ملک بھر میں آج عام انتخابات کے لیے ملک بھر میں پولنگ کا آغاز ہوچکا ہے، پاکستان کی متعدد شوبز شخصیات نے بھی ووٹ کاسٹ کردیا ہے۔
پاکستان کے بارہویں اور ملکی تاریخ کے سب سے بڑے عام انتخابات کیلئے پولنگ کا عمل جاری ہے، ملک بھر میں پولنگ کا عمل بغیر کسی وقفے کے صبح 8 بجے سے شام 5 بجے تک جاری رہے گا۔
الیکشن 2024 پاکستان: پولنگ کی مکمل کوریج اور معلومات – لائیو
جہاں ملک بھر سے کئی بزرگ شخصیات اپنا کاسٹ کرنے باہر نکلیں ہیں وہی دوسری جانب پاکستان کے متعدد شوبز شخصیات نے بھی اپنا ووٹ کاسٹ کردیا ہے۔
پاکستان کے معروف و سینئر اداکارہ حنا خواجہ بیان نے انسٹاگرام پر اپنی ویڈیو شیئر کی جس میں انہوں نے کہا کہ الحمداللہ میں نے اپنا ووٹ ڈال دیا ہے آپ بھی تاخیر نہ کریں گھروں سے نکلیں اور اپنا ووٹ کاسٹ کریں۔
اداکارہ نے کہا کہ پولنگ اسٹیشن جانے سے پہلے اپنے حلقے کی تمام معلومات کاغذ پر لکھ لیں اور اپنا اصلی شناختی لازمی ساتھ لیکر جائیں۔
پاکستان کی معروف اداکارہ عائزہ خان نے فوٹو اینڈ ویڈیو شیئرنگ ایپ انسٹاگرام پر کار میں لی گئی سیلفی شیئر کی ہے، انہوں نے کیپشن میں الیکشن سے متعلق لوگوں کو آگاہ کیا ہے۔
پاکستان کی سینئر اداکارہ ثناء فخر نے بھی سیاحی لگے انگوٹھے کیساتھ تصویر شیئر کی اور کیپشن میں مداحوں سے پوچھا کہ ’آپ کونسی جماعت کو ووٹ دیں گے‘۔
پاکستانی اداکار حمزہ علی عباسی نے بھی ووٹ کاسٹ کرنے کے بعد اپنی اور انگوٹھے کی تصویر شیئر کرتے ہوئے’ووٹ’ کا الفاظ تحریر کیا۔
اس کے علاوہ اداکار عثمان خالد بٹ نے بھی ووٹ کاسٹ کرنے کے بعد تصویر مداحوں کیساتھ شیئر کی، کیپشن میں انہوں نے مداحوں کو پیغام دیا کہ پولنگ اسٹیشن کے اندر موبائل فون، ڈیجیٹل واچز اور کاغذ پر لکھا ہوا حلقہ نمبر، شماریاتی بلاک کوڈ وغیرہ بھی آپکو اندر لے جانے کی اجازت نہیں۔
