Tag: chairman NDMA

اسلام آباد : چیئرمین این ڈی ایم اے لیفٹیننٹ جنرل محمد افضل کا کہنا ہے کہ موسمیاتی تبدیلی کے باعث مون سون بارشوں میں اضافہ ہوا، پاکستان میں موسم بری طرح خراب ہورہا ہے، ملکرکام نہ کیا تو قدرتی آفات بری طرح پاکستان کو نقصان پہنچا سکتی ہیں۔

تفصیلات کے مطابق اسلام آباد میں چیئرمین این ڈی ایم اے لیفٹیننٹ جنرل محمد افضل نے این ایل سی سی میں تقریب سے خطاب کرتے ہوئے کہا ٹڈی دل کے چیلنج پر قابو پانا باعث مسرت ہے، این ڈی ایم اے نے کورونا کی طرح ٹڈی دل کے خاتمے میں حصہ ڈالا۔

لیفٹیننٹ جنرل محمد افضل کا کہنا تھا کہ کورونا کے حوالے سے خدشات موجود ہیں، کورونا کے آغاز پر ہمارے پر حفاظتی سامان کی کمی تھی، کراچی میں تقریباً پچھلےسال کی نسبت 350ملی میٹر زیادہ بارش ہوئی، موسمیاتی تبدیلی کے باعث مون سون بارشوں میں اضافہ ہورہا ہے۔

چیئرمین این ڈی ایم اے نے کہا کہ پاکستان میں موسم بری طرح خراب ہورہاہے ، ملکرکام نہ کیاتوقدرتی آفات بری طرح پاکستان کو نقصان پہنچاسکتی ہیں، اللہ کے فضل سے آج ہم حفاظتی سامان برآمد کررہےہیں۔

ان کا کہنا تھا کہ کورونا ، ٹڈی دل سے نمٹنے کیلئے ہم نے کامیاب حکمت عملی اپنائی ، کورونا سے پیدا صورتحال سے مثبت چیزیں بھی سامنے آئی ہیں، قدرتی آفات سے نمٹنے کیلئے بھی ہمیں اپنی توجہ مرکوز رکھنا ہوگی۔

اسلام آباد : چیئرمین این ڈی ایم اے محمد افضل کا کہنا ہے کہ پاکستان اور چین کی دوستی شہد سےمیٹھی اور سمندر سے گہری ہے، چین نے کورونا صورتحال میں جوامداد کی وہ ناقابل فراموش ہے۔

تفصیلات کے مطابق چیئرمین این ڈی ایم اے محمد افضل نے چین کےدیےگئے 1000وینٹی لیٹرزکی تقریب سے خطاب کرتے ہوئے کہا کہ پاکستان اور چین کی دوستی شہد سےمیٹھی اور سمندر سے گہری ہے، گزشتہ 4ماہ سے اس دوستی کا ایک نیا روپ سامنے آیا ہے۔

چیئرمین این ڈی ایم اے کا کہنا تھا کہ پاکستان میں چینی سفیرکےساتھ ہر میٹنگ میں تعاون بڑھتا گیا، چین نے کورونا صورتحال میں جوامداد کی وہ ناقابل فراموش ہے۔

ٹڈی دل کے حوالے سے محمد افضل نے کہا کہ چین کی جانب سےلوکسٹ کے لئے50اسپرئیریونٹس مہیاکیےگئے، پاکستان میں لوکسٹ کی صورتحال کنٹرول میں ہے، تشویش کی بات نہیں۔

کورونا صورتحال سے متعلق ان کا کہنا تھا کہ پاکستان میں کوروناکم ہوگیا ہےابھی ختم نہیں ہوا، عوام احتیاطی تدابیر کونہ چھوڑیں۔

چیئرمین این ڈی ایم اے نے کراچی کے حوالے سے کہا کہ عدالتی احکامات کےمطابق کراچی کےسیوریج پرکام کی منصوبہ بندی کی جا رہی ہے، سوموارسے اس پر کام شروع کردیا جائے گا۔

کوئٹہ: نیشل ڈیزاسٹر مینیجمنٹ اتھارٹی (این ڈی ایم اے) کے چیئرمین لیفٹیننٹ جنرل محمد افضل کا کہنا ہے کہ ایس اوپیزپرعمل کریں گے تو انشااللہ وبا کا خاتمہ ہوجائے گا۔

تفصیلات کے مطابق نیشل ڈیزاسٹر مینیجمنٹ اتھارٹی (این ڈی ایم اے) کے چیئرمین لیفٹیننٹ جنرل محمد افضل کوئٹہ پہنچے اور وہاں نےفاطمہ جناح چیسٹ اینڈ جنرل اسپتال اور بولان میڈیکل کمپلیکس کا دورہ کیا۔

چیئرمین این ڈی ایم اے لیفٹیننٹ جنرل محمد افضل نے میڈیا سے گفتگو کرتے ہوئے کہا کہ ڈاکٹرز ہمارے فرنٹ لائن سولجر ہیں، اسپتالوں میں اضافی بستروں کیساتھ دیگرسہولتیں بھی دے رہے ہیں۔

