ARYNews.tv | Urdu – Har Lamha Bakhabar

Tag: charged

  • ڈونلڈ ٹرمپ کے سابق مینیجر کے خلاف قانونی گھیرا تنگ

    ڈونلڈ ٹرمپ کے سابق مینیجر کے خلاف قانونی گھیرا تنگ

    واشنگٹن : سابق امریکی صدر ڈونلڈ ٹرمپ کے سابق کمپین مینیجر اور سینئر مشیر اسٹیو بینن کے خلاف قانونی گھیرا تنگ ہوگیا، معافی ملنے کے بعد فرد جرم عائد کردی گئی۔

    سابق صدر ٹرمپ کے ساتھی اسٹیو بینن پر کانگریس کی توہین کے دوالزامات عائد کیے گئے ہیں،غیر ملکی خبر رساں ادارے کی رپورٹ کے مطابق  امریکی محکمہ انصاف کی فیڈرل گرینڈ جیوری نے فرد جرم عائد کی۔

    بینن نے کانگریس کی کمیٹی کے سامنے پیش ہونے سے انکار کیا تھا، کانگریس حملے کی تحقیقاتی کمیٹی نے اسٹیو بینن کو طلب کر رکھا تھا۔ عدم پیشی پر کانگریس کی کمیٹی نے معاملہ محکمہ انصاف کو بھیج دیا تھا۔

    محکمہ انصاف نے کہا ہے کہ سٹیفن بینن پر 6 جنوری کو کیپیٹل پر ہونے والے حملے کی تحقیقات کرنے والی کانگریس کی کمیٹی کی طرف سے جاری کی گئی عرضی کی خلاف ورزی قانونی کارروائی کی گئی ہے۔

    یاد رہے کہ امریکہ کے سبکدوش ہونے والے سابق صدر ڈونلڈ ٹرمپ نے اپنی چار سالہ مدتِ صدارت مکمل ہونے سے چند گھنٹے قبل 73 افراد کو صدارتی معافی دینے کا اعلان کیا تھا۔ صدر ٹرمپ نے جن افراد کو صدارتی معافی دی تھی اُن میں ان کے سابق سینئر مشیر اسٹیو بینن بھی شامل تھے ۔۔

  • انسانی اسمگلنگ میں ملوث 2 افراد گرفتار

    انسانی اسمگلنگ میں ملوث 2 افراد گرفتار

    آئر لینڈ سے تعلق رکھنے والے 2 افراد کو 10 تارکین وطن کی اسمگلنگ کے جرم میں گرفتار کرلیا گیا۔

    39 سالہ وائن شرلاک اور 48 سالہ آئن ناولن ٹائر لے جانے والے ایک ٹرک میں 10 تارکین وطن کو چھپا کر لے جارہے تھے، اسمگل کیے جانے والے افراد میں 2 بچے بھی شامل تھے۔

    بیلجیئم میں داخل ہوتے وقت پولیس نے مشکوک سمجھ کر ان کے ٹرک کو روکا جس میں سے چھپائے ہوئے افراد برآمد ہونے کے بعد ملزمان کو گرفتار کرلیا گیا۔

    نیشنل کرائم ایجنسی کے مطابق دونوں ملزمان پر غیر قانونی ہجرت کی سہولت کاری اور انسانی اسمگلنگ کے الزام عائد کیے گئے ہیں۔ ٹرک کے ڈرائیور کو بھی گرفتار کرلیا گیا ہے، جبکہ ان کے ایک اور ساتھی کو شمالی آئر لینڈ سے حراست میں لیا گیاہے۔

    ایجنسی کے حکام کا کہنا ہے کہ ہم اس اقدام کے لیے بیلجیئن حکام کے شکر گزار ہیں جس کی وجہ سے یہاں آنے والے تارکین وطن کو نہایت خطرناک صورتحال سے دو چار ہونے سے روکا جاسکا۔

    حکام کی جانب سے مزید کہا گیا کہ انسانی اسمگلنگ ایک خطرناک جرم ہے اور حالیہ واقعہ سامنے آنے کے بعد انسانی اسمگلنگ کے خلاف مؤثر اقدامات کرنے کی ضرورت مزید بڑھ گئی ہے۔

