Tag: ch nisar

مسلم لیگ ن کا چوہدری نثار کو ٹکٹ جاری کر نے کا فیصلہ

اسلام آباد : مسلم لیگ ن نے چوہدری نثار کو ٹکٹ جاری کرنے کا فیصلہ کر لیا ہے، چوہدری نثار قو می صوبائی اسمبلی کے 2 ،2حلقوں سے الیکشن لڑیں گے۔

تفصیلات کے مطابق مسلم لیگ ن نے سینئیر رہنما چودھری نثار علی خان کو ٹکٹ دینے کا فیصلہ کر لیا ہے، مسلم لیگ ن کی جانب سے چودھری نثار علی خان کو قومی و صوبائی اسمبلی کی نشستوں پر ٹکٹ جاری کیے جائیں گے۔

یاد رہے گذشتہ ماہ کے آغاز میں چوہدری نثار نے کہا تھا کہ وہ ضلع اٹک میں این اے 59، راولپنڈی میں پی پی 10 اور پی پی 14 سے الیکشن میں حصہ لیں گے۔

واضح رہے کہ اپنی پارٹی ن لیگ سے اختلافات کے بعد سیاسی حلقوں میں یہ بات بہت بے چینی کی وجہ بنی رہی تھی کہ چوہدری نثار اگلا انتخاب کس پارٹی سے لڑیں گے۔ اس ضمن میں تحریک انصاف کے چیئرمین عمران خان کی طرف سے بھی انھیں پارٹی شمولیت کی دعوت مل گئی تھی۔ تاہم چوہدری نثار نے اس سلسلے میں مسلسل خاموشی کا مظاہرہ کیا۔

یاد رہے کہ نواز شریف اور چوہدری نثار کے درمیان اختلافات شدت اختیار کر چکے ہیں کہ گذشتہ دنوں سابق وزیر داخلہ نے پریس کانفرنس کرتے ہوئے اعلان کیا تھا کہ وہ شہباز شریف کو پارٹی لیڈر مانتے ہیں، اگر مریم نواز پارٹی لیڈر بنیں، تو وہ ن لیگ سے الگ ہوجائیں گے۔

خیال رہے کہ نواز شریف کے بیانات پر اختلاف رکھتے ہوئے کئی رہنما پارٹی کو چھوڑ چکے ہیں۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

جون 6, 2018
چوہدری نثارکسی پارٹی میں نہیں جائینگے، وہ ن لیگ کا حصہ ہیں، رانا ثناءاللہ

لاہور : پنجاب کے وزیر قانون رانا ثناءاللہ نے کہا ہے کہ چوہدری نثار ن لیگ کا ہی حصہ ہیں وہ کسی پارٹی میں نہیں جائیں گے، عمران خان کہیں سسٹم کی وکٹ ہی نہ گرا دیں۔

یہ بات انہوں نے لاہور میں میڈیا سے گفتگو کرتے ہوئے کہی، رانا ثناءاللہ نے کہا کہ عمران خان کیا وکٹیں گرائیں گے، جہاں سے کوشش ہورہی ہے اُن کو یہ سمجھنا چاہئے، کہیں وہ سسٹم کی وکٹ ہی نہ گرادیں، یہ ریاست کی وکٹ گرانے کے مترادف ہوگا۔

چوہدری نثارکی پی ٹی آئی میں شمولیت کے سوال ہر ان کا کہنا تھا کہ چوہدری نثار نہ تو کسی پارٹی میں جارہے ہیں اور نہ جائیں گے، وہ نون لیگ کا حصہ ہیں ، پارٹی میں کسی قسم کی کوئی تقسیم نہیں ہے۔

انہوں نے کہا کہ مسلم لیگ ن بھرپورطریقےسےانتخابی عمل میں حصہ لےگی، عوام 2018 میں ووٹ کو عزت دینے کا فیصلہ کرینگے کیونکہ وہ بھی نوازشریف کے بیانیے کے ساتھ ہیں،۔

کراچی ہو یا خیبر پخنونخوا وہاں شہبازشریف بطور پارٹی صدر گئے تھے، آئندہ انتخابات میں کسی سیاسی اتحاد کی ضرورت پڑی تو لازمی کیا جائے گا۔

