Tag: chaudary pervez ilahi

لاہور: چوہدری پرویز الٰہی نےسیلاب سے متاثرہ علاقے قادر آباد کا دورہ کیا اورنقصان کا ذمہ دارحکومت کوٹھہرایا۔

چوہدری پرویزالٰہی مسلم لیگ ق کے کارکنوں کے ہمراہ قادر آباد پہنچے تو ان کا والہانہ استقبال کیا گیا، اس موقعے پرمیڈیا سے گفتگو کرتے ہوئے چوہدری پرویزالٰہی کا کہنا تھا کہ دریاؤں کے حفاظتی پشتوں کی بروقت مرمت کرائی جاتی تو آج اتنے بڑے پیمانے پر تباