Tag: chairman senate

سعودی سرمایہ کار پاکستان میں سرمایہ کاری کے مواقع سے استفادہ کر سکتے ہیں، صادق سنجرانی

اسلام آباد : چیئرمین سینیٹ صادق سنجرانی نے کہا ہے کہ سعودی سرمایہ کار پاکستان میں سرمایہ کاری کے مواقع سے استفادہ کر سکتے ہیں، تجارت اور سرمایہ کاری کے شعبوں میں دو طرفہ تعاون کو فروغ دینے کیلئے وسیع گنجائش موجود ہے۔

وہ بدھ کو سعودی وفد کی پارلیمنٹ ہاو¿س آمد اور سعودی شوری کونسل کے چیئرمین ڈاکٹر عبداللہ بن محمد بن ابراہیم الشیخ سے پارلیمنٹ ہاو¿س میں ملاقات کے دوران اظہار خیال کررہے تھے۔

ملاقات میں باہمی دلچسپی کے امور سمیت اہم معاملات پر تفصیلی تبادلہ خیال کیا گیا۔ ملاقات میں قائد ایوان شبلی فراز، راجہ محمد ظفرالحق ، شیری رحمان اور دیگر ارکان موجود تھے۔ چیئرمین سینیٹ نے دفاعی شعبوں میں تعاون کو بھی انتہائی اہم قرار دیا۔

انہوں نے کہا کہ دونوں ملکوں نے دفاع کے شعبے میں تعاون کیلئے مفاہمتی یاداشتوں پر دستخط بھی کیے ہوئے ہیں۔ چیئرمین سینیٹ نے سعودی عرب کے ولی عہد کے دورہ پاکستان کو بھی دونوں ملکوں کیلئے انتہائی اہم قرار دیا۔

چیئرمین سینیٹ نے سعودی ولی عہد کی جانب سے پاکستانی قیدیوں کی رہائی کے فیصلے کو ایک مثبت اقدام قرار دیا، چیئرمین سینیٹ صادق سنجرانی نے پاکستان اور سعودی عرب کے درمیان سپریم کوارڈینیشن کونسل کے قیام کو خوش آئند قرار دیا۔

پاکستانیوں کیلئے حج کوٹہ بڑھانے اور ویز ا فیس میں کمی فیصلے کا بھی خیر مقدم کرتے ہیں سعودی شوریٰ کونسل کے چیئرمین نے چیئرمین سینیٹ محمد صادق سنجرانی کا شکریہ ادا کیا۔

چیئرمین سعودی شوری کونسل نے کہا کہ پاکستان سعودی عرب کیلئے انتہائی اہم ملک ہے۔ ہم پاکستان کے ساتھ اپنے دوطرفہ تعلقات کو انتہائی اہمیت دیتے ہیں۔

اپریل 25, 2019
پوری پارلیمنٹ مسلح افواج کے شانہ بشانہ کھڑی ہے، صادق سنجرانی

اسلام آباد : چیئرمین سینیٹ صادق سنجرانی نے کہا ہے کہ پوری پارلیمنٹ اپنی مسلح افواج کے شانہ بشانہ کھڑی ہے، اسپیکر اسد قیصر نے کہا کہ ہم امن چاہتے ہیں مگر ملکی سلامتی پر کوئی سمجھوتہ نہیں کریں گے۔

ان خیالات کا اظہار انہوں نے اسلام آباد میں ان کیمرہ بریفنگ کے بعد میڈیا سے گفتگو کرتے ہوئے کیا، چیئرمین سینیٹ نے کہا کہ عسکری اور سول قیادت کی اجلاس میں شرکت پر شکر گزار ہیں۔

وزیر خارجہ شاہ محمود قریشی نے سفارتی اور آرمی چیف جنرل قمر باجوہ نے دفاعی امور پر بریفنگ دی، سب نے یک آواز ہوکر متحد ہونے کا پیغام دیا ہے۔

صادق سنجرانی کا مزید کہنا تھا کہ اوآئی سی کے ممبر ممالک کو خطوط لکھ کر تحفظات سے آگاہ کردیا ہے، پارلیمانی ڈپلومیسی پربھی کام کررہے ہیں، پوری پارلیمنٹ اپنی افواج کے ساتھ کھڑی ہے۔