پشتون تحفظ موومنٹ سے متعلق اظہار خیال کرتے ہوئے صوبائی وزیر قانون نے کہا کہ نوازشریف کی مقبولیت کو کم کرنے کیلئے جتھہ بنایا گیا ہے، ایسے جتھے جنوبی پنجاب اور بلوچستان میں بھی بنائے گئے، اس سے پہلے بھی سیاسی جماعتوں کو کمزور کرنے کیلئے ایسےجتھے بنائے جاتے رہے ہیں۔

رانا ثنااللہ نے مزید کہا کہ پشتون تحفظ موومنٹ کو سیاسی گول کے طورپر دیکھتا ہوں، اس جیسی تنظیمیں معاشرے کو تقسیم کرتی ہیں، منظور پشتین کو لاہورمیں جلسہ کرنے سے نہیں روکا، میں منظور پشتین کے تمام مطالبات سے متفق نہیں ہوں۔

اپریل 25, 2018
چوہدری نثار کو شریف برادران کا سیاسی خاتمہ نظر آ رہا ہے، نبیل گبول

اسلام آباد: پیپلزپارٹی کے رہنما نبیل گبول نے کہا ہے کہ چوہدری نثار کو شریف برادران کا سیاسی خاتمہ نظرآ رہا ہے، وہ ن لیگ کے ٹکٹ پر الیکشن نہیں لڑیں گے، چوہدری نثار پی ٹی آٗئی میں کبھی شامل نہیں ہوں گے۔

ان خیالات کا اظہار انہوں نے اے آر وائی نیوز کے پروگرام ’پاورپلے‘ میں گفتگو کرتے ہوئے کیا، نبیل گبول نے کہا کہ شریف برادران چاہتے ہیں کوئی ایسا شخص پارٹی میں سامنے آئے جو سب بالخصوص اسٹیبلشمنٹ کو بھی منظور ہو۔

انہوں نے کہا کہ ڈان لیکس پلانٹڈ تھا ایسا کچھ کیا گیا تو نتائج خطرناک ہوں گے، سابق وزیر داخلہ چوہدری نثار کو ڈان لیکس کی رپورٹ عوام کے سامنے لانا ہوگی۔

پیپلزپارٹی رہنما نے کہا کہ ن لیگی حکومت 23 ویں آئینی ترمیم لانا چاہتی ہے، ن لیگ آرٹیکل 62 میں ترمیم کرنا چاہتی ہے، حکومت آئین کے کافی آرٹیکلز میں ترمیم چاہتی ہے۔

نبیل گبول نے کہا کہ نواز شریف کے خلاف فیصلہ آنے پر جائیداد ضبط ہوسکتی ہے، وہ جیل میں زیادہ عرصے نہیں رہیں گے، نواز شریف کی گھر میں نظر بندی کا حکم آسکتا ہے، شریف خاندان کو اپنے خلاف فیصلہ آنے پر مالی مشکلات کا سامنا ہوسکتا ہے تاہم ن لیگ نے اگر الیکشن لڑنا ہے تو نواز شریف کو پاکستان واپس آنا ہوگا۔

انہوں نے کہا کہ شہباز شریف کے لیے بھی آنے والا وقت سخت ہے، وزیر اعلیٰ پنجاب بھی چکی پیسنے میں اپنے بھائی کے ساتھ ہوں گے، سعد رفیق نے آج رو رو کر بیان دیا حالات کنٹرول سے باہر ہوگئے ہیں۔

نبیل گبول نے کہا کہ ندیم افضل چن کافی عرصے سے پارٹی میں غیر متحرک تھے، کچھ سیاست دان جہاں ہوا کا رخ ہوتا ہے وہاں چلے جاتے ہیں، ندیم افضل چن چلے گئے، پنجاب سے بڑا نام پی پی میں آںے والا ہے، آنے والے دنوں میں ن لیگ سے کافی لوگ ٹوٹ کر جائیں گے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اپریل 19, 2018
پی ٹی آئی کے کچھ لوگ چوہدری نثار سے رابطے میں ہیں، عمران خان

بنی گالا: پاکستان تحریک انصاف کے چیئرمین عمران خان نے کہا ہے کہ پی ٹی آئی کچھ لوگ چوہدری نثار سے رابطے میں ہیں تاہم میں خود چوہدری نثار سے رابطے میں نہیں ہوں۔

