Tag: challenge

ذکی الرحمٰن لکھوی کی رہائی کا حکم ایف آئی اے نے چیلنج کردیا

اسلام آباد: ایف آئی اے نے ذکی الرحمٰن لکھوی کی رہائی کا حکم چیلنج کردیا،تفصیلات کے مطابق اسلام آباد ہائی کورٹ میں ایف آئی اے کے ڈائریکٹر محمد خالد قریشی نے ذکی الرحمٰن لکھوی کی رہائی کے حکم کو چیلنچ کر دیا ہے۔

ایف آئی ا ے کے ڈائر یکٹرنے اپنے وکیل اعزاز چوہدری کے ذریعے درخواست اسلام آباد ہائی کورٹ میں دائر کردی۔ درخواست میں مؤقف اختیار کیا گیا کہ ذکی الرحمٰن لکھوی کوبارہ فروری دو ہزار نو کو انسدادا دہشت گردی ایکٹ کے تحت گرفتار کرکے پاسپورٹ ایکٹ اور فارن ایکٹ کی دفعات کوبھی ایف آئی آر میں شامل کیا گیا تھا ۔

ذکی الرحمن کو ممبئی حملہ کیس میں گرفتار کیا گیا تھا۔ ٹرائل کورٹ نے ان کی ضمانت منظور کر لی ہے جو درست نہں اس لیے ہائی کورٹ ٹرائل کورٹ کا حکم کالعدم قراردے۔

جنوری 3, 2015
پلان سی: تحریک انصاف نے 18دسمبرکا لائحہ عمل جاری کردیا

اسلام آباد: پاکستان تحریک انصاف نے اپنی احتجاجی کال کا دائرہ کار وسیع کرتے ہوئےاٹھارہ دسمبر کو اسلام آباد میں پہیہ جام کو حتمی شکل دے دی۔

ترجمان پی ٹی آئی کے مطابق اسلام آباد شہر کو 11 مقامات سے جام کرنے کا فیصلہ کیا گیا ہے، آبپارہ چوک، مارگلہ روڈ، مین کشمیر ہائی وےاورترنول چوک، گولڑہ موڑ، حاجی کیمپ، آئی جے پی پرنسپل روڈ بھی بند ہوگا، خیابان چوک فیض آباد، بارہ کہو، کھنہ پل اورایکسپریس ہائی وے بند کردی جائے گی۔ 18دسمبر کوایمبولنسزاور مریضوں کا راستہ نہیں روکا جائے گا، کارکنان کو قریب ترین مقام پرصبح ساڑھے 6بجے پہنچنے کی ہدایت کی گئی ہے۔

کوئٹہ میں تحریک انصاف کے چیف آرگنائزرنوابزادہ ہمایوں جوگیزئی کے ہمراہ پریس کانفرنس سے خطاب کرتے ہوئے بی این پی عوامی کے رہنماوں کا کہنا تھا بی این پی عوامی، معاشرے میں روا ناانصافیوں کے خلاف عمران خان کے ساتھ ہے ملک میں جو دھاندلی کی تاریخ رقم کی گئی اس میں بی این پی عوامی بھی متاثر ہوئی ہے ، ان کا کہنا تھا عمران کی اٹھارہ دسمبر کو ملک بھر میں ہڑتال کے کال کی حمایت کرتے ہیں اور بلوچستان میں بھی شٹرڈاون اور پہیہ جام ہڑتال کی جائے گی۔

دسمبر 15, 2014
تحریک انصاف کی 18 دسمبر کی ہڑتال کی کال عدالت میں چیلنج

لاہور : تحریک انصاف کی جانب سے 18 دسمبر کو پاکستان بند کرنے کے اقدام کو سپریم کورٹ لاہور رجسٹری میں چیلنج کردیا۔بیرسٹر ظفراللہ خاں کی جانب سے دائر درخواست میں موقف اختیار کیا گیا ہے کہ عمران خان کے احتجاج اور دھرنوں سے اس وقت ملک میں انتشار کی سی کیفیت ہے اور کسی بھی وقت سول وار کا خطرہ ہے ۔

تحریک انصاف نے اٹھارہ دسمبر کو ملک بند کرنے کا اعلان کیا ہے جو ملک دشمنی کے مترادف ہے ۔ پاکستان کے معاشی حالات پہلے ہی انتہائی خراب ہوچکے ہیں ا س قسم کے اعلان سے مزید خراب ہوسکتے ہیں جبکہ ملکی سالمیت کو نقصان پہنچنے کا بھی خطرہ ہے ۔

درخواست گزار کے مطابق مشرقی پاکستان میں بھی پہلے اسی قسم کے حالات پیدا ہوئے جس کے بعد ملک دولخت ہوا لہذا عدالت عمران خان کی جانب سے 18 دسمبر کو ملک بند کرنے کے اعلان کو غیر قانونی قرار دیتے ہوئے روکنے کا حکم دے ۔