اس موقع پر گفتگو کرتے ہوئے اسپیکر قومی اسمبلی اسد قیصر نے کہا کہ آج کے اجلاس کا مقصد اتحاد کا پیغام دینا تھا، کل قومی اسمبلی کا مشترکہ اجلاس بلایا ہے، جس میں بھارتی جارحیت کیخلاف متفقہ قرارداد منظور کریں گے۔

ان کا کہنا تھا کہ ہم امن چاہتے ہیں مگراپنی سلامتی پرسمجھوتہ ہرگز نہیں کریں گے، پوری دنیا کو پرامن ہونے کا پیغام دینا چاہتے ہیں۔

فروری 27, 2019
اسلامی فوجی اتحاد کے سربراہ جنرل (ر) راحیل شریف کی چیئرمین سینیٹ سے ملاقات

اسلام آباد : اسلامی فوجی اتحاد کےسربراہ جنرل(ر)راحیل شریف نے چیئرمین سینیٹ صادق سنجرانی سے ملاقات کی، چیئرمین سینیٹ نے کہا اسلامی فوجی اتحادسےدہشت گردی کےخلاف کوششوں کومنظم بنانے کے لیے ہے جبکہ جنرل(ر)راحیل شریف کا کہنا تھا کہ اتحاد کےقیام سے دہشت گردی کےخلاف عالمی کوششوں کوتقویت ملی۔

تفصیلات کے مطابقدہشت گردی کے خلاف اسلامی فوجی اتحاد کے کمانڈر اینڈ چیف جنرل (ر) راحیل شریف نے پارلیمنٹ ہاوس کا دورہ کیا اور چیئرمین سینیٹ محمد صادق سنجرانی سے ملاقات کی، ملاقات میں اہم بین الاقوامی امور پر گفتگو کی گئی۔

چیئرمین سینیٹ نے کہا دہشت گردی سےپاکستان کوبہت نقصان پہنچا، اسلامی فوجی اتحاددہشت گردی کےخلاف مربوط پلیٹ فارم ہے، افواج ،عوام اور اداروں نے دہشت گردی کے خلاف جنگ کامیابی سے لڑی۔

اتحاد کسی خاص ریاست یا قوم کے خلاف نہیں ہے ، اسلامی فوجی اتحادسےدہشت گردی کےخلاف کوششوں کومنظم بنانے کے لیے ہے، صادق سجرانی

صادق سنجرانی کا کہنا تھا کہ پاکستان نہیں چاہتا کوئی بھی ملک ایسی صورتحال سے دوچار ہو ، اتحاد کے قیام سےدہشت گردی کے خاتمے میں مدد ملےگی، اتحاد کسی خاص ریاست یا قوم کے خلاف نہیں ہے ، اسلامی فوجی اتحاد سے دہشت گردی کے خلاف کوششوں کو منظم بنانے کے لیے ہے۔

انھوں نے مزید کہا دہشت گردی کے خلاف اتحاد سے مسلم اور دیگر ممالک فائدہ اٹھاسکتے ہیں، خوشی ہے اتحاد کی قیادت پاکستان کے جنرل (ر) راحیل شریف کر رہے ہیں۔

چیئرمین سینیٹ کا کہنا تھا کہ پاکستان خطے کی ترقی و خوشحالی کیلئے مسائل کا پر امن حل چاہتا ہے، امن ترقی کی ضمانت ہے ،مذاکرات ہی مسائل کا حل ہیں، دیرپا امن خطے سےغربت اور معاشی عدم استحکام کے خاتمے میں مددگار ہوگا۔

پاکستان ہمیشہ دہشت گردی کےخلاف فعال کردار ادا کرتا رہا ہے، جنرل(ر)راحیل شریف

اس موقع پر اسلامی فوجی اتحاد کے سربراہ جنرل (ر) راحیل شریف نے کہا پاکستان ہمیشہ دہشت گردی کےخلاف فعال کردار ادا کرتا رہا ہے، پاکستان خطےکی ترقی ،خوشحالی اور امن چاہتاہے۔

