ARYNews.tv | Urdu – Har Lamha Bakhabar

Tag: cat

  • لاہور: بلی چوری کی انوکھی واردات، ویڈیو دیکھیں

    لاہور: بلی چوری کی انوکھی واردات، ویڈیو دیکھیں

    لاہور: پنجاب کے دارالحکومت میں واقع مغلپورہ کے علاقے میں چوری کی انوکھی واردات سامنے آئی کہ جب موٹرسائیکل پر سوار فیملی پالتو اور قیمتی بلی کو پکڑ کر فرار ہوگئی، واقعے کی سی سی ٹی وی فوٹیج اے آر وائی کو موصول ہوگئی۔

    تفصیلات کے  مطابق لاہور میں اسٹریٹ کرائم کا جن اس حد تک بے قابو ہوگیا کہ اب جانور بھی جرائم پیشہ عناصر سے محفوظ نہیں رہ سکے ، صوبائی دارالحکومت میں موٹرسائیکل ،گاڑی اور موبائل فونز کے ساتھ اب پالتو بلیاں بھی چوری ہونے لگیں۔

    اے آر وائی نیوز کو موصول ہونے والی سی سی ٹی وی فوٹیج میں دیکھا جاسکتا ہے کہ بلی سڑک پر ٹہل رہی تھی کہ اسی دوران ایک موٹر سائیکل سوار اُس کے پاس  رکا جس پر ایک خاتون کو بچہ بھی سوار تھے۔ موٹر سائیکل سوار نے پلک جھپکتے ہی بلی کو پکڑا اور بائیک لے گیا۔

    مزید پڑھیں: خطرناک قیدیوں کی سہولت کار بلی گرفتار

    یہ بھی دیکھیں: اپنے لیے خود خریداری کرنے والی حیرت انگیز بلی، ویڈیو دیکھیں

    مالک ملک عمران نامی شہری کا کہنا ہے کہ میری پالتو بلی گھر کے باہر ٹھل رہی تھی کہ موٹرسائیکل پر سوار فیملی اُسے چوری کر کے فرار ہوگئی۔ سی سی ٹی وی  فوٹیج میں موٹرسائیکل سوار فیملی کو بلی اٹھا کر فرار ہوتے دیکھا جاسکتا ہے ۔

    ویڈیو دیکھیں

    علاوہ ازیں لاہور میں ہونے والی دیگر اسٹریٹ کرائمز کی ویڈیوز

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اپنے لیے خود خریداری کرنے والی حیرت انگیز بلی، ویڈیو دیکھیں

    اپنے لیے خود خریداری کرنے والی حیرت انگیز بلی، ویڈیو دیکھیں

    انقرہ: کیا پالتو جانور خریداری کرسکتے ہیں؟ اس بات کو عقل تو تسلیم نہیں کرتی تاہم ترکی کی ایک بلی نے خود شاپنگ کر کے سب کو ورطہ حیرت میں ڈال دیا۔

    خریداری کے لیے ضروری ہے کہ گاہگ دکان پر جاکر اپنی مطلوبہ چیز دکاندار سے طلب کرے اور پھر اُس کی رقم ادا کرکے وہاں سے اپنے مذکورہ مقام کی طرف روانہ ہوجائے۔ ویسے تو دنیا بھر میں موجود بازاروں یا دکانوں سے انسان ہی خریداری کرتے ہیں مگر ترکی سے تعلق رکھنے والی ذہین بلی نے خود سے خریداری کرکے سب کو حیران کردیا۔

    فیس بک پر شیئر ہونے والی ویڈیو میں دیکھا جاسکتا ہے کہ ایک بلی گوشت کی دکان میں داخل ہوئی اور انسانوں کی طرح دو ٹانگوں پر کھڑے ہوکر اُس نے اپنے دونوں پنجے کاؤنٹر (شوکیس) پر رکھ دیے۔

