ARYNews.tv | Urdu – Har Lamha Bakhabar

Tag: chairman senate

  • تمام اداروں کو آئینی حدود میں رہ کر کام کرنا ہوگا، رضا ربانی

    تمام اداروں کو آئینی حدود میں رہ کر کام کرنا ہوگا، رضا ربانی

    کوئٹہ : چئیرمین سینیٹ رضاربانی نے کہا ہے کہ سیاسی جدوجہد کے بعد آئین کی شق ففٹی ٹوایٹ بی کو ختم کیا گیا تھا کہ ایک اور نیا طریقہ سامنے آگیا، تمام اداروں کو آئینی حدود میں رہ کر کام کرنا ہوگا۔

    ان خیالات کا اظہار انہوں نے کوئٹہ میں سانحہ8اگست کے حوالے سے ایک سیمینار سے خطاب کرتے ہوئے کیا۔
    ملک مشکل حالات میں ہے، چیئرمین سینٹ نے فوج، عدلیہ اورانتظامیہ کو مذاکرات کی میز پرآنےکی دعوت دے دی،
    رضا ربانی نے کہا کہ آئین کے تحت ریاست کی اولین ترجیح پاکستان کے شہریوں کے جان و مال کاتحفظ ہے۔

    میں سی پیک کیخلاف نہیں لیکن آج پاکستان جس نہج پر کھڑا ہے اس میں محاذ آرائی کا بڑا عمل دخل ہے، ان کا کہنا تھا کہ ’پاکستان کی تاریخ میں پارلیمنٹ ہمیشہ اس حقیقت کے باوجود سب سے کمزور ادارہ ثابت ہوئی ہے کہ 1973 کے آئین میں تمام اداروں کی حدود واضح کردی گئی تھیں۔

    چئیرمین سینیٹ کا کہنا تھا کہ ملک اداروں میں تصادم کا متحمل نہیں ہوسکتا، ان کا کہنا تھا وہ تمام اسٹیک ہولڈرز کو دعوت دیتے ہیں کہ آئیں بیٹھیں اورڈائیلاگ کریں کیونکہ ملکی مسائل کا قابل قبول حل نکالنے کے لیے ایگزیکٹو، پارلیمنٹ اور عدلیہ کے درمیان مذاکرات ضروری ہیں۔

  • چیئرمین سینیٹ نے نہال ہاشمی کا استعفٰی نامنظور کردیا

    چیئرمین سینیٹ نے نہال ہاشمی کا استعفٰی نامنظور کردیا

    اسلام آباد : چیئرمین سینیٹ رضاربانی نےنہال ہاشمی کا استعفٰی نامنظور کردیا۔

    تفصیلات کے مطابق چیئرمین سینیٹ رضا ربانی کی صدارت میں سینیٹ کا اجلاس ہوا، جس میں چیئرمین نے نہال ہاشمی کے استعفے سے متعلق رولنگ پڑھ کر سنائی، چیئرمین سینیٹ رضا ربانی نے لیگی سینیٹر نہال ہاشمی کی درخواست منظور کرتے ہوئے استعفیٰ نامنظور کردیا، جس کے بعد نہال ہاشمی کی سینیٹ رکنیت بحال ہوگئی۔

    چیئرمین سینیٹ رضا ربانی نے کہا کہ پہلی جون کو فائل میرے سامنے رکھی گئی، نہال ہاشمی کو استعفیٰ کی تصدیق کے لئے پیش ہونے کا کہا گیا، جس کے بعد چھ جون کو نہال ہاشمی نے اپنا استعفیٰ واپس لینے کی درخواست دے دی ۔

    رضا ربانی کا کہنا تھا کہ نہال ہاشمی کے مطابق انہوں نے ذہنی دباؤمیں آکر استعفیٰ دیا تھا۔

    خیال رہے کہ ٹھائیس مئی کو یوم تکبیر کی تقریب میں دھمکی آمیز تقریر کے بعد پارٹی قیادت نے نہال ہاشمی کی پارٹی رکنیت معطل کرتے ہوئے سینیٹ کی نشست سے استعفا مانگ لیا تھا، جس کے بعد نہال ہاشمی نےاکتیس مئی کواستعفیٰ سینیٹ بھجوایا تھا۔

