ARYNews.tv | Urdu – Har Lamha Bakhabar

Tag: Celebrities

  • بالی ووڈ فنکاروں کی ایک انسٹاگرام پوسٹ کی قیمت کتنی؟

    بالی ووڈ فنکاروں کی ایک انسٹاگرام پوسٹ کی قیمت کتنی؟

    سوشل میڈیا کے اس دور میں یہ پلیٹ فارمز صرف رابطوں کا ذریعہ نہیں رہے، معروف شخصیات نے اسے بھی اپنی کمائی کا ذریعہ بنا لیا ہے۔

    دنیا بھر میں مختلف برانڈز اپنی مارکیٹنگ کے لیے معروف شخصیات کی مدد لیتے ہیں اور سوشل میڈیا اب اس کا اہم ذریعہ بن گیا ہے، خاص طور پر فنکار سوشل میڈیا پر ایک پوسٹ کے ذریعے کروڑوں روپے کماتے ہیں۔

    حال ہی میں بھارتی میڈیا کی جانب سے جاری کردہ رپورٹ میں بتایا گیا ہے کہ معروف بالی وڈ اداکارائیں اور سپر اسٹار کرکٹر ویرات کوہلی انسٹا گرام پر ایک پیڈ پوسٹ کے کتنے پیسے وصول کرتے ہیں۔

    رپورٹ میں ذرائع کا حوالہ دیا گیا اور بتایا گیا کہ انسٹاگرام پر اسٹوری لگانے کی قیمت کم ہے جبکہ لنک کے ہمراہ اسٹوری لگانے کے زیادہ پیسے ہوتے ہیں، اسی طرح خالی پوسٹ لگانے کی قیمت کم جبکہ برانڈ کے اشتراک کے ساتھ پوسٹ لگانے کی قیمت کافی زیادہ ہے۔

    رپورٹ کے مطابق 25 کروڑ فالوورز رکھنے والے ویرات کوہلی ایک پوسٹ لگانے کے ساڑھے 3 سے 5 کروڑ روپے لیتے ہیں۔

    انسٹاگرام پر 7 کروڑ 41 لاکھ فالوورز رکھنے والی دپیکا پڈوکون ایک پوسٹ کے ایک سے 2 کروڑ روپے چارج کرتی ہیں۔

    اس کے علاوہ 8 کروڑ 77 لاکھ فالوورز رکھنے والی پریانکا چوپڑا ایک پوسٹ کے 2 کروڑ روپے تک وصول کرتی ہیں۔

    شردھا کپور جن کے انسٹا گرام پر 8 کروڑ سے زائد چاہنے والے ہیں، وہ ایک پوسٹ کے ڈیڑھ کروڑ روپے تک چارج کرتی ہیں۔

    7 کروڑ 74 لاکھ فالوورز رکھنے والی عالیہ بھٹ ایک پوسٹ شیئر کرنے کے ڈیڑھ سے 2 کروڑ روپے تک چارج کرتی ہیں۔

    7 کروڑ 28 لاکھ فالوورز رکھنے والی کترینہ کیف ایک انسٹاگرام پوسٹ کے 1 کروڑ روپے تک لیتی ہیں۔

    رپورٹ کے مطابق ان معروف شخصیات کے ہمراہ کام کرنے والے ایک شخص نے اپنی شناخت ظاہر نہ کرنے کی شرط پر بھارتی میڈیا کو بتایا کہ سلیبریٹی کا کسی بھی برانڈ کے لیے ان کا سفیر بننا ضروری نہیں ہے۔

    ایک سوشل میڈیا انفلوئنسر کے لیے کام کرنے والی کمپنی کے چیف ایگزیکٹو آفیسر (سی ای او) کا کہنا ہے کہ سلیبریٹی جتنا ممکن ہوتا ہے انسٹاگرام سے کمانے کی کوشش کرتے ہیں، وہ چاہتے ہیں کہ جب تک وہ مشہور ہیں اس پلیٹ فارم سے زیادہ سے زیادہ کمائی کرلی جائے۔

  • پاک بھارت میچ: ویراٹ کے جلدی آؤٹ ہونے کی دعا اور غریبوں کا میلبرن

    پاک بھارت میچ: ویراٹ کے جلدی آؤٹ ہونے کی دعا اور غریبوں کا میلبرن

    آئی سی سی ٹی 20 ورلڈ کپ میں گزشتہ روز پاکستان اور انڈیا کے سنسنی خیز اور اعصاب شکن مقابلے میں فنکار بھی پوری طرح پرجوش دکھائی دیے، دونوں طرف کے فنکار اپنی ٹیم کے لیے دعائیں کرتے دکھائی دیے۔

    میلبرن میں ہونے والے میچ میں پاکستان نے انڈیا کو 160 رنز کا ہدف دیا تھا جو اس نے اعصاب شکن مقابلے کے بعد 6 وکٹوں کے نقصان پر آخری گیند پر حاصل کیا۔

    پاکستان کی ٹیم کی بیٹنگ کے دوران جہاں کروڑوں پاکستانیوں کے دل اوپر نیچے ہو رہے تھے وہی اداکارہ ماورا حسین بھی پریشان تھیں۔

    انہوں نے فوٹو اینڈ ویڈیو شیئرنگ پلیٹ فارم انسٹاگرام پر اپنی ویڈیو میں کہا کہ جب آپ کا دل کمزور ہو لیکن آپ پھر بھی پاکستان اور انڈیا کا میچ دیکھیں۔

     

    View this post on Instagram

     

    A post shared by Mawra Hocane (hussain) (@mawrellous)

    اداکار اور یوٹیوبر ارسلان نصیر نے سماجی رابطوں کی ویب سائٹ ٹویٹر پر لکھا کہ مولوی صاحب، ظہر کی نماز کے بعد بارش کی اجتماعی دعا کریں۔

    اداکار امر خان نے اپنی انسٹاگرام سٹوری میں ہیلمٹ پہنے ٹی وی کے آگے انڈیا کی چوتھی وکٹ گرنے پر کہا، چوتھی وکٹ کا جشن، غریبوں کا میلبرن ٹی وی کے سامنے ہی ہوتا ہے۔

     

    View this post on Instagram

     

    A post shared by Galaxy Lollywood (@galaxylollywood)

    اداکارہ منشا پاشا نے کہا کہ ویراٹ ہمیں آپ سے پیار ہے، مگر پلیز جلدی سے آؤٹ ہو جاؤ۔

    پاکستانی اداکارہ عائشہ عمر بھی میلبرن کرکٹ سٹیڈیم میں پاکستان کا جھنڈا تھام کر ٹیم کا جوش و خروش بڑھاتی رہیں۔

     

    View this post on Instagram

     

    A post shared by Ayesha Omar (@ayesha.m.omar)

    دوسری جانب میچ جیتنے کے بعد انڈین فنکار بھی خوشی سے بھرپور ٹویٹ کر رہے ہیں۔

    بھارت کے سابق کرکٹر سچن ٹندولکر نے لکھا کہ کوہلی، اس میں کوئی شک نہیں کہ یہ آپ کی زندگی کی سب سے اچھی اننگز تھی۔ آپ کو کھیلتے دیکھنا ایک تحفہ ہے، روؤف کو جو 19 ویں اوور میں بیک فٹ پر چھکا لگایا وہ شاندار تھا، اسی طرح کھیلو۔

    مشہور ساؤتھ انڈین اداکار جونیئر این ٹی آر نے کہا کہ کیا شاندار ہدف حاصل کیا، کوہلی اور ٹیم نے شاندار ہدف حاصل کیا، مزہ آگیا۔

    بالی ووڈ ایکٹر کارتک آریان کا کہنا تھا کہ صرف ایک ہی کنگ ہے جو ویراٹ کوہلی ہے، کیا میچ تھا، بہت اچھے انڈیا، دیوالی مبارک ہو۔

    پریٹی زنٹا نے اپنی ٹویٹ میں کہا کہ او میرے خدا، آج کا یہ میچ، میرا دل پاگلوں کی طرح دھڑک رہا تھا، انڈیا کے لیے کیا شاندار جیت تھی، کوہلی آپ کے عزم سے پیار ہے، تمام مسکراتے چہروں کو دیوالی مبارک۔

