ARYNews.tv | Urdu – Har Lamha Bakhabar

Tag: chairman senate

  • ‘صادق سنجرانی ہی چیئرمین سینیٹ کیلئے حکومت کے امیدوار ہوں گے’

    ‘صادق سنجرانی ہی چیئرمین سینیٹ کیلئے حکومت کے امیدوار ہوں گے’

    اسلام آباد : وزیراعظم عمران خان نے صادق سنجرانی کو چیئرمین سینیٹ کیلئے نامزد کردیا جبکہ اسپیکرقومی اسمبلی نے صادق سنجرانی کی بطورچیئرمین سینیٹ امیدوار کی حمایت کردی۔

    تفصیلات کے مطابق وفاقی وزیر اطلاعات شبلی فراز نے سماجی رابطے کی ویب سائٹ ٹوئٹر پر وزیراعظم عمران خان کی جانب سے صادق سنجرانی کو چیئرمین سینیٹ نامزد کرنے کی تصدیق کردی۔

    اس سے قبل چیئرمین سینیٹ صادق سنجرانی اوراسپیکر قومی اسمبلی کی ملاقات ہوئی تھی ، جس میں اسپیکرقومی اسمبلی نے صادق سنجرانی کی بطورچیئرمین سینیٹ امیدوار کی حمایت کی۔

    اسپیکر قومی اسمبلی اسد قیصر نے پارلیمنٹ ہاؤس میں میڈیا سے گفتگو کی ، صحافی نے سوال کیا 17 اراکین اسمبلی نے وزیراعظم پر عدم اعتماد کا اظہار کیا؟ جس پر اسپیکرقومی اسمبلی نے کہا آپ یہ کیوں نہیں کہتے ہماری خاتون امیدوارجیتی ہیں، یہ اعتمادوعدم اعتماد کی بات نہیں یہ سیاسی عمل ہے،ہوتا رہتاہے۔

    صحافی نے سوال کیا کہ آپکی کیا رائے ہے کہ چیئرمین سینیٹ کا حکومتی امیدوار کون ہوگا؟ جس پر اسد قیصر نے جواب میں کہا میری ذاتی رائے ہے صادق سنجرانی سےبہترکوئی نہیں،فیصلہ پارٹی کرے گی ۔

    اسپیکر قومی اسمبلی کا کہنا تھا کہ وزیراعظم عمران خان پر اعتماد کے لئے اجلاس جلد بلایا جائے گا ، وزیراعظم اعتماد کا ووٹ لیں گے تو181اراکین حمایت میں کھڑے ہوں گے۔

    خیال رہے پیپلزپارٹی نومنتخب یوسف رضاگیلانی کوچیئرمین سینیٹ بنانے کیلئے کوشاں ہیں ، سابق صدر آصف علی زرداری نے گزشتہ روز کہا تھا یوسف رضا گیلانی کوچیئرمین سینیٹ کاامیدوار بنانے کافیصلہ پی ڈی ایم کرے گی۔

  • جبری تبدیلی مذہب سے متعلق پارلیمانی کمیٹی قائم

    جبری تبدیلی مذہب سے متعلق پارلیمانی کمیٹی قائم

    اسلام آباد: چیئرمین سینٹ صادق سنجرانی نے تبدیلی مذہب سے متعلق پارلیمانی کمیٹی قائم کردی ہے ، کمیٹی اقلیتوں کے حقوق اور مذہب کی جبری تبدیلیوں پر قانون سازی کا کام کرے گی۔

    تفصیلات کے مطابق چیئرمین سینٹ صادق سنجرانی نے تبدیلی مذہب سے متعلق اقلیتوں کے تحفظ کے لئے پارلیمانی کمیٹی قائم کردی، پارلیمانی کمیٹی میں سینیٹ اور قومی اسمبلی کے 22 اراکین کو شامل کیا گیا ہے۔

    چیئرمین سینٹ کی ہدایت پر سینیٹ سیکرٹریٹ نے کمیٹی کے قیام کا نوٹیفیکشن جاری کردیا ہے، وفاقی وزراء پیر نور الحق قادری، شیری مزاری، علی محمد خان بھی کمیٹی میں شامل ہیں ۔