تفصیلات کے مطابق پی ٹی آئی چیئرمین عمران خان نے اے آر وائی نیوز کی خبر کی تصدیق کرتے ہوئے کہا ہے کہ پی ٹی آئی کے کچھ لوگ چوہدری نثار سے رابطے میں ہیں تاہم ان کا چوہدری نثار سے کوئی رابطہ نہیں ہوا ہے۔

عمران خان نے کہا کہ چوہدری نثار نے مریم نواز سے آرڈرز لینے سے انکار کیا ہے، خوشی ہے کہ ن لیگ میں سے کسی میں غیرت تھی، میرا خیال ہے کہ چوہدری نثار کے لیے پی ٹی آئی میں شامل ہونا بڑا فیصلہ ہوگا۔

مزید پڑھیں: چوہدری نثارکے تحریک انصاف میں شمولیت کے امکانات، ذرائع

واضح رہے کہ ذرائع نے بتایا تھا کہ چوہدری نثار کی پی ٹی آئی رہنماؤں سے اب تک دو ملاقاتیں ہوچکی ہیں، پی ٹی آئی کی جانب سے چوہدری نثار کی شمولیت سے متعلق مختلف آپشنز زیر غور ہیں۔

اس حوالے سے ذرائع کا کہنا تھا کہ راولپنڈی میں میں جلسہ رکھ کر انہیں پی ٹی آئی میں خوش آمدید کہنے پر بھی غور کیا جارہا تھا، اس کے علاوہ چوہدری نثار کے ساتھ ان کے ہم خیال دیگر مسلم لیگ ن کے ارکان کو بھی پارٹی میں لائے جانے کے لیے غور کیا جارہا تھا۔

خیال رہے کہ ترجمان چوہدری نثار کی جانب سے ایسی کسی بھی قسم کی خبر کی تردید کی گئی تھی، دوسری جانب پی ٹی آئی نے چوہدری نثار سے رابطوں کی تردید کی تھی، ترجمان پی ٹی آئی نے اپنے وضاحتی بیان میں کہا تھا کہ پی ٹی آئی وفد کی چوہدری نثار سے کوئی ملاقات نہیں ہوئی ہے اور نہ ہی ملاقات کے لیے ان کی رہائش گاہ جانے کا کوئی ارادہ ہے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اپریل 18, 2018
چوہدری نثارکو ڈان لیکس پرمیڈیا میں گفتگو نہیں کرنی چاہیے تھی‘ احسن اقبال

لندن : وزیر داخلہ احسن اقبال نے لند ن میں تقریب سے خطاب کرتے ہوئے کہا ہے کہ پاکستان مسلم لیگ ن کے صدر میاں نوازشریف کو نا اہل کئے جانے کے بعد ان کی شہرت میں مزید اضافہ ہوا ہے۔ ڈان لیکس حوالے سے انہوں نے کہا کہ سابق وزیرداخلہ کو اس حساس معاملے کو میڈیا میں زیربحث نہیں لانا چاہئے تھا۔

اے آروائی نیوز کے مطابق منگل کی شام پاکستان ہائی کمیشن لندن میں قائم مقام ہائی کمشنر زاہد حفیظ چوہدری کے ہمراہ پریس کانفرنس میں میڈیا سے گفتگو کرتے ہوئے وزیرداخلہ احسن اقبال کا کہنا تھا کہ عوام کو اس بات کا احساس ہے کہ ملک کو ترقی کی طرف لے جانے والے رہنما کو ہٹانا غل فیصلہ تھا۔

وزیر داخلہ نے کہا کہ عوام نے منفی سیاست کو مسترد کر دیا ہے اور ترقی کی سیاست کے ساتھ جڑ چکے ہیں، عوام ترقی کا لانگ مارچ چاہتے ہیں۔ انہوں نے کہا کہ ان کا دورہ برطانیہ انہتائی کامیاب رہا، دورے کے دوران انہوں نے برطانوی وزیرخارجہ بورس جانسن، امیگریشن کے وزیر اور دیگر اعلی برطانوی حکام کے ساتھ ملاقاتیں کی ہیں۔ ہم نے برطانوی حکام کو آگاہ کیا ہے کہ پاکستان نے دہشت گردی کے خلاف بڑی کامیابیاں حاصل کی ہیں اور نیشنل ایکشن پلان کے تحت کاروائیاں کرتے ہوے پاکستان کے اندر دہشتگردی کے واقعات کو اسی فیصد کم کر دیا ہے۔

