Tag: case ki samaat

اسلام آباد : الیکشن کمیشن نے وفاقی وزیر ریلوے خواجہ سعدرفیق کی انتخابی ضابطہ اخلاق کی خلاف ورزی پر عدالت میں پیش نہ ہونے پر مزید سماعت چودہ جنوری تک ملتوی کر دی۔

قومی اسمبلی کے حلقہ این اے ایک سو بائیس میں انتخابی ضابطہ اخلاق کی خلاف ورزی پررکن قومی اسمبلی عبدالرحمان کانجو نے انتخابی ضابطہ اخلاق کی خلاف ورزی پر الیکشن کمیشن میں جواب جمع کرا دیا کانجو نے جہانگیر ترین کی جانب سے لگائے گئے الزامات کومسترد کر دیا۔

علاوہ ازیں الیکشن کمیشن نے خانیوال میں ضابطہ اخلاق خلاف ورزی کیس میں آر او ،ڈی آر او کے فیصلے سے متعلق درخواست کی سماعت تئیس دسمبر تک ملتوی کر دی۔

چیف الیکشن کمشنر سردار رضا خان کی سربراہی میں پنجاب بلدیاتی انتخابات میں انتخابی ضابطہ اخلاق کیس کی سماعت ہوئی ،چیف الیکشن کمشنر نے ریماکس دئیے کہ عوامی نمائندگی ایکٹ میں واضح لکھا ہے کہ آر ‘ او ڈی آر او کے فیصلوں کو ہائی کورٹ میں چیلنج نہیں کیا جا سکتا۔

آر او ڈی آر کی خط و کتابت اور رابطوں کو بھی اب ہائی کورٹ میں چیلینج کیا جانے لگا ہے، چیف الیکشن کمشنر نے وکلاء کو تنبیہ کی کہ وکلاء ہائی کورٹ جانے سے قبل عوامی نمائندگی ایکٹ کو کم از کم ایک بار پڑھ لیا کریں۔

وکلاء درست ہیں غلطی صرف الیکشن کمیشن ہی کرتا ہے،چوہدری وحید سردار سندھو نے آر اوڈی آر او کے فیصلوں کے خلاف لاہور ہائی کورٹ میں بھی درخواست دائر کی ہوئی ہے۔