Tag: chairman FBR shabbar zaidi

اسلام آباد : چیئرمین ایف بی آرشبرزیدی نے کہا آٹا، میدہ، سوجی، دال کسی کھانے کے آئٹم پر ٹیکس نہیں لگایا گیا، ہر وہ شخص جو 500 گز کےگھر کا مالک ہے, ریٹرن فائل کرنا ہوگا، ایک ہزارسی سی گاڑی کا مالک بھی ریٹرن فائل کرنے کا پابند ہوگا۔

تفصیلات کے مطابق چیئرمین ایف بی آرشبرزیدی نے پریس کانفرنس کرتے ہوئے کہا آٹےاور میدہ پر کوئی ٹیکس نہیں لگایاگیا، اگر قیمت بڑھی ہے تو اس کا ذمہ دار ایف بی آر نہیں، سی این آئی سی کی ضرورت  سیلز ٹیکس کے لئے ہے۔

چیئرمین ایف بی آر کا کہنا تھا سی این آئی سی سے متعلق ابہام اور پروپیگنڈا کیاگیا، گزشتہ رات کراچی کے تاجروں سے شناختی کارڈ سے متعلق بات کی، لوگ شناختی کارڈ کی شرط کی آڑ میں اپنے ایجنڈے پر کام کر رہے ہیں۔

شبرزیدی نے کہا زیروریٹنگ پرسیلزٹیکس کامعاملہ10سال بعدواپس آرہاہے، مقامی یارن سےمتعلق یکساں مواقع کیلئےاپٹما نے مطالبہ کیا ہے، اپٹما کا مطالبہ  ہے یارن درآمد کرنے دیا جائے، تمام فیصلوں کے اطلاق کیلئے تیار ہیں، مشاورت سے عملدرآمد ہوگا۔

ان کا کہنا تھا ہماراکسی سطح پرکسی سےکوئی ڈیڈلاک نہیں ہے، چھوٹےدکانداروں کیلئے فکس ٹیکس اسکیم لانے کیلئے تیار ہیں، چھوٹا دکان دار کون ہے، اس کا تعین کرنا ابھی باقی ہے۔

چیئرمین ایف بی آر نے کہا تاجروں سے تمام مذاکرات 2بنیادی چیزوں پر ہوئے، ایک ایس آر او1125 اور دوسرا شناختی کارڈ کا مسئلہ تھا، سیلز ٹیکس سے متعلق  بھی افواہیں پھیلائی جارہی ہیں، زیرو ریٹنگ پرمختلف لوگوں کے مختلف زاویے دیکھ رہے ہیں۔

شبر زیدی کا کہنا تھا ایسا فیصلہ نہیں چاہتے کہ معیشت یاصنعت کو نقصان پہنچے، شناختی کارڈ کا مسئلہ ختم ہوچکا ہے، کراچی میں موبائل والے ڈیوٹیز زیادہ  لگنے پر بات کررہے ہیں۔

انھوں نے مزید کہا کہ بے شمارچیزیں ایسی ہیں جو بغیر ڈیوٹی درآمد ہورہی ہیں، تاجروں کو کہا ہے واضح کردیں چھوٹا دکاندار کس کو کہیں گے؟ آٹا میدے پر ٹیکس لگا ہوتا تو میں ضرور جواب دیتا، روٹی کی قیمت بڑھ گئی ہے تو پرائس کنٹرول سے بات کروں گا، آٹا ، میدہ، سوجی، دال کسی کھانے کے آئٹم پرٹیکس نہیں لگایاگیا۔

چیئرمین ایف بی آر کا کہنا تھا ہم نے تمام چیمبرزسےبات کی ہے، گاڑیوں پرٹیکس میں کوئی تبدیلی نہیں کی گئی ہے، گاڑیوں پر ٹیکس صوبوں کامسئلہ ہے ، ٹیکسٹائل سیکٹر کے 1125ارب سیلز ٹیکس نیٹ میں پیشرفت ہے۔

شبر زیدی نے کہا تھوڑی بہت سیاست ہم بھی جانتے ہیں ، بدنام کرنے کی کوشش کی جارہی ہے، بینکوں سے متعلق ڈیٹا بیس موجود ہے، ہر وہ شخص جو 500 گز کےگھر کا مالک ہے ریٹرن فائل کرناہوگا ، ایک ہزارسی سی گاڑی کامالک ریٹرن فائل کرنے کا پابند ہوگا۔