،جنرل(ر)راحیل شریف کا کہنا تھا کہ اتحاد کےقیام سے دہشت گردی کےخلاف عالمی کوششوں کوتقویت ملی ، اتحاد خطے بلکہ دنیا میں دہشت گردی کے خاتمےکی کوششوں کو مربوط بنائے گا۔

مزید پڑھیں : وزیرخارجہ کی اسلامی فوجی اتحادکےکمانڈران چیف راحیل شریف سے ملاقات

اس سے قبل اسلامی فوجی اتحادکےکمانڈران چیف راحیل شریف نے وزیرخارجہ شاہ محمود قریشی سے ملاقات کی تھی،ملاقات میں علاقائی امن و استحکام سمیت باہمی دلچسپی کے امور پر تبادلہ خیال کیا گیا تھا۔

شاہ محمود قریشی نےعلاقائی امن وسلامتی کیلئےاسلامی فوجی اتحادکی کوششوں کوسراہا۔

گذشتہ روز آرمی چیف جنرل قمر جاوید باجوہ سے اسلامی فوجی اتحاد کے کمانڈر ان چیف راحیل شریف نے وفد کے ہمراہ ملاقات کی تھی ، جس میں اہم امور پر تبادلہ خیال کیا گیا تھا۔

ملاقات میں آرمی چیف نےعلاقائی امن اور سیکیورٹی کے لیے اسلامی فوجی اتحادکی کاوشوں کوسراہا تھا۔

فروری 12, 2019
سینیٹ میں منی بجٹ پیش، اپوزیشن اراکین کا احتجاجاً ایوان سے واک آؤٹ

اسلام آباد : چیئرمین سینیٹ صادق سنجرانی نے میاں رضا ربانی کا اعتراض مسترد کرتے ہوئے وزیر مملکت حماد اظہر کو منی بل پیش کرنے کی اجازت دے دی، اپوزیشن اراکین نے احتجاجاً ایوان سے واک آؤٹ کردیا۔

تفصیلات کے مطابق اسلام آباد میں چیئرمین سینیٹ صادق سنجرانی کی زیرصدارت سینیٹ اجلاس میں پیپلز پارٹی کے سینیٹر میاں رضاربانی نے وزیرمملکت حماد اظہر کو منی بل پیش کرنے سے روک دیا۔

ان کا کہنا تھا کہ اس پارلیمان کی روایت ہے کہ وزیر خزانہ ہی منی بل پیش کرتے ہیں، وزیرخزانہ پارلیمنٹ میں موجود تھے مگر سینیٹ میں آنا تضحیک سمجھتے ہیں، قواعد و ضوابط کے مطابق وزیرخزانہ کی موجودگی میں کوئی اور بل پیش نہیں کرسکتا۔

چیئرمین سینیٹ صادق سنجرانی نے رضا ربانی سے کہا کہ آپ جلدی کریں قائد ایوان نے بھی بات کرنی ہے، ایسی روایت نہیں بنانی چاہیے کہ جس سے آنے والوں کیلئے مسائل ہوں۔

جس پر رضا ربانی کا کہنا تھا کہ نکتہ اعتراض پر بات کررہا ہوں ،قائد ایوان اپنی باری میں بات کریں، ہاؤس بزنس میں متعلقہ وزیر کا ہونا ضروی ہے، کل اس معاملے پر تحریک استحقاق ایوان میں لاؤں گا۔

اس موقع پر قائد ایوان شبلی فراز نے کہا کہ وزیرخزانہ کی کچھ طبعیت ناساز ہے اس لئےایوان میں نہیں آسکے، وزیرخزانہ کا منی بل پیش کرنا رولز میں لازمی نہیں ہے، ابھی بجٹ پڑھانہیں گیا مگر تبصرے ہورہے ہیں۔

