ARYNews.tv | Urdu – Har Lamha Bakhabar

Tag: chairs

  • پاکستانی عوام کے بہترین مفادمیں اداروں کی حمایت کی جائےگی، آرمی چیف

    پاکستانی عوام کے بہترین مفادمیں اداروں کی حمایت کی جائےگی، آرمی چیف

    راولپنڈی : آرمی چیف کی زیرصدارت کورکمانڈرزکانفرنس کا انعقاد کیا گیا ، کانفرنس میں افغان مفاہمتی عمل کی کامیابی کےلیےامیدکااظہار کیا اور  افغان جنگ کےپرامن اختتام کیلئےاسٹیک ہولڈرزکی حمایت کی، آرمی چیف نے کہا پاکستانی عوام کےبہترین مفادمیں اداروں کی حمایت کی جائے گی۔

    پاک فوج کے شعبہ تعلقات عامہ آئی ایس پی آر سے جاری بیان کے مطابق آرمی چیف جنرل قمر جاوید باجوہ کی زیر صدارت 216 کور کمانڈرزکانفرنس جنرل ہیڈ کوارٹر (جی ایچ کیو ) میں منعقد کی گئی ، کانفرنس میں جیواسٹریٹجک انوائرمنٹ پرغور کیا گیا۔

    آئی ایس پی آر کا کہنا تھا کہ کانفرنس نےایل اوسی سمیت مشرقی اورمغربی سرحدوں کی صورتحال کاجائزہ لیا اور داخلی سیکیورٹی سےمتعلق جاری آپریشنز پر  پیشرفت پر بھی تبادلہ خیال کیا گیا۔

    ترجمان کے مطابق کانفرنس میں شرکاء نے دہشت گردی کو جڑ سے اکھاڑنے کے لئے علاقائی سوچ کی اہمیت کواجاگرکیا اور افغانستان میں قیام امن کیلئے تمام فریقین کی حمایت پر اتفاق کیا کہ افغان جنگ کےاختتام کیلئےتمام فریقین کی حمایت کی جائے گی ۔

    کانفرنس میں ملک کوتمام خطرات سےمحفوظ بنانےکےعزم کااعادہ کیا اور دہشت گردی کے خاتمہ کے لئے علاقائی کوششوں کو فروغ دینے پر زور دیا گیا۔

    اس موقع پر آرمی چیف نے کہا پاکستان کےعوام کی خوشحالی اولین ترجیح ہے، پاکستانی عوام کےبہترین مفادمیں اداروں کی حمایت کی جائےگی اور ملک کی ترقی،امن وخوشحالی کےلیےتمام اداروں کی حمایت جاری رکھیں گے۔

  • پرویزخٹک کی سربراہی میں انتخابی دھاندلی سے متعلق پارلیمانی کمیٹی کا دوسرا اجلاس آج ہوگا

    پرویزخٹک کی سربراہی میں انتخابی دھاندلی سے متعلق پارلیمانی کمیٹی کا دوسرا اجلاس آج ہوگا

    اسلام آباد : وزیر دفاع پرویزخٹک کی زیر صدارت انتخابی دھاندلی سےمتعلق پارلیمانی کمیٹی کا دوسرااجلاس آج ہوگا، جس میں کمیٹی کے ٹی او آرز طے کئے جائیں گے۔

    تفصیلات کے مطابق مبینہ انتخابی دھاندلی کی تحقیقات کیلئے بنائی گئی پارلیمانی کمیٹی کا دوسرااجلاس آج ہوگا، اجلاس پرویزخٹک کی زیر صدارت پارلیمنٹ ہاؤس میں ڈھائی بجے ہوگا۔

    اجلاس میں کمیٹی کے ٹی او آرز طے کئے جائیں گے جبکہ انتخابی دھاندلی کی تحقیقات کے لیے ذیلی کمیٹی بنانے پر بھی غورہوگا۔

    یاد رہے 7 نومبر کو انتخابی دھاندلی سے متعلق پارلیمانی کمیٹی کا پہلا اجلاس ہوا تھا ، جس میں وفاقی وزیر پرویز خٹک کو پارلیمانی کمیٹی کا چیئرمین منتخب کر لیا گیا تھا۔

