Tag: chaired

اسلام آباد : وزیر اعظم شاہد خاقان عباسی کی زیر صدارت قومی سلامتی کمیٹی کا اجلاس جاری ہے، اجلاس میں ایل او سی کی صورتحال، پاک افغان اموراوربارڈرمینجمنٹ، آپریشن ردالفساد اور ضرب عضب کی کارکردگی کا جائزہ لیا جارہا ہے۔

تفصیلات کے مطابق وزیراعظم کی زیرصدارت قومی سلامتی کمیٹی کا اجلاس جاری ہے، اجلاس میں  آرمی چیف جنرل قمرجاویدباجوہ، ایئر چیف اورنیول چیف اور چیئرمین جوائنٹ چیفس آف اسٹاف کمیٹی جنرل زبیرحیات بھی شریک ہیں۔

اجلاس کے شرکا میں ڈی جی آئی ایس آئی، ڈی جی ایم آئی بھی شامل ہیں جبکہ وفاقی وزرا اور مشیر قومی سلامتی بھی شریک ہیں۔

قومی دفاعی کمیٹی کے اجلاس میں ایل او سی کی صورتحال سمیت آپریشن ردالفساد،خیبرفورآپریشن پر بریفنگ دی گئی، پاک افغان امور اور بارڈرمینجمنٹ سے متعلق امور پر غور کیا جائے گا۔

اجلاس میں بھارتی فوج کی اشتعال انگیزی اور پاک فوج کے بھرپور جواب پر تبادلہ خیال ہوگا جبکہ  ملکی مجموعی سیکیورٹی صورتحال اورخطے کے حالات پر گفتگو ہوگی۔

خیال رہے کہ وزیراعظم شاہد خاقان عباسی کی سربراہی میں قومی سلامتی کمیٹی کا یہ پہلا اجلاس ہے۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