یہ بھی پڑھیں

امریکا سے متعلق مزید خبریں پڑھیں

برطانیہ سے متعلق مزید خبریں پڑھیں

وزیرداخلہ نے کہا کہ کراچی کا امن واپس لے آئے ہیں اور حالات اٹھانوے فیصد تک درست ہو چکے ہیں جس کے نتیجے میں تقریباً ایک سو کارخانے دوبارہ کھل چکے ہیں۔ بلوچستان کے اندر کارروائیوں اور تعمیر نو کے ذریعے امن کے قیام کو یقینی بنایا ہے۔ ہم نے یہ پیشکش بھی کی ہے کہ دنیا ہمارے تجربات سے استفادہ کرے۔

وزیرداخلہ نے کہا کہ 2013 میں جب ہمیں حکومت ملی تو ملک میں ترقی کی شرح تین فیصد تھی جو اب بڑھ کر چھ فیصد ہو چکی ہے۔ لوڈشیڈنگ کے خاتمے اور بجلی کے آنے سے صنعتی شعبہ بھی تیزی سے ترقی کر رہا ہے اور ہم چاہتے ہیں کہ اوورسیز کمیونٹی بھی ترقی کے اس سفر کا حصہ بنے۔

پاکستان میں سرمایہ کاری کے مواقع موجود ہیں۔ چین اور دیگر ممالک ان مواقع سے فائدہ اٹھا رہے ہیں اور اوورسیز پاکستانیوں کو بھی چاہئے کہ وہ اس سفر میں شریک ہوں۔ احسن اقبال نے کہا کہ اوورسیز پاکستانی زرمبادلہ بھیجنے کے ساتھ ساتھ سرمایہ کاری اور برآمدات میں اضافے میں بھی کردار ادا کر سکتے ہیں۔

انہوں نے کہا کہ مسلمانوں کے ساتھ امتیازی سلوک کی کوکھ سے شدت پسندی جنم لیتی ہے، قیام امن کیلئے ضروری ہے کہ اقوام عالم بین الاقوامی تنازعات بشمول مسئلہ کشمیر کے حل کیلئے اپنا کردار ادا کریں۔ پاکستانی طلبہ کے حوالے سے بات کرتے ہوے احسن اقبال نے کہا کہ برطانوی حکام نے یقین دلایا ہے کہ پاکستانی طلبہ کے ساتھ امتیازی سلوک نہیں کیا جائے گا۔ ان کا کہنا تھا کہ "یوکے پاکستان گیٹ وے” منصوبہ شروع کریں گے جس سے پاکستانی طلبہ کو اعلیٰ تعلیم کے حصول میں آسانیاں پیدا ہوں گی۔

ان کا کہنا تھا کہ اوورسیز پاکستانیوں کی سہولت کیلئے ای ویزا سروس شروع کر رہے ہیں جس کی بدولت لوگوں کو گھر بیٹھے ویزا مل جایا کرے گا۔

بانی ایم کیو ایم کے حوالے سے پوچھے جانے والے سوال کے جواب میں ان کا کہنا تھا کہ برطانوی حکام کو اس ضمن میں شواہد پیش کئے جا چکے ہیں اور ہم ان سے رابطے میں ہیں۔ ڈان لیکس اور سابق وزیرداخلہ چوہدری نثار علی خان کے حوالے سے سوال کے جواب میں انہوں نے کہا کہ سابق وزیرداخلہ کو اس حساس معاملے کو میڈیا میں زیربحث نہیں لانا چاہئے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

فروری 15, 2018
نواز شریف کا موٹروے سے جانے کا فیصلہ ن لیگ اجلاس میں ہوا، ترجمان چوہدری نثار

اسلام آباد: ترجمان چوہدری نثار نے کہا ہے کہ نواز شریف کا موٹروے جانے کا فیصلہ ن لیگ اجلاس میں ہوا، فیصلہ یہ ہوا تھا کہ سیکیورٹی وجوہات پر نواز شریف موٹروے سے جائیں۔