شبلی فراز نے اپوزیشن اراکین سے درخواست کی کہ پہلے ایوان میں منی بل کو تو پیش ہونے دیں، تمام بحران سابقہ حکومتوں کے دئیے ہوئے ہیں، ہم نے آئی ایم ایف سے رجوع نہیں کیا،جاتے تو سب کی چیخیں نکل جاتیں، ملکی مفاد میں دوست ممالک سے رجوع کیا۔

ان کا مزید کہنا تھا کہ حکومت نے ڈولتی کشتی کو سہارا دیا، میرے بس میں ہوتا تو حکومت نہ لیتا لیکن وزیر اعظم نے اس چیلنج کو قبول کیا، ملک کی سمت درست کردی ہے، انشاء اللہ اب ترقی ہوگی۔

اپوزیشن لیڈر راجہ ظفرالحق نے کہا کہ رضا ربانی کے اعتراضات درست ہیں، ہر دو ماہ بعد نیا بجٹ آجاتا ہے، لگتا ہے حکومت کے پاس وژن کی کمی ہے، لوگ ڈرے ہوئے ہیں ہرچیز مہنگی ہورہی ہے، عام آدمی پراثر پڑے گا۔

بعد ازاں چیئرمین سینیٹ نے وزیرمملکت کو منی بل پیش کرنےاجازت دے دی، وزیر مملکت خزانہ حماداظہر نے منی بل پیش کردیا، جس پر اپوزیشن اراکین نے احتجاجاً واک آؤٹ کردیا،چیئرمین سینیٹ نےمنی بل متعلقہ قائمہ کمیٹی کےسپردکردیا، قائمہ کمیٹی منی بل پر7روزمیں سفارشات دےگی، کورم پورا نہ ہونے پرچیئرمین نے اجلاس کل سہ پہر3بجے تک ملتوی کردیا

جنوری 23, 2019
چیئرمین سینیٹ اورڈپٹی چیئرمین سینیٹ کےدرمیان اختلافات میں شدت، اندرونی کہانی سامنے آگئی

اسلام آباد : چیئرمین سینیٹ اورڈپٹی چیئرمین سینیٹ کےدرمیان اختلافات میں شدت آگئی ، چیئرمین نے ڈپٹی چیئرمین سینیٹ کوغیرملکی پارلیمنٹیرینزکودعوت دینےسے روک دیا جبکہ ڈپٹی چیئرمین سینیٹ کا کہنا ہے کہ غیرملکی وفودکوکی دعوت دےچکاہوں اورفیصلے پرقائم رہوں گا۔

تفصیلات کے مطابق چیئرمین سینیٹ صادق سنجرانی اور ڈپٹی چیئرمین سینیٹ سلیم مانڈوی والا کےدرمیان اختلافات سے متعلق اندرونی کہانی سامنے آگئی، چیئرمین سینیٹ نے ڈپٹی چیئرمین سینیٹ کو غیر ملکی پارلیمنٹیرینز کو دعوت دینے سے روک دیا اور ڈپٹی چیئرمین سینیٹ کو خط لکھا۔

صادق سنجرانی نے سلیم مانڈوی والا کو خط میں کہا غیر ملکی وفودکودعوت چیئرمین سینیٹ دےسکتاہے، غیرملکی وفودکوپاکستان آمدکی دعوت صرف قومی مفاد میں دی جاسکتی ہے۔

چیئرمین سینیٹ کا کہنا تھا کہ غیرملکی پارلیمنٹیرینزکی پاکستان آمدپرخطیررقم خرچ ہوگی، آئندہ غیرملکی وفدکودعوت دینےسےپہلےمجھ سے پوچھنا ہوگا۔

ڈپٹی چیئرمین سینیٹ نے چیئرمین سینیٹ کو جوابی خط میں کہا آپ کاخط پڑھ کےبہت افسوس ہوا، قوانین میں کہاں لکھا ہے ڈپٹی چیئرمین سینیٹ غیر ملکی وفد کو دعوت نہیں دےسکتا؟ حیران ہوں کہہ رہے ہیں غیرملکی وفود کا پاکستان آنا قومی مفاد میں نہیں۔