    ایم این اے کیھئل داس کوہستانی، جئے پرکاش لوھانہ، لال چند ،رمیش لال، شنیلا رتھ اور ڈاکٹردرشن سمیت دیگر اقلیتی ارکان بھی کمیٹی کا حصہ ہیں، رانا تنویر، سینیٹر رانا مقبول، شگفتہ جمانی، عامر ڈوگر، عبدالواسع، سینیٹر انور الحق کاکڑ بھی کمیٹی میں شامل ہیں ۔

    مزید پڑھیں : ہم جبری مذہبی تبدیلی کے خلاف ہیں

    چیئرمین سینیٹ صادق سنجرانی نے پارلیمانی پارٹی کی تشکیل اسپیکر قومی اسمبلی اسد قیصر سے مشاورت سے کیا، نوٹیفکیشن کے مطابق پارلیمانی کمیٹی اپنے پہلے اجلاس میں ٹی آو آر طے کرے گی، پارلیمانی کمیٹی اقلیتوں کے حقوق اور مذہب کی جبری تبدیلیوں بارے اقلیتوں کے تحفظ پر قانون سازی کا کام کرے گی۔

    خیال رہے رواں سال ہندو برادری کے ہولی کے مذہبی تہوار پر گھوٹکی سے دو ہندو لڑکیوں رینہ اور روینہ کو اغوا کر کے زبردستی مسلمان کرانے کا واقعہ پیش آیا تھا۔

    بعد ازاں پاکستان ہندو کونسل کے پیٹرن انچیف اور رکن قومی اسمبلی ڈاکٹر رمیش کمار وانکوانی نے واقعے کو افسوس ناک قرار دیتے ہوئے مطالبہ کیا تھا کہ لڑکیوں کو جلد از جلد بازیاب کرایا جائے اور ملو ث افراد کو گرفتار کر کے کیفر کردار تک پہنچایا جائے۔

    واضح رہے کہ کم عمر ہندو لڑکیوں کے قبول اسلام کے حوالے سے ایک ویڈیو بھی منظر عام پر آ چکی ہے، جس میں انھیں کلمہ پڑھتے ہوئے دیکھا جا سکتا تھا۔

  • حکومت نواز شریف کو فوری طور پر بیرون ملک بھیجے، چیئرمین سینیٹ

    حکومت نواز شریف کو فوری طور پر بیرون ملک بھیجے، چیئرمین سینیٹ

    اسلام آباد : چیئرمین سینیٹ صادق سنجرانی نے سابق وزیراعظم نواز شریف کو علاج کے لئے فوری طور پر بیرون ملک بھیجنے اور ہر ممکن سہولت فراہم کرنے کی ہدایت کردی۔

    تفصیلات کے مطابق سابق وزیراعظم نوازشریف کی صحت اوربیرون ملک جانے دینے کا معاملہ سینیٹ میں پہنچ گیا ، مسلم لیگ ن کے سینیٹر جاوید عباسی نےنقطہ اعتراض پرمعاملہ اٹھاتے ہوئے کہا نواز شریف کی صحت خراب ہے، عدالتیں ضمانت دے چکیں ، حکومتی میڈیکل بورڈ نے کہا نواز شریف کی  صحت کو خطرات ہیں، نوازشریف کانام ای سی ایل سے غیر مشروط نکالا جائے۔

    جاویدعباسی کا کہنا تھا کہ حکومت غیر قانونی طور پر شیورٹی بانڈ مانگ رہی ہے، حکومت نئی روایات ڈال رہی ہے، وقت گزر جاتا ہے حادثے یاد رہتے ہیں۔

    چیئرمین سینیٹ نے کہا آصف زرداری اور نواز شریف معاملے پر کوئی سیاست نہ کرے، حکومت آصف زرداری، نواز شریف کو صحت کی سہولتیں فراہم کرے اور نوازشریف کو فی الفورباہر بھیجے۔