    مزید پڑھیں : نہال ہاشمی کی چیئرمین سینیٹ سے استعفیٰ قبول نہ کرنے کی درخواست

    یاد رہے گذشتہ روز چیئرمین سینیٹ رضا ربانی سے نہال ہاشمی نے ملاقات کی اور رضا ربانی کو استعفیٰ منظور نہ کرنے کی درخواست دی تھی، نہال ہاشمی کا کہنا تھا کہ میرا استعفیٰ قبول نہ کیا جائے۔

    قیادت مخالف فیصلے پر نہال ہاشمی پر لیگی رہنماؤں نے شدید تنقید کی، آصف کرمانی نے مخالفت کو آخرت خراب کرنے کے مترادف قرار دیا، مشاہد اللہ نے بھی نہال ہاشمی کے یوٹرن پر ناراضی کا اظہار کیا۔

    ساتھی لیگیوں نے نہال ہاشمی کے یوٹرن کو سیاسی بے وفائی سے تعبیر کیا تو لیگی سنیٹر ظفر علی شاہ نے تمام تر معاملے کو اپنے ہی قائد نواز شریف کا فکس گیم قرار دیا۔

    یاد رہے کہ چیف جسٹس آف پاکستان نے بھی نہال ہاشمی کی دھمکی آمیز تقریر کا ازخود نوٹس لیتے ہوئے شوکاز نوٹس جاری کیا تھا۔

    مزید پڑھیں : نہال ہاشمی کی پانامہ کیس کی تحقیقات کرنیوالی جے آئی ٹی کو کھلے عام سنگین دھمکیاں

    واضح رہے کہ مسلم لیگ ن کے رہنما سینیٹر نہال ہاشمی نے ایک تقریب میں خطاب کرتے ہوئے پاناما کیس کی تحقیقات کرنے والی جی آئی ٹی کو دھمکیاں دیتے ہوئے کہا تھا کہ احتساب کرنے والوں ہم تمہارا یوم حساب بنادیں گے، تم جس کا احتساب کر رہے ہو وہ نواز شریف کا بیٹا ہے، ہم نے تم کو چھوڑنا نہیں، آج حاضر سروس ہو کل ریٹائر ہوجاؤ گے، ہم تمہارے بچوں اور خاندان کے لیے پاکستان کی زمین تنگ کردیں گے ۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نہال ہاشمی کا استعفیٰ واپس، لیگی رہنما بھی مخالف ہوگئے

    نہال ہاشمی کا استعفیٰ واپس، لیگی رہنما بھی مخالف ہوگئے

    اسلام آباد : مسلم لیگ ن کو نہال ہاشمی کے یوٹرن میں سازش نظر آگئی۔ سینیٹر مشاہداللہ نے چیئرمین سینیٹ سے کہا ہے کہ استعفٰی منظور کرلیں، آصف کرمانی نے کہا ہے کہ نہال ہاشمی کو کسی سیاسی مخالف نے گود لے لیا ہے، ان کا استعفیٰ قبول کیا جائے۔

    تفصیلات کے مطابق مستعفی ہونے کے بعد نہال ہاشمی نے پینترا بدلا تو لیگی ساتھیوں نے بھی انہیں پیٹھ  دکھا دی، سینیٹرمشاہد اللہ خان کا کہنا تھا کہ نہال ہاشمی کو ڈسپلن کا مظاہرہ کرنا چاہئیے تھا۔

    پارلیمانی پارٹی نے چیئرمین سینیٹ سے کہا ہے کہ ان کا استعفیٰ منظور کیا جائے، وزیراعظم کے معاون خصوصی ڈاکٹرآصف کرمانی نے نہال ہاشمی کے یوٹرن فیصلے پر کہا ہے کہ لگتا ہے نہال ہاشمی کو کسی سیاسی مخالف نےگود لےلیا۔