  • معروف اداکاراؤں کو کس نک نیم سے بلایا جاتا تھا؟

    معروف اداکاراؤں کو کس نک نیم سے بلایا جاتا تھا؟

    کراچی: معروف پاکستانی اداکارہ عائشہ عمر اور دیگر اداکاراؤں نے اپنے بچپن کے نک نیمز کے بارے میں دلچسپ انکشافات کیے۔

    تفصیلات کے مطابق معروف پاکستانی اداکاراؤں عائشہ عمر، اریبہ حبیب، کومل عزیز اور نمرہ خان نے اے آر وائی ڈیجیٹل کے پروگرام گڈ مارننگ پاکستان میں شرکت کی۔

    میزبان ندا یاسر نے ان سے پوچھا کہ انہیں بچپن میں کس نام سے پکارا جاتا تھا، عائشہ نے بتایا کہ ان سہیلیاں انہیں جیک ان دا باکس والے کھلونے جیکس کے نام سے پکارتی تھیں۔

    انہوں نے کہا کہ وہ ہر وقت نہایت پرجوش اور سرگرم رہتی تھیں اسی وجہ سے ان کی دوستوں نے ان کا یہ نام رکھ چھوڑا تھا۔

    کومل عزیز نے بتایا کہ ان کا کوئی نک نیم نہیں تھا اور ان کی حسرت ہی رہی کہ کوئی ان کا نک نیم رکھے جبکہ اریبہ کے مطابق انہیں لمبو کہہ کر پکارا جاتا تھا۔

    نمرہ نے بتایا کہ ان کا نک نیم علی بھائی ہے، بہت سال قبل جب وہ اپنی فیملی کے ساتھ قربانی کا جانور خریدنے منڈی پہنچیں تو ان کے گھر کے کسی شخص نے انہیں نمرہ پکارا۔

    نمرہ کے مطابق وہ اس پر بہت غصہ ہوئیں کہ انہیں سب کے سامنے نمرہ کیوں پکارا گیا ہے، جس کے بعد گھر والوں نے انہیں علی اور علی بھائی کہنا شروع کیا اور پھر یہی ان کا مستقل نک نیم بن گیا۔

  • پاکستانی فنکار کراچی چڑیا گھر میں موجود ننھے بھالو کی آواز بن گئے

    پاکستانی فنکار کراچی چڑیا گھر میں موجود ننھے بھالو کی آواز بن گئے

    کراچی: پاکستانی فنکار کراچی کے چڑیا گھر میں موجود بھالو کے بدحال بچے کی آواز بن گئے، معصوم بچے کی اذیت میں مبتلا ویڈیوز شیئر کرتے ہوئے فنکاروں نے حکام کو آڑے ہاتھوں لیا۔

    تفصیلات کے مطابق صوبہ سندھ کے دارالحکومت کراچی کے چڑیا گھر میں موجود ایک ریچھ کے بچے کی ویڈیوز سوشل میڈیا پر وائرل ہورہی تھیں۔ بھالو کا بچہ نہایت لاغر اور پریشان کن حالت میں موجود ہے اور چڑیا گھر انتظامیہ کی غفلت کا منہ بولتا ثبوت ہے۔

    سوشل میڈیا پر ویڈیو وائرل ہونے کے بعد مختلف فنکاروں نے بھی معصوم بچے کے لیے اپنی آواز بلند کی۔

    معروف اداکارہ مشال خان نے سماجی رابطے کی ویب سائٹ انسٹا گرام پر ننھے بھالو کی ویڈیو شیئر کرتے ہوئے دکھ کا اظہار کیا۔

    انہوں نے لکھا کہ میں کراچی چڑیا گھر میں ریچھ کے بچے کو دیکھ کر سخت پریشان ہوں، واضح طور پر یہ مناسب کھانے، پانی اور دیکھ بھال سے محروم ہے۔

    مشال نے لکھا کہ اس کی آنکھوں میں مدد کے لیے پکار صاف لکھی ہے۔ یہ بہت ظالمانہ ہے، اس سلسلے کو بند ہونا چاہیئے، کراچی چڑیا گھر کو بند کردینا چاہیئے۔