    دکاندار نے بلی کو مخاطب کر کے پوچھا کہ اُسے کیا چیز چاہیے اور باری باری اُسے مختلف گوشت کے ٹکڑے دکھائے جس پر اُس نے کوئی ردعمل نہیں دیا تاہم جیسے ہی مالک نے اُسے گوشت کا ایک ٹکڑا دکھایا تو اُس نے اپنے پنجے ہلائے۔

    ویڈیو میں دیکھا جاسکتا ہے کہ بلی نے اپنے پنجے اس طریقے سے ہلائے جیسے وہ یہی گوشت لینے کی خواہش مند تھی جسے دکاندار نے دکھایا، دکاندار نے ٹکڑے میں سے ایک چھوٹا سا حصہ کاٹ کر بلی کو دیا تو اُس نے مزے لے کر اُسے کھالیا۔

    ویڈیو دیکھیں

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کیا آپ ’چیتا بلی‘ کے بارے میں جانتے ہیں؟

    کیا آپ ’چیتا بلی‘ کے بارے میں جانتے ہیں؟

    کیا آپ نے ’چیتا بلی‘ کا نام سنا ہے؟

    جنگلی بلی کی ایک نسل چیتے سے مشابہت کے باعث چیتا بلی کہلاتی ہے۔ یہ جنوب اور مشرقی ایشائی ممالک میں پائی جاتی ہے۔

    یہ بلی جسامت میں عام بلی جیسی ہی ہوتی ہے تاہم یہ تھوڑی سی دبلی ہوتی ہے اور اس کا سر بھی عام بلیوں کے مقابلے میں چھوٹا ہوتا ہے۔

    چیتا بلی کی نسل عام بلیوں کے مقابلے میں کم ہے لہٰذا اس کے تحفظ کے لیے اقدامات بھی جاری ہیں۔

    چین کی جنگ ژینگ کاؤنٹی میں بھی ایسی ہی ایک ننھی سی چیتا بلی کو پھرتے دیکھا گیا جس کے بعد ایک گاؤں والا اسے اٹھا کر اپنے گھر لے آیا۔

    کئی دن تک اس کی پرورش کرنے کے بعد اسے اندازہ ہوا کہ یہ عام بلی نہیں اور کسی خاص جنگلی نسل سے تعلق رکھتی ہے جس کے بعد وہ بلی کو لے کر پولیس کے پاس پہنچ گیا۔

    پولیس نے فوراً ہی پہچان لیا کہ یہ ’چیتا بلی‘ ہے جس کی عمر ایک ماہ ہے۔ پولیس کا کہنا ہے کہ ممکنہ طور پر یہ بچہ اس وقت اپنے ٹھکانے سے باہر نکل آیا جب اس کی ماں خوراک کی تلاش کے لیے باہر گئی ہوگی۔

    عالمی ادارہ برائے تحفظ فطرت آئی یو سی این نے اس بلی کو تیسرے درجے کی حفاظتی فہرست میں رکھا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • دو رنگی آنکھوں والی جڑواں بلیاں

    دو رنگی آنکھوں والی جڑواں بلیاں

    بلیاں کسے پسند نہیں ہوتیں۔ سفید، بھوری، نارنجی رنگوں کی خوبصورت اور صاف ستھری بلیوں کو ہر شخص پسند کرتا ہے۔

    روس کے شہر پیٹرس برگ میں ایک شخص کے پاس ایسی سفید بلیاں موجود ہیں جو جڑواں ہیں۔

    ان بلیوں کی خاص بات یہ ہے کہ ان کی آنکھیں دو رنگی ہیں۔ دونوں بلیوں کی دونوں آنکھیں ایک ہی جیسی ہیں جو انہیں بے حد حسین اور منفرد بناتی ہیں۔

    آئرس اور ابیس نامی ان بلیوں کے مالک نے ان کا سوشل میڈیا پر اکاؤنٹ بھی بنایا ہے جسے کئی لاکھ افراد فالو کرتے ہیں۔

    آئیے آپ بھی ان بلیوں سے ملیئے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • نرسنگ ہوم میں ملازمت کرنے والی بلی