    مزید پڑھیں : نہال ہاشمی کا استعفیٰ واپس لینا ملی بھگت کا نتیجہ ہے، شیخ

    رشید

    وزیر قانون پنجاب رانا ثناءاللہ نے تقریرکو جوش خطابت قرار دیا۔ اس کے علاوہ نہال ہاشمی کی تقریر کو غیر مناسب قرار دیتے ہوئے وزیر مملکت مریم اورنگزیب کا کہنا تھا کہ لیگیوں اور شریف خاندان کا اس تقریرسےکوئی تعلق نہیں۔

    مزید پڑھیں : نہال ہاشمی نے نواز شریف کے کہنے پر تقریر کی تھی،

    اعتزازاحسن

  • بھٹو کو مسلم ممالک کو اکٹھا کرنے کی سزا دی گئی، رضا ربانی

    بھٹو کو مسلم ممالک کو اکٹھا کرنے کی سزا دی گئی، رضا ربانی

    گڑھی خدا بخش : چیئرمین سینیٹ میاں رضا ربانی نے کہا ہے کہ شہید ذوالفقارعلی بھٹو کو مسلم ممالک کو اکٹھا کرنےکی سزا دی گئی، بھٹو ریفرنس پر گرد جم رہی ہے سپریم کورٹ ازخود اوپن کرے۔

    ان خیالات کا اظہار انہوں نے گڑھی خدا بخش لاڑکانہ میں میڈیا سے گفتگو کرتے ہوئے کیا، اس سے قبل رضا ربانی نے ذوالفقار علی بھٹو اورشہید بینظیر بھٹو کی مزارات پر حاضری دی اور فاتحہ خوانی کی۔

    چیئرمین سینیٹ رضا ربانی نے بھٹو کو راہ راست سے ہٹانے کا ذمہ دارعالمی قوتوں کو قرار دیتے ہوئے کہا کہ شہید ذوالفقارعلی بھٹو کو مسلم ممالک کو یکجا کرنے کی پاداش میں راستے سے ہٹایا گیا۔

    انہوں نے کہا کہ نیب کا نظام مکمل طور پر ناکارہ ہوچکا ہے، اس کے تحت کرپشن پر قابو نہیں پایا جا سکتا، نگراں حکومتوں کا کام تین مہینے کے لئے صرف روزانہ کا بزنس چلانا ہے، عالمی اداروں سے معاہدے کرنا ان کا کام نہیں۔

    نگراں حکومتوں کے خد و خال واضح کرنے کی ضرورت ہے جس کے لئے اقدامات کیے جائیں، انہوں نے کہا کہ پارلیمنٹ کو مضبوط بنانے کے لئے نیشنل سیکورٹی اور خارجہ پالیسی سمیت تمام اہم ملکی فیصلے اے پی سی کے بجائے پارلیمنٹ میں ہونے چاہئیں۔

  • دہشت گردی: چیئرمین سینیٹ نے حکومت سے ان کیمرا بریفنگ مانگ لی

    دہشت گردی: چیئرمین سینیٹ نے حکومت سے ان کیمرا بریفنگ مانگ لی

    اسلام آباد: چیئرمین سینیٹ نے دہشت گردی کے واقعات پر حکومت سے ان کیمرا بریفنگ مانگ لی اور سینیٹ کے اجلاس میں بریفنگ دینے والے وزیر مملکت بلیغ الرحمان کو جواب دیا ہے کہ وہ اخباری تراشے نہ سنائیں ایوان کو اعتماد میں لیں۔

    سینیٹ کا اجلاس چیئرمین سینیٹ رضا ربانی کی زیر صدارت منعقد ہوا جس میں ملکی سیکیورٹی صورتحال پر وزیر مملکت بلیغ الرحمان نے ایوان کو بریفنگ دی۔

    انہوں نے کہا کہ لاہور دھماکے کی ذمہ دار کالعدم تنظیم افغانستان میں موجود ہے، وہ افغان صوبے لال پور، ننگرہار سے اپنا نیٹ ورک چلارہی ہے، حکومت دہشت گردی کی روک تھام میں سنجیدہ ہے،لاہور دھماکے کی پیشگی اطلاعات موجود تھیں اس لیے دہشت گرد زیادہ نقصان نہیں پہنچا سکے۔