    مزید پڑھیں : نوازشریف کو 4 ہفتے کیلئے بیرون ملک جانے کی مشروط اجازت

    یاد رہے کہ ذیلی کمیٹی نے وفاقی کابینہ کے فیصلے پر قائم رہتے ہوئے نوازشریف کو بیرون ملک جانے کے لیے عائد کردہ شرائط کو برقرار رکھا تھا، کابینہ کی ذیلی کمیٹی کے سربراہ فروغ نسیم نے گزشتہ روز پریس کانفرنس کرتے ہوئے کہا تھا کہ نوازشریف کو4 ہفتے کے لیے بیرون ملک جانے کی ون ٹائم اجازت ہوگی جبکہ نوازشریف یا شہبازشریف 7 ارب روپے کے سیکیورٹی بانڈزجمع کرائیں گے۔

    بعد ازاں مسلم لیگ ن نے حکومتی مطالبہ مسترد کردیا تھا اور ضمانتی بانڈز کی شرط کوعدالت میں چیلنج کرنے پر مشاورت شروع کردی تھی۔

  • مسئلہ کشمیر پر امریکی سینیٹرز کی حمایت پر ان کے شکر گزار ہیں، صادق سنجرانی

    مسئلہ کشمیر پر امریکی سینیٹرز کی حمایت پر ان کے شکر گزار ہیں، صادق سنجرانی

    اسلام آباد : چیئرمین سینیٹ صادق سنجرانی نے کہا ہے کہ کشمیر کے مسئلے پر امریکی سینیٹرز کی حمایت پر ان کے شکر گزار ہیں، افغانستان کا مسئلہ سیاسی ہے اس کا مذاکرات کے ذریعے حل نکالنا ہوگا۔

    یہ بات انہوں نے اسلام آباد میں امریکی سینیٹرز کے وفد سے ملاقات کے موقع پر کہی۔ تفصیلات کے مطابق اسلام آباد میں چیئرمین سینیٹ صادق سنجرانی سے امریکی سینیٹرز کے وفد نے ملاقات کی۔

    ملاقات میں باہمی دلچسپی کے امور سمیت علاقائی دوطرفہ تعلقات اور عالمی امور پر تبادلہ خیال کیا گیا، امریکی وفد میں سینیٹرز کرسٹوفر جے وان ہولین اور مارگریٹ سی حسن شامل تھے۔

    ملاقات میں افغان امن عمل اورحالیہ ڈائیلاگ پر بھی تبادلہ خیال کیا گیا اور دو طرفہ تعلقات، دوطرفہ روابط، تجارتی معاونت کو مزید فروغ دینے پر اتفاق کیا گیا، اس موقع پر چیئرمین سینیٹ نے مقبوضہ کشمیر کی حالیہ صورتحال سے امریکی سینیٹرز کو آگاہ کیا۔

    چیئرمین سینیٹ صادق سنجرانی کا کہنا تھا کہ امریکی وفد کا دورہ انتہائی اہم ہے، رلیمانی سفارت کاری اور تعاون سے عوامی روابط کو بڑھایا جاسکتا ہے، حقائق کو سامنے رکھ کر امن اور ترقی کو موقع دینا لازمی ہے، پاکستان خطے میں امن کی کاوشوں کی حمایت جاری رکھے گا۔

    کشمیر کے حوالے سے چیئرمین سینیٹ کا کہنا تھا کہ کشمیر کے مسئلے پر امریکی سینیٹرز کی حمایت پر شکرگزار ہیں، مقبوضہ کشمیر میں63دن سے کرفیو نافذ ہے، کرفیو کے باعث انسانی بحران کی کیفیت پیدا ہوچکی ہے، بھارت نے وادی کو کھلی جیل بنادیا ہے۔

    صادق سنجرانی نے کہا کہ دنیا اسے ایک انسانی مسئلہ سمجھ کر اپنا کردار ادا کرے، مقبوضہ کشمیرکے عوام کو ظلم و جبرکا نشانہ بنایا جارہا ہے، امریکا کشمیر میں بھارتی ظلم وجبر رکوانے کیلئے اپنا کردارادا کرے۔

    ان کا مزید کہنا تھا کہ پاکستان نے عالمی امن کی خاطر لازوال قربانیاں دی ہیں، دنیا کو چاہیے کہ پاکستان کی قربانیوں کو تسلیم کرے، پاکستان افغانستان میں دیرپا امن کا خواہاں ہے، افغانستان کا مسئلہ سیاسی ہے، مذاکرات کے ذریعےحل نکالنا ہوگا۔