    نرسنگ ہوم میں ملازمت کرنے والی بلی

    امریکی ریاست اوہائیو کے ایک نرسنگ ہوم میں پہلی بار آنے والے افراد اس وقت حیران رہ جاتے ہیں جب وہ استقبالیہ پر ایک بلی کو براجمان دیکھتے ہیں۔

    یہ بلی اپنے سامنے ایک رجسٹر رکھے بیٹھتی ہے تاکہ یہاں آنے والے اس میں اپنا اندراج کرسکیں۔

    cat-2

    اوریو نامی یہ بلی دراصل ایک آوارہ بلی تھی جو گھومتی گھامتی کسی طرح اس نرسنگ ہوم تک آ پہنچی۔ اس کے بعد اسے یہ جگہ اتنی پسند آئی کہ اس نے یہیں رہنے کا فیصلہ کرلیا۔

    cat-3

    کچھ عرصہ بعد وہ اس جگہ اور یہاں رہنے والے افراد سے اتنی مانوس ہوگئی کہ اب کبھی وہ استقبالیہ میز پر جا بیٹھتی ہے، تو کبھی یہاں رہائش پذیر بزرگ افراد کے پاس بیٹھ کر انہیں کھیلنے کا سامان فراہم کرتی ہے۔

    مزید پڑھیں: جاپان کی ٹرین میں روز سفر کرنے والی بلی

    cat-3

    cat-4

    نرسنگ ہوم میں کام کرنے اور رہنے والے افراد بھی اس کے بے حد عادی ہوگئے ہیں۔ نرسنگ ہوم کا عملہ کام کے دوران اس سے کھیلتا اور باتیں کرتا دکھائی دیتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ٹشو کے ڈبے میں آرام کرتی بلی

    ٹشو کے ڈبے میں آرام کرتی بلی

    بلیاں اپنی شرارتوں سے اپنے مالکوں کو تنگ کرنے کے لیے مشہور ہیں لیکن اس کے باوجود ان کی معصومیت اور ان کے لیے پیار میں کسی صورت کمی نہیں آتی۔

    ایسی ہی ایک پالتو بلی نے گمشدہ ہو کر اپنے مالکوں کو نچا کر رکھ دیا۔

    ارجنٹینا کی رہائشی ایک ٹوئٹر صارف نے اپنی بلی کی آرام کرتی ہوئی کچھ تصاویر پوسٹ کیں اور کہا کہ ہم اسے ڈھونڈ ڈھونڈ کر پاگل ہوچکے ہیں۔

    مزید پڑھیں: بیلے ڈانس کی شوقین بلی

    ان کا کہنا تھا کہ ہم نے بلی کی تلاش میں گزشتہ ایک گھنٹہ میں پورے گھر کا کونا کونا چھان مارا۔

    ابھی ان کی تلاش جاری ہی تھی کہ اس دوران ’گمشدہ‘ بلی کی نیند پوری ہوگئی اور وہ انگڑائی لیتی ہوئی اپنی چھپی ہوئی جگہ سے باہر نکل آئی۔

    دراصل وہ ٹشو پیپر کے ایک خالی ڈبے میں جا کر بیٹھ گئی تھی اور وہاں اطمینان سے آرام کر رہی تھی۔

    پیچھے گھر والے اسے ڈھونڈ ڈھونڈ کر تھک گئے کہ بلی آخر گئی کہاں۔

    اب بلی کی اس معصومانہ حرکت پر اس کی مالکہ یقیناً خون کے گھونٹ پی کر رہ گئی ہوگی مگر وہ کچھ نہیں کر سکتی تھی۔

    یاد رہے کہ بلیوں کو چھوٹی، اندھیری اور خاموش جگہیں بہت پسند ہوتی ہیں اور اکثر وہ کونے کھدروں میں جا کر آرام سے بیٹھ جاتی ہیں، اس بات کی پروا کیے بغیر کہ پیچھے ان کی تلاش میں گھر والے پورا گھر الٹ چکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ٹریفک حادثات کی روک تھام، پولیس کو بلی سے مدد لینی پڑ گئی، ویڈیو وائرل