اسلام آباد : چیئرمین ایف بی آر شبر زیدی نے کہا جو ایمنسٹی اسکیم لیں گےوہ خوش رہیں گےاورجونہیں لیں گے انہیں پریشانی ہوگی، ٹریولنگ، یوٹیلٹی بلز، بینک ٹرانزیکشن سمیت تمام معلومات ایف بی آر کے پاس ہیں، ایمنسٹی اسکیم کیلئےشناختی کارڈ،موبائل نمبرکی بنیادڈیٹا انٹری ممکن ہوگی۔

تفصیلات کے مطابق وزیرمملکت برائے ریونیو حماد اظہر ، چیئرمین ایف بی آر شبرزیدی اور نادراحکام نے پریس کانفرنس کی ، نادراحکام نے کہا اثاثوں کی انکوائری کے لئے آن لائن ایپ متعارف کروائی ہے، ویب کے ذریعے تفصیلات آن لائن بھی دیکھی جاسکتی ہیں، ویب سائٹ اردو اور انگریزی زبانوں میں ہے، شناختی کارڈیاایف بی آر کے دیےگئے نمبر سے لاگ ان ہوا جاسکتا ہے۔

نادراحکام کا کہنا تھا ایپ پر کوئی بھی شخص کسی دوسرے شخص کا ڈیٹا نہیں دیکھ سکتا، ایپ کے ذریعے ہر شخص اپنا ڈیٹا خود دیکھ سکے گا، معلومات چیک کرنے کیلئےفیملی سے متعلق کچھ سوالات پوچھےجائیں گے، معلومات چیک کرنے کے 500روپے چارجز ادا کرنےہوں گے۔

ایمنسٹی اسکیم کیلئےشناختی کارڈ،موبائل نمبرکی بنیادڈیٹا انٹری ممکن ہوگی ، چیئرمین ایف بی آر

چیئرمین ایف بی آر شبرزیدی نے پریس کانفرنس میں کہا سیکیورٹی چیک مکمل طور پر ایکٹوہوگی، مقدار آ کے پاس معلومات سے ٹیکس گوشوارے جمع کرانے  میں درستگی ہو گی، ہم نہیں کہہ رہےکون ٹیکس ایبل ہےکون نہیں، میری پہلی ہدایت ہی یہ تھی کہ چھاپے نہیں ماریں گے۔

شبر زیدی کا کہنا تھا ہم کسٹمرسےڈیل کرناہی نہیں چاہتے، جوبھی معلومات بینکس سےملیں گی ہم حاصل کریں گے، ایک کی معلومات دوسرے کو نہیں  دی جائیں گی۔

چیئرمین ایف بی آر نے کہا جواسکیم لےگااورجونہیں لےگادونوں صورتوں میں ہمارافائدہ ہے، جواسکیم لیں گےوہ خوش رہیں گےاورجونہیں لیں گےانہیں پریشانی ہوگی، شہری شناختی کارڈ کی بنیاد پر اپنی آن لائن معلومات لےسکیں گے۔

ان کا کہنا تھا ہم نےکسی کے مخالف چھاپےنہیں مارے، آج سےڈیٹاکی رسائی عوام کودےدی گئی ہے، ٹریولنگ، یوٹیلٹی بلز، بینک ٹرانزیکشن سمیت تمام معلومات ایف بی آر کے پاس ہیں۔

شبر ز یدی نے کہا پاکستان نئےدورمیں داخل ہورہاہے، شہری ایف بی آر سے آن  لائن ڈیٹابیس سےمعلومات لےسکیں گے، آن لائن پروفائل سسٹم میں سیکیورٹی فیچرزکابھی خیال رکھا گیاہے، کسی کی ذاتی معلومات کوئی دوسرا شخص  حاصل نہیں کر سکےگا،چیئرمین ایف بی آر

چیئرمین ایف بی آر کا کہنا تھا نادرا کی مددسےتمام شہریوں کی معاشی سرگرمیوں کاڈیٹا حاصل کیاگیا، کوئی شخص کسی دوسرےکاپروفائل استعمال نہیں کرسکے گا،  ایمنسٹی اسکیم کیلئےشناختی کارڈ،موبائل نمبرکی بنیادڈیٹا انٹری ممکن ہوگی۔

نادرا کے پاس 5 کروڑ 30 لاکھ لوگوں کا ڈیٹا ہوگا، حماد اظہر

وزیرمملکت برائےریونیو حماد اظہر نے کہا نادرا کے پاس 5 کروڑ 30 لاکھ لوگوں کا ڈیٹا ہوگا، نادرا اور ایف بی آر کے 2 پورٹلز بنائےگئے ہیں، پراپرٹی، اکاؤنٹس، یوٹیلٹی  معلومات، ٹیکس گوشوارے پورٹلز پر موجودہوں گے، ڈبل نائن، ڈبل سکس پر میسج سے بھی معلومات لی جا سکے گی۔

