ARYNews.tv | Urdu – Har Lamha Bakhabar

Tag: CCTV fortage

  • عید منانے کیلئے جانے والوں کے گھروں کا صفایا

    عید منانے کیلئے جانے والوں کے گھروں کا صفایا

    راولپنڈی : عیدالفطر پر آبائی علاقوں کو جانے والوں کے گھروں پر چوری کی وارداتیں رپورٹ ہوئی ہیں، نامعلوم افراد گھروں سے قیمتی سامان اور زیورات لے کر فرار ہوگئے۔

    تفصیلات کے مطابق راولپنڈی کے علاقے گلزار قائد میں چوروں نے 15 تولے سونا، قیمتی گھڑیاں لوٹ کر گھر کا صفایا کردیا جبکہ اڈیالہ روڈ پر چور گھر کے تالے توڑ کر سونا اور نقدی لے اڑے۔

    منگٹال چوک میں چاند رات پر دکان میں ڈکیتی کی سی سی ٹی وی سامنے آگئی، فوٹیج میں ڈاکوؤں کو اسلحہ کے زور پر موٹرسائیکل ورکشاپ میں ڈکیتی کرتے دیکھا جاسکتا ہے۔

    سی سی ٹی وی فوٹیج کے مطابق ڈاکو 60 ہزار روپے نقدی لوٹ کر باآسانی فرار ہوگئے جبکہ نیوچاکرہ روڈ پر چورعید کے دن گھر سے10تولے زیورات ،نقدی لے اڑے،

    اس کے علاوہ اسلام آباد کی پوش سوسائٹی میں چور نے تالے توڑ کر گھر کا صفایا کردیا، سی سی ٹی وی فوٹیج میں ملزمان کو چوری اور گھر سے فرار ہوتے دیکھا گیا۔

  • سفاک ڈاکو نے ضعیف خاتون کو زمین پر گرا دیا، دردناک ویڈیو وائرل

    سفاک ڈاکو نے ضعیف خاتون کو زمین پر گرا دیا، دردناک ویڈیو وائرل

    بھارتی حیدرآباد کے پرانے شہر میں افسوسناک واقعہ پیش آیا ہے جس میں ایک ڈاکو نے برقعہ پوش ضعیف خاتون کو بھی نہ بخشا۔

    بے رحم اور سفاک رہزن نے برقعہ پوش خاتون کے ہاتھ سے اتنی طاقت سے تھیلا چھینا کہ جس کے بعد بزرگ خاتون زمین پر اوندھے منہ گر پڑیں۔

    یہ اندوہناک منظر اس گلی میں لگے سی سی ٹی وی کیمرے میں قید ہوگیا جو سوشل میڈیا پر وائرل ہورہا ہے اور صارفین اس واقعے پر دکھ کا اظہار کرتے ہوئے خاتون کیلئے انصاف کا مطالبہ کررہے ہیں۔

    بھارتی میڈیا رپورٹ کے مطابق حیدرآباد کے شاہلی بندہ غازی پورہ کے علاقے میں ایک بزرگ خاتون سڑک سے گزر رہی تھی کہ ایک نوجوان کافی دیر سے ان کا پیچھا کررہا تھا۔

    ایک جگہ پہنچ کر اس نے واردات کی نیت سے بائیک اسٹارٹ کرکے گلی کے کونے میں کھڑی کردی جس کے بعد وہ بزرگ خاتون کے پیچھے چلتا ہوا آیا اور اچانک خاتون کے ہاتھ میں موجود تھیلا کھینچ لیا، ضعیف خاتون اپنے تھیلے کو مضبوطی سے پکڑے ہوئے تھیں جس کے سبب وہ بھی زمین پر جاگریں۔

    ملزم نے زمین پر گری ہوئی ضعیف خاتون کے ہاتھ سے تھیلا چھینا اور بھاگتا ہوا بائیک کے پاس گیا اور فرار ہونے میں کامیاب ہوگیا۔

  • کراچی : پولیس فائرنگ سے دو افراد زخمی، علاقہ مکینوں کا احتجاج

    کراچی : پولیس فائرنگ سے دو افراد زخمی، علاقہ مکینوں کا احتجاج

    کراچی : منگھو پیر کے علاقے اجتماع گاہ روڈ کے قریب پولیس کی فائرنگ سے 2افراد زخمی ہوگئے، علاقہ مکینوں نے منگھوپیر تھانے کا گھیراؤ کرلیا۔

    اس حوالے سے منگھوپیر تھانے کی پولیس کا کہنا ہے کہ زخمی افراد کے اہلخانہ کے مطابق پولیس نفری علاقے میں چیکنگ کیلئے آئی اور فضل کریم نامی شخص کے گھر پہنچی تھی۔

    موبائل میں موجود اہلکاروں نے دوران چیکنگ 2 افراد کو لے جانے کی کوشش کی تو رہائشیوں نے مزاحمت کی۔ اس موقع پر علاقے کے مزید لوگ جمع ہوئے اور اہلکاروں سےجھگڑا ہوا۔

    گھر پر چھاپہ مارنے والے اہلکاروں نے گھر سے نکلنے کیلئے فائرنگ کردی جس سے 2 افراد زخمی ہوئے جنہیں فوری طور پراسپتال منتقل کردیا گیا۔