  • دبئی بس حادثہ، عمانی ڈرائیور کو خون بہا کی ادائیگی کا حکم

    دبئی بس حادثہ، عمانی ڈرائیور کو خون بہا کی ادائیگی کا حکم

    ابوظبی : اماراتی عدالت نے جون کے اوائل میں دو پاکستانیوں سمیت 17 افراد کی موت کا باعث بننے والے عمانی ڈرائیور کو 34لاکھ درہم خون بہا دینے کا حکم سنا دیا۔

    تفصیلات کے مطابق متحدہ عرب امارات کی ریاست دبئی کی میں 8 جون کو عمانی ڈرائیور کی غفلت اور دوسری شاہراہ پر تیز رفتار گاڑی چلانے کے باعث سیاحوں کی بس کو خوفناک ٹریف حادثہ پیش آیا تھا جس کے نتیجے میں 17 سیاحوں کی ہلاکت ہوئی تھی۔

    اماراتی خبر رساں ادارے کا کہنا تھا کہ 53 سالہ عمانی ڈرائیور کو 17 افراد کی موت اور 13 افراد کے زخمی ہونے کا باعث بننے کے مقدمے میں دبئی کی ٹریفک کورٹ میں منتقل کیا گیا تھا۔

    پراسیکیوٹر صالح الفالیصی نے الزام لگایا کہ ڈرائیور متعدد افراد کی موت اور زخمی ہونے کاسبب بنا ہے، پراسیکیوٹر نے عدالت نے درخواست کی عمانی شہری کو سات برس قید اور جرمانے کی سزا سنائی جائے، جس کے بعد عدالت نے ڈرائیور کو متاثرہ خاندانوں کو 34 لاکھ درہم خون بہا دینے کا حکم سنا یا ہے۔

    یاد رہے کہ 8 جون کو متحدہ عرب امارات کی ریاست دبئی کے ضلع الراشدیہ میں عید کے چوتھے روز خوفناک ٹریفک حادثے کے نتیجے میں پاکستانی، بھارتی اور عمانی شہریوں سمیت 17 افراد ہلاک ہوئے تھے، حادثہ تیز رفتاری کے سبب پیش آیا تھا۔

    رپورٹ کے مطابق حادثے میں جاں بحق ہونے والوں میں 12 کا تعلق پڑوسی ملک بھارت سے ہے جبکہ ہلاک ہونے والوں میں دو پاکستانی، ایک آئرش اور ایک عمانی شہری شامل ہے۔

    ریسکیو ذرائع کے مطابق ایک تیز رفتار بس شیخ محمد بن زاید روڈ پر ایک سائن بورڈ سے ٹکرانے کے بعد حادثے کا شکار ہوگئی تھی، حادثے میں 17افراد ہلاک جبکہ3شدید زخمی ہوئے تھے،حادثے کے وقت بس میں 31 افر اد سوار تھے۔

    لیفٹیننٹ کرنل عبداللہ السعودی کا کہنا تھا کہ گاڑی چلانے والی ڈرائیور نے غلط لین میں گاڑی چلائی اور ’40 کلومیٹر فی گھنٹہ کی رفتار سے گاڑی چلانے‘ کا سائن بورڈ اور وارننگ بورڈ بھی نظر کرتا ہوا تیز رفتاری سے آگے بڑھتا رہا۔

  • منشیات اسمگلنگ کا الزام، معروف صحافی گرفتار

    منشیات اسمگلنگ کا الزام، معروف صحافی گرفتار

    ماسکو : پولیس نے غیر قانونی منشیات اسمگلنگ کے الزام میں معروف روسی صحافی کو گرفتار کرکے گھر میں نظر بند کردیا تاہم صحافی نے الزامات کو بے بنیاد و جھوٹ قرار دیا ہے۔

    تفصیلات کے مطابق روس میں معروف مقامی صحافی کو منشیات فروخت کرنے کے الزام میں دو ماہ کے لیے گھر میں نظر بند کردیا گیا، ایوان گولونوف نامی صحافی نے خود پر عائد الزامات مسترد کرتے ہوئے اسے اپنے خلاف سازش قرار دیا ہے۔

    غیر ملکی خبر رساں ادارے کا کہنا تھا کہ تحقیقاتی صحافی ایوان کے ادارے نے الزام لگایا کہ پولیس نے ان کے ملازم کو دوران حراست تشدد کا بھی نشانہ بنایا۔

