اسلام آباد: سپریم کورٹ کا فل بنچ آج فوجی عدالتوں کے قیام کے خلاف اکیسویں آئینی ترمیم کیس کی سماعت کرے گا۔
چیف جسٹس پاکستان ناصر الملک کی سربراہی میں فل بنچ فوجی عدالتوں کے قیام کے خلاف اکیسویں آئینی ترمیم کیس کی اہم سماعت کریگا، آئینی ترمیم کیخلاف دائر درخواستوں پر وفاق کے جواب پر جرح کی جائے گی۔
جسٹس دوست محمدخان کے چچا کے انتقال کے باعث گزشتہ سماعت بغیرکارروائی کے آج تک کیلئے ملتوی کردی گئی تھی، اکیسویں ترمیم کے خلاف اس کیس کو خصوصی اہمیت دی جا رہی ہے۔
اس سے قبل سپریم کورٹ نے فوجی عدالتوں سے سنائی جانے والی 6 مجرمان کی سزائے موت معطل کر دی تھی۔
