Tag: caronavirus

اسلام آباد : وزیراعظم عمران خان کا کہنا ہے کہ پاکستان کرونا وائرس کی دلدل میں پھنس گیا تو مشکل صورت حال ہوگی ، ہمارے پاس صحت کی سہولیات نہیں ہیں ، نازک صورت حال کا سامنا کرنے والے ہمارے جیسے ممالک کو قرض معافی جیسی سہولت فراہم ہونی چاہئے۔

تفصیلات کے مطابق وزیراعظم عمران خان نے کرونا وائرس سے متعلق بیان میں کہا ہے کہ پاکستان وائرس کی دلدل میں پھنس گیا تو مشکل صورت حال ہوگی، ہماری صحت کی سہولیات وائرس کا مقابلہ نہیں کر سکیں گی۔

وزیراعظم کا کہنا تھا کہ ایسی صورت حال صرف پاکستان میں ہی نہیں، بھارت اور برصغیر میں بھی ہو گی، وائرس پھیلا تو ہم سب خطرے میں ہوں گے، ہمارے پاس صحت کی سہولیات نہیں ہیں ، ہمارے پاس وسائل بھی محدود ہیں۔

عمران خان نے کہا کہ وائرس کے معیشت پر ممکنہ اثرات کا بھی جائزہ لے رہے ہیں ، مجھے تشویش غربت اور بھوک کے معاملے پر ہے، معاملے کی سنجیدگی کے پیش نظر عالمی کمیونٹی کو بھی سوچنا ہو گا۔

ان کا کہنا تھا کہ نازک صورت حال کا سامنا کرنے والے ہمارے جیسے ممالک کو قرض معافی جیسی سہولت فراہم ہونی چاہئے، یہ ہمیں وائرس سے مقابلہ کرنے میں مدد دے سکے گی۔

ایران کی صورتحال پر وزیراعظم نے کہا کہ ایران میں جو کچھ ہو رہا ہے اس پر بہت تشویش ہے ، ایران جیسے ممالک سے صورت حال کے پیش نظر پابندیاں ختم ہونی چاہئیے کیونکہ ایران انتہائی مشکل صورت حال سے گزر رہا ہے۔

مزید پڑھیں : وزیر اعظم نے کرونا سے ترقی پذیر اقوام کی تباہی کا خدشہ ظاہر کر دیا

یاد رہے وزیر اعظم عمران خان نے امریکی خبر ایجنسی کو انٹرویو دیتے ہوئے کہا تھا کہ انھیں خدشہ ہے کہ نیا کرونا وائرس ترقی پذیر ممالک کی معیشتوں کو تباہ کر دے گا، دولت مند معیشتیں دنیا کے غریب ترین ممالک کے قرضوں کو معاف کرنے کے لیے تیار ہو جائیں۔

وزیر اعظم عمران خان کا کہنا تھا کہ دنیا پاکستان جیسے دیگر ممالک کا قرضہ معاف کرنے کے بارے میں سوچے، اس اقدام سے ہمیں کرونا سے نمٹنے میں مدد ملے گی، کرونا اگر پاکستان میں پھیلا تو معیشت بحال کرنے کی ہماری کوشش کو سنگین نقصان پہنچے گا۔

ان کا کہنا تھا کہ ہمارے پاس طبی سہولتیں اتنے بڑے بحران سے نمٹنے کے لیے ناکافی ہیں، آئی ایم ایف کا قرضہ پاکستان کے لیے معاشی بوجھ بن جائے گا۔

اسلام آباد: وزیراعظم عمران خان آج قوم سے خطاب کریں گے، خطاب میں عمران خان کرونا وائرس سے متعلق قوم کو اعتماد میں لیں گے اور حکومتی اقدامات سے متعلق آگاہ کریں گے۔

تفصیلات کے مطابق کرونا وائرس کی صورتحال کے پیش نظر وزیراعظم عمران خان آج قوم سے خطاب کریں گے ، وزیراعظم ہاؤس میں خطاب کی ریکارڈنگ کےانتظامات شروع کردیئے گئے ہیں۔

ذرائع کا کہنا ہے کہ سرکاری ٹی وی وزیر اعظم کا قوم سے خطاب نشر کرے گا، خطاب میں وزیراعظم کرونا وائرس سے متعلق قوم کو اعتماد میں لیں گے اور حکومتی اقدامات سے متعلق آگاہ کریں گے۔
.
ذرائع کے مطابق خطاب میں وزیر اعظم قوم سے احتیاطی تدابیر پر بات کریں گے اور قوم کوموجودہ صورتحال سےبھی آگاہ کریں گے۔

مزید پڑھیں : وزیر اعظم نے کرونا سے ترقی پذیر اقوام کی تباہی کا خدشہ ظاہر کر دیا

یاد رہے وزیر اعظم عمران خان نے امریکی خبر ایجنسی کو انٹرویو دیتے ہوئے کہا تھا کہ انھیں خدشہ ہے کہ نیا کرونا وائرس ترقی پذیر ممالک کی معیشتوں کو تباہ کر دے گا، دولت مند معیشتیں دنیا کے غریب ترین ممالک کے قرضوں کو معاف کرنے کے لیے تیار ہو جائیں۔

وزیر اعظم عمران خان کا کہنا تھا کہ دنیا پاکستان جیسے دیگر ممالک کا قرضہ معاف کرنے کے بارے میں سوچے، اس اقدام سے ہمیں کرونا سے نمٹنے میں مدد ملے گی، کرونا اگر پاکستان میں پھیلا تو معیشت بحال کرنے کی ہماری کوشش کو سنگین نقصان پہنچے گا۔

ان کا کہنا تھا کہ ہمارے پاس طبی سہولتیں اتنے بڑے بحران سے نمٹنے کے لیے ناکافی ہیں، آئی ایم ایف کا قرضہ پاکستان کے لیے معاشی بوجھ بن جائے گا۔