ڈپٹی چیئرمین سینیٹ کا مزید کہنا تھا کہ غیرملکی وفودکوکی دعوت دےچکاہوں اورفیصلےپرقائم رہوں گا، میں نےفیصلہ کیاہےتمام تراخراجات خودبرداشت کروں گا، غیرملکی اسپیکرزکی پاکستان آمدملکی مفادمیں تھی، پاکستان میں ایک عرصےسےغیرملکی وفودنہیں آئےتھے۔

دوسری جانب ذرائع کا کہنا ہے کہ چیئرمین سینیٹ نےخودگوادرکی تقریب میں خطیررقم خرچ کی، صادق سنجرانی نے تقریب میں کتنا پیسہ خرچ کیا، تفصیلات جلد سامنے آنے کا امکان ہے، گوادر میں منعقدہ تقریب پر ضرورت اور اختیارات سے زیادہ پیسہ خرچ کیا گیا۔

نومبر 16, 2018
وزیراعظم کا صادق سنجرانی سے فواد چوہدری پر سینیٹ میں پابندی کے معاملے پر تشویش کااظہار

اسلام آباد : وزیراعظم عمران خان نے چیئرمین سینیٹ صادق سنجرانی سے فوادچوہدری پر سینیٹ میں پابندی کے معاملے پر تشویش کا اظہار کرتے ہوئے معاملات افہام تفہیم سے حل کرنے پر اتفاق کیا۔

تفصیلات کے مطابق وزیراعظم عمران خان اور چیئرمین سینیٹ صادق سنجرانی کےدرمیان ٹیلیفونک رابطہ ہوا، گزشتہ رات رابطے میں وزیراعظم نے سینیٹ چئیرمین صادق سنجرانی سے فواد چوہدری پرسینیٹ میں پابندی کے معاملے پر تشویش کا اظہارکیا۔

چئیرمین سینیٹ کا کہنا تھا فوادچوہدری سےکوئی ذاتی تنازع نہیں ہے، وزیراطلاعات کےجارحانہ رویےسے اجلاس کے دوران مشکلات ہوتی ہیں۔

وزیراعظم عمران خان اورسینیٹ کے چئیرمین کے درمیان فون پر بات چیت میں معاملہ افہام و تفہیم سے حل کرنے پر اتفاق کیا گیا جبکہ وزیراعظم نے چیئرمین سینیٹ کوایوان چلانے کے لئے مکمل تعاون کی یقین دہانی کرائی۔

ذرائع کے مطابق وزیردفاع پرویز خٹک نے وزیراعظم اورچیئرمین سینیٹ کےدرمیان رابطہ کرایا۔

گذشتہ روز وزیر اطلاعات سے متعلق چیئرمین سینیٹ کی رولنگ پر وفاقی کابینہ کی مشاورت کی گئی تھی ، وزیر اعظم نے وزیر دفاع کو چیئرمین سینیٹ سے رابطہ کرکے مسئلہ افہام و تفہیم سے حل کرانے کی ہدایت کرتے ہوئے کہا تھا کہ کسی کو وزراکی تضحیک کا حق نہیں۔

جس کے بعد وزیر دفاع پرویز خٹک نے چیئرمین سینیٹ صادق سنجرانی سے ملاقات کی تھی ، ملاقات میں ایوان بالاکی کارروائی کوافہام وتفہیم سے چلانے پر تبادلہ خیال کیا گیا اور چیئرمین سینیٹ کو وزیراعظم کی جانب سے تعاون کی یقین دہانی کرائی گئی۔

چیئرمین سینیٹ صادق سنجرانی نے وزیراعظم کا شکریہ ادا کرتے ہوئے کہا تھا کہ وزیراعظم نے وزیر دفاع کوبھیج کر ایوان کا وقار بلند کیا، پارلیمان کی بالادستی،جمہوری رویوں کا فروغ سب کافرض ہے، وزیراعظم کاپارلیمان کی بالادستی کےحوالےسے کردار لائق تحسین ہے۔

