Tag: Champions Trophy 2025

چیمپئنز ٹرافی کی تیاریاں زور وشور سے جاری ہیں نو تعمیر شدہ قذافی اسٹیڈیم کے داخلی راستے پر ایک دیوہیکل آہنی مجسمہ نصب کیا گیا ہے۔

آئی سی سی چیمپئنز ٹرافی کا آغاز 19 فروری سے ہو رہا ہے۔ اس میگا ایونٹ کے انعقاد کو یادگار بنانے کے لیے پی سی بی کے کراچی، لاہور کے اسٹیڈیمز کے ترقیاتی اور تزئین وآرائش کے کام لگ بھگ تکمیل کو پہنچ چکے ہیں۔

چیمپئز ٹرافی کے سلسلے میں لاہور کے قذافی اسٹیڈیم کے داخلی راستے پر ایک دیوہیکل آہنی مجسمہ نصب کیا گیا ہے۔ یہ مجسمہ نشتر پارک اسپورٹس کمپلیکس کے باہر گول چکر میں نصب کیا گیا ہے، جس کی ویڈیو سوشل میڈیا پر وائرل ہو گئی ہے۔

یہ آہنی مجسمہ ایک بھاگتے ہوئے کھلاڑی کی طرح دکھائی دیتا ہے۔ اس کی اونچائی فریم سمیت 25 فٹ سے زائد ہے اور ایک رپورٹ کے مطابق اس مجسمے پر 2 ٹن لوہا استعمال کیا گیا ہے۔

اس سے قبل قذافی اسٹیڈیم کی لیزر لائٹس کی سرخ روشنیوں سے نہائے قذافی اسٹیڈیم کی تصاویر سوشل میڈیا پر وائرل ہوئی تھیں۔

واضح رہے کہ پاکستان ورلڈ کپ 1996 کے انعقاد کے 29 سال کے طویل عرصہ کے بعد کسی آئی سی سی ٹورنامنٹ کی میزبانی کر رہا ہے اور پی سی بی اس ایونٹ کو یادگار بنانے کے لیے کوشاں ہے۔

https://urdu.arynews.tv/champions-trophy-gaddafi-stadium-red-led-lights/

سابق بھارتی کرکٹر ہربھجن سنگھ نے چیمپئنز ٹرافی 2025 کے لیے بھارتی اسکواڈ کے انتخاب پر سوالات اٹھا دیے۔

بھارتی کرکٹر روہت شرما کی قیادت میں اسکواڈ کو کئی بھارتی کرکٹرز کی جانب سے بعض کھلاڑیوں کو اسکواڈ سے باہر کرنے پر تنقید کا سامنا کرنا پڑا۔

سابق کرکٹرز نے فاسٹ بولر محمد سراج کی عدم موجودگی پر افسوس کا اظہار کیا، وہیں بھارتی کرکٹر ہربھجن سنگھ نے چیمپئنز ٹرافی 2025 کے لیے ٹیم سے وکٹ کیپنگ بلے باز سنجو سیمسن اور لیگ اسپنر یزویندرا چہل کو باہر کرنے کے فیصلے پر بھی سوال اٹھایا ہے۔

ہربھجن سنگھ نے کہا کہ سنجو سیمسن کو باہر کرنے پر برا لگا، وہ رنز بناتا ہے لیکن ڈراپ ہوجاتا ہے، سنجو سیمسن کی اوسط 55 سے 56 ہے لیکن وہ دوسرے وکٹ کیپر کے طور پر بھی نہیں ہیں، جب ہم اسے منتخب کرنے کی بات کرتے ہیں تو لوگ پوچھتے ہیں کہ کس کی جگہ منتخب کرسکتے ہیں۔

انہوں نے کہا کہ چیمپئنز ٹرافی 2025 کے لیے یوزویندر چہل کو اسکواڈ سے ڈراپ کرنے کے فیصلے پر بھی تنقید کی۔

سابق کرکٹر نے کہا کہ آپ تبدیلی کرکے ایک لیگ اسپنر بھی شامل کرسکتے تھے، چہل ایک شاندار بولر ہے مجھے نہیں معلوم معلوم کہ اس نے کیا غلط کیا کہ وہ اس ٹیم میں فٹ نہیں ہے۔

واضح رہے کہ چیمپئنز ٹرافی 2025 کا آغاز 19 فروری سے پاکستان میں ہورہا ہے بھارت گروپ اے میں پاکستان، نیوزی لینڈ اور بنگلہ دیش کے ساتھ ہے، بھارت پہلا گروپ میچ 20 فروری کو بنگلا دیش کے خلاف کھیلے گا۔