    برطانوی نشریاتی ادارے کا کہنا تھا کہ ایوان گولونوف کی گرفتاری کے خلاف ماسکو میں صحافیوں کا احتجاج جاری ہے، واقعے کے خلاف گزشتہ روز بھی ماسکو میں پولیس ہیڈ کوارٹر کے باہر درجنوں صحافی جمع ہوئے تھے۔

    میڈیا ذرائع کا کہنا ہے کہ تحقیقاتی اداروں نے صحافی کو عدالت میں منشیات کی غیر قانونی اسمگلنگ کے مقدمے کی سماعت کے بعد گھر میں ہی نظر بند کیا گیا ہے ذرائع کا کہنا ہے کہ پولیس اہلکاروں نے دوران حراست صحافی کو تشدد کا نشانہ بنایا ہے۔

    لٹویا سے تعلق رکھنے والے خبر رساں ادارے ’میڈوزا‘ کے لیے صحافتی خدمات انجام دینے والے رپورٹر کو جمعرات کے روز گرفتار کیا گیا تھا۔

    صحافی کے وکیل نے مؤقف اختیار کیا ہے کہ غیر قانونی منشیات اسمگلنگ کی جھوٹی کہانی ایوان گولونوف کو گرفتار کرنے کےلیے گڑھی گئی ہے جبکہ روسی حکام نے صحافی کے وکیل کی جانب سے عائد کیے گئے الزامات کو مسترد کردیا ہے۔

    خبر رساں ادارے میڈوزا نے الزام عائد کیا ہے کہ 36 سالہ صحافی ایوان گولونوف ان کی صحافتی خدمات کے باعث ایذا پہنچائی جارہی ہے۔

    غیر ملکی خبر رساں ادارے کا کہنا تھا کہ رپورٹر اپنے ساتھی صحافی سے ملاقات کے لیے جارہے تھے کہ دوران سفر پولیس اہلکاروں نے ایوان گولونوف کو روکا اور تلاشی شروع کی، دوران تلاشی پولیس کو گاڑی سے بھاری مقدار میں منشیات برآمد ہوئیں تھیں۔

    صحافی پر ہفتے کے روز قانونی طور پر غیر قانونی منشیات کی اسمگلنگ کی فرد جرم عائد کی گئی تھی۔

  • کرائسٹ چرچ حملے کے دہشت گرد پر دہشت گردی کی فرد جرم عائد

    کرائسٹ چرچ حملے کے دہشت گرد پر دہشت گردی کی فرد جرم عائد

    کرائسٹ چرچ : نیوزی لینڈ پولیس نے مساجد پر حملہ کرکے 50 سے زائد مسلمانوں کا قتل عام کرنے والے سفید فام دہشت گرد پر برینٹن ٹیرنٹ پر دہشت گردی کی دفعات عائد کردیں۔

    تفصیلات کے مطابق نیوزی لینڈ کے تیسرے بڑے شہر کرائسٹ چرچ میں دو ماہ قبل سفید فام دہشت گرد نے اسلام مخالف نظریات کی بنیاد پر دو مساجد میں حملہ کرکے درجنوں بے گناہ مسلمانوں کو قتل اور زخمی کردیا تھا۔

    غیر ملکی خبر رساں ادارے کا کہنا تھا کہ ’نیوزی لینڈ پولیس نے بیان جاری کیا ہے کہ برینٹین ٹیرنٹ پر عائد کی گئی فرد جرم میں الزام لگایا ہے کہ کرائسٹ چرچ میں دہشت گردی کی کارروائی کی گئی ہے‘۔

    غیر ملکی میڈیا کا کہنا تھا کہ سفید فام دہشت گرد پر دہشت گردی کی فرد جرم کے 51 قتل اور 40 اقدام قتل کی دفعات کا بھی عائد ہیں۔

    خیال رہے کہ نیوزی لینڈ کی تاریخ میں پہلی مرتبہ کسی شخص پر دہشت گردی کی دفعات عائد کی گئی ہیں، نیوزی لینڈ کا دہشت گردی ایکٹ 2002 میں متعارف ہوا تھا جس پر ابھی تک کوئی کارروائی نہیں ہوئی تھی۔