دسمبر 15, 2014
الیکشن کمیشن نےدھاندلی کے الزامات کی تائید کردی ہے، شاہ محمود قریشی

اسلام آباد: شاہ محمود قریشی کا کہنا ہے کہ الیکشن کمیشن کی رپورٹ دراصل انتخابی دھاندلی کے خلاف وائٹ پیپر ہے۔

شاہ محمودقریشی کاپریس کانفرنس کے دوران کہنا تھا کہ الیکشن کمیشن نےدھاندلی کی الزامات کی تائید کردی،انہوں نے سوال کیا کہ وزیراعظم نے یورپی یونین کی رپورٹ اسمبلی میں لہرا کرکہا کہ الیکشن شفاف تھے اب تحریک انصاف الیکشن کمیشن کی جائزہ رپورٹ کہاں لہرائے؟۔

شاہ محمود قریشی نے کہا کہ رپورٹ نے نگراں حکومت اور الیکشن کمیشن کی ناکامی کا پول کھول دیاہے،اضافی بیلٹ پیپرزچھپوا ئے گئے، سکروٹنی سیل غیرفعال تھا ،انہوں نے کہا کہ بتایاجائے مقناطیسی سیاہی استعمال نہ ہونے پرکسی کوذمہ دارکیوں نہیں ٹھہرایاگیا، آراوزپولنگ اسکیم تبدیل کرتے رہے الیکشن کمیشن کہاں تھا۔

تحریکِ انصاف کے رہنما کاکہناتھا پندرہ مذاکراتی نشستوں میں جوڈیشل کمیشن پراتفاق ہوا لیکن جائزہ رپورٹ سے پتہ چل گیاہےکہ حکومت نے راہِ فرار کیوں اختیارکی، شاہ محمودقریشی نے سوال کیا کہ الیکشن کمیشن کی جائزہ رپورٹ نو ماہ تک کیوں چھپائی گئی۔

ستمبر 23, 2014
تحریک انصاف کے صدرجاوید ہاشمی کی رکنیت معطل

اسلام آباد : جاویدہاشمی کی پارٹی رکنیت معطل کردی گئی اورانہیں شوکازنوٹس جاری کر کے جواب طلبی کیلئےعمران خان نے انتیس ستمبرکواسلام آباد بلالیاہے۔

پاکستان تحریک انصاف کی اعلیٰ قیادت کا اہم اجلاس ہوا جس میں پارٹی صدر جاوید ہاشمی کو معطل کرنے کا فیصلہ کیا گیا، سیکریٹری جنرل پی ٹی آئی نے باغی رہنماء کو شوکاز نوٹس بھیج جاری کردیا ہے۔

جاوید ہاشمی کو جاری کئے گئے شوکاز نوٹس میں کہا گیا ہے کہ 29 ستمبر کو انضباطی کمیٹی کے سامنے پیش کر اپنے خلاف الزامات کا جواب دیں۔

ستمبر 22, 2014
ملتان: جاوید ہاشمی نے شاہ محمود قریشی کو چیلنج دے دیا

ملتان: تحریک انصاف کے سابق صدر جاوید ہاشمی نے کہا ہے کہ میں شاہ محمود قریشی کو چیلنج کرتا ہوں کہ میرے مقابلے میں این اے ایک سو پچاس پر الیکشن لڑیں، ملتان کے عوام اچھی طرح جانتے ہیں کہ کون باغی ہے اور کون داغی۔میں نذرانے وصول نہیں کرتا اور نہ نذرانے لینے والوں کو پیر سمجھتا ہوں۔

ان خیالات کا اظہار انہوں نے ملتان میں پریس کانفرنس سے خطاب کرتے ہوئے کیا ،جاوید ہاشمی کا کہنا تھا کہ ضمنی انتخابات کے لئے کاغذات نامزدگی کل جمع کراؤں گا، میں کسی کے بارے میں جھوٹ نہیں بولتا۔

عمران خان کو ہمیشہ کہا کہ آپ کو استعمال کیا جا رہا ہے، طاہرالقادری بھی استعمال ہو گئے نوجوان کہاں جائیں؟ انہوں نے کہا کہ میں دھرنوں کا حامی نہیں اب بات آگے جا چکی ہے۔

ان کا کہنا تھا کہ عوام کو بتایا جائے کہ خورشید محمود قصوری کس کے کہنے پر تحریک انصاف میں آئے، پی ٹی آئی کے سابق رہنماء کا کہنا تھا کہ جب تک زندہ ہوں جمہوریت کی حفاظت کروں گا، کسی میں ہمت نہیں کہ میرے سامنے جمہوریت کا مذاق اڑائے۔

انہوں نے مزید کہا کہ شاہ محمود قریشی کو وائس چیئر مین بنانے کیلئے شیریں مزاری کو نکالا گیا، جولوگ اس نظام کو درست نہیں سمجھتے پہلے وہ اپنے استعفوں پر وضاحت دیں۔