  • چیئرمین سینیٹ سے جرمن سفیر کی ملاقات، دوطرفہ اقتصادی روابط بڑھانے پر زور

    چیئرمین سینیٹ سے جرمن سفیر کی ملاقات، دوطرفہ اقتصادی روابط بڑھانے پر زور

    اسلام آباد چیئرمین سینیٹ محمد صادق سنجرانی سے جرمن سفیر برن ہارڈ سٹیفن شیلک نے ملاقات کی، اس موقع پر دوطرفہ اقتصادی اور پارلیمانی روابط مزید بڑھانے پر تبادلہ خیال کیا گیا۔

    تفصیلات کے مطابق چیئرمین سینیٹ محمد صادق سنجرانی سے جرمنی کے سفیر برن ہارڈ سٹیفن شیلک نے پارلیمنٹ ہاﺅس میں ملاقات کی جس میں دو طرفہ اقتصادی اور پارلیمانی روابط کو مزید بڑھانے کے علاوہ اہم علاقائی و بین الاقوامی امور پر تبادلہ خیال کیا گیا۔

    اس موقع پر چیئرمین سینیٹ نے کہا کہ دونوں ملکوں کے مابین پارلیمانی تعاون کو فروغ دینے کی ضرورت ہے، جرمنی پاکستان کو کوالٹی کنٹرول کے شعبوں میں معاونت فراہم کرے اور کوالٹی کنٹرول بہتر ہونے سے پاکستان میں ادوایات اور خوارک کا معیار بہتر ہوگا۔

    صادق سنجرانی نے تجارتی روابط کو اہم قرار دیتے ہوئے کہا کہ دونوں ملکوں کے مابین تجارتی تعاون کے لئے بھر پور مواقع موجود ہیں۔ انہوں نے تجویز دی کہ پارلیمانی رابطہ کاری معاشی تعاون میں مددگار ثابت ہو گی۔

    دریں اثنا جرمنی کے سفیر نے کہا کہ پاکستان میں سرمایہ کاری کے مواقع موجود ہیں اور اس سلسلے میں مختلف شعبوں سے متعلق جرمن وفود جلد پاکستان کا دورہ کریں گے۔

    جرمن سفیر کی بیٹے کے ہمراہ صفائی کرتی ہوئی تصویر سوشل میڈیا پر وائرل

    انہوں نے چیئرمین سینیٹ کے خیالات سے اتفاق کرتے ہوئے کہا کہ پارلیمانی تعاون تجارتی روابط کوفروغ دینے میں اہم کردار ادا کر سکتا ہے۔

    چیئرمین سینیٹ نے جرمنی کے سفیر کو بین الاقوامی پارلیمنٹرین کانگریس کے قیام اور اس کے اغراض و مقاصدسے بھی آگاہ کیا جبکہ ادارہ جاتی تعاون کا ذکر کرتے ہوئے چیئرمین سینیٹ نے کہا کہ قانون سازی اور دیگر شعبوں میں ایک دوسرے کے تجربات سے بھرپور فائدہ اٹھانے کے لئے راہیں ہموار کی جا سکتی ہیں۔

  • یوم دفاع ، اسپیکرقومی اسمبلی اورچیئرمین سینیٹ کا شہدا کو خراج عقیدت پیش

    یوم دفاع ، اسپیکرقومی اسمبلی اورچیئرمین سینیٹ کا شہدا کو خراج عقیدت پیش

    اسلام آباد : اسپیکرقومی اسمبلی اسدقیصر اور چیئرمین سینیٹ محمدصادق سنجرانی نے کہا بہادرافواج نے ملک کا دفاع کیا اورقربانیاں دیں، یوم دفاع کو اپنے شہدا اور غازیوں کے نام کرتے ہیں، شہداکی قربانیاں رائیگاں نہیں جائیں گی۔

    تفصیلات کے مطابق یوم دفاع پر اسپیکرقومی اسمبلی اسدقیصر نے اپنے ویڈیو پیغام میں کہا یوم دفاع ہماری تاریخ کا بہت اہم دن ہے، پوری قوم مسلح افواج کے ساتھ کھڑی ہے، ہماری بہادر افواج نے ہمیشہ ملکی دفاع کے لیے قربانیاں دیں۔