    مزید پڑھیں :  پرویز خٹک الیکشن میں مبینہ دھاندلی سے متعلق پارلیمانی کمیٹی کے چیئرمین منتخب

    اجلاس میں سب کمیٹی قائم کرنے کا فیصلہ کیا گیا تھا اور سب کمیٹی کے لئے تین تین نام فائنل کیےگئے جب کہ ایک ایک نام پر مشاورت ہونا تھی۔

    حکومتی کی جانب سے شیریں مزاری، شفقت محمود، طارق بشیرچیمہ کے نام سامنے آئے جبکہ اپوزیشن نے رانا ثنا اللہ، نوید قمر، حاصل بزنجوکے نام فائنل کیے۔

    یاد پاکستان پیپلز پارٹی اور مسلم لیگ ن کی طرف سے پی ٹی آئی کی حکومت پر دھاندلی کے الزامات مسلسل لگتے آ رہے ہیں اور اپوزیشن جماعتوں کی جانب سے تحفظات کا اظہار کرتے ہوئے دھاندلی کی تحقیقات کا مطالبہ کیا گیا تھا ۔

    حکومت نے اس ضمن میں اپوزیشن کو مکمل تعاون کی یقین دہانی کراتے ہوئے ایک پارلیمانی کمیٹی بنانے کا اعلان کیا تھا۔

    جس کے بعد عام انتخابات میں مبینہ دھاندلی کی تحقیقات کے لیے پارلیمانی کمیٹی بنانے کی تحریک قومی اسمبلی میں پیش کی گئی تھی ، پارلیمانی کمیشن بنانے کی تحریک وزیر خارجہ شاہ محمود قریشی نے پیش کی تھی اور کہا تھا ہم شفافیت کے قائل ہیں، انتخابات کی شفافیت کے لیے سب کچھ عوام کے سامنے رکھنے کو تیار ہیں۔

    مزید پڑھیں : عمران خان کا خطاب ، دھاندلی الزامات کی تحقیقات کی پیش کش

    واضح رہے وزیرِ اعظم عمران خان اپنی پہلی تقریر میں کہہ چکے ہیں کہ وہ دھاندلی کی تحقیقات کے لیے تیار ہیں جبکہ تحریکِ انصاف کی حکومت نے پارلیمانی کمیٹی کی سربراہی اپنے پاس رکھنے کا فیصلہ کیا تھا۔

    عمران خان نے کہا کہ آج چند سیاسی جماعتیں کہہ رہی ہیں کہ انتخابات میں دھاندلی ہوئی ہے، جو مطالبات ہیں، انھیں پورا کریں گے ،سمجھتا ہوں، پاکستان کےسب سےشفاف الیکشن ہوئےہیں، البتہ اپوزیشن کےجوبھی خدشات ہیں،دھاندلی کاجہاں بھی الزام لگاوہاں پرتحقیقات کے لئےتیارہیں۔

  • وزیراعظم کی زیرصدارت وفاقی کابینہ کا اجلاس کل طلب،8 نکاتی ایجنڈے پر غورہوگا

    وزیراعظم کی زیرصدارت وفاقی کابینہ کا اجلاس کل طلب،8 نکاتی ایجنڈے پر غورہوگا

    اسلام آباد : وزیراعظم عمران خان نے وفاقی کابینہ کا اجلاس کل طلب کرلیا ہے ، جس میں کابینہ اجلاس میں8نکاتی ایجنڈےپرغور ہوگا۔

    تفصیلات کے مطابق وزیراعظم عمران خان کی صدارت وفاقی کابینہ کا اجلاس کل صبح ساڑھے11بجےہوگا ، کابینہ اجلاس میں8 نکاتی ایجنڈے پرغور ہوگا اور اور ملک کی سیاسی اور اقتصادی صورتحال کا جائزہ لیا جائے گا۔

    کابینہ اجلاس کے ایجنڈے میں پاک چین ملٹری تعاون پر معاہدے اور پاکستان کرکٹ بورڈ کی ازسرنوتشکیل کی منظوری شامل ہیں۔