تفصیلات کے مطابق نواز شریف نے پارٹی اجلاس میں کہا تھا کہ موٹروے سے جانے کا مشورہ دینے والے کہاں ہے؟ جس کے جواب میں ترجمان چوہدری نثار نے اپنے موقف میں کہا ہے کہ نواز شریف کا موٹروے سے جانے کا فیصلہ ن لیگ اجلاس میں ہوا۔

ترجمان کے مطابق اجلاس میں نواز شریف، شاہد خاقان سمیت 10 سے 11 رہنما موجود تھے، نواز شریف کا ہر انٹرچینج پر استقبال کرنے کا فیصلہ کیا گیا ، فیصلہ مری کی میٹنگ کے بعد اخبارات میں شائع بھی ہوا۔

نواز شریف نے چوہدری نثار کو شہباز شریف کو فیصلے پر قائل کرنے کو کہا، چوہدری نثار نے نواز شریف کو آگاہ کیا کہ شہباز شریف متفق ہیں۔

ترجمان چوہدری نثار کے مطابق فیصلے میں تبدیلی کسی سیاست دان کے مشورے سے نہیں ہوئی، میڈیا کے ایک وفد نے نواز شریف سے پنجاب ہاؤس میں ملاقات بھی کی، وفد نے نواز شریف کو موٹروے سے جانے کا مشورہ دیا۔

یہ پڑھیں: مریم نواز کی سربراہی میں کام نہیں کرسکتا: چوہدری نثار

ترجمان کے مطابق جہاز پر جانے کا مشورہ دینے والے سے متعلق نواز شریف ہی بتاسکتے ہیں، سیدھے سادھے فیصلے کو میڈیا کلپ سے غلط رنگ دینا بدقسمتی ہے۔

واضح رہے کہ گزشتہ روز ن لیگ کی پارٹی میٹنگ میں طلال چوہدری نے کہا تھا کہ جی ٹی روڈ سے جانے کا فیصلہ مثبت ثابت ہوا ہے، جس پر نواز شریف کا کہنا تھا کہ کہاں ہیں وہ لوگ جو موٹروے سے جانے کا مشورہ دے رہے تھے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

فروری 14, 2018
عمران خان کی چوہدری نثارکو پی ٹی آئی میں شمولیت کی دعوت

اسلام آباد : پاکستان تحریک انصاف کے چیئرمین عمران خان نے چوہدری نثار کو پی ٹی آئی میں شمولیت کی باضابطہ دعوت دیتے ہوئے کہا ہے کہ مریم نواز اور چوہدری نثار کا کوئی موازنہ نہیں، خواجہ آصف قومی سلامتی کیلئے خطرہ ہیں۔

ان خیالات کا اظہار انہوں نے اے آر وائی نیوز کے پروگرام ’’سوال یہ ہے‘‘ میں میزبان ماریہ میمن سے گفتگو کرتے ہوئے کیا، عمران خان نے کہا کہ چوہدری نثار پی ٹی آئی میں آجائیں تواچھا ہے، کئی بار دل بڑا کرنا پڑتا ہے، مریم نواز اور چوہدری نثار کا کوئی موازنہ نہیں ہے اسی طرح بلاول بھٹو زرداری اعتزاز احسن کا مقابلہ نہیں کرسکتے۔

انہوں نے کہا کہ بلاول بھٹو زرداری بچہ ہے اس سے اتحاد کیسے کروں؟ بلاول سے اتحاد کا مطلب آصف زرداری سے اتحاد کرنا ہے، ایک شرط پر زرداری اور نوازشریف کی توبہ قبول کرنے کو تیار ہوں دونوں افراد پاکستان سےلوٹی ہوئی دولت واپس لے آئیں تو ان کی توبہ قبول کرلوں گا۔

عمران خان کا مزید کہنا تھا کہ نگراں سیٹ اپ آتے ہی کئی لوگ ن لیگ کو چھوڑ جائیں گے، ن لیگ نےآئی بی سے لسٹیں بنوا کراپنے لوگوں کو زبردستی روک رکھا ہے کیونکہ آئی بی چیف شریف خاندان کا ذاتی ملازم ہے۔