    پولیس کے مطابق چھاپے کیلئے آنے والی موبائل کس تھانے یا کہاں کی تھی ابھی نہیں معلوم ہو سکا، اس کی شناخت کیلئے علاقے کی سی سی ٹی وی فوٹیج دیکھ رہے ہیں۔

    پولیس کا کہنا ہے کہ جائے وقوعہ سے ایس ایم جی سمیت مختلف ہتھیاروں کے خول ملے ہیں، یہ معلومات حاصل کرنے کی کوشش کررہے کہ کارروائی میں پولیس کا کون سا محکمہ ملوث تھا؟

    منگھوپیر تھانے کے باہر مظاہرین نے دھرنا دے دیا، جس کے نتیجے میں سڑک بند ہوگئی اور منگھوپیر روڈ پر بھاری گاڑیوں کی قطاریں لگ گئیں۔

  • کراچی: دوفوجی اہلکاروں کا قتل، کیس میں اہم پیشرفت سامنے آگئی

    کراچی: دوفوجی اہلکاروں کا قتل، کیس میں اہم پیشرفت سامنے آگئی

    کراچی : صدر کے علاقے پارکنگ پلازہ کے قریب فوجی اہلکاروں کی ٹارگٹ کلنگ میں پولیس نے مزید فوٹیج حاصل کرلی ہیں جس سے کیس میں اہم پیشرفت ہوئی ہے۔

    تفصیلات کے مطابق صدر پارکنگ پلازہ میں فوجی اہلکاروں کی ٹارگٹ کلنگ کیس میں قانون نافذ کرنے والے اداروں کی کارروائیاں جاری ہیں۔

    کیس میں اہم پیشرفت سامنے آئی ہے۔ اس حوالے سے پولیس نے حملہ آوروں کی مزید سی سی ٹی وی فوٹیج حاصل کرلی۔

    پولیس حکام کے مطابق حملہ آورلائنز ایریا سے ہوتے ہوئے پیپلز چورنگی کی جانب گئے، پھر وہاں سے نیو ایم اے جناح روڈ سے ہوتے ہوئے جیل چورنگی اور وہاں سے حسن اسکوائر کی جانب جاتے ہوئے نظر آئے۔

    مزید پڑھیں: کراچی: صدر پارکنگ پلازہ میں حساس ادارے کی گاڑی پر فائرنگ، 2 اہلکار شہید

    پولیس حکام کا کہنا ہے کہ فوٹیج کی کوالٹی بہتر نہ ہونے کے باعث حملہ آوروں کے چہرے واضح نہیں ہوسکے، اطلاعات کے مطابق فوجی اہلکاروں کے قتل کیس میں اب تک کوئی باقاعدہ گرفتاری عمل میں نہیں لائی گئی ہے۔

     

  • فائیواسٹارچورنگی پرپولیس کی مبینہ فائرنگ سے شہری جاں بحق

    فائیواسٹارچورنگی پرپولیس کی مبینہ فائرنگ سے شہری جاں بحق

    کراچی :شہر میں فائرنگ کے واقعات میں نوزائیدہ بچے سمیت پانچ افراد جان کی بازی ہار گئے۔فائیواسٹار چورنگی پر پولیس کی مبینہ فائرنگ سے شہری جاں بحق اور تین ڈاکو زخمی حالت میں گرفتار کرلیے گئے۔

    تفصیلات کے مطابق کراچی میں فائرنگ اور پرتشدد واقعات کا سلسلہ تھم نہ سکا۔پولیس حکام کے مطابق صدر ایمپریس مارکیٹ کے قریب فائرنگ سے ایک شخص جاں بحق ہوا۔ابراہیم حیدری اور نیوکراچی سے دو افراد کی لاشیں ملیں۔منگھو پیر کے علاقے سے نوزائیدہ بچے کی لاش ملی۔

    بوہرہ پیرمیں فائرنگ سے زخمی ہونے والا شخص دوران علاج چل بسا۔گلستان جوہر میں بینک ڈکیتی کی کوشش سیکورٹی گارڈ نےنے ناکام بنادی ۔ڈکیتی کی سی سی ٹی وی فوٹیج اے آر وائی نیوز نے حاصل کرلی ہے۔

    ٹارگٹڈ کارروائیوں میں فائیو اسٹار چورنگی کے قریب پولیس مقابلے میں تین ڈاکو زخمی حالت میں گرفتار کرلئے۔فائرنگ کی زد میں آکر رکشہ ڈرائیور زخمی ہوگیا جس پر مشتعل مظاہرین نے موٹر سائیکل کو آگ لگادی ۔رینجرز نے پورٹ قاسم میں کارروائی کرکے سیاسی جماعت سے تعلق رکھنے والے دو ٹارگٹ کلر گرفتار کرلئے ۔

    علاوہ ازیں فائیو اسٹار چورنگی کے قریب مبینہ پولیس مقابلے میں جاں بحق ہونے والے اسد نامی شہری کے ورثاء نے فائیو اسٹار چورنگی پر مقتول کی نعش رکھ کر احتجاجی مظاہرہ کیا،اور متعلقہ حکام سے مطالبہ کیا کہ اسد کے قتل میں ملوث ملزمان کو گرفتار کیا جائے، اس موقع پر متحدہ قومی موومنٹ کے رہنماء بابر غوری،خواجہ اظہار الحسن ودیگر بھی موجود تھے۔

  • پشاور خود کش حملے کی فوٹیج اے آر وائی کو موصول

    پشاور خود کش حملے کی فوٹیج اے آر وائی کو موصول

    cc tv