کوئٹہ : ملک بھر میں ہونے والی حالیہ بارشوں اور اس کے نتیجے میں ہونے سیلاب کی تباہ کاریاں تاحال جاری ہیں۔
پراونشل ڈیزاسٹر مینجمنٹ اتھارٹی (پی ڈی ایم اے) کے مطابق گزشتہ24گھنٹے کے دوران صوبہ بلوچستان میں بارش وسیلاب سے مزید4اموات رپورٹ ہوئی ہیں۔
پی ڈی ایم اے نے بارشوں سے نقصانات سے متعلق رپورٹ جاری کردی، رپورٹ میں بتایا گیا ہے کہ اب تک بلوچستان میں جاں بحق ہونے والے افراد کی تعداد259ہوگئی۔
جاں بحق ہونے والے افراد میں125مرد،59خواتین اور75بچے شامل ہیں، اموات بولان، کوئٹہ، ژوب، دکی، خضدارمیں ہوئیں جبکہ کوہلو، کیچ، مستونگ، ہرنائی، قلعہ سیف اللہ اور سبی میں بھی ہلاکتیں سامنے آئی ہیں۔
پی ڈی ایم اے کے مطابق بارشوں کے دوران حادثات کا شکار ہوکر164افراد زخمی ہوئے، زخمیوں میں86مرد،35خواتین اور43بچے شامل ہیں۔
رپورٹ میں بتایا گیا ہے کہ صوبے میں63ہزار68مکانات منہدم اور جزوی نقصان کا شکار ہوئے، بارشوں میں1500کلومیٹر پر مشتمل مختلف سڑکیں بھی متاثرہوئیں۔
پی ڈی ایم اے کے مطابق بارشوں کے باعث مختلف مقامات پر18پل ٹوٹ چکے ہیں، بارشوں سے2لاکھ59ہزار63مال مویشی مارے گئے ہیں۔
پی ڈی ایم اے کی جاری رپورٹ میں مزید بتایا گیا ہے کہ دولاکھ811ایکڑ زمین پر فصلیں، سولرپلیٹس، ٹیوب ویلز اور بورنگ کو نقصانات ہوئے ہیں۔