چیئرمین این ڈی ایم اے کا کہنا تھا کہ ہم سب عیدالاضحیٰ پرایس اوپی پیز پرعملدرآمدکریں گے ، ایس اوپیز پر عمل کریں گے تو انشااللہ اس وبا کا خاتمہ ہوجائے گا۔

ٹڈی دل کے حوالے سے چیئرمین لیفٹیننٹ جنرل محمد افضل نے کہا کہ  لوکسٹ آپریشن میں ہمارے9جہاز حصہ لے رہےہیں، انشااللہ ہم سب ملکر ٹڈی دل پر بھی قابو پالیں گے ، ٹڈی دل کے خاتمےکیلئے تمام وسائل استعمال کررہے ہیں۔

یاد رہے عید الفطر کے بعد چیئرمین لیفٹیننٹ جنرل محمد افضل نے کہا تھا کہ عوام نے عید الفطر کے دنوں میں ایس او پیز کی خلاف ورزی کی جس کے نتائج سامنے آئیں گے، وینٹی لیٹرز کےحوالے سے پاکستان میں حالات کنٹرول میں ہیں مگر یہ عید ایس اوپیز کی بڑی خلاف ورزی پر گزاری گئی ہے۔

چیئرمین این ڈی ایم این اے نے عوام سے اپیل کی تھی کہ وہ وزارت صحت کی جانب سے جاری ہونے والی ایڈوائزری پر بھرپور طریقے سے عمل کریں کیونکہ عید پر ایس او پیز کی کھل کر خلاف ورزی کی گئی، جب جب ایس او پیز کو بالائے طاق رکھا جائے گا تب تب خوفناک نتائج سامنے آئیں گے۔

اسلام آباد : چیئرمین این ڈی ایم اے محمدافضل کا کہنا ہے کہ ملک میں ٹیسٹ کی صلاحیت30سے40ہزارکرنےتک موجودہے، ٹیسٹنگ کٹس اور مشینوں کی کوئی کمی نہیں، آرمی چیف نےآرمی کی گیارہ لیبارٹریز بھی استعمال کے لئےدی ہیں۔

تفصیلات کے مطابق چیئرمین این ڈی ایم اے محمدافضل نے میڈیا سے گفتگوپاکستان میں 75دن تک ٹیسٹنگ کی سہولت اس وقت موجود ہے، آرمی چیف نے11آرمی کی لیبارٹریزبھی ٹیسٹنگ کیلئےدی ہیں، علامات جن میں ظاہرہورہی ہیں انہیں کےٹیسٹ لئےجارہےہیں۔

چیئرمین این ڈی ایم اے کا کہنا تھا کہ کہاجارہاہےکہ ٹیسٹ کم ہورہےہیں ایسا نہیں ہے،کٹس کی کمی نہیں، ٹیسٹ کرنےمیں لاجسٹک کی وجہ سےمشکلات ہیں،صوبوں کے ساتھ مل کر ٹیسٹنگ کا عمل تیز کریں گے، آرمی چیف نےآرمی کی گیارہ لیبارٹریز بھی استعمال کے لئےدی ہیں۔

محمد افضل نے کہا کہ ملک میں ٹیسٹ کی صلاحیت30سے40ہزارکرنےتک موجودہے، ٹیسٹنگ کٹس اور مشینوں کی کوئی کمی نہیں، صوبےچاہیں تو روزانہ 30ہزار ٹیسٹ کرسکتے ہیں ، ڈاکٹرز اور طبی عملے کو یقین دلاتے ہیں ان کا مکمل خیال رکھیں گے۔

انھوں نے کہا کہ نرسز کوفوج کے تعاون سےحفاظتی سامان پہنچاناشروع کیا ہے ، کےپی کےچھوٹےبڑےاسپتالوں کوسامان پہنچ چکا ہے، پنجاب کے اسپتالوں کے لئےحفاظتی سامان کل تک پہنچ جائے گا۔

چیئرمین این ڈی ایم اے کا کہنا تھا کہ سامان کی فراہمی میں کسی قسم کا صوبائی فنڈشامل نہیں،ڈاکٹرز،طبی عملےکوحفاظتی سامان کایقین دلاتاہوں کیونکہ آپ میرے فرنٹ لائن سولجرزہیں، ہرلیبارٹری میں2سے3بائیولیب ہوں گی۔

محمد افضل نے مزید کہا کہ جو بھی سامان بھیجا جائے گا، اس پراین ڈی ایم اےکی مہرلگی ہوگی،مہرلگانے کا مقصدسامان کو دیگرمقامات پراستعمال سے بچانا ہے۔

خیال رہے چین سےاین ڈی ایم اےکاسامان لےکرایک اورطیارہ پاکستان پہنچ گیا ہے ، سامان میں انسٹھ وینٹی لیٹراور936 کلو سرجیکل ماسک شامل ہیں، حفاظتی گاؤن کیلئے 1720 کلو کپڑا ، دستانے اور تیار حفاظتی سوٹس بھی سامان میں شامل ہیں جبکہ تھرمامیٹراورحفاظتی عینکیں بھی موجودہیں، تمام سامان پراین ڈی ایم اےکی مہرہوگی تاکہ فروخت نہ ہوسکے۔