واشنگٹن : امریکی سیکریٹری خارجہ مارکو روبیو نے کہا ہے کہ ہماری پاکستان اور بھارت کے درمیان موجودہ صورتحال پر گہری نظر ہے دونوں فریقین کے درمیان جنگ بندی ختم بھی ہو سکتی ہے۔
امریکی نیوز چینل کے پروگرام میٹ دی پریس میں گفتگو کرتے ہوئے انہوں نے کہا کہ واشنگٹن نہ صرف جنوبی ایشیا بلکہ دنیا کے دیگر خطوں میں جاری کشیدگی پر بھی مسلسل نظر رکھے ہوئے ہے۔
اس موقع پر روس یوکرین جنگ پر بات کرتے ہوئے انہوں نے پاکستان اور بھارت کے درمیان جاری جنگ بندی پر بھی گفتگو کی۔
US Secy of State Marco Rubio (to NBC):
On the Pakistan–India ceasefire — “One of the complications of ceasefires is maintaining them, which is very difficult. Every single day, we are keeping an eye on what is happening between Pakistan & India.” pic.twitter.com/8WwjBTSC4Y
— IndiaWarZone (@IndiaWarZone) August 17, 2025
انہوں نے بتایا کہ ہم ہر روز نظر رکھتے ہیں کہ پاکستان اور بھارت کے درمیان کیا چل رہا ہے کیونکہ جنگ بندی بہت جلد ختم بھی ہو سکتی ہے۔
امریکی سیکریٹری خارجہ مارکو روبیو نے روس یوکرین جنگ کا حوالہ دیتے ہوئے کہا کہ امریکہ دنیا کے مختلف تنازعات میں جنگ بندی کا مطالبہ کرتا رہا ہے لیکن یہ عمل آسان نہیں ہے۔
انہوں نے کہا کہ جنگ بندی اسی وقت ممکن ہے جب دونوں فریق ایک دوسرے پر فائرنگ روکنے پر متفق ہوں، تاہم روسیوں نے تاحال اس پر آمادگی ظاہر نہیں کی ہے۔
مارکو روبیو نے مزید کہا کہ طویل لڑائیوں کے بعد جنگ بندی کو برقرار رکھنا اکثر مشکل ہوجاتا ہے اور جنگ بندی بہت تیزی سے ٹوٹ بھی سکتی ہے، جیسا کہ گزشتہ ساڑھے تین سالہ یوکرین جنگ کے بعد ہم دیکھ رہے ہیں۔ ہمارا مقصد مستقل جنگ بندی نہیں ہے بلکہ مستقل امن معاہدہ ہے تاکہ مستقبل میں بھی جنگ نہ ہو۔
