شیخوپورہ/چاغی: پنجاب کے شہر شیخوپورہ اور بلوچستان کے شہر چاغی میں ٹریفک حادثات میں مجموعی طور پر 7 افراد جاں بحق ہو گئے، اس سے قبل کوٹلی آزاد کشمیر میں زائرین کی بس کھائی میں گرنے سے 9 افراد جاں بحق ہوئے تھے۔
تفصیلات کے مطابق شیخوپورہ میں موٹر وے پر فیض پور انٹر چینج کے قریب بس الٹ گئی، جس کے نتیجے میں 4 افراد جاں بحق ہو گئے، حادثے میں 30 سے زائد افراد زخمی ہو گئے ہیں، حادثے کی شکار بس ملتان سے سیالکوٹ جا رہی تھی۔
بلوچستان کے شہر چاغی میں پاک ایران شاہراہ جوجکی کے قریب ٹریفک حادثے میں 3 افراد جاں بحق ہو گئے، جاں بحق افراد کی لاشیں دالبندین ڈی ایچ کیو اسپتال منتقل کی گئیں۔
کوٹلی کے قریب بس کھائی میں گر گئی، 9 افراد جاں بحق
اس سے قبل گزشتہ شب آزاد کشمیر میں کوٹلی کے قریب زائرین کی بس کھائی میں گر گئی، جس میں نو افراد جاں بحق، متعدد زخمی ہو گئے ہیں، ریسکیو آپریشن جاری ہے، بس میں 35 سے زائد زائرین سوار تھے۔ گوجرانوالہ سے آئے زائرین سدھنوتی میں درگاہ نیریاں شریف میں عرس میں شرکت کے بعد واپس جا رہے تھے۔