    انہوں نے کہا کہ کوئٹہ میں بی ڈی ایس اہلکار بم ناکارہ بناتے ہوئے شہید ہوئے جن کی شہادت کی تحقیقات جاری ہیں، پشاور حیات آباد دھماکے کی تفصیلات بتاتے ہوئے بلیغ الرحمان نے کہا کہ خود کش حملہ آر پشاور کے علاقے میں ججز کی گاڑی سے ٹکرایا جبکہ مہمند ایجنسی میں افسوسناک واقعہ پیش آیا۔

    وزیرمملکت نے کہا کہ حکومت دہشت گردی کی روک تھام کے لیے کوشاں ہے اس لیے ہم نے افغانستان سے احتجاج کیا ہے کہ وہ اپنی زمین دہشت گردی کے استعمال کرنے کی اجازت نہ دے۔

    بلیغ الرحمان کی بریفننگ پر چیئرمین سینیٹ نے تبصرہ کرتے ہوئے کہا کہ ’’ایوان کو اعتماد میں لیں ہمارا مقصد اخباری خبریں سننا نہیں بلکہ ملک کے لیے قانون سازی کرنا ہے۔

    رضا ربانی نے سیکورٹی صورتحال پر چیئرمین ان کیمرہ بریفنگ کی ہدایت کرتے ہوئے کل سینیٹ میں مزید تفصیلات فراہم کرنے کا حکم دیا۔

  • متعدد شہری لاپتا: چیئرمین سینیٹ نے حکومت سے جواب طلب کرلیا

    متعدد شہری لاپتا: چیئرمین سینیٹ نے حکومت سے جواب طلب کرلیا

    اسلام آباد: چیئرمین سینیٹ رضا ربانی نے لوگوں کے لاپتا ہونے کا نوٹس لیتے ہوئے کہا ہے کہ یہ اہم ایشو ہے، اگر ریاست اس کا کھوج نہیں لگاسکتی تو یہ بڑی عجیب بات ہے۔

    سینیٹ کا اجلاس چیئرمین سینیٹ رضا ربانی کی زیر صدارت منعقد ہوا۔ شہریوں کے لاپتا ہونے پر سینیٹ کے اجلاس میں معاملہ اٹھایا گیا۔

    چیئرمین سینیٹ رضا ربانی نے کہا کہ پاکستان میں لوگوں کا لاپتا ہونا اہم معاملہ ہے،لوگوں کے لاپتا ہونے کے معاملے کو کم نہیں سمجھتے،اگر ریاست اس کا کھوج نہیں لگاسکتی تو یہ بڑا عجیب معاملہ ہے۔

    وزیر مملکت برائے داخلہ بلیغ الرحمان نے کہا کہ لاپتا افراد کی تلاش کے لیے کام کر رہے ہیں، ملک میں 5 افراد لاپتا ہوئے،خبر چلانے والے سے پوچھا تو اس کے پاس ثبوت نہیں تھا، اس معاملے کی انکوائری کر رہے ہیں۔

    انہوں نے کہا کہ کراچی سے اسلام آباد آنے والا ثمر عباس لا پتا ہوا ہے، اسلام آباد میں جی الیون سے اسے ایس ایم ایس کیا گیا، پولیس انکوائری کررہی ہے،ایف آئی آر درج کرلی گئی ہے۔

    چیئرمین سینیٹ نے کہا ہے کہ اگر کوئی ملزم ہے تو اس کے خلاف کارروائی کی جائے،ریاست کو پتا نہ ہونا پھر پارلیمنٹ کو مکمل بریفنگ نہ دینا غلط ہے، افسوس ہے آپ کے پاس معلومات نہیں ہیں۔

  • راحیل شریف کی تعیناتی؟ چیئرمین سینیٹ نے حکومت سے جواب مانگ لیا

    راحیل شریف کی تعیناتی؟ چیئرمین سینیٹ نے حکومت سے جواب مانگ لیا

    اسلام آباد: جنرل(ر) راحیل شریف کی سعودی عرب میں ملازمت کی اطلاعات پر چیئرمین سینیٹ نے حکومت سے تفصیلات طلب کرلیں اور سوال کیا کہ انہیں این او سی کس نے جاری کیا؟ خواجہ آصف سینیٹ میں آکر ایوان کو اعتماد میں لیں۔