وزیر اطلاعات نے میڈیا سے گفتگو میں کہا تھا کہ چیئرمین سینیٹ کی رولنگ سے متعلق بھی کابینہ میں بات ہوئی ہے، جس پر وزیراعظم نے کہا کہ کسی کو یہ حق نہیں کہ وہ وفاقی وزیرکی تضحیک کرے، چیئرمین سینیٹ کے رویے پر حکومت کو افسوس ہے، وفاقی کابینہ کے بغیر سینیٹ کارروائی چل سکتی ہے تو چیئرمین بتادیں، میں منتخب ہو کر آیا ہوں، چیئرمین سینیٹ منتخب ہو کر نہیں آئے۔

واضح رہے چئیرمین سینیٹ صادق سنجرانی نے وزیراطلاعات کے سینیٹ میں پابندی کی رولنگ دی تھی۔

نومبر 16, 2018
تحریک انصاف کا پیپلز پارٹی کے ساتھ کوئی اتحاد نہیں ہوگا: شاہ محمود قریشی

کشمور: پاکستان تحریک انصاف کے مرکزی رہنما شاہ محمود قریشی نے کہا ہے کہ سیاست میں انتقام اور گالی گلوچ نہیں ہونی چاہیے، ہماری جماعت نے ہمیشہ اس کی مخالفت کی ہے، پی ٹی آئی کا پیپلز پارٹی کے ساتھ کوئی اتحاد نہیں ہوگا۔

ان خیالات کا اظہار انہوں نے میڈیا سے بات چیت کرتے ہوئے کیا، شاہ محمود قریشی کا کہنا تھا کہ اگر کسی کو سیاست کرنے کا شوق ہے تو پہلے حوصلہ پیدا کرے، سیاست میں کسی کو دھمکی دینے کا سخت مخالف ہوں۔

رہنما پی ٹی آئی کا سینیٹ انتخابات سے متعلق کہنا تھا کہ سینیٹ انتخابات میں مظلوم اور محکوم صوبے کا ساتھ دیا، مخالفین کو تنقید کے بجائے اپنے کام پر توجہ دینی چاہیے، سینیٹ چیئرمین کا منتخب ہونا بلوچستان کے لوگوں کا فیصلہ تھا، وہاں کے عوام کی خواہش تھی کہ چیئرمین سینیٹ بلوچستان کا ہو۔

29 اپریل کو مینار پاکستان پرعظیم الشان جلسہ ہوگا، جلد خسرو بختیار سے ملوں‌ گا: شاہ محمود قریشی

شاہ محمود قریشی کا سابق وزیر اعظم نواز شریف کی اہلیہ بیگم کلثوم نواز کی طبیعت سے متعلق کہنا تھا کہ بیگم کلثوم نواز ایک نفیس خاتون ہیں، اللہ پاک انہیں جلد صحت یاب کرے، جبکہ دوسری جانب نواز شریف نے عدالت سے وعدہ کیا ہے کہ کچھ دنوں میں وہ واپس آجائیں گے۔

چیئرمین سینیٹ سے متعلق عباسی صاحب کو ایسابیان نہیں دینا چاہیےتھا، شاہ محمود قریشی

خیال رہے کہ گذشتہ دنوں سینیٹ چیرمین سے متعلق وزیراعظم شاہد خاقان عباسی کے بیان پر ردعمل دیتے ہوئے شاہ محمود قریشی نے کہا تھا کہ ہم نے 2013 کے انتخابات سے بہت کچھ سیکھا ہے، چیئرمین سینیٹ سے متعلق عباسی صاحب کو ایسا بیان نہیں دینا چاہیے تھا، چیئرمین سینیٹ منتخب ہو کر آئےہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اپریل 21, 2018
پی ٹی آئی نے چیئرمین سینیٹ کو ووٹ اوپر والوں کے کہنے پر دیا، سراج الحق کا دعویٰ

لاہور: امیر جماعت اسلامی سراج الحق نے کہا ہے کہ پی ٹی آئی نے چیئرمین سینیٹ صادق سنجرانی کو ووٹ اوپر والوں کے کہنے پر دئیے تھے، ضمیر خرید کر بننے والے چیئرمین سینیٹ کو کیسے تسلیم کریں۔