    وفاقی کابینہ چیئرمین ویج بورڈ کے استعفے کی منظوری اور آٹھویں ویج بورڈ کے چیئرمین کے تقرر کی منظوری دے گی۔

    ایل این جی ٹرمینل لمیٹڈ،ایل این جی لمیٹڈکےڈائریکٹرکی نامزدگی بھی ایجنڈے کا حصہ ہیں۔

    گذشتہ کابینہ اجلاس میں بجلی کے نرخ میں اضافے کی منظوری اور پاک چین خلائی مشن معاہدے کی توثیق کی گئی تھی۔

    کابینہ اجلاس کے بعد وزیراطلاعات فواد چوہدری نے میڈیا بریفنگ دیتے ہوئے کہا تھا اسپیس پروگرام سے متعلق ایک بڑی کامیابی ملی ہے، 2022 سے پاکستان سے پہلا خلا نورد چین کے تعاون سے جائے گا، آگے چل کر خود خلا نورد بھیجے جائیں گے۔

    مزید پڑھیں : 2022 سے پاکستان سے پہلا خلا نورد چین کے تعاون سے جائے گا، فواد چوہدری

    انہوں نے کہا تھا کہ نیب کے افسران کو سرکاری پاسپورٹ جاری کرنے کا فیصلہ کیا گیا۔ این ٹی ایس اور امتحان لینے والی سروسز کا معیار ایک جیسا نہیں رہا۔ امتحان لینے والی سروسز کا معائنہ کر کے اس پر مؤثر طریقہ کار بنایا جائے گا۔

    وفاقی وزیر توانائی عمر ایوب کا کہنا تھا کہ عمران خان کا نظریہ ہے کہ غریب کا خیال رکھنا ہے۔ نیپرا نے جو تجویز دی وہ اعداد و شمار کی بنیاد پر تھی۔ سال کے 6 سے 7 ارب روپے کارکردگی سے نکالیں گے۔ پیسوں کی وصولی کے لیے تمام صوبوں میں جائیں گے۔

  • دنیا ایرانی دہشت گردی کے خلاف سعودیہ کا ساتھ دے، سعودی کابینہ

    دنیا ایرانی دہشت گردی کے خلاف سعودیہ کا ساتھ دے، سعودی کابینہ

    ریاض : سعودی عرب کی کابینہ نے اجلاس کے دوران عالمی برادری پر زور دیا کہ دہشت گردی و انتہا پسندی اور خطے میں جاری ایران کی قبیح سرگرمیوں کے خلاف سعودی حکومت کا ساتھ دے۔

    تفصیلات کے مطابق سعودی عرب کے بادشاہ شاہ سلمان بن عبد العزیز کی سربراہی میں جاری اجلاس میں کابینہ نے سعودی عرب کی ثالثی میں برسوں سے ایک دوسرے کے خلاف نبرد آزما ایتھوپیا اور اریٹریا کے مابین امن معاہدے کی تعریف کی اور سلمان بن عبد العزیز نے امن معاہدے کے لیے ولی عہد کی کوششوں کو سراہا ہے۔

    عرب خبر رساں ادارے کا کہنا تھا کہ سعودی کابینہ کے اجلاس کے بعد جاری بیان میں عالمی برادری کے خطے میں جاری ایرانی دہشت گردی کے خلاف متحد ہونے کی ضرورت پر زور دیا گیا ہے۔

    غیر ملکی خبر رساں ادارے کا کہنا تھا کہ ایرانی رجیم عرب ممالک کے اندرونی معاملات میں کئی عرصے سے مداخلت کررہی ہے اور خطے میں سرگرام دہشت گرد تنظیموں کی معاونت بھی کررہی ہے۔

    سعودی کابینہ کا جاری بیان میں کہنا تھا کہ عالمی برادری کو ایران کی سپاہ پاسداران کی دہشت گردانہ سرگرمیوں کی روک تھام کے لیے سیسہ پلائی دیوار بننا ہوگا، دنیا کو سعودی عرب کی جانب سے دہشت گردی کے خلاف جاری جنگ میں ریاست کے ساتھ تعاون کرنا ہوگا۔