    ٹریفک حادثات کی روک تھام، پولیس کو بلی سے مدد لینی پڑ گئی، ویڈیو وائرل

    ممبئی: بھارتی شہریوں کو ٹریفک قوانین کی پاسداری اور نظم و نسق سکھانے کےلیے بالاآخر پولیس کو بلی سے ہی مدد لینی پڑ گئی۔

    تفصیلات کے مطابق انسانی معاشرے میں بعض جانور اتنی تہذیب کے ساتھ زندگی بسر کررہے ہوتے ہیں کہ اُن کی عادات کو دیکھتے ہوئے یہ بات کہی جاسکتی ہے کہ اگر یہ فعل ہم روزمرہ کی زندگی میں اپنا لیں تو معاشرہ کی بہت سی خرابیاں ٹھیک ہوسکتی ہیں۔

    ممبئی پولیس نے بڑھتے ہوئے حادثات اور ٹریفک جام کے مسائل کو اجاگر کرنے کے لیے کئی بار عوامی سطح پر مہم چلائی تاہم وہ ہر بار بے سود ہی رہی مگر اب محکمہ ٹریفک نے ایک نئے انداز سے عوام میں شعور بیدار کرنے کی کوشش کی۔

    پڑھیں: حکمرانی کے لیے جانوروں کے درمیان خونخوار لڑائی

    میڈیا اطلاعات کے مطابق سال 2016 کے اعداد و شمار  کے حساب سے  بھارت کی آبادی 1 ارب سے تجاوز کرچکی اس لیے مختلف شہروں میں یومیہ 10 سے زائد ٹریفک حادثات پیش آتے ہیں۔

    ممبئی پولیس نے مسلسل ناکامی کے بعد شہریوں میں شعور اجاگر کرنے کے لیے بلی کی ویڈیو شیئر کی جو ٹریفک سگنل کی پاسداری کررہی ہے۔

    یہ بھی پڑھیں: جانوروں سے محبت اور نرمی کا سلوک ۔ اسلام اس بارے میں کیا کہتا ہے؟

    ویڈیو میں دیکھا جاسکتا ہے کہ ’بلی سڑک پار کرنے کے لیے زیبرہ کراسنگ کے قریب آئی اور سرخ (لال) بتی کو دیکھتے ہوئے اپنی باری کا انتظار کرنے لگی اور جیسے ہی سبز بتی جلی اور گاڑیاں رکیں تو اُس بے زبان نے سڑک پار کرلی‘۔

    بلی کی ویڈیو شیئر کرنے اور لوگوں کو منفرد انداز میں تہذیب سکھانے پر بھارتی شہری اپنی ہی پولیس پر برس پڑے اور انہوں نے ٹریفک پولیس کو مختلف القابات سے بھی نواز۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دنیا کی سب سے ننھی بلی سے ملیں

    دنیا کی سب سے ننھی بلی سے ملیں

    کیا آپ جانتے ہیں دنیا میں ایک نہایت ننھی اور پستہ قد بلی بھی پائی جاتی ہے جسے دیکھ کر اس پر کسی بلونگڑے کا گمان ہوتا ہے؟

    برطانوی نشریاتی ادارے بی بی سی ون ڈاکیومنٹری سیریز بگ کیٹس کے تحت اس نایاب بلی کی خوبصورت فوٹیج جاری کی گئی ہے جس میں ایک ننھی سی بلی جنگل میں بھاگتی دوڑتی نظر آرہی ہے۔

    رسٹی اسپاٹڈ کیٹ نامی یہ بلی صرف سری لنکا اور بھارت کے جنگلات میں پائی جاتی ہے۔ اس بلی کا وزن صرف 1 کلو گرام ہوتا ہے۔