ان خیالات کا اظہار انہوں نے جماعت اسلامی کے مرکز منصورہ میں میڈیا سے گفتگو کرتے ہوئے کیا، سراج الحق نے انکشاف کیا کہ وزیر اعلیٰ خیبر پختونخوا پرویز خٹک نے جب چیئرمین سینیٹ کی حمایت کے لیے ووٹ مانگا تو اس وقت وہ خود صادق سنجرانی کا نام تک نہیں جانتے تھے۔

امیر جماعت اسلامی نے کہا کہ صادق سنجرانی کے چیئرمین سینیٹ بننے کے بعد پی ٹی آئی والوں نے بتایا کہ سنجرانی کو جتوانے کے لیے اوپر والوں نے کہا تھا، ضمیر خرید کر بننے والے چیئرمین سینیٹ کی بات کوئی نہیں مانے گا، سینیٹ کے اندر بیٹھے لوگ ایک دوسرے سے آنکھیں نہیں ملا سکتے۔

سراج الحق نے کہا کہ وفاداریاں تبدیل کرنے والے کسی بھی واشنگ مشین سے نہیں دھل سکتے جبکہ لاہور میٹرول کی نقل کرتے ہوئے پشاور شہر برباد کردیا گیا، شہر کی خوبصورتی دیکھنی تھی تو چیف جسٹس دو سال پہلے وہاں جاتے پشاور منفرد نظر آتا۔

انہوں نے کہا کہ وی آئی پیز سے پولیس گارڈز واپس لینے کے چیف جسٹس ثاقب نثار کے فیصلے کا خیر مقدم کرتے ہیں اور اس فیصلے کو سراہتے ہیں۔

سراج الحق کے لہجے میں ن لیگ بول رہی ہے، فواد چوہدری کا ردعمل

دوسری جانب پی ٹی آئی کے ترجمان فواد چوہدری نے کہا ہے کہ سراج الحق ن لیگ کے اتحادی ہیں ان لیے ان کے لہجے میں ن لیگ بول رہی ہے، سراج الحق کا بیان جھوٹ کے سوا کچھ نہیں ہے۔

انہوں نے کہا کہ سراج الحق کی غلط بیانیوں نے جماعت اسلامی کا بیڑہ غرق کردیا ہے، جماعت اسلامی آزاد کشمیر میں ن لیگ اور کے پی میں پی ٹی آئی کی اتحادی ہے جبکہ پنجاب میں ان کا ناظم شیر کے نشان پر جیتا تھا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اپریل 20, 2018
میاں صاحب بزرگ ہیں کچھ بھی کہہ سکتے ہیں،چیئرمین سینیٹ

کراچی : چیئرمین سینیٹ صادق سنجرانی کا کہنا ہے کہ میاں صاحب بزرگ ہیں کچھ بھی کہہ سکتے ہیں سیاست میں اتحاد ہوتے رہتے ہیں اس میں حیرانی کی کوئی بات نہیں،کوشش کریں گے بہترسے بہتر کام کرسکیں۔

تفصیلات کے مطابق نو منتخب چیئرمین سینیٹ صادق سنجرانی اور ڈپٹی چیئرمین سینیٹ سلیم مانڈوی والا نے مزار قائد پر حاضری دی، اس موقع پر چیئرمین سینیٹ صادق سنجرانی نے میڈیا سے گفتگو کرتے ہوئے کہا کہ سیاست میں اتحاد ہوتے رہتے ہیں اس میں حیرانی کی کوئی بات نہیں۔ آگے بھی اتحاد ہوتے رہیں گے۔

صادق سنجرانی کا کہنا تھا کہ سینیٹ میں تمام صوبوں کی برابر نمائندگی ہے، کوشش کریں گےبہترسے بہترکام کرسکیں ، کوشش کریں گے، رضاربانی نے جو معیار بنایا اسے آگے بڑھائیں، علیحدگی پسندوں کو قومی دھارے میں شامل کرنےکی کوشش کریں گے۔

چیئرمین کے انتخاب سے متعلق اعتراض پرچیئرمین سینیٹ نے کہا نوازشریف بزرگ ہیں، کچھ بھی کہہ سکتےہیں۔

