Tag: cashew nuts

  • کاجو کیسے تیار کیے جاتے ہیں؟ معلوماتی ویڈیو وائرل

    کاجو کیسے تیار کیے جاتے ہیں؟ معلوماتی ویڈیو وائرل

    کاجو ایک ایسا خشک میوہ ہے جسے تقریباً دنیا کا ہر شخص بہت شوق سے کھانا پسند کرتا ہے، یہ سفید گری دار میوہ نمکین کھانوں میں ذائقہ بڑھانے کے طور پر بھی استعمال کیا جاتا ہے۔

    یہ مزیدار خشک میوہ درختوں پر ایسے ہی تیار نہیں ہوجاتا جیسے کہ ہم اسے بازار سے خرید کر کھاتے ہیں اس کیلیے اسے مختلف مراحل سے گزار کر تیار کیا جاتا ہے۔

    سوشل میڈیا پر وائرل ہونے والی ایک ویڈیو میں دکھایا گیا ہے کہ کاجو کو کن مراحل سے گزار کر تیار کیا جاتا ہے۔ مذکورہ ویڈیو نے انسٹاگرام صارفین کو حیران کر دیا۔

    بھارتی فوڈ بلاگر سلونی بوتھرا نے اپنے انسٹاگرام اکاؤنٹ پر ایک ویڈیو پوسٹ کی ہے جس میں ریاست آسام میں کاجو پروسیسنگ پلانٹ دکھایا گیا ہے۔ ویڈیو میں دیکھا جاسکتا ہے کہ سب سے پہلے کاجو کو سورج کی روشنی میں کچھ دنوں تک رکھا جاتا ہے تاکہ وہ سوکھ جائیں۔

    پھر گری دار میوے کو ان کے خول سے الگ کیا جاتا ہے جس کے بعد ان کاجوؤں کو مشین کے ذریعے سے صاف کرکے ان کے سائز کے مطابق الگ الگ کیا جاتا ہے۔ آخری مرحلے میں کاجو کو بھوننے کے لیے بڑی سی ٹرے میں تندور میں رکھ دیا جاتا ہے اور پھر اسے پیک کرکے بازاروں میں فروخت کیلئے روانہ کیا جاتا ہے۔

    یہ ویڈیو انسٹا گرام پر پوسٹ ہوتے ہیں وائرل ہوگئی اور 57 ملین سے زیادہ صارفین نے اسے پسند کیا اور اپنی رائے کا اظہار کیا۔ ایک صارف کا کہنا تھا کہ میں پہلی بار میں کاجو بنانے کے اس پیچیدہ عمل کو دیکھ رہا ہوں، جس سے یہ سمجھ میں آتا ہے کہ یہ مہنگا کیوں ہے۔

  • کاجو کا استعمال ذیابطیس کے مریضوں کیلئے مفید ہے

    کاجو کا استعمال ذیابطیس کے مریضوں کیلئے مفید ہے

    طبی ماہرین کے مطابق ذیابیطس کے شکار لوگوں کی بڑی تعداد کومعلوم ہی نہیں ہے کہ وہ اس سنگین مرض کا شکار ہیں، کاجو کا استعمال ذیابطیس میں مبتلا افراد کےعلاج میں مددگار ثابت ہوتا ہے۔

    طبی ماہرین کے مطابق کاجو کا استعمال ذیابطیس کے علاج میں انتہائی اہم کردار ادا کرتا ہے، ماہرین کا کہنا ہے کہ کاجو میں ایسے قدرتی اجزاء پائے جاتے ہیں، جو خون میں موجود انسولین کو عضلات کے خلیوں میں جذب کرنے کی بھر پور صلاحیت رکھتے ہیں۔

    کاجو میں ایسے ”ایکٹو کمپاونڈز“ پائے جاتے ہیں، جو ذیابطیس کو بڑھنے سے روکنے میں انتہائی اہم کردار ادا کرتے ہیں۔

    طبی ماہرین کے مطابق کاجو میں موجود پوٹاشیم جسم میں موجود شکر کی سطح کو برقرار رکھنے میں مدد فراہم کرتی ہے۔