سینیٹ انتخابات کے حوالے سے ایک سوال کے جواب میں ان کا کہنا تھا کہ ان انتخابات میں پیسہ چل رہا ہے اور لوگوں کی قیمتیں لگ رہی ہیں۔

انہوں نے اس بات کی تصدیق کرتے ہوئے کہا کہ مجھے بھی سینیٹ کی ایک نشست کیلئے چالیس کروڑ روپے کی آفر ہوئی ہے، اس باربھی اپنے ایم پی ایز کی قیمتیں نہیں لگنے دوں گا، ایم پی ایز سے کہوں گا کہ اپنے ضمیر کاسودا مت ہونے دیں۔

عمران خان نے کہا کہ سمیع الحق ہمارے اتحادی ہیں، لیکن ہماری پہلی ترجیح اپنے امیدوار ہی ہونگے، البتہ اضافی ووٹ سمیع الحق کو دیئے جاسکتے ہیں۔

انہوں نے مزید کہا کہ وزیر خارجہ خواجہ آصف قومی سلامتی کیلئے خطرہ ہیں، ان کے بیرون ملک اکاؤنٹس اور اثاثے پکڑے گئے ہیں، خواجہ آصف نے کروڑوں روپے بیوی کے غیرملکی اکاؤنٹ میں منتقل کئے۔

ہائی کورٹ کے ججز سے درخواست ہے کہ وہ خواجہ آصف نااہلی کیس روزانہ سماعت کریں، ملکی خزانہ بے دردی سے لوٹا جارہا ہےاور ایک ایک ماہ کی تاریخی مل رہی ہیں۔

فروری 11, 2018
اداروں سے تصادم کی پالیسی نقصان دہ ہے، چوہدری نثار

اسلام آباد: سابق وفاقی وزیر داخلہ چوہدری نثار علی خان کا کہنا ہے کہ مسلم لیگ ن نازک دور سے گز رہی ہے، ریاستی اداروں سے تصادم کی پالیسی کے خلاف ہوں کیونکہ اس سے نقصان ہوسکتا ہے، شہباز شریف کی نامزدگی مثبت ثابت ہوسکتی ہے۔

اسلام آباد میں میڈیا سے گفتگو کرتے ہوئے چوہدری نثار علی خان کا کہنا تھا کہ ن لیگ انتہائی نازک دور سے گزررہی ہے، اس وقت جوش سے زیادہ ہوش سے فیصلے کرنے کی ضرورت ہے۔

اُن کا کہنا تھا کہ فیصلوں کے لیے سیاسی مشاورت کی بہت زیادہ ضرورت ہے کیونکہ سیاسی جماعتیں ٹوئٹس اور ٹکرز سے نہیں چلائی جاسکتیں اور نہ ہی غیر سیاسی لوگوں کے فیصلے مسلط ہونے سے پارٹیوں کی ساکھ بہتر ہوسکتی ہے۔

مزید پڑھیں: کیا شہباز شریف کی سوئی قسمت جاگ اٹھی؟ وزارت عظمیٰ کے سوال کا دلچسپ جواب

سابق وفاقی وزیر داخلہ کا کہنا تھا کہ ذاتی طور پر تصادم کی پالیسی کے خلاف ہوں، ہمیں اپنی تمام تر توجہ سیاسی مخالفین پر رکھنی چاہیے اور غیر ضروری تنازعات میں الجھنے سے گریز کرنا چاہیے۔

چوہدری نثار علی خان کا کہنا تھا کہ ’سیاسی کارکن عدلیہ مخالف تحریک کا حصہ بننے کا سوچ بھی نہیں سکتا، غیر سیاسی عناصر کے قومی اداروں کو نشانہ بنانے کے بیانے کو پذیرائی نہیں دینی چاہیے‘۔

اُن کا مزید کہنا تھا کہ ’میں ذاتی طور پر ایسے شخص کو سیاستدان نہیں سمجھتا جس نے بلدیاتی کونسل کا الیکشن بھی نہ لڑا ہو، ایسے لوگوں سے مشورے لینے کی وجہ سے پارٹی اور قومی اداروں کو نقصان پہنچ رہا ہے‘۔