روایتی حریف پاک بھارت مقابلہ 23 فروری کو ہوگا، اس کے بعد ان کا آخری گروپ میچ 2 مارچ کو نیوزی لینڈ کے خلاف ہوگا۔

چیمپئنز ٹرافی سے قبل کپتانوں کے فوٹو شوٹ کے لیے بھارتی ٹیم کے کپتان روہت شرما کے 17 فروری کو پاکستان آنے کا امکان ہے۔

اے آر وائی نیوز کے مطابق ذرائع کا کہنا ہے کہ آئی سی سی چیئرمین جے شاہ بھی پاکستان آسکتے ہیں، پاکستان 17 فروری کو کپتانوں کا فوٹو شوٹ کرانے کا پلان ہے۔

واضح رہے کہ آئی سی سی چیمپئنز ٹرافی 19 فروری سے کراچی میں شروع ہوگی۔

چیمپئنز ٹرافی میں بھارتی ٹیم اپنا پہلا میچ 20 فروری کو بنگلا دیش کے خلاف دبئی میں کھیلے گی۔

آئی سی سی کے ہر ایونٹ سے قبل میزبان ملک میں افتتاحی تقریب ہوتی ہے، جس میں ٹورنامنٹ میں شریک ہر ٹیم کا کپتان شرکت کرتا ہے۔ کراچی میں چیمپئنز ٹرافی کی افتتاحی تقریب میں بھارتی کپتان کی شرکت پر سوالیہ نشان لگا ہوا تھا جو بھارتی میڈیا نے ختم کر دیا ہے۔

اس سے قبل بھارتی میڈیا نے تصدیق کی تھی کہ روہت شرما چیمپئنز ٹرافی کی افتتاحی تقریب میں شرکت کے لیے پاکستان آئیں گے اور وہ ٹورنامنٹ کے آغاز سے قبل پاکستان کا دورہ کریں گے۔

دفاعی چیمپئن پاکستان اور نیوزی لینڈ کے درمیان میچ سے ہو رہا ہے اور اس سے قبل افتتاحی تقریب منعقد ہوگی۔

پاکستان کرکٹ بورڈ نے افتتاحی تقریب کے لیے 17 تاریخ اور مقام کراچی تجویز کیا ہے تاہم آئی سی سی کو اس کی حتمی منظوری دینی ہے۔

کولکتہ: بھارت کی ٹی 20 ٹیم کے کپتان سوریا کمار یادیو نے چیمپئنز ٹرافی 2025 کے لیے اسکواڈ سے ڈراپ کیے جانے پر لب کشائی کردی۔

بھارتی میڈیا رپورٹ کے مطابق جارح مزاج بیٹر سوریا کمار یادیو نے تسلیم کیا ہے کہ ون ڈے میں ان کی کارکردگی مایوس کن رہی جس کی وجہ سے انہیں ٹیم میں شامل نہیں کیا گیا۔

انہوں نے کہا کہ یہ سوچ کر تکلیف ہوتی ہے کہ میں نے اچھا نہیں کیا اگر میں اچھا پرفارم کرتا تو چیمپئنز ٹرافی کے لیے منتخب کی گئی ٹیم میں ہوتا۔

انہوں نے چیمپئنز ٹرافی کے لیے منتخب کیے گئے کھلاڑیوں کی حمایت کی اور کہا کہ اسکواڈ بہت اچھا ہے جو بھی کھلاڑی ٹیم میں شامل ہیں سب اچھے پرفارمر ہیں، انہوں نے بھارت کے لیے اس فارمیٹ میں عمدہ کارکردگی دکھائی ہے۔

سوریا کمار یادیو ٹی 20 کرکٹ میں جارح مزاج بیٹنگ کے لیے مشہور ہیں لیکن ون ڈے فارمیٹ میں صرف 25.76 کی اوسط سے 37 ون ڈے میچوں میں صرف 773 رنز بناسکے ہیں۔

چیمپئنز ٹرافی کے لیے بھارت کا 15 رکنی اسکواڈ

بھارتی ٹیم میں روہت شرما کپتان ہیں، شبھمن گل نائب کپتان، دیگر کھلاڑیوں میں ویرات کوہلی، شریاس ایئر، کے ایل راہول، ہاردک پانڈیا، اکشر پٹیل، واشنگٹن سندر، کلدیپ یادیو، جسپریت بمراہ، محمد شامی، ارشدیپ سنگھ، یشسوی جیسوال، رشبھ پنت اور رویندرا جڈیجا شامل ہیں۔

بھارتی ٹیم چیمپئنز ٹرافی میں اپنا پہلا میچ 20 فروری کو بنگلا دیش کے خلاف دبئی میں کھیلے گی۔