    آج سینیٹ کا اجلاس چیئرمین سینیٹ رضا ربانی کی زیر صدارت منعقد ہوا۔

    اے آر وائی نیوز کے نمائندے زاہد مشوانی نے بتایا کہ سابق آرمی چیف جنرل (ر) راحیل شریف کے 39 اسلامی ممالک کے فوجی اتحاد کا سربراہ بننے کی اطلاعات پر چیئرمین سینیٹ نے حکومت سے جواب طلب کرلیا ہے اور وزیر دفاع خواجہ آصف کو حکم دیا ہے کہ وہ ایوان کو اس معاملے میں اعتماد میں لیں، یہ ایک اہم معاملہ ہے۔

    انہوں نے سوالات اٹھائے کہ حکومت بتائے کہ کیا سابق آرمی چیف کو اسلامی ممالک کے اتحاد کا سربراہ مقرر کردیا گیا ہے؟ وہاں انہیں کوئی اور ملازمت دی گئی ؟ ریٹائرڈ فوجی افسر کی بیرون ملک ملازمت کے حوالے سے کیا قواعد و ضوابط ہیں؟

    انہوں نے یہ سوال بھی کیا کہ کیا سابق آرمی چیف نے اس حوالے سے حکومت سے اجازت حاصل کی؟ کیا حکومت اس حوالے سے این او سی جاری کرتی ہے؟ اگر کرتی ہے تو راحیل شریف نے این او سی کس سے حاصل کیا، وفاقی حکومت اس حوالے سے مکمل معلومات فراہم کرے۔

    وزیر دفاع خواجہ آصف نے اس حوالے سے لاعلمی کا اظہار کیا اور کہا کہ وہ پرسوں ایوان کو اس ضمن میں آگاہ کریں گے۔

    چیئرمین سینیٹ نے کہا کہ یہ ایک اہم مسئلہ ہے کہ وہ سربراہ مقرر ہوئے کہ نہیں کیا ریٹائرڈ آرمی چیف سربراہ بن سکتا ہے اس حوالے سے ایوان کو مکمل معلومات ہونی چاہئیں، حکومت ایوان کو اعتماد میں لے۔

  • احتساب کا موجودہ نظام ناکام ہوچکا ہے، چیئرمین سینیٹ کا کھلا خط

    احتساب کا موجودہ نظام ناکام ہوچکا ہے، چیئرمین سینیٹ کا کھلا خط

    اسلام آباد : چیئرمین سینیٹ میاں رضا ربانی نے کہا ہے کہ احتساب کا موجودہ نظام ناکام ہوچکا ہے، جمہوری نظام کی بقاء کو خطرات لاحق ہوگئےہیں۔ اب چھوٹی موٹی تبدیلی سے احتساب کے نظام کی بحالی ممکن نہیں۔

    ان خیالات کا اظہار انہوں نے پاکستانی عوام کے نام اپنے کھلے خط میں کیا، چیئرمین سینیٹ نے کہا کہ وہ روایت سے ہٹ کر تحریر کے ذریعے عوام سے مخاطب ہیں، میرے منصب کا تقاضا ہے کہ میں غیر جانبدار رہوں۔

    مزید پڑھیں: دہشت گردی ایک یا دو آپریشن سے ختم نہیں ہوگی، رضا ربانی

    رضاربانی نے کہا احتساب کا موجودہ نظام ناکام ہوچکا ہے، جس سے جمہوری نظام کی بقاء کو خطرات لاحق ہوگئے ہیں، اب چھوٹی موٹی تبدیلی سے احتساب کے تن مردہ میں جان نہیں پڑ سکتی۔

    مزید پڑھیں: سینیٹ کے بغیر وفاق کو نہیں چلایا جاسکتا،رضا ربانی

    چیئرمین سینیٹ نے پلی بارگین اوررقوم کی رضاکارانہ واپسی سے متعلق احتساب آرڈیننس کا قائمہ کمیٹی کو بھجوا دیا۔ رضا ربانی نے خط میں لکھا کہ قوانین پر نظر ثانی لازمی ہو چکی ہے۔ رضا ربانی نے کہا کہ بدعنوانی کے تمام پہلوؤں پر نظر رکھنے والا خود مختار ادارہ قائم کیا جائے جسے چیلنج کرنے والا کوئی نہ ہو۔