یہ بھی پڑھیں: مریم نواز کے عدلیہ مخالف ٹویٹ‘ عدالت نے نوٹس جاری کردیا

واضح رہے کہ سابق نااہل وزیراعظم میاں محمد نوازشریف پاناما فیصلے کے خلاف عدلیہ مخالف تحریک چلانے کا اشارہ دے چکے ہیں، لندن سے وطن واپسی پر انہوں نے عدلیہ کے فیصلوں پر تنقید کرتے ہوئے کہا تھا کہ ’عوام انصاف کا ترازو دیکھنا چاہتے ہیں تحریک انصاف کا نہیں‘۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

دسمبر 22, 2017
الیکشن ملتوی ہوئے تو بہت نقصان ہوگا، چوہدری نثار

اسلام آباد: سابق وزیر داخلہ چوہدری نثار علی خان نے کہا ہے کہ الیکشن ملتوی نہیں ہونے چاہئیں ورنہ بہت نقصان ہوگا، شاید آخری شخص ہوں جو کہہ گا کہ الیکشن ملتوی ہوں۔

ان خیالات کا اظہار انہوں نے پریس کانفرنس کرتے ہوئے کیا، چوہدری نثار نے کہا کہ وزیر اعظم کو اس وقت ٹیکنو کریٹ حکومت کی بات نہیں کرنی چاہئے تھی، پاناما معاملے پر تقریر نہ کرنے کا مشورہ دیا تھا، سپریم کورٹ کو کمیشن کے لیے خط بھی نہیں لکھنا چاہئے تھا۔

ن لیگ ذاتی مفادات پر مبنی پارٹی بن چکی ہے

چوہدری نثار نے کہا کہ مسلم لیگ ن کی قیادت کو اب گومگو کی کیفیت سے باہر آنا ہوگا، ذاتیات سے نکل کر ملک اور پارٹی پر توجہ دینا ہوگی، توجہ نہ دی تو افراد کے ساتھ پارٹی کو بھی نقصان ہوگا، مسلم لیگ ن اس وقت ذاتی مفادات پر مبنی پارٹی بن چکی ہے۔

پاکستان کو بہت سے ممالک سے خطرہ ہے

انہوں نے کہا کہ پاکستان کے حالات 1970 سے زیادہ مشکل دیکھ رہا ہوں، پاکستان کو اس وقت بہت سے ممالک سے خطرہ ہے، کچھ ممالک سامنے ہیں اور کچھ پیچھے سے وار کررہے ہیں، ہمیں 1970 کا تو پتہ ہی نہیں لگنے دیا گیا تھا۔

خطرات پر کام نہیں ہورہا سب معمول کے کام پر لگے ہیں

سابق وزیر داخلہ نے کہا کہ خطرات پر کام نہیں ہورہا سب معمول کے کام پر لگے ہیں، مجموعی مسائل پر سوچنا ہوگا انفرادی سوچا تو سب کو نقصان ہوگا، حساس اداروں کی جو بھی بریفنگ ہوتی ہے وہ حساس ہوتی ہے، بریفنگ میں خطرات سے متعلق بہت سی باتیں کی جاتی ہیں۔

ن لیگ میں ایک مفاہمتی اور ایک مزاحمتی گروپ ہے

چوہدری نثار نے کہا کہ میرے ایشوز کو چوک پر نہیں پارٹی میٹنگز میں بیان کروں گا، ن لیگ میں ایک مفاہمتی اور ایک مزاحمتی گروپ ہے، ن لیگ میں اختلاف رائے ہے تو یہ جمہوری نظام کا حصہ ہے۔

انہوں نے کہا کہ ٹھنڈے مزاج کے ساتھ عدالت سے محاذ آرائی نہیں کرنی چاہئے، عدالتی فیصلے پر تنقید ٹھیک لیکن عدلیہ سے محاذ آرائی ٹھیک نہیں، معلوم تھا فیصلہ خلاف آیا تو پارٹی محاذ آرائی کرے گی، محاذ آرائی کرنے کی صورت میں ہی حکومت سے الگ ہوا۔

یہ پڑھیں: اعلیٰ عدلیہ کونشانہ بنانانوازشریف اورپارٹی کےحق میں نہیں،چوہدری نثار

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اکتوبر 30, 2017
چوہدری نثار کے ذریعے نوازشریف کو این آر او کی پیش کش کی گئی، فیصل واوڈا