    اسدقیصر کا کہنا تھا کہ پاکستان کی ترقی، خوشحالی اور دفاع کے لیے ہمیں عہدکرنا ہے ، آج بھی پوری قوم اورفوج ہردم تیار ہے، یوم دفاع کو اپنے شہدا اور غازیوں کے نام کرتے ہیں۔

    مودی سرکارکسی خوش فہمی میں نہ رہے،کشمیریوں کیساتھ ہیں

    دوسری جانب چیئرمین سینیٹ محمدصادق سنجرانی نے یوم دفاع کے موقع پر اپنے پیغام میں کہا آج کے دن بہادر افواج نے ملک کا دفاع کیا اور قربانیاں دیں، شہدا کو پوری قوم خراج تحسین پیش کرتی ہے۔

    چیئرمین سینیٹ کا کہنا تھا شہداکی قربانیاں رائیگاں نہیں جائیں گی، ملک دشمن عناصرکیخلاف پاک فوج کا کردارقابل تعریف ہے، مودی سرکار کسی خوش فہمی میں نہ رہے، کشمیریوں کیساتھ ہیں۔

    خیال رہے ملک بھر میں یوم دفاع یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

  • مضبوط ایوان بالاء ہی مضبوط ریاست کی ضمانت ہے، چیئرمین سینیٹ

    مضبوط ایوان بالاء ہی مضبوط ریاست کی ضمانت ہے، چیئرمین سینیٹ

    اسلام آباد: چیئرمین سینیٹ محمد صادق سنجرانی نے کہا ہے کہ سینیٹ آف پاکستان نے ان 47 برسوں کے سفر میں بہت سے نشیب و فراز عبور کرتے ہوئے صوبوں کے مفادات کا تحفظ کرنے اور ان کے حقوق کی ضمانت کیلئے ہر ممکن کوشش کی۔

    سینیٹ کے 47 ویں یوم تاسیس کے موقع پر اپنے پیغام میں چیئرمین سینیٹ محمد صادق سنجرانی کا کہنا تھا کہ یوم تاسیس ہم اس عزم کےساتھ منا رہے ہیں کہ ایوان بالاء وفاقی اکائیوں کے درمیان اتفاق و اتحاد پیدا کرنے کیلئے اپنا آئینی کردار ادا کرتا رہے گا۔

    انہوں نے کہا ہے کہ مضبوط ایوان بالاء ہی مضبوط ریاست کی ضمانت ہے، یہ دن ہر سال ہمیں ایک نئے جوش اور ولولے کا پیغام دیتا ہے اور وفاقی اکائیوں کی موثر نمائندگی کرنے کا حوصلہ پیدا کرتا ہے۔

    چیئرمین سینیٹ کا مقبوضہ کشمیر کی صورت حال پر دنیا بھر کی پارلیمنٹس کے نام خط

    ان کا کہنا تھا کہ سینیٹ آف پاکستان نے ان 47 برسوں کے سفر میں بہت سے نشیب و فراز عبور کرتے ہوئے صوبوں کے مفادات کا تحفظ کرنے اور ان کے حقوق کی ضمانت کیلئے ہر ممکن کوشش کی ہے۔

    چیئرمین سینیٹ نے کہا کہ آج کا دن اس لئے بھی بہت اہم ہے کہ آج پوری قوم کشمیری بہنوں اور بھائیوں کے ساتھ شانہ بشانہ کھڑی ہے اور اس ضمن میں ایوان بالاءنے ہمیشہ مثبت کردار ادا کیا ہے، اس حوالے سے سینیٹ کی پاس کی جانے والی قرادادیں اور سفارشات قابل ذکر ہیں۔

  • عمران خان، صادق سنجرانی ملاقات، وزیر اعظم کی چیئرمین سینیٹ کو مبارک باد

    عمران خان، صادق سنجرانی ملاقات، وزیر اعظم کی چیئرمین سینیٹ کو مبارک باد

    اسلام آباد: آج وزیر اعظم عمران خان سے چیئرمین سینیٹ صادق سنجرانی نے ملاقات کی.

    تفصیلات کے مطابق وزیر اعظم ہاؤس میں ہونے والی اس ملاقات میں قائد ایوان شبلی فراز، وزیر دفاع پرویز خٹک اورسینیٹر بیرسٹرسیف بھی موجود تھے.