    پولیس کا کہنا ہے کہ برینٹن ٹیرنٹ پر دہشت گردی کی فرد جرم دو ماہ بعد عائد کرنے کا فیصلہ پرسیکیوٹرز اور حکومتی قانونی ماہرین سے مشاورت کے بعد کیا گیا تھا۔

    غیر ملکی میڈیا کا کہنا تھا کہ پولیس نے دہشت گرد پر مزید الزامات عائد کرنے کےلیے متاثرہ خاندانوں سے ملاقاتیں بھی کی ہیں اور پولیس حملے کے متاثرہ افراد کو عدالتی کارروائی کے دوران مکمل معاونت کرنے کےلیے پُر عزم ہے۔

    مزید پڑھیں : سانحہ کرائسٹ چرچ، نیوزی لینڈ میں‌ جدید اسلحہ رکھنے پر پابندی کا بل منظور

    مزیدپڑھیں :کرائسٹ چرچ میں مساجد پر حملوں کی تحقیقاتی رپورٹ دسمبر تک موصول ہوگی، جیسنڈا آرڈرن

    یاد رہے کہ 15 مارچ کو نیوزی لینڈ کے علاقے کرائسٹ چرچ میں واقع دو مساجد میں دہشت گرد حملے ہوئے تھے جس کے نتیجے میں خواتین وبچوں سمیت 50 نمازی شہید اور 20 سے زائد زخمی ہوئے تھے۔

    اس واقعے کے نیوزی لینڈ کی حکومت اور عوام کی جانب سے شدید ردعمل آیا اور واقعے کو دہشت گردی قرار دیا تھا.

  • نصیحت کیوں کی؟ امریکی لڑکی نے بوڑھے شخص بس سے دھکادے کر قتل کردیا

    نصیحت کیوں کی؟ امریکی لڑکی نے بوڑھے شخص بس سے دھکادے کر قتل کردیا

    واشنگٹن : امریکی عدالت نے 25 سالہ لڑکی کیڈیشا بشپ کو عمر رسیدہ شخص کے قتل کے الزام میں قصور  وار قرار دے دیا۔

    تفصیلات کے مطابق امریکا کے شہر لاس ویگاس میں ایک 25 سالہ لڑکی کیڈیشا بشپ کو ایک عمر رسیدہ شخص کے قتل کے الزام میں قصور وار ٹھہرادیا، کیڈیشا نے 74 سالہ شخص سیرگ فورنے کو ایک بس کے اندر سے دھکا دے دیا تھا کیوں کہ اس نے کیڈیشا سے گزارش کی تھی کہ وہ مہذب انداز سے بات کرے۔

    غیر ملکی خبر رساں ادارے کا کہنا تھا کہ دھکا دیے جانے کے نتیجے میں فورنے کی موت واقع ہو گئی۔برطانوی اخبار کے مطابق بس میں سیکورٹی کیمرے کے کلپ سے واقعے کی تصدیق ہو گئی۔

    پولیس نے واقعے کے عینی شاہد بس میں سوار دیگر مسافروں سے بھی مطالبہ کیا کہ وہ اپنے پاس موجود معلومات فراہم کریں۔

    عینی شاہدین کے مطابق کیڈیشا بس میں سوار دیگر مسافروں پر چلا رہی تھی اور انہیں بے ہودہ الفاظ سے نواز رہی تھی۔ اس پر سیرگ فورنے نے مداخلت کرتے ہوئے کیڈیشا سے گزارش کی کہ وہ گفتگو میں زیادہ تمیز و تہذیب کا مظاہرہ کرے۔

    امریکی خبر رساں ادارے کا کہنا تھا کہ اس پر کیڈیشا کا پارہ چڑھ گیا اور اس نے بس سے اترنے والے بوڑھے فورنے کو پیچھے سے زور دار دھکا دے دیا، اس پر فورنے بس سے نیچے فٹ پاتھ پر جا گرا، کیڈیشا نے بوڑھے امریکی کی مدد کرنے کی کوئی کوشش نہیں کی۔

  • دوشیزہ کو ہراساں‌ کرنے کا الزام، بھارتی شہری پر فرد جرم عائد

    دوشیزہ کو ہراساں‌ کرنے کا الزام، بھارتی شہری پر فرد جرم عائد

    دبئی : اماراتی عدالت نے دوشیزہ کو جنسی طور پر حراساں کرنے کے الزام میں بھارتی شہری پر فرد جرم عائد کردی۔