بلوچستان کے حوالے سے انکا کہنا تھا کہ بلوچستان میں پہلےکی نسبت حالات بہت بہترہوئےہیں اور بلوچستان اب ترقی کی راہ پرگامزن ہے، ناراض بلوچ بھائیوں کا مسئلہ کافی مسئلہ حل ہوچکا ہے، کوشش کریں گے جو تھوڑے سے بھائی ناراض ہیں وہ مان جائیں۔

صادق سنجرانی نے اپوزیشن لیڈر سے متعلق کہا کہ سینیٹ میں اپوزیشن لیڈرکا ابھی کوئی فیصلہ نہیں ہوا جس کے نمبربہترہوں گے وہی اپوزیشن لیڈر بنے گا، گوادر سے سینیٹربھی ہمارے ساتھ ہیں۔

انکا کہنا تھا کہ آصف زرداری،بلاول بھٹو، عمران خان کاشکریہ اداکرتے ہیں، ہم تو 6ارکان کے ساتھ آئے تھے۔

چیئرمین سینیٹ نے کہا کہ حاصل بزنجوصاحب کیوں آگ بگولہ ہوگئےمعلوم نہیں، حاصل بزنجو بلوچستان سے ہیں، انہیں تو مبارکبا دینی چاہیے تھی۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 17, 2018
ن لیگ ختم ہوگئی، اپوزیشن لیڈر بھی پیپلز پارٹی کا آئے گا: سلیم مانڈوی والا

اسلام آباد: ڈپٹی چیئرمین سینیٹ سلیم مانڈوی والا نے کہا ہے کہ مسلم لیگ ن ختم ہوچکی ہے، سینیٹ میں قائدِ حزب اختلاف بھی پیپلز پارٹی کا آئے گا۔

ان خیالات کا اظہار انہوں نے میڈیا سے گفتگو کرتے ہوئے کیا، نو منتخب ڈپٹی چیئرمین سیلم مانڈوی والا کا کہنا تھا کہ میری جیت زرداری کی جیت ہے اور یہ جیالوں کی کامیابی ہے، سینیٹ الیکشن نے ثابت کر دیا کہ پیپلز پارٹی ختم نہیں ہوئی۔

گذشتہ دنوں چیئرمین سینیٹ اور ڈپٹی چیئرمین کے انتخاب کے لیے ہونے والے الیکشن سے متعلق انہوں نے کہا کہ اپوزیشن جماعتوں نے سینیٹ الیکشن میں تاریخی اتحاد کا مظاہرہ کیا، جو کچھ سینیٹ میں ہوا عام انتخابات میں بھی وہی ہوگا۔

سینیٹ الیکشن: سلیم مانڈوی والا ڈپٹی چیئرمین منتخب، عثمان کاکٹر کو شکست

مسلم لیگ (ن) پر تنقید کرتے ہوئے سلم مانڈوی والا کا کہنا تھا کہ نواز شریف کا سیاست میں کوئی مستقبل نہیں دیکھ رہا، اب شریف خاندان کی سیاست ختم ہو گئی، مستبقل پیپلز پارٹی کا ہے۔

خیال رہے کہ گذشتہ دنوں ہونے والے سینیٹ انتخابات میں سلیم مانڈوی والا پیپلز پارٹی کی جانب سے ڈپٹی چیئرمین کے امیدوار تھے جو حکومتی اتحاد کے امیدوار عثمان کاکڑ کو شکست دے کر ڈپٹی چیئرمین منتخب ہوئے ہیں۔

حکومتی اتحاد کو شکست: میرصادق سنجرانی چیئرمین سینیٹ، سلیم مانڈوی والا ڈپٹی چیئرمین منتخب

یاد رہے کہ چیئرمین سینیٹ اور ڈپٹی چیئرمین کے انتخاب کے بعد اب پیپلز پارٹی اور پی ٹی آئی کے درمیان اپوزیشن لیڈر کے چناؤ کے لیے جوڑ توڑ جاری ہے جبکہ پی ٹی آئی نے اپنے رہنما اعظم سواتی کو اپوزیشن لیڈر نامزد کرنے کا اعلان کر دیا ہے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مارچ 16, 2018