    ایک اور اداکارہ انعم تنویر نے چڑیا گھر انتظامیہ کو سخت سست سناتے ہوئے کہا کہ کراچی کا چڑیا گھر جانوروں کے لیے ایک محفوظ گھر بننے کے بجائے ان کے لیے جہنم بن گیا ہے۔

    انہوں نے لکھا کہ بہت سے جانوروں کی جانوں سے کھیلنے کے بعد اب چڑیا گھر کی انتظامیہ اس معصوم جانور کو بھی کھو دے گی۔

    انعم کا کہنا تھا کہ انتظامیہ کو کوئی خوف خدا نہیں ہے اور یہ جانوروں کے ساتھ کسی بے جان اشیا کے جیسا سلوک کر رہے ہیں۔

    معروف اداکارہ انوشے اشرف نے بھی اس حوالے سے لکھا کہ ہم سندھ ہائی کورٹ میں درخوست دائر کرنے جارہے ہیں کہ اس بدحال ریچھ کے بچے کو یہاں سے نکالا جائے، اسے یہاں نہایت غلیظ اور تکلیف دہ ماحول میں رکھا گیا ہے۔

    انوشے نے لکھا کہ ہم عدالت سے درخواست کریں گے کہ اس بچے کو یہاں سے نکال کر واپس اسکردو اس کے قدرتی ماحول میں بھیجا جائے۔

    انہوں نے لکھا کہ علاوہ ازیں ہم یہ استدعا بھی کریں گے کہ عدالت حکام کو کراچی چڑیا گھر کی درست دیکھ بھال کرنے اور جانوروں کا خیال رکھنے کا حکم دے۔

    دوسری جانب اسلام آباد ہائیکورٹ کے حکم پر مرغزار چڑیا گھر سے تمام جانوروں کو محفوظ مقامات پر منتقل کرنے کا سلسلہ جاری ہے، مرغزار چڑیا گھر میں موجود 36 سالہ ہاتھی کاون کو بھی کمبوڈیا بھیجا جارہا ہے۔

    کاون کو سنہ 1985 میں سری لنکن حکومت کی جانب سے بطور تحفہ دیا گیا تھا اور تب سے اب تک وہ چڑیا گھر میں تنہا زندگی گزار رہا تھا، کاون کو بھی سوشل میڈیا ہی کی بدولت اس قید تنہائی سے نجات ملی ہے۔

  • یومِ پاکستان پر شوبز ستاروں اور قومی کھلاڑیوں کے پیغامات

    یومِ پاکستان پر شوبز ستاروں اور قومی کھلاڑیوں کے پیغامات

    کراچی :یوم پاکستان کے تاریخ ساز دن پر قوم کا جوش وجذبہ عروج پر ہے اور اپنے اپنے طریقے سے وطن عزیز سے والہانہ محبت کا اظہار کررہے ہیں۔

    تفصیلات کے مطابق جہاں یوم پاکستان ملی جوش و جذبے سے منایا جارہا ہے، وہیں سوشل میڈیا پر بھی شوبز ستاروں اور قومی کھلاڑیوں کی جانب سے پیغامات اور مبارک باد کا سلسلہ جاری ہے۔

    مشہور اداکار فیصل قریشی نے پیغام میں کہا ‘اس پرچم کے سائے تلے ہم ایک ہیں’۔

    پاکستانی گلوکار فخر عالم نے سماجی رابطے کی ویب سائٹ ٹوئٹر پر ایک ویڈیو شئر کی اور پیغام میں لکھا ہم سب کو یوم پاکستان کی پریڈ میں شامل ہونے پر فخر ہے، چلو مل کر اپنے ملک، اپنے ہیروز اور اپنے سپاہیوں پر فخر کرتے ہیں، پاکستان زندہ آباد۔

    کراچی کنگز کے کپتان عماد وسیم نے اپنے پیغام میں کہا کہ یوم پاکستان مبارک ہو، مجھے پاکستانی ہونے پر فخر ہے۔