    بلی کی یہ قسم دنیا کے نایاب ترین جانوروں میں سے ایک ہے۔ اس ننھی بلی کی آنکھیں ہماری آنکھوں سے 6 گنا زیادہ تیز ہیں۔

    ماہرین کا کہنا ہے کہ یہ جنگلی بلی ہے اور یہ جنگل میں خود اپنا شکار ڈھونڈنے کی عادی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بیلے ڈانس کی شوقین بلی

    بیلے ڈانس کی شوقین بلی

    جو لوگ بلیاں پالتے ہیں وہ جانتے ہوں گے کہ بلیاں کیسی کیسی حرکتیں کرتی ہیں۔ بعض دفعہ اپنی شرارتوں سے ہنساتی ہیں اور بعض دفعہ شرارت میں پورا گھر الٹ پلٹ کر رکھ دیتی ہیں۔ بلیاں انسانوں کو دیکھ کر سیکھتی بھی ہیں اور ان جیسی حرکتیں کرنے کی کوشش کرتی ہیں۔

    بلیاں عموماً ڈانس کی بھی شوقین ہوتی ہیں۔ جب گھر پر کوئی نہیں ہوتا تو وہ ڈانس کرتی ہیں۔

    امریکا میں ایسے ہی ایک شخص نے اپنی بلی کی خفیہ حرکات کو دیکھنے کے لیے گھر میں کیمرہ نصب کیا اور جب اس نے اس کیمرے میں اپنی بلی کی حرکات دیکھیں تو وہ حیران رہ گیا۔ اس کی بلی بیلے ڈانس کی شوقین نکلی۔۔

    آپ بھی بلی کے اس بیلے ڈانس کی تصاویر دیکھیئے اور لطف اندوز ہوں۔

    cat-post-8

    cat-post-7

    cat-post-5

    cat-post-4

    cat-post-3

    cat-post-2

    cat-post-1

    cat-post-6

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • میؤنگ ٹرین میں بلیوں کے ساتھ سفر کرنا چاہیں گے؟

    میؤنگ ٹرین میں بلیوں کے ساتھ سفر کرنا چاہیں گے؟

    جانوروں اور خصوصاً بلیوں سے محبت کرنے والے افراد کو دوران سفر بھی جانوروں کو ساتھ رکھنا بے حد پسند ہوتا ہے۔ ایسے ہی لوگوں کے لیے جاپان میں ایک ٹرین میں بلیوں کے لیے کیٹ کیفے بنایا گیا ہے۔

    جاپانی شہر اوگاکی میں اندرون شہر سفر کرنے والی اس منفرد ٹرین کا نام میؤنگ ٹرین رکھا گیا ہے۔ پوری ٹرین میں مختلف رنگ و جسامت کی بلیاں آزادنہ گھوم پھر سکتی ہیں جن کی تعداد تقریباً 30 ہے۔

    خاص بات یہ ہے کہ یہ تمام بلیاں گلیوں میں پھرنے والی آوارہ بلیاں ہیں اور جانوروں کی ایک فلاحی تنظیم نے حفاظت اور دیکھ بھال کی غرض سے ان کے لیے ٹرین میں کیٹ کیفے قائم کیا ہے۔

    سفر کے دوران مسافر ان بلیوں سے کھیل سکتے ہیں، انہیں گود میں اٹھا کر پیار بھی کرسکتے ہیں کیونکہ یہ بہت صاف ستھری حالت میں ہیں، علاوہ ازیں انہیں ان کی پسندیدہ چیزیں بھی کھلا سکتے ہیں۔

    اس کیٹ کیفے کو قائم کرنے کا اصل مقصد عوام میں جانوروں سے محبت کا شعور اجاگر کرنا ہے۔ کئی مسافر صرف کیٹ کیفے کو دیکھنے کے لیے ہی اس ٹرین میں سفر کرنے لگے ہیں۔

    کیا آپ اس ٹرین میں بلیوں کے ساتھ ایک خوشگوار سفر کرنا چاہیں گے؟

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