کراچی: تحریک انصاف کے رہنماء فیصل واوڈا نے دعویٰ کیا ہے کہ نوازشریف کو چوہدری نثار کے ذریعے این آر او کی پیش کش کی گئی۔

اے آر وائی نیوز کے پروگرام آف دی ریکارڈ میں گفتگو کرتے ہوئے پی ٹی آئی رہنماء نے کہا کہ نوازشریف اور چوہدری نثار کے مابین آج جو ملاقات ہوئی اُس میں نئے این آر او کی پیش کش سامنے آئی۔

انہوں نے کہا کہ عدالت سے ملزم قرار دیا جانے والا شخص اپنے ساتھ منتخب وزرا کو لے کر عدالت میں پیش ہورہا ہے اور ن لیگ کے وزیر اداروں کو کھلی دھمکیاں بھی دے رہے ہیں، اس طرزِ عمل سے خطرات مزید بڑھ جائیں گے۔ فیصل واوڈا کا کہنا تھا کہ نوازشریف کی طرزسیاست تشددوالی ہے، اس لیے انہوں نے شہبازشریف کی جگہ اپنے آدمی کو جماعت کی صدارت دی۔

قمر زمان کائرہ

پیپلزپارٹی کے رہنماء قمر زمان کائرہ نے پروگرام میں گفتگو کرتے ہوئے کہا کہ سپریم کورٹ کے 2 ججز نے نوازشریف کو جھوٹ بولنے، اقامہ اور ایف زیڈ ای کمپنی چھپانے پر نکالا گیا، میاں صاحب سمجھتے ہیں کہ پاکستان اُن کی وجہ سے ہے۔

پی پی رہنماء نے کہا کہ میاں صاحب کو اچھی طرح سے معلوم ہے انہیں کیوں نکالاگیا، نوازشریف اور بانی ایم کیو ایم میں کوئی فرق نہیں رہا کیونکہ وہ بھی اب پاکستان مخالف باتیں کررہے ہیں، میاں صاحب اور مسلم لیگ ن کوشش کرے گی کہ اُن کی جماعت کو لندن سے ہی چلایا جائے۔

پڑھیں: سابق نااہل وزیراعظم نواز شریف ایک بارپھرتوہینِ عدالت کے مرتکب

قمر زمان کائرہ نے کہا کہ نوازشریف نے ہمیشہ ووٹ کے تقدس کو پامال کر کے اقتدار حاصل کیا، آمر کی نرسری میں پلنے والے میاں صاحب جمہوریت کا مقدمہ نہیں لڑ سکتے

شاہین صہبائی

پروگرام میں امریکا سے شرکت کرنے والے معروف صحافی شاہین صہہائی نے نوازشریف کی وطن واپسی کی وجہ بتاتے ہوئے کہا کہ اسحاق ڈار نے واضح مؤقف اختیار کیاتھا کہ اگر میاں صاحب واپس نہیں آئیں گے تو وہ بھی نہیں آئیں گے۔

انہوں نے کہا کہ نوازشریف کا وطن واپس آنے کا مقصد پارٹی کو بچانا ہے کیونکہ مسلم لیگ ن میں دراڑیں پڑنا شروع ہوگئیں تھیں، نوازشریف کوخود مجھےکیوں نکالاکاجواب معلوم ہے، مرکز، پنجاب حکومت کےتمام وسائل نوازشریف کی مٹھی میں ہیں۔

ویڈیو دیکھیں

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

ستمبر 26, 2017

Tag: ch nisar

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مزید پڑھیں: کیا شہباز شریف کی سوئی قسمت جاگ اٹھی؟ وزارت عظمیٰ کے سوال کا دلچسپ جواب

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

ن لیگ ذاتی مفادات پر مبنی پارٹی بن چکی ہے

پاکستان کو بہت سے ممالک سے خطرہ ہے

خطرات پر کام نہیں ہورہا سب معمول کے کام پر لگے ہیں

ن لیگ میں ایک مفاہمتی اور ایک مزاحمتی گروپ ہے

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

قمر زمان کائرہ

پڑھیں: سابق نااہل وزیراعظم نواز شریف ایک بارپھرتوہینِ عدالت کے مرتکب

شاہین صہبائی

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