    اس موقع پر وزیر اعظم نے تحریک عدم اعتماد کی ناکامی اور ایوان کا بھروسا حاصل کرنے پر چیئرمین سینیٹ کو مبارک باد دی.

    وزیر اعظم نےکہا کہ امید ہے کہ آپ سینیٹ کی کارروائی خوش اسلوبی اور احسن طریقے سے چلاتے رہیں گے.

    انھوں نے کہا کہ آپ نے پہلے بھی موثر طریقے سے ذمہ داریاں ادا کیں، آپ کا اعتماد ایوان کی کارروائی احسن طریقے سے چلانے کی تصدیق ہے.

    خیال رہے کہ کل سینیٹ میں اپوزیشن کی جانب سے چیئرمین سینیٹ صادق سنجرانی کے خلاف تحریک عدم اعتماد پیش کی گئی تھی.

    مزید پڑھیں: وزیراعظم عمران خان کی معذوروں اور بزرگوں افراد کی سہولت کیلئے خصوصی اقدامات کی ہدایت

    اپوزیشن کی اکثریت کے باوجود تحریک عدم اعتماد ناکام رہی، تحریک کے حق میں فقط 50 ووٹ آئے، جس کے بعد تحریک کو رد کر دیا گیا.

    یاد رہے کہ حکومت کی جانب سے ڈپٹی چیئرمین سینیٹ کے خلاف پیش کردہ تحریک کو بھی ناکامی کا سامنا کرنا پڑا تھا، اس مرحلے پر اپوزیشن جماعتوں‌ کے سینیٹرز نے ووٹ کاسٹ نہیں کیا تھا.

  • چیئرمین سینیٹ صادق سنجرانی کے خلاف تحریک عدم اعتماد ناکام

    چیئرمین سینیٹ صادق سنجرانی کے خلاف تحریک عدم اعتماد ناکام

    اسلام آباد: چیئرمین سینیٹ صادق سنجرانی کے خلاف تحریک عدم اعتماد ناکام ہوگئی ، اجلاس کے آغاز میں قرار داد منظور کی گئی تھی۔

    تفصیلات کے مطابق آج پاکستان میں پہلی بار چیئر مین سینیٹ کے خلاف تحریک عدم اعتماد پیش کی گئی تھی جو ناکام رہی، تحریک کے حق میں ارکانِ سینیٹ کو کھڑے ہونے کی ہدایت کی گئی جس پر 64 ارکان نے کھڑے ہوکر تحریک کی حمایت کی  تھی۔

    قرارداد کے حق میں پچاس ووٹ پڑے اور مطلوبہ ایک چوتھائی ووٹ نہ ملنے کے سبب قرار داد مسترد کردی گئی۔

    سینیٹ کے 64 ارکان کی حمایت کے سبب تحریک عدم اعتماد منظور ہوگئی  تھی تاہم خفیہ رائے شماری میں صادق سنجرانی فتح یاب ہوئے۔

    سینیٹ اجلاس میں چیئرمین اور ڈپٹی چیئرمین کے لیے خفیہ رائے شماری کرائی گئی تھی ، تمام حاضر ارکانِ سینیٹ نے حروف تہجی کے حساب سے اپناووٹ کاسٹ کیا، تین ارکان کی جانب سے ووٹ کاسٹ نہیں کیے گئے جن میں سے دو جماعت اسلامی کے ہیں۔

    قرارداد کے حق یا مخالفت میں ووٹ دے کر بیلٹ باکس میں ڈالنا لازمی تھا، ایوان کی قیادت اس وقت بیرسٹر سیف کررہے ہیں اور وہی نتائج کا اعلان کریں گے۔

    یاد رہے کہ عید الفطر کے بعداپوزیشن کی جانب سے سینیٹ میں چیئرمین سینیٹ صادق سنجرانی کے خلاف تحریک عدم اعتماد لانے کا اعلان کیا گیا تھا، جس کے بعد حکومتی ارکان نے بھی ڈپٹی چیئرمین کے خلاف تحریک عدم اعتماد کا اعلان کیا تھا۔

    اپوزیشن کی جانب سے اس سلسلے میں رہبر کمیٹی بنائی گئی تھی جس نے میر حاصل بزنجو کو چیئرمین سینیٹ کے لیے نامزد کیا ہے۔