  • بھارتی جارحیت: مشیر خارجہ سینیٹ کے اجلاس میں‌ طلب

    بھارتی جارحیت: مشیر خارجہ سینیٹ کے اجلاس میں‌ طلب

    اسلام آباد: چئیرمین سینیٹ رضا ربانی نے لائن آف کنٹرول پر بھارتی جارحیت ہونے پر مشیر خارجہ سرتاج عزیز کو طلب کرلیا ،سرتاج عزیز ایوان میں آکر اراکین کو بھارتی جارحیت پر آگاہی دیں گے۔


    اجلاس کے دوران رضاربانی نے کہا وزارت خارجہ نے بھارتی اشتعال انگیزیوں سے ابھی تک او آئی سی کو آگاہ کیوں نہیں کیا۔

    پیپلز پارٹی کے سینیٹر اعتزاز احسن نے کہا کہ گرفتار شدہ بھارتی ایجنٹ کلبھوشن یادیو جیسا افسر حراست میں آیا مگر وزیر اعظم نواز شریف کی زبان پر کلبھوشن کا نام تک نہیں آیا ۔

    اعتزاز احسن کا کہنا تھا کہ جس دن نواز شریف نے کلبھوشن کا نام لیا وہ بلائنڈ ایسوسی ایشن کو 50 ہزار روپے عطیہ دیں گے، خدانخواستہ بھارت ہمارا کوئی کرنل بھارت پکڑ لیتا تو پنجرے میں بند کرکے 15 اگست کو تقریر کی جاتی۔

    پی پی کی رہنما شیری رحمان نے کہا کہ ابھی تک مستقل وزیر خارجہ کیوں تعینات نہیں کیا جاسکا، بھارتی جارحیت یہاں تک پہنچ گئ کہ اب بسوں پر فائرنگ ہورہی ہے۔

    سینیٹر کامل علی آغا نے بھی وزیر اعظم کی خاموشی پر تنقید کی ۔ان کا کہنا تھا بھارتی جارحیت پر وزیراعظم کیوں خاموش ہیں ۔

  • نیشنل ایکشن پلان کیلئے پارلیمانی کمیٹی تشکیل دی جائے، میاں رضا ربانی

    نیشنل ایکشن پلان کیلئے پارلیمانی کمیٹی تشکیل دی جائے، میاں رضا ربانی

    کوئٹہ : چیئرمین سینیٹ میاں رضا ربانی نے نیشنل ایکشن پلان کی نگرانی کیلئے پارلیمانی کمیٹی تشکیل دینے کی تجویز دیدی۔

    تفصیلات کے مطابق چیئرمین سینٹ میاں رضا ربانی نے بلوچستان ہائیکورٹ میں سانحہ کوئٹہ پر وکلاءرہنماﺅں سے تعزیت کی۔

    اس موقع پر میڈیا سے گفتگو کرتے ہوئے چیئرمین سینیٹ کا کہنا تھا کہ کوئٹہ میں وکلاء پرخود کش حملہ قتل عام کے مترادف اور ایک بڑا اشارہ ہے ہمیں محتاط ہونا پڑے گا۔

    میاں رضا ربانی نے نیشنل ایکشن پلان پرعملدرآمد سے متعلق الزامات کو دہشت گردی کیخلاف جنگ کیلئے نقصان دہ قرار دیتے ہوئے کہا کہ امن کیلئے اس جنگ کی اجتماعی ذمہ داری لینی ہوگی، جس کیلئے پارلیمنٹ بہترین فورم ہے۔

    چیئرمین سینیٹ نے سانحہ کوئٹہ میں بھاری جانی نقصان پر دکھ کا اظہار کرتے ہوئے کہا کہ جاں بحق وکلاء کے پسماندگان کی دیکھ بھال اور بچوں کی تعلیم و دیگراخراجات کا ذمہ چاروں صوبوں کو اٹھانا چاہیئے جس کیلئے وہ چاروں وزراء اعلیٰ اور وفاقی حکومت سے بات کریں گے۔