بیجنگ : چینی سائنسدانوں نے اسپیس ایکس اور ایکس کے مالک ایلون مسک کی کمپنی کی تیار کردہ کمپیوٹر چپ کو چیلنج کر دیا۔
غیر ملکی خبر رساں ادارے کی رپورٹ کے مطابق چینی سائنسدانوں نے ایلون مسک کی کمپنی نیورالنگ کی جانب سے انسانی دماغ کے لیے تیار کردہ کمپیوٹر برین چپ کو چیلنج کیا ہے۔
دوسری جانب چینی سائنسدانوں نے اس سے بھی زیادہ بہتر وائرلیس کمپیوٹر انٹر فیس تیار کرکے انسانی دماغ میں نصب کرنے کا دعویٰ کیا ہے۔
چینی سائنسدانوں کے مطابق ان کی تیار کردہ ڈیوائس کا تجربہ ایک انسانی مریض میں کیا گیا ہے جس کی حالت تیزی سے بہتر ہو رہی ہے اور گزشتہ سال اکتوبر میں انسانی کلینیکل ٹرائل کے دوران اس مریض کے دماغ میں یہ ڈیوائس نصب کی گئی تھی۔
سائنسدانوں نے بتایا کہ ان کی ڈیوائس نیورالنک کی برین چپ کے مقابلے میں زیادہ بہتر ہے کیونکہ اس سے نیورونز کو نقصان پہنچنے کا خطرہ نہیں ہوتا۔
انہوں نے کہا کہ اس طرح کی ڈیوائسز سے مکمل طور پر مفلوج افراد کو رابطے کرنے اور صحت یاب ہونے میں مدد ملتی ہے جبکہ اس میں کوئی بیٹری نہیں بلکہ اسے ایک ہائی فریکوئنسی کیمرہ استعمال کرکے نیئر فیلڈ وائرلیس پاور سے چارج کیا جاتا ہے۔
واضح رہے کہ چند روز قبل ایلون مسک کی کمپنی نیورالنک نے انسان کے دماغ میں پہلی کمپیوٹر چپ کو نصب کرنے میں کامیابی حاصل کی ہے۔
