Tag: charsadda firing

چارسدہ : چارسدہ میں نامعلوم افراد کی کار پر فائرنگ سے تین افراد جاں بحق اور تین زخمی ہوگئے۔

پولیس کے مطابق نامعلوم ملزمان نے چارسدہ کے علاقے عمر زئی تالا شاہ میں گاڑی پر فائرنگ کردی جس سے تین افراد جاں بحق اور تین زخمی ہوگئے۔

زخمیوں اور جاں بحق افراد کی لاشوں کو چارسدہ ہسپتال منتقل کیا گیا ، جاں بحق افراد میں دو کا تعلق پشاور جبکہ ایک کا تعلق چارسدہ سے ہے ۔

ڈی پی او چارسدہ شفیع اللہ خان نے اے آر وائی نیوز سے واقع کے حوالے سے بات چیت کر تے ہوئے کہا ہے کہ واقعہ کے حوالے سے اسٹیٹ کی طرف سے ایف آئی آر درج کی گئی ہے ۔

ڈی پی او چارسدہ کا مزید کہنا ہے کہ جاں بحق افراد سے کچھ مشکوک اشیاء برآمد ہو ئی ہے۔

دوسری طرف چارسدہ ہسپتال میں زیرِ علاج ایک زخمی نے بتایا کہ وہ شادی کی تقریب میں شرکت کیلئے چارسدہ آئے تھے کہ تالا شاہ چوک میں نامعلوم افراد نے ان پر فائرنگ کی، جس کے نتیجے میں ان کے تین ساتھی جاں بحق ہوئے ہیں۔

پولیس ذرائع کے مطابق واقعہ میں جاں بحق ہونے والا ایک شحص پہلے سے پولیس کو کئی مقدمات میں مطلوب تھے، جاں بحق اور زحمی افراد کے لواحقین تاحال ہسپتال نہیں پہنچے، اس لئے واقعہ کے حوالے سے اصل واقعات منظر عام پر نہیں آرہے۔