کہنا تھا کہ لاک ڈاؤن کا مطلب یہ نہیں ہوتا کہ کرونا وائرس ختم ہوجائے گا، لاک ڈاؤن سے کرونا وائرس کا تیزی سے پھیلاؤ کم ہوجاتا ہے، جہاں زیادہ لوگ جمع ہوتے ہیں وہاں وائرس تیزی سے پھیلتا ہے، لاک ڈاؤن کی وجہ سے محنت کش، غریب لوگ مشکل وقت سے گزرے۔

    مزید پڑھیں : پاکستان میں جولائی کے آخر میں کرونا کیسز عروج پر ہوں گے، وزیراعظم

    عمران خان نے کہا تھا کہ امیرممالک نے بھی فیصلہ کیا لاک ڈاؤن اس کا مستقل حل نہیں، امریکا جیسے ملک میں ایک لاکھ سے زائد لوگ کرونا سے مر چکے ہیں، امریکا میں بھی لاک ڈاؤن میں ایس او پیز کے ساتھ نرمی کی گئی ہے، ایس او پیز پر عملدرآمد کرکے ہی کاروبار کو بھی چلایا جاسکتا ہے۔

    ان کا کہنا تھا کہ ہمیں معلوم ہے کرونا پھیلے گا مگر ہم اس کی رفتار کم رکھنا چاہتے ہیں، کوشش ہے پاکستان میں کرونا تیزی کے بجائے آہستہ سے اوپر جائے، کرونا کی رفتار کم کرنے کی وجہ ہمارے صحت کے نظام کو بہتر بنانا ہے، کرونا کی رفتار کم نہ ہوئی تو صحت کے نظام پر دباؤ بڑھ جائے گا۔

    ان کا کہنا تھا کہ ہماری کوشش ہے کہ ڈھائی ماہ میں کرونا کی صورتحال قابو میں رہے، کرونا کی وجہ سے مختلف امراض کے لوگوں کو خطرہ ہے، بے احتیاطی کی تو سب کی زندگی اور ملک کو خطرے میں ڈالیں گے۔

  • کورونا پورے پاکستان میں پھیل چکا ہے، ڈبلیو ایچ او کا الرٹ

    کورونا پورے پاکستان میں پھیل چکا ہے، ڈبلیو ایچ او کا الرٹ

    لاہور :عالمی ادارے صحت (ڈبلیو ایچ او) کا کہنا ہے کہ اس وقت تک کورونا پورے پاکستان میں پھیل چکا ہے، کورونا سے سب سے زیادہ متاثر شہروں میں کراچی اور لاہور شامل ہیں۔

    تفصیلات کے مطابق نے کوروناوائرس کی صورتحال پر حکومت پنجاب کو خط لکھا، جس میں کہا گیا پاکستان میں کورونا کاپہلامریض 26فروری2020میں سامنے آیا، اس وقت تک کورونا پورے پاکستان میں پھیل چکا ہے، لاک ڈاؤن میں نرمی سےکورونا کے پھیلاؤ میں اضافہ ہوا۔

    خط کے متن میں کہا گیا کورونا سےمتاثر شہروں میں سب سے زیادہ کراچی ،لاہورشامل ہیں، کورونا سے بچاؤ کیلئےٹیسٹنگ صلاحیت میں اضافہ ناگزیر ہے۔

    یاد رہے وزیر صحت پنجاب کا کہنا تھا کہ ڈبلیو ایچ او کا الرٹ خط آیا ہے ، ڈبلیو ایچ او نے ایس او پیز پرعمل درآمد کرانے کا کہا ہے، ڈبلیو ایچ او جو مرضی کہے ہمیں مریضوں کا علاج بھی کرنا ہے۔

    خیال رہے ورلڈ ہیلتھ آرگنائزیشن کے سربراہ ڈاکٹر ٹیڈروس نے پریس بریفنگ میں دنیا کو خبردار کیا کہ گزشتہ 9 دن روزانہ 1 لاکھ سے زیادہ کیسز رپورٹ ہوئے، گزشتہ روز 75 فی صد کیسز صرف 10 ممالک میں سامنے آئے، یہ کیسز امریکی اور جنوبی ایشائی ممالک سے رپورٹ ہوئے ہیں۔

    ڈاکٹر ٹیڈروس کا کہنا تھا کہ یورپ کی صورت حال میں بہتری آنے لگی ہے اور اب باقی دنیا کی کرونا صورت حال تشویش ناک ہو گئی ہے، ادارے نے وائرس کے دوبارہ پھیلاؤ پر بھی گہری نظر رکھی ہوئی ہے، ایک بار پھر سب کو گھر پر رہنے کا مشورہ دیتے ہیں۔

  • کورونا کی تازہ صورتحال ، وزیراعظم کا قوم کو ایک بار پھر اعتماد میں لینے کا فیصلہ

    کورونا کی تازہ صورتحال ، وزیراعظم کا قوم کو ایک بار پھر اعتماد میں لینے کا فیصلہ

    اسلام آباد : وزیراعظم عمران خان نے کورونا وائرس کی تازہ صورتحال پر قوم کو ایک بار پھر اعتماد میں لینے کا فیصلہ کرلیا، جس میں عمران خان عوام سے اہم گفتگو کریں گے۔

    تفصیلات کے مطابق وزیراعظم عمران خان کی زیرصدارت کورونا وائرس کی تازہ صورتحال پر اہم اجلاس ہوا، جس میں وزیراعظم عمران خان کا قوم کو ایک بار پھر اعتماد میں لینے کا فیصلہ کرلیا۔

    وزیراعظم عمران خان اجلاس کے بعد عوام سے اہم گفتگو کریں گے ، سرکاری ٹی وی وزیراعظم کی اہم گفتگو کچھ دیر بعد نشر کرے گا۔

    مزید پڑھیں : لاک ڈاؤن کا مطلب معیشت کی تباہی ہے، وزیراعظم

    گذشتہ روز وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں کہا تھا کہ لاک ڈاؤن کا مطلب معیشت کی تباہی ہے، کچھ اشرافیہ جو کشادہ مکانات میں رہتی ہے لاک ڈاؤن کی خواہاں ہے۔

    عمران خان کا کہنا تھا کہ ایک طرف عوام ہیں جو کرونا کو سنجیدگی سے نہیں لے رہے ہیں دوسری طرف ہمارے فرنٹ لائنز ڈاکٹرز اور عملہ خطرے میں ہے، عوام کرونا کی شدت اور ایس او پیز پر سختی سے عملدرآمد کی ضرورت کو سمجھیں۔

    وزیراعظم نے کہا تھا کہ اسمارٹ لاک ڈاؤن ایس او پیز کے ساتھ معاشی سرگرمی کی اجازت دیتا ہے، ہم اسمارٹ لاک ڈاؤن کے بانیوں میں شامل ہیں، سول سوسائٹی، میڈیا، علما، ٹائیگر فورس عوام میں شعور بیدار کریں۔