    سعودی عرب کے وزیر اطلاعات و نشریات ڈاکٹر صالح العواد کا کہنا تھا کہ کابینہ اجلاس کے دوران مشرق وسطیٰ جاری مسائل اور عالمی برادری کی مشکلات پر غور کیا گیا۔

    یاد رہے کہ ایک ماہ قبل سعودی عرب کی وفاقی کابینہ کا اجلاس نیوم سٹی میں حاکم وقت شاہ سلمان بن عبد العزیز کی زیر صدرات منعقد ہوا تھا، جس میں ایرانی حمایت یافتہ حوثی جنگجوؤں کی سعودی عرب کے تیل بردار جہازوں پر حملے اور خطے میں بڑھتی ہوئی ایرانی مداخلت پر گفتگو کی گئی۔

    غیر ملکی خبر رساں ادارے کا کہنا تھا کہ اجلاس کے دوران سعودی عرب کی وفاقی کابینہ نے سرحد پار سے جاری ایران نواز حوثیوں کی بڑھتی ہوئی دہشت گردی اور دیگر عالمی مسائل پر بھی شدید تحفظات کا اظہار کیا تھا۔

  • فیلڈ فارمیشن افسران شہداء کے خاندانوں سے مل کر ان کی قربانیوں کا اعتراف کریں،آرمی چیف کی ہدایت

    فیلڈ فارمیشن افسران شہداء کے خاندانوں سے مل کر ان کی قربانیوں کا اعتراف کریں،آرمی چیف کی ہدایت

    راولپنڈی : آرمی چیف جنرل قمرجاوید باجوہ نے یوم دفاع پر شہداء پر فیلڈ فارمیشن افسران کو ہدایت کی کہ شہدا کے گھروں میں جائیں اور ان کی عظیم قربانیوں کا احترام اور اعتراف کریں۔

    پاک فوج کے شعبہ تعلقاتِ عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت جی ایچ کیو میں 213 ویں کور کمانڈرز کانفرنس ہوئی، کانفرنس میں آپریشن ردالفساد میں پیش رفت کا جائزہ لیا گیا اور خطے کی جیو اسٹریٹیجک صورتحال پر تبادلہ خیال کیا گیا۔

    آئی ایس پی آر کے مطابق کورکمانڈرز نے یوم دفاع پر شہداء کو زبردست خراج تحسین بھی پیش کیا۔

    اس موقع پر پاک فوج کے سربراہ جنرل قمر جاوید باجوہ کا کہنا تھا کہ شہداء کی قربانیوں   خدمات کا اعتراف کیاجائے، فیلڈ فارمیشنز شہداء کے خاندانوں سے مل کر ان کی عظیم قربانیوں کا احترام اور اعتراف کریں۔

    یاد رہے  ڈی جی آئی ایس پی آر میجر جنرل آصف غفور نے اعلان کیا تھا کہ ہمیں پیار ہے پاکستان سے‘ کے نام سے یوم دفاع وشہداء منایا جائے گا، کوئی شہادت بھولی نہیں جائے گی اور  وطن کی حفاظت کے لیے جانیں دینے والوں کو سلام پیش کیا جائے گا۔

    پاک فوج کی جانب سے   یوم دفاع وشہداء پر شہیدوں ، غازیوں کو خراج تحسین پیش کرنے کا سلسلہ جاری ہے۔

    ڈی جی آئی ایس پی آر کا مزید کہنا تھا کہ شاپنگ مال شہداء کی تصاویر سے سجائے جائیں گے ، بسوں،ویگنوں ،ٹرکوں اور گاڑیوں پرشہدا کی تصاویر لگائی جائیں گی جبکہ ریلوے انتظامیہ کی جانب سے ٹرینوں اوراسٹیشنوں اور تمام ائیر پورٹس پر بھی شہداء کی تصاویر آویزاں کی جائیں گی۔