    ووٹنگ کے لیے ضابطہ اخلاق

    اس موقع پر پریذائیڈانگ افسر بیرسٹر سیف نے ارکان کو ووٹنگ کےضابطہ اخلاق پرعملدرآمدکی ہدایت کی اور کہا کہ موبائل فون پرپابندی،ووٹ کےتقدس کاخیال رکھاجائے گا۔

    انہوں نے مزید کہا کہ ممبرزووٹنگ کےعمل کی تکمیل تک ہاؤس سےباہرنہیں جاسکتے،سینیٹ ہال کےدروازےبندکردیئےگئے ہیں ، ممبران کو لابی تک جانےکی اجازت ہے، تاہم تاخیرسےپہنچنےوالےممبران ہاؤس میں آسکتےہیں۔

    ان کا کہنا تھا کہ ووٹنگ خفیہ رائےشماری سےہورہی ہے ، بیلٹ پیپرپراپنی منشاکےمطابق مہرلگانی ہے۔مہرلگانےکےبعدپیپربیلٹ باکس میں ڈالناہے۔

    پریذائڈنگ افسر بیرسٹر سیف کا کہنا ہے کہ بیلٹ پیپرپرمہرکےعلاوہ کسی قسم کےنشان کی اجازت نہیں،موبائل فون اورکیمرہ بوتھ کےاندرلےجانےپرپابندی ہے۔

  • چیئرمین سینیٹ کہیں نہیں جارہے، تحریک عدم اعتماد محض بغض اور حسد ہے، فردوس عاشق

    چیئرمین سینیٹ کہیں نہیں جارہے، تحریک عدم اعتماد محض بغض اور حسد ہے، فردوس عاشق

    اسلام آباد : معاون خصوصی فردوس عاشق اعوان نے کہا ہے کہ چیئرمین سینیٹ صادق سنجرانی کہیں نہیں جارہے، تحریک عدم اعتماد صرف اپوزیشن کی بغض اور حسد پر مبنی ہے، قوم کیلئے خوشخبری ہے کہ لٹیروں سے مسروقہ مال برآمد ہونا شروع ہوگیا ہے،

    ان خیالات کا اظہار انہوں نے اے آر وائی نیوز کے پروگرام دی رپورٹرز میں میزبان صابر شاکر اور چوہدری غلام حسین سے خصوصی گفتگو کرتے ہوئے کیا۔

    چیئرمین سینیٹ کیخلاف تحریک عدم اعتماد سے متعلق انہوں نے کہا کہ عام سینیٹر اپوزیشن کی اس تحریک کو ناپسندیدگی کی نگاہ سے دیکھ رہے ہیں، اپوزیشن کی چیئرمین سینیٹ کیخلاف تحریک عدم اعتماد صرف بغض اور حسد پر مبنی ہے، اپوزیشن چاہتی ہے کہسینیٹ کو اپنی خواہشات کے مطابق چلائے۔

    فردوس عاشق اعوان نے کہا کہ قوم کیلئے بڑی خوشخبری ہے کہ لٹیروں سے مسروقہ مال برآمد ہونا شروع ہوگیا ہے، دو ارب سے زائد کی پلی بارگین ہونے جارہی ہے، وزیر اعظم عمران خان لٹیروں سے پیسہ نکلوائے بغیر سمجھوتہ کسی صورت نہیں کریں گے۔

    فردوس عاشق اعوان کا مزید کہنا تھا کہ چیئرمین سینیٹ کےمعاملے پر قانون اور آئین جیتے گا، امید ہے کہ چیئرمین سینیٹ صادق سنجرانی کے ساتھی جمہوریت پر کیا جانے والا حملہ ناکام بنائیں گے۔

    نواز شریف کو جیل میں دی گئی سہولیات سے متعلق گفتگو میں انہوں نے کہا کہ جیلوں میں ایلیٹ کلاس نے جو عدم مساوات پیدا کیا ہے ہمیں اسے ختم کرنا ہے، تمام قیدیوں کو یکساں سہولت کیلئے ایک میکنزم بنایا جائے گا، جیل کا مینوئل دیکھیں سہولتیں ہیں تو ضرور ملنی چاہئیں۔