حماد اظہر کا کہنا تھا پچھلے دس سال میں عوام کو ڈیٹاانٹگریشن کاوعدہ کرکےبےوقوف بنایاگیا، پی ٹی آئی حکومت نےصرف دس ماہ میں ڈیٹاانٹگریشن سسٹم کاافتتاح کردیا۔

اسلام آباد : چیئرمین ایف بی آر شبرزیدی نے کہا تمام صنعتی صارفین کوٹیکس نیٹ میں لائیں گے، ماضی کے واجبات پر صرف دو فیصد ٹیکس مانگ رہے ہیں، ایمنسٹی اسکیم سے فائدہ اٹھانے والوں کو ٹیکس ریٹرن جمع کروانا لازمی ہوگا۔

تفصیلات کے مطابق اسلام آباد میں چیئرمین ایف بی آر شبرزیدی نے پریس کانفرنس کرتے ہوئے کہا ڈسکوز کے پاس رجسٹرڈ صارفین کی تعداد 3 لاکھ 48ہزار ہے، ملک میں ٹیکس فائلرزکی تعدادکم ہے، ہمیں کاروبار کے لیے پہلے بہترماحول مہیا کرنا ہے، اس میں ٹیکس وصولی کی بات بعد میں آئےگی۔

چیئرمین ایف بی آر کا کہنا تھا بجلی کےصنعتی صارفین کی تعداد3لاکھ71ہزار304ہے، سکیم کی مدت میں ابھی وقت ہے،دیکھتےہیں کیاردعمل آتاہے، ڈسکوزکی سطح پر مینوفیکچررز کا ڈیٹاجمع کررہے ہیں۔

اثاثے ظاہرکرنے پر ٹیکس ریٹرن بھرنے کی شرط عائد ہے

شبرزیدی نے کہا ہراسمنٹ سے روکنےپرآپ بتائیں مزیدکیاکروں، میں پہلے ہی اس پر3حکم جاری کرچکاہوں ، قانون میں کوئی کمی ہے تو بیٹھ کر دیکھیں گے ، اثاثے ظاہر کرنےکی اسکیم میں فائلر کی شرط لازم عائد کی جائے گی۔

ان کا کہنا تھا نان کسٹم پیڈگاڑیوں کے لیے ابھی کوئی اسکیم نہیں ، ماضی کے واجبات پر صرف 2 فیصدٹیکس مانگ رہے ہیں، اثاثے ظاہرکرنے پر ٹیکس ریٹرن بھرنے کی شرط عائد ہے۔

مزید پڑھیں : چند خام مال پر تو ٹیکس چھوٹ دی جا سکتی ہے سب پر نہیں: شبر زیدی

چیئرمین ایف بی آر نے کہا ایک نکاتی ایجنڈا ہے تمام صنعتی صارفین کو ٹیکس نیٹ میں لائیں، 31 لاکھ تجارتی صارفین ہیں، ٹیکس نادہندگان کے اکاؤنٹ منجمد کرنے کا اختیار ابھی بھی ہمارے افسر کے پاس ہے، 24 گھنٹے میں مطلع کیے بغیر اکاؤنٹ منجمد نہیں کیا جائے گا۔

شبرزیدی کا کہنا تھا سیلز ٹیکس کی رجسٹریشن کو آرڈیننس میں شامل کر رہے ہیں، ملک میں 3 لاکھ 41 بجلی کے صنعتی صارفین ہیں، سوئی گیس کمپنیوں کے7 ہزار صنعتی صارفین ہیں، ملک میں رجسٹر صنعتی سیلز ٹیکس صرف 38 ہزار ہیں۔

ایک لاکھ کمپنیاں رجسٹر ہیں اور ٹیکس فائلر 50 ہزار سے بھی کم ہیں

انھوں نے مزید کہا اسکیم میں سیلز ٹیکس کی رجسٹریشن کرانی ہوگی، اسکیم میں 2 فی صد ٹیکس دےکر سیلز ٹیکس رجسٹریشن کرانا ہوگی، اسکیم کا وقت 30 جون کو ختم ہوگا تو ان کے خلاف کارروائی ہوگی، ایک لاکھ کمپنیاں رجسٹر ہیں اور ٹیکس فائلر 50 ہزار سے بھی کم ہیں۔