Tag: ch nisar

اسلام آباد: وزیر داخلہ چوہدری نثار کا کہنا ہے ایم کیوایم کی را سے فنڈنگ کے معاملے پر قوم کو حقائق بتائیں گے، مصطفیٰ کمال کوتحقیقاتی کمیٹی سے تعاون اور شواہد دینے کی دعوت بھی دے دی۔

کراچی میں پریس کانفرنسز کا شور اور ایم کیو ایم کے خلاف الزامات کا سلسلہ جاری ہے، وزیر داخلہ چوہدری نثار نے کہا ہے کہ مصطفی کمال کے پاس ثبوت ہیں تو ایف آئی اے سے شیئر کریں۔

چوہدری نثار مصطفیٰ کمال کوشواہد شیئرکرنے کمیٹی میں آنے کی دعوت دیتاہوں، مصطفیٰ کمال،سرفرازمرچنٹ نےجس کیس کاذکرکیاوہ لندن میں ہے، انصاف کےتقاضوں کے مطابق کیس آگے بڑھایاجائےگا، ملک کے مفاد کا تحفظ میرا فرض ہے ، میری ذمہ داری ہے کہ ایم کیوایم کیساتھ بھی انصاف ہو۔

چوہدری نثار نے کہا را سے فنڈنگ کے الزامات لگانے والےسرفراز مرچنٹ پاکستان آکر تفتیش کا حصہ بنیں انہیں مکمل سیکیورٹی دیں گے۔

چوہدری نثار نے ناقدین کو بھی کھری کھری سُنائی ان کا کہنا تھا جب ایم کیوایم پچھلی حکومتوں میں تھی تب کیوں شورنہیں ہوا؟ جوڈیشل کمیشن بنانے کا مطالبہ کرنا فیشن بن گیا ہے، سنجیدہ الزامات ہیں جو عدالتی کارروائی سے ہی انجام تک پہنچ سکتےہیں۔

اسلام آباد: وزیرداخلہ چوہدری نثار نے دس دہشتگردوں کےبھارت جانےکی تصدیق کردی ۔

وزیر داخلہ چوہدری نثار نے سینیٹ میں بتایا کہ وہ دہشت گردوں کے بھارت جانے کی تصدیق کرتے ہیں، ان کا کہنا تھا بھارت کے ساتھ انٹیلی جنس معلومات کا تبادلہ کیا گیا ہے ۔

چوہدری نثار کا کہنا تھا نان اسٹیٹ ایکٹرز کارروائی کرتے ہیں اور الزام ملک اور اداروں پرآتا ہے ، پاکستان کی سرزمین کسی کے خلاف استعمال نہیں ہونے دیں گے، چوہدری نثار کا کہنا تھا افغانستان کے ساتھ بھی انٹیلی جنس شیئرنگ کی جاتی ہے۔