    سابق فاسٹ بولر وسیم اکرم نے اپنے ٹوئٹر پیغام میں یوم پاکستان کی مبارک باد دی اور کہا کہ میری زندگی میں میرا سب سے بڑا کردار اس ملک و قوم کی خدمت کرنا ہے، میرے لیے اعزاز کی بات ہوگی کہ میں بطور سفیر اس ملک کی ہی نہیں بلکہ اپنے لوگوں کی بھی خدمت کروں۔

    پاکستانی کرکٹ ٹیم کے بالر ویاب ریاض نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستانی ہونے کے احساس سے بڑھ کر کچھ نہیں، ہر یوم پاکستان پر جشن منانے کا ایک اور موقع ملتا ہے کہ ہم کون ہیں اور اپنے ملک کے لئے کیا کام کرسکتے ہیں، اللہ تعالی ہمارے پاکستان کو ہمیشہ کے لئے اپنے رحم کی سائے تلے رکھے، امین

    قومی ٹیم کے بیٹسمین احمد شہزاد نے اپنے پیغام میں کہا کہ اللہ کا شکر ہے مجھے پاکستانی ہونے کی شناخت دی اور ملک کی خدمت کا موقع دیا۔

    اداکارہ و میزبان جگن کاظم نے ٹوئٹر پر ویڈیو پیغام میں کہا ہے کہ 23 مارچ پاکستان کیلئے اور پاکستانیوں کیلئے بہت اہم ہے ، اور ہامری کوشش ہونے چاہیئے کہ ہم اپنے پاکستان کو سپر پاور بنانے کی کوشش کریں اور یہ سب کرنے کیلیے ہم سب کو مل کر کام کرنا ہوگا۔

    عمر اکمل نے بھی یوم پاکستان کی مبارک باد دی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • مصر کا انوکھا حجام جو فن پارے بناتا ہے

    مصر کا انوکھا حجام جو فن پارے بناتا ہے

    قاہرہ: حجامت کے پیشے سے شرم محسوس کرنے والے مصری شہری نے ہیئر ڈریسنگ کا ایسا انداز اپنایا جس کے باعث وہ مصر کا مشہور ترین حجام بن گیا۔

    معاشرے میں چند طبقے ایسے بھی ہوتے ہوتے ہیں جو حجامت کے پیشے کو بڑی حقارت کی نظر سے دیکھتے ہیں اور اسے اپنانا اپنی ذات کی توہین سمجھتے ہیں ایسا ہی کچھ دیکھنے میں مصر کے شہر مغاغہ میں جہاں ایک شخص نے بجائے اس پیشے کو ترک کرنے کے اسے اپنا فخر بنا لیا۔

    حجامت کے پیشے سے وابستہ ولید مکرم اپنے والد کے پیشے کے سبب دوستوں میں شرمندگی محسوس کرتا تھا، کیوں کہ وہ  ایک حجام ہیں، اس نے کئی مرتبہ اپنے والد سے مطالبہ کیا کہ وہ اس پیشے کو ترک کر دیں، تاہم اس نے ایسی ترکیب اپنائی جو اس کی شہرت کی وجہ بن گئی۔

    آنکھوں کی صفائی کرنے والا حجام

    ولید مکرم اس وقت مصر کے مشہور ترین حجّام کے طور پر پہچانے جاتے ہیں کیوں کہ وہ معروف شخصیات کے چاہنے والوں کے سروں پر حجامت کے ذریعے اُن کی شخصیات کی تصاویر تخلیق کرتے ہیں جو اپنی نوعیت کا انوکھا انداز ہے۔

    ولید مکرم نے اپنی اس جدّت طرازی کی ابتدا جن شخصیات کی تصاویر بنا کر کی ان میں سر فہرست برطانوی کلب لیور پول کے لیے کھیلنے والے بین الاقوامی مصری کھلاڑی محمد صلاح ہیں جبکہ عراقی گلوکار کاظم الساہر، عرب دنیا کی ملکہ ترنم مصری گلوکارہ ام کلثوم اور مزاحیہ مصری اداکار احمد حلمی بھی شامل ہیں۔