ستمبر 22, 2014
فوج کی ثالثی کرانے کا اقدام لاہورہائیکورٹ میں چیلنج

لاہور:وفاقی حکومت، پاکستان عوامی تحریک اور تحریک انصاف کے درمیان فوج کی ثالثی کرانے کے اقدام کو لاہور ہائیکورٹ میں چیلنج کر دیا گیا ہے۔ مذکورہ درخواست وکلاء محاذ کی جانب سے ڈاکٹر باسط ایڈووکیٹ نے دائر کی ۔

درخواست میں مؤقف اختیار کیا گیا ہےکہ آئین کے تحت فوج کا کام ملکی سرحدوں کی حفاظت کرنا ہے، سیاسی معاملات میں اس سے مدد نہیں لی جا سکتی جبکہ حکومت کی جانب سے تحریک انصاف اور پاکستان عوامی تحریک کےدرمیان سیاسی معاملات میں فوج کو ملوث کیا جا رہا ہے۔

درخواست میں کہا گیا ہے کہ سیاسی معاملات پر فوج کی ثالثی یا مصالحت آئین اور سپریم کورٹ کے احکامات کی کھلی خلاف ورزی ہے۔ عدالت احکامات جاری کرے کہ فوج آئین کی پابندی کرتے ہوئے سیاسی معاملات میں ثالثی نہ کرے۔

اگست 30, 2014
پاکستانی سفارتخانےکا فیض اللہ کی رہائی کیلئےعدالتی چارہ جوئی کی تیاری مکمل

کابل: افغانستان میں پاکستانی سفارتخانے نے اے آر وائی نیوزکے نمائندے فیض اللہ خان کی رہائی کیلئےعدالتی چارہ جوئی کی تیاری کرلی ہے۔

افغانستان میں پاکستانی سفارتخانے نے اےآروائی انتظامیہ کو ایک کے ذریعے مطلع کیا کہ فیض اللہ کی سزا کے خلاف اعلیٰ افغان عدالت میں اپیل کی جائے گی اس کے ساتھ پاکستانی سفارتخانے نے افغان حکام سے فیض اللہ تک سفارتی رسائی بھی طلب کی ہے، معاملے کی سنجیدہ نوعیت پرامریکا نے بھی فیض اللہ خان کی سزا کا جائزہ لینا شروع کردیا ہے۔

امریکی محکمہ خارجہ کاکہنا ہے فیض اللہ کی سزا سے متعلق معلومات حاصل کرکے تفصیلات جاری کی جائیں گی، اے آر وائی نیوز کے صحافی فیض اللہ کوغلطی سے سرحد پارکرنے پرافغانستان میں چارسال قید کی سزاسنائی گئی ہے، دنیا بھر کے صحافی خبر کی تلاش میں جان خطرے میں ڈال کر اور بعض اوقات بغیردستاویزات سفر کرتے ہیں، اور ان حقائق سے سب آگاہ بھی ہیں۔

جولائی 21, 2014
فیض اللہ کامعاملہ اعلیٰ عدالت میں چیلنج کرنےکی تیاریاں

اسلام آباد :افغانستان میں پاکستانی سفارتخانے کا کہنا ہے کہ فیض اللہ کامعاملہ اعلیٰ عدالت میں چیلنج کرنےکی تیاریاں کررہےہیں۔ امریکا نے فیض اللہ کی سزا کا جائزہ لینے کا اعلان کیا ہے۔افغانستان میں پاکستانی سفارتخانےنے اےآروائی انتظامیہ کوخط لکھا ہے کہ وہ فیض اللہ کامعاملہ اعلیٰ عدالت میں چیلنج کرنےکی تیاریاں کررہےہیں اور افغان حکام سےفیض اللہ تک سفارتی رسائی طلب کی ہے۔

امریکی محکمہ خارجہ کی ترجمان جین ساکی نے ہفتہ وارمیڈیا بریفنگ میں بتایا کہ امریکا اے آروائی نیوزکے رپورٹرفیض اللہ کی سزا کا جائزہ لے رہاہے اور تمام معلومات حاصل کرکے اس بارے میں مزید تفصیلات جاری کی جائیں گی۔ فیض اللہ کوغلطی سے سرحد پارکرنے پرافغانستان میں چارسال قید کی سزاسنائی گئی ہے۔

امریکی صحافیوں سمیت بیشتر مقامی اوربین الاقوامی صحافی اپنی جان خطرے میں ڈال کرخبرکی تلاش میں بغیردستاویزات سفرکرتے ہیں اور سب اس بات سے آگاہ ہیں۔ اسی طرح فیض اللہ بھی اپنی صحافتی ذمہ داریاں پوری کررہے تھے۔

جولائی 20, 2014
لاہورہائیکورٹ:جیوکے معافی مانگنے کے اقدام کو چیلنج کردیا گیا

مئی 23, 2014