    میجر آصف غفور نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں۔

  • شاہ سلمان کی زیرِ صدرات سعودی عرب کی وفاقی کابینہ کا اجلاس

    شاہ سلمان کی زیرِ صدرات سعودی عرب کی وفاقی کابینہ کا اجلاس

    ریاض : شاہ سلمان بن عبدالعزیز نے سعودی عرب کی وفاقی کابینہ کے اجلاس سے خطاب کرتے ہوئے کہا ہے کہ ’یمن جنگ میں جاں بحق ہونے والے 15 سو فوجیوں کے اہل خانہ کو حکومتی کوٹے سے حج کروایا جائے گا‘۔

    تفصیلات کے مطابق سعودی عرب کی وفاقی کابینہ کا اجلاس گذشتہ روز نیوم سٹی میں حاکم وقت شاہ سلمان بن عبد العزیز کی زیر صدرات منعقد ہوا تھا، جس میں ایرانی حمایت یافتہ حوثی جنگجوؤں کی سعودی عرب کے تیل بردار جہازوں پر حملے اور خطے میں بڑھتی ہوئی ایرانی مداخلت پر گفتگو کی گئی۔

    غیر ملکی خبر رساں ادارے کا کہنا تھا کہ اجلاس کے دوران سعودی عرب کی وفاقی کابینہ نے سرحد پار سے جاری ایران نواز حوثیوں کی بڑھتی ہوئی دہشت گردی اور دیگر عالمی مسائل پر بھی شدید تحفظات کا اظہار کیا۔

    عرب میڈیا کے مطابق سعودی وزراء نے اجلاس میں واضح کیا کہ خطے میں بڑھتی دہشت گردی اور تیل بردار جہازوں پر حوثیوں کے حملوں کے باعث عالمی جہاز رانی کو شدید خطرات لاحق ہیں، عالمی جہاز رانی کو محفوظ بنانے کے لیے الحدیدہ بندر گاہ سمیت دیگر سمندری علاقوں کو تحفظ فراہم کرنا ہوگا۔

    غیر ملکی خبر رساں ادارے کا کہنا تھا کہ سعودی عرب کے شاہ سلمان بن عبد العزیز نے اجلاس کے دوران اعلان کیا کہ ’یمن جنگ میں شہید ہونے والے ڈیڑھ ہزار فوجیوں کے اہل خانہ کو حکومتی کوٹے سے حج کروایا جائے گا‘۔

    خیال رہے کہ سعودی عرب کے حاکم وقت شاہ سلمان بن عبدالعزیز اپنے اہل خانہ کے ہمراہ چھٹیاں گزارنے کے لیے نیوم سٹی گئے ہوئے ہیں، جسے سعودی عرب کا جدید سیاحتی شہر قرار دیا گیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • بھارت کی جانب سے سیزفائر کی خلاف ورزیوں کا بھرپور جواب دیاجائیگا، کورکمانڈرز کانفرنس

    بھارت کی جانب سے سیزفائر کی خلاف ورزیوں کا بھرپور جواب دیاجائیگا، کورکمانڈرز کانفرنس

    راولپنڈی : آرمی چیف جنرل قمر جاوید باجوہ  کی زیرصدارت کورکمانڈرزکانفرنس میں فیصلہ کیا گیا کہ خطے میں تعلقات کے قیام میں قومی مفادکو ترجیح دی جائے گی اور بھارت کی جانب سےسیزفائر کی خلاف ورزیوں کا بھرپورجواب دیا جائیگا۔

    ڈی جی آئی ایس پی آر میجر جنرل آصف غفور کے مطابق آرمی چیف جنرل قمر جاوید باجوہ کی زیرصدارت کورکمانڈرزکانفرنس کا انعقاد ہوا، کانفرنس میں امریکی پالیسی کے حوالے سے خطے کی سیکیورٹی صورتحال کا جائزہ لیا گیا۔

    کانفرنس میں شریک کمانڈرز نے کہا کہ خطے میں تعلقات کے قیام میں قومی مفادکو ترجیح دی جائے گی، قومی مفادکو ترجیح دیتے ہوئے تمام فریقین سے تعاون کیا جائے ۔

    شرکاء کا کہنا تھا خطےمیں دیر پا امن واستحکام کیلئےکاوشیں معاون ثابت ہوں گی، سیزفائرکی بھارتی خلاف ورزیاں خطےکےامن کیلئے خطرہ ہیں، بھارت کی جانب سےسیزفائرکی خلاف ورزیوں کا بھرپور جواب دیا جائے گا۔