    کلہاڑی سے بال کاٹنے والا روسی حجام

    مقامی میڈیا سے گفتگو کرتے ہوئے حجام نے بتایا کہ ان کی شہرت میں اضافہ بین الاقوامی فٹبالر محمد صلاح کی تصوریر تخلیق کرنے کے بعد ہوا، جبکہ اب وہ اپنے پیشے سے بہت خوش اور اپنے والد کا شکر گزار ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فنکاروں کا پسندیدہ افطار

    فنکاروں کا پسندیدہ افطار

    ماہ رمضان اپنی رحمتیں و فضیلتیں نچھاور کیے ہوئے ہے اور ایسے میں ہر شخص چاہتا ہے کہ ان برکات کو سمیٹ کر اپنے دامن میں بھر لے۔

    اس ماہ میں مزے مزے کی ڈشز بنانے کا سلسلہ بھی اپنے عروج پر ہے اور ہر شخص سحر و افطار میں منفرد ڈشز بنانا اور کھانا چاہتا ہے۔

    اس موقع پر ہم نے کچھ فنکاروں سے بھی ان کے پسندیدہ افطار کے بارے میں پوچھا اور اب ان کی پسند آپ تک پہنچارہے ہیں۔

    ارمینہ رانا خان

    سپر ہٹ فلم ’جاناں‘ کی اداکارہ ارمینہ رانا خان کو افطار میں فروٹ سلاد، گھر کے بنے ہوئے دہی بڑے اور ایک کپ چائے پسند ہے۔

    عمران عباس

    رمضان کے بارے میں اداکار عمران عباس کے خیالات کچھ مختلف ہیں۔ ان کے خیال میں پورا سال اپنی صحت کا خیال رکھنے کے بعد رمضان میں تھوڑی سی بد پرہیزی کرنے میں کوئی حرج نہیں۔

    ان کے خیال میں افطار لال شربت، پکوڑں اور جلیبی کے بغیر ادھورا ہے۔

    بشریٰ انصاری

    بشریٰ انصاری کو افطار میں صرف تازہ پھلوں کی چاٹ پسند ہے۔

    احمد علی بٹ

    مزاحیہ اداکار احمد علی بٹ کا کہنا ہے کہ افطار میں ہلکی پھلکی اور غذائیت بخش اشیا ہونی چاہئیں بشمول مشروبات، تازہ پھل، سلاد اور بھنی ہوئی مرغی اور ہاں احمد علی بٹ کا افطار سموسے اور پکوڑوں کے بغیر ادھورا ہے۔

    عمیر جسوال

    معروف گلوکار عمیر جسوال کو افطار کے دستر خوان پر صرف فروٹ چاٹ اور لیمونڈ چاہیئے۔

    طوبیٰ صدیقی

    فلم ’دوبارہ پھر سے‘ کی اداکارہ طوبیٰ صدیقی کو افطار میں چنا چاٹ، پکوڑے اور سرخ شربت درکار ہے۔

    علی حیدر

    معروف گلوکار علی حیدر کو سادہ اور روایتی افطار یعنی کھجور، پکوڑے، لال شربت، چائے اور بعد ازاں فروٹ چاٹ پسند ہے۔

    فیصل قریشی

    فیصل قریشی کا پسندیدہ افطار کھجور، ایک پکوڑے، پانی، چنا چاٹ، اور کچھ پھلوں پر مشتمل ہے۔

    وسیم بادامی

    کیا آپ جانتے ہیں پاکستان کی مقبول ترین رمضان نشریات شان رمضان کے میزبان وسیم بادامی اپنا روزہ کس سے افطار کرتے ہیں؟

    چائے کے دھتی وسیم بادامی اپنا روزہ بھی چائے کے گھونٹ سے افطار کرتے ہیں۔

    ماریہ میمن

    اے آر وائی نیوز کی مقبول اینکر ماریہ میمن اپنا روزہ پانی اور فروٹ چاٹ سے افطار کرتی ہیں اور اس کے فوراً بعد رات کا کھانا کھانا پسند کرتی ہیں۔

    ان کے مطابق افطار کی روایتی اشیا پکوڑے اور سموسے وزن میں اضافے کا باعث بنتے ہیں لہٰذا وہ ان سے پرہیز کرتی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