Tag: Chairman Joint Chief of Staff Committee

  • دوسری چیئرمین جوائنٹ چیف آف اسٹاف کمیٹی اُوپن ٹینس چمپئن شپ2019 کا افتتاح

    دوسری چیئرمین جوائنٹ چیف آف اسٹاف کمیٹی اُوپن ٹینس چمپئن شپ2019 کا افتتاح

    کراچی : دوسری چیئرمین جوائنٹ چیف آف سٹاف کمیٹی اُوپن ٹینس چیمپئن شپ 2019 کی افتتاحی تقریب کا انعقاد ڈیفنس اتھارٹی کریک کلب کراچی میں کیا گیا۔

    تقریب میں کمانڈر کوسٹل کمانڈ وائس ایڈ مرل محمد فیاض جیلانی نے بطور مہمان خصوصی شرکت کی اور چیمپئن شپ کا افتتاح کیا۔اس سے قبل ٹورنامنٹ ڈایئریکٹر کموڈور حبیب الرحمان نے حاضرین سے خطاب کر تے ہوئے بتایا کہ پاک بحریہ کی جانب سے منعقد کی جانے والی چیمپئن شپ 7 روز تک جاری رہے گی۔

    اس ٹورنامنٹ کو کھیلوں سے تعلق رکھنے والے حلقوں کی جانب سے خوب پذیرائی حاصل ہوئی ہے اور 220 کھلاڑیوں نے ٹورنامنٹ میں رجسٹریشن کروائی ہے۔

    ٹورنامنٹ کی انعامی رقم 6لاکھ روپے ہے۔ ٹورنامنٹ کے دوران مختلف کیٹگیریز میں میچز کھیلے جائیںگے جن میں مردوں کے سنگل اور ڈبل ، خواتین کے سنگلز ، جونیئر 18سنگلز، 14سال تک عمر کے لڑکوں کے سنگل ، 10سال سے کم عمر کے لڑکے اور لڑکیوں ، 40سال سے زائد عمر کے ڈبل مقابلے، خصوصی مردوں کے سنگل، خصوصی خواتین کے سنگلز اور مردوں کے وہیل چیئر کے ڈبل مقابلے شامل ہیں۔

    ٹورنامنٹ ڈایئریکٹر نے کھلاڑیوں، آفیشلز اور ایونٹ میں تعاون کرنے والوں کے جذبے کو سراہا اور اس عزم کا اظہار کیا کہ چیمپئن شپ سے دیگر کھیلوں کے علاوہ ٹینس کو خصوصی طور پر فروغ ملے گا۔ چیمپیئن شپ مشترکہ طور پر پاکستان ٹینس فیڈریشن اور سندھ ٹینس ایسوسی ایشن کی زیرنگرانی منعقد کروائی جائے گی۔

    ٹورنامنٹ کی اختتامی تقریب 21 جولائی2019 کو ہوگی۔ پاک بحریہ ملکی سمندری حدود کی حفاظت کی بنےادی ذمہ داری نبھانے کے ساتھ ساتھ انٹر سروسز،قومی اور بین الاقوامی سطح پر سیلنگ ، نشانہ بازی، اسکواش، ہاکی ، کرکٹ اور گالف جیسے کھیلوں کے فروغ کے لیے خصوصی کردار ادا کر رہی ہے۔

    چیمپئن شپ کی افتتاحی تقریب میں بڑی تعداد میں مسلح افواج سے تعلق رکھنے والے سینئر افسران، شہریوں، اسپانسرز، سینئر قومی کھلاڑیوں اور میڈیا کے نمائندگان نے شرکت کی۔

  • وزیر اعظم سے چیئرمین جوائنٹ چیف آف اسٹاف کمیٹی کی ملاقات

    وزیر اعظم سے چیئرمین جوائنٹ چیف آف اسٹاف کمیٹی کی ملاقات

    اسلام آباد: وزیر اعظم عمران خان سے چیئرمین جوائنٹ چیف آف اسٹاف کمیٹی زبیر محمود حیات نے ملاقات کی ہے۔

    تفصیلات کے مطابق نو منتخب وزیر اعظم عمران خان سے چیئرمین جوائنٹ چیف آف اسٹاف کمیٹی زبیر محمود حیات نے ملاقات کی ہے۔

    چیئرمین جوائنٹ چیف آف اسٹاف کمیٹی نے عمران خان کو وزارت عظمٰی کا منصب سنبھالنے پر مبارک باد دی۔

    اس موقع پر باہمی دلچسپی کے امور پر بھی تبادلہ خیال کیا گیا۔

    خیال رہے کہ وزیر اعظم عمران خان نے 2 روز قبل اپنے عہدے کا حلف اٹھایا ہے۔

    قوم سے اپنے پہلے خطاب میں انہوں نے ملک بھر میں بڑے پیمانے پر اصلاحات کرنے اور سادگی اختیار کرنے کے عزم کا اظہار کیا۔

    ان کی کابینہ نے بھی آج اپنے عہدوں کا حلف اٹھا لیا ہے۔

  • جنرل راشد محمود کی زیرصدارت جوائنٹ اسٹاف کمیٹی کااجلاس

    جنرل راشد محمود کی زیرصدارت جوائنٹ اسٹاف کمیٹی کااجلاس

    راولپنڈی: جنرل راشد محمود کی سربراہی میں جوائنٹ اسٹاف کمیٹی نے آپریشن ضرب عضب میں کامیابیاں پر اطمینان کا اظہار کیا ہے اور کہا ہے کہ پاک فوج ملک سے دہشت گردی کا خاتمہ یقینی بنائے گی۔

    آئی ایس پی آر کے مطابق جنرل راشد محمود کی زیر صدارت جوائنٹ اسٹاف کمیٹی کا اہم اجلاس منعقد ہوا جس میں پاکستان کی بری ،بحری اور فضائیہ کے سربراہان نے شرکت کی ہے، اجلاس میں مسلح افواج کے پیشہ وارانہ امور اور سیکیورٹی کی صورتحال پر تبادلہ خیال کیا گیا اور آپریشن ضرب عضب میں سیکیورٹی فورسز کے درمیان تعاون کو سراہا گیا۔

    آئی ایس پی آر کے مطابق اجلاس میں آپریشن ضرب عضب میں حاصل کی گئی کامیابیوں پر اطمینان کا اظہار کیا گیا، اجلاس کے اعلامیے کے مطابق مسلح افواج ہرطرح کے چیلنجز سے نمٹنے کے لئے پوری طرح تیار ہے، ملک سے دہشتگردی کا خاتمہ یقینی بنایا جائے اور سیلاب زدگان کی مدد کے لئے ہرممکن اقدامات کئے جائیں گے۔