    تفصیلات کے مطابق متحدہ عرب امارات کی ریاست دبئی کے دبئی مال میں ایک عبایہ شاپ کے اندر بھارتی شہری نے 15 سالہ لڑکی کو جنسی طور پر ہراساں کرنے کی کوشش کی تھی۔

    عدالتی دستاویزات میں بتایا گیا ہے کہ 31 سالہ بھارتی شہری نے مبینہ طور پر اس وقت لڑکی کو ہراساں کرنے کی کوشش کی جب متاثرہ لڑکی کی والدہ سیلز گرل کے ساتھ گفتگو کررہی تھی۔

    اماراتی خبر رساں ادارے کا کہنا تھا کہ ملزم نے دوشیزہ کو عبایہ پہنانے کے بہانے ہراساں کیا۔

    اماراتی پولیس افسر کے مطابق ملزم نے بیان دیا کہ میں عبایہ زیب تن کرنے میں لڑکی کی مدد کررہا تھا جبکہ دکان کے اندر ایسا کوئی کام مذکورہ شخص کے ذمہ نہیں ہے۔

    پولیس افسر کے مطابق ملزم نے دعویٰ کیا کہ وہ عبایہ کے بٹن بند کررہا تھا کہ غلطی سے نامناسب حادثہ پیش آگیا جس کے بعد لڑکی ڈر گئی اور چیختی ہوئی دکان سے دوڑتی ہوئی باہر نکل گئی اور حادثے سے متعلق اپنے والد کو آگاہ کردیا۔

    پولیس کا کہنا ہے کہ دکان میں لگے سی سی ٹی وی کیمروں کی ویڈیو سے دیکھا جاسکتا ہے کہ ملزم نے لڑکی کے ساتھ ناموزوں رویہ اپنایا تھا۔

    عدالت نے پولیس ملزم کا بیان قلمبند کرنے کے بعد بھارتی شہری پر دوشیزہ کو جنسی ہراساں کرنے کے الزام میں فرد جرم عائد کرتے ہوئے سماعت 28 فروری تک ملتوی کردی۔

  • ایران کے لیے جاسوسی، سابق امریکی فوجی افسرپرغداری کا مقدمہ درج کردیا

    ایران کے لیے جاسوسی، سابق امریکی فوجی افسرپرغداری کا مقدمہ درج کردیا

    واشنگٹن : امریکی حکام نے اپنی ہی فضائیہ کی سابق افسر کو ملک سے غداری اور ایران کے لیے جاسوسی کرنے کے الزام میں گرفتار کرلیا۔

    تفصیلات کے مطابق امریکی پراسیکیوٹر نے یو ایس ایئر فورس کی سابق افسر پر اپنے روایتی حریف ایران کو اپنے انٹیلی جنس افسران کی معلومات فراہم کرنے کا الزام عائد کیا ہے۔

    امریکی محکمہ انصاف کی جانب سے 39 سالہ مونیکا ویٹ پر الزام عائد کیا گیا ہے کہ انہوں نے امریکی خفیہ اداروں کے افسران پر ہونے والے سائبر حملوں میں پاسداران انقلاب کی معاونت کی ہے۔

    پراسیکیوٹر کا کہنا تھا کہ مونیکا ویٹ نے نظریات کی بنیاد پر اپنے ملک کے خلاف غداری کی تھی اور ایران کو خفیہ معلومات فراہم کیں۔

    غیر ملکی خبر رساں ادارے کے مطابق فضائی کی سابق افسر کا سنہ 2013 میں ایران کے ساتھ رابطہ ہوا تھا جہاں مونیکا نے اپنے ساتھیوں کی معلومات پاسداران انقلاب کو فراہم کیں جس کے بعد امریکی خفیہ اداروں کے افسران پر سائبر حملے ہوئے۔

    خبر رساں ادارے کا کہنا ہے کہ امریکی محکمہ انصاف نے مونیکا ویٹ پر خفیہ اداروں کے افسران کے نام، مختلف آپریشنز کی معلومات اور امریکی حکومت کے راز ایران کو فراہم کیے تھے۔