    کانفرنس میں کہا گیا انسداد دہشتگردی کی کوششوں کی کامیابیوں کو مزید مضبوط بنایا جارہا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • اب گھر پر نہیں بیٹھوں گا، آئین کی حکمرانی،ووٹ کےتقدس کا پیغام پہنچاؤں گا،نواز شریف

    اب گھر پر نہیں بیٹھوں گا، آئین کی حکمرانی،ووٹ کےتقدس کا پیغام پہنچاؤں گا،نواز شریف

    لاہور: سابق وزیراعظم نواز شریف کا کہنا ہے کہ اب گھر پر نہیں بیٹھوں گا، آئین کی حکمرانی،ووٹ کےتقدس کا پیغام پہنچاؤں گا۔

    تفصیلات کے مطابق سابق وزیراعظم نوازشریف کی زیرصدارت جاتی امرا میں مشاورتی اجلاس ہوا ، اجلاس میں ملکی سیاسی صورتحال پر تبادلہ خیال
    کیا گیا جبکہ عام انتخابات، عوامی رابطہ، اپوزیشن جماعتوں کے اتحاد پر بھی مشاورت ہوئی۔

    اجلاس میں ایاز صادق، پرویزرشید، حنیف عباسی، طلال چوہدری، دانیال عزیز شریک ہوئے۔

    ذرائع کے مطابق اجلاس میں عوامی رابطہ مہم تیز کرنے پر اتفاق ہوا جبکہ 31دسمبرکوکوٹ مومن میں جلسے پر گفتگوکی گئی ، نوازشریف نے جلسے میں کی تقریر کے نکات پر مشاورت کی ، جس میں جنوبی پنجاب سمیت دیگرشہروں میں جلسوں پرمشاورت بھی شامل تھیں۔

    اجلاس میں بڑےشہروں میں جلسوں کیلئے لیگی ارکان کو ذمہ داریاں دینے پر بھی مشاورت ہوئیں اور کہا گیا کہ پنجاب بھرمیں جلسوں کا شیڈول جلد تیار کرلیا جائے گا۔

    اس موقع پر نواز شریف نے کہا کہ اب گھر پر نہیں بیٹھوں گا، آئین کی حکمرانی،ووٹ کےتقدس کا پیغام پہنچاؤں گا، تحریک عدل کسی کے خلاف نہیں، انصاف کے حصول کے لئے ہے۔

    اجلاس میں شریک رہنماؤں نے نواز شریف کے مؤقف کی تائید کی۔

    مزید پڑھیں : میرے کالج دور کا حساب ہو رہا ہے، لاڈلے کو چھوڑ دیا گیا: نواز شریف

    یاد رہے گذشتہ روز بھی مسلم لیگ ن کے سوشل میڈیا کنونشن میں سابق وزیر اعظم نواز شریف نے ایک بار پھر عدلیہ اور عدالتی فیصلوں کا سخت تنقید کا نشانہ بناتے ہوئے کہا تھا کہ میرے کالج دور کا حساب کیا گیا جبکہ لاڈلے کو چھوڑ دیا گیا۔

    نواز شریف کا کہنا تھا کہ ایسا ملک ہو جہاں انصاف کا ترازو واقعی انصاف کا ترازو ہونا چاہیئے۔ منتخب وزیر اعظم کو اس لیے نہ ہٹایا جائے کہ بیٹے سے خیالی تنخواہ نہیں لی۔ ’میرے والد، بچوں اورخاندان کا حساب کیا جاتا ہے، دوسروں کےحساب کی باری آئی تو کہتے ہیں 5 سال سے اوپر نہ جانا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کراچی کےعوام کے ساتھ دھوکہ نہیں ہونے دوں گا، وزیراعلیٰ سندھ

    کراچی کےعوام کے ساتھ دھوکہ نہیں ہونے دوں گا، وزیراعلیٰ سندھ

    کراچی : وزیراعلیٰ سندھ مراد علی شاہ کا کہنا ہےکہ ریلوے حکام کراچی سرکلرریلوےمیں مسائل پیدا کر رہے ہیں، پراجیکٹ میں تاخیرہوئی تو جوابدہ ریلوے اور وفاق ہونگے، کراچی کےعوام کے ساتھ دھوکہ نہیں ہونے دوں گا۔

    تفصیلات کے مطابق وزیر اعلیٰ سندھ کی زیرصدارت سی پیک کی تیاریوں سے متعلق اجلاس ہوا، اجلاس میں وزیراعلیٰ سندھ کو بریفنگ دی گئی کہ کے سی آر کیلئے ریلوے حکام ریلوے ٹریک کاپورشن نہیں دینا چاہتے۔

    وزیراعلیٰ سندھ مراد علی شاہ نے برہمی کا اظہار کرتے ہوئے کہا کہ پراجیکٹ میں تاخیرہوئی تو جوابدہ ریلوے اور وفاق ہونگے۔

    مراد علی شاہ کا کہنا تھا کہ ریلوے کی زمین حکومت سندھ کی ملکیت ہے، زمین پر پہلا حق کراچی کے عوام کا ہے، کراچی کے عوام نے بڑے دھوکے کھائے ہیں اب میں دھوکا دینے نہیں دوں گا۔

    انھوں نے مزید کہا کہ اکیس نومبر کو جے سی سی اجلاس میں معاہدے پر دستخط ہونے چاہئیں، وزیر اعظم سے بھی بات کروں گا۔

    اجلاس میں وزیراطلاعات،چیف سیکریٹری ،چیئرمین پی اینڈ ڈی ،پرنسپل سیکریٹری اور دیگر حکام بھی شریک تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • اسلام آباد:وزیراعظم نےوفاقی کابینہ کااجلاس آج شام طلب کرلیا

    اسلام آباد:وزیراعظم نےوفاقی کابینہ کااجلاس آج شام طلب کرلیا

    اسلام آباد : وزیر اعظم شاہد خاقان عباسی نے وفاقی کابینہ کا اجلاس طلب کرلیا ہے، جس میں پندرہ نکاتی ایجنڈے پرغور کیا جائے گا۔

    تفصیلات کے مطابق وزیر اعظم شاہد خاقان عباسی نے وفاقی کابینہ کا اجلاس طلب کرلیا،  اجلاس آج شام پانچ بجے وزیر اعظم آفس میں ہوگا، وفاقی کابینہ کے اجلاس میں پندرہ نکاتی ایجنڈے پرغور کیاجائے گا۔

    اجلاس میں ملک کی سیاسی اور امن و امان کی صورتحال کا جائزہ ، اسیٹیٹ بنک کے ذمہ واجب الادا زرعی ترقیاتی بینک اورہاؤس بلڈنگ فنانس کارپوریشن کے بقایا جات کی منظوری ، مختلف ممالک سے معاہدوں کی منظوری اور وزارت داخلہ غیرممنوعہ اسلحہ سے متعلق کابینہ کو بریفنگ دے گی۔

    ذرائع کے مطابق کابینہ پی آئی اے کارپوریشن کے بورڈ آف ڈائریکٹر کے ممبران کےناموں کی منظوری بھی دے گی جبکہ قومی اداروں میں سربراہوں کی تقرری اورادویات کی قیمتوں میں اضافے کی  سمری بھی ایجنڈے میں شامل ہے۔

    مزید پڑھیں : وزیر اعظم شاہد خاقان عباسی کی نیول ہیڈ کوارٹرز آمد

    اس سے قبل وزیراعظم شاہدخاقان عباسی کی نیول ہیڈ کوارٹرز آمد کے موقع پر نیول چیف ایڈمرل ظفرمحمودعباسی نے وزیراعظم کو خوش آمدید کہا اور پاک بحریہ کے چاق و چوبند دستے نے وزیراعظم کو گارڈ آف آنر پیش کیا اور اعزازی گارڈز نے شاہدخاقان عباسی کو روایتی انداز میں سلامی پیش کی۔

    وزیراعظم شاہد خاقان عباسی نے گارڈ آف آنر کا معائنہ کیا، اس موقع پرپاک بحریہ کے سینئر افسران بھی موقع پر موجود تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