    امریکی حکام کا کہنا ہے کہ ’ہمارے لیے بہت افسوس کی بات ہے کہ ہمارے ملک کی ایک سابق افسر اپنے ہی ملک سے غداری کررہی ہے‘۔

    امریکی سیکیورٹی ادارے ایف بی آئی نے ٹویٹر پر ایرانی سپاہ پاسداران انقلاب کے لیے خفیہ اداروں کے افسران کے کمپیوٹر میں داخل ہونے اور ڈیٹا چوری کرنے کے الزام میں چار ایرانی شہریوں کے خلاف مقدمہ درج کیا ہے۔

    غیر ملکی میڈیا کا کہنا ہے کہ ایف بی آئی نے ٹویٹر پر مونیکا ویٹ کےلے اشتہار شائع کیا ہے کہ ’جاسوسی اور دیگر جرائم میں ملوث مونیکا ایلفراڈو ویٹ جہاں بھی نظر آئے فوری طور پر ایف بی آئی یا قریبی امریکی سفارت خانے سے رابطہ کریں‘۔

    امریکی میڈیا کا کہنا ہے کہ 39 سالہ مونیکا ویٹ امریکی ایئر فورس میں سنہ 1997 سے 2008 تک بطور افسر خدمات انجام دیں چکی ہیں۔

    مقامی خبر رساں ادارے کا کہنا ہے کہ مونیکا ویٹ نے مبینہ طور پر ایران میں ایک ٹی وی پروگرام کے دوران اسلام قبول کیا تھا اور اپنا تعارف سابق امریکی افسر کے طور پر کروایا تھا جس کے انہوں نے متعدد ٹی وی پروگرام کیے۔

    غیر ملکی میڈیا کے مطابق مونیکا ویٹ کے اس عمل امریکا میں شدید تنقید کا نشانہ بنایا گیا تھا۔

  • لندن: سابق محبوبہ کے قتل کا الزام، برطانوی شہری کے خلاف مقدمہ درج

    لندن: سابق محبوبہ کے قتل کا الزام، برطانوی شہری کے خلاف مقدمہ درج

    لندن : برطانوی پولیس نے سابق محبوبہ کے قتل کے الزام میں گرفتار  32 سالہ شخص کے خلاف قتل کا مقدمہ درج کرلیا۔

    تفصیلات کے مطابق برطانیہ کے دارالحکومت لندن کی پولیس نے 33 سالہ جون جونز نامی خاتون کے قتل کے الزام میں گرفتار مائیکل فورن نامی شخص کے خلاف قتل کا مقدمہ درج کرلیا۔

    برطانوی میڈیا کا کہنا ہے کہ پولیس کی جانب سے قتل کا مقدمہ خاتون کی لاش برآمد ہونے کے بعد درج کیا گیا ہے۔

    مقامی میڈیا کا کہنا ہے کہ جون جونز 31 دسمبر کو 2018 ختم ہونے کے کچھ گھنٹے بعد مغربی بروموچ میں واقع گھر سے مردہ حالت میں برآمد ہوئی تھی۔

    پولیس کا کہنا ہے کہ ’ہمارے پاس مسز جون کو تیز دھار آلے سے تشدد کے بعد قتل کرنے کے شواہد موجود ہیں‘۔

    پولیس نے 32 سالہ مائیکل فورن کو برطانیہ کے علاقے لیورپول سے ہفتے کے روز چھاپہ مار کارروائی کے دوران گرفتار کیا تھا۔

    مقامی خبر رساں ادارے کا کہنا ہے کہ پولیس نے ملزم کو ویسٹ مڈلینڈ کی مجسٹریٹ کورٹ میں پیش کیا تھا جہاں اس کے خلاف قتل کا مقدمہ کیا گیا ہے۔

    برطانوی خبر رساں ادارے کا کہنا تھا کہ قتل کے ملزم کو گرفتار کرنے والے پولیس افسر نے تحقیقات میں معاونت کرنے پر شہریوں کا شکریہ کیا۔

    خیال رہے کہ جون جونز گذشتہ کچھ روز سے لاپتہ تھی جس کی شکایت مقتولہ ک بہن نے پولیس اسٹیشن میں درج کرائی ہوئی تھی۔

    مزید پڑھیں : مانچسٹر میں چاقو بردار شخص کا حملہ، تین افراد زخمی

    مزید پڑھیں : لندن: فائرنگ اور چاقو زنی کی واردات، دو افراد قتل 4 زخمی

    خیال رہے کہ نئے سال کا آغاز ہوتے ہی برطانیہ کے شہر مانچسٹر میں واقع وکٹوریہ ریلوے اسٹیشن پر مسلح شخص نے شہریوں پر چاقو سے حملہ کردیا تھا، چاقو زنی کی واردات میں تین افراد زخمی ہوئے تھے جنہیں فوری طور پر اسپتال منتقل کردیا گیا۔

    برطانیہ کی ٹرانسپورٹ پولیس کا کہنا ہے کہ چاقو بردار شخص کے حملے میں پولیس افسر سمیت دو افراد زخمی ہوئے تھے۔

  • سی این این و سابق امریکی صدور کو بم بھیجنے والے ملزم پر 5 مقدمے درج

    سی این این و سابق امریکی صدور کو بم بھیجنے والے ملزم پر 5 مقدمے درج

    واشنگٹن : پولیس سابق امریکی صدور بارک اوباما اور بل کلنٹن سمیت موجودہ صدر ٹرمپ کے مخالفین کو پائپ بم بھیجنے والے گرفتار ملزم کے خلاف پانچ مقدمے درج کرلیے۔

    تفصیلات کے مطابق سابق امریکی صدور بارک اوباما اور بل کلنٹن اور مشہور و معروف صحافتی ادارے سمیت ٹرمپ مخالف ملک کی اہم سیاسی شخصیات کو پائپ بم بھیجنے والے ملزم سیزار ساوک کو پولیس نے گذشتہ روز میامی سے گرفتار کیا تھا۔

    غیر ملکی خبر رساں ادارے کا کہنا تھا کہ امریکی حکام نے ٹرمپ مخالفین میں خوف و ہراس پھیلانے والے گرفتار ملزم پر سابق صدور و سیاسی شخصیات کو دھماکا خیز مواد بھیجنے اور سابق صدور کو دھماکانے سمیت 5 مقدمے درج کیے گئے ہیں۔

    امریکی صدر ڈونلڈ ترمپ کا کہنا تھا کہ ایسے اعمال انتہائی شرم ناک ہیں جن کی ہمارے ملک میں کوئی جگہ نہیں ہے۔

    برطانوی خبر رساں ادارے کا کہنا تھا کہ حالیہ دنوں میں 14 اشیاء سابق صدر اوبامہ اور اداکار رابرٹ ڈی نیرو سمیت متعدد اہم شخصیات کو بھیجی گئی تھیں، جس میں دو فلوریڈا اور نیو یارک سٹی میں جمعے کے روز ملی تھیں۔

    مقامی میڈیا کا کہنا ہے کہ دو مزید پیکٹ کیلیفورنیا میں ارب پتی اور ڈیموکریٹ ڈونر ٹام اسٹیئر کو موصول ہوئی تھی، جو کویئر سروس بُرلن گیم کے ذریعے بھیجی گئی تھی جبکہ کیلیفورنیا میں ہی ڈیموکریٹ سینیٹر کمالا حارث کو بھی مشکوش پیکٹ موصول ہونے کی اطلاعات آئی تھیں۔

    غیر ملکی خبر رساں ادارے کا کہنا ہے کہ اہم شخصیات کو بم موصول ہونے کے واقعات امریکا کے وسط مدتی اتنخابات سے دو ہفتے قبل رونما ہوئے ہیں۔

    واضح رہے کہ 56 سالہ ملزم سیزار ساوک کا تعلق نیویارک سے ہے جسے ماضی میں بھی مختلف وارداتوں میں ملوث ہونے کے باعث گرفتار کیا جا چکا ہے۔

    امریکی میڈیا کے مطابق ملزم 2002 میں بھی گرفتار ہوچکا ہے جب اس نے دھمکی دیتے ہوئے ایک ڈیوائس کو زبردستی اتار دیا تھا، ملزم کو 2015 میں بھی ایک کیس کے دوران خلاف ورزی پر گرفتار کیا گیا تھا۔

    پولیس کے مطابق ملزم کے قبضے میں زیر استعمال گاڑی بھی برآمد کرکے ضبط کرلی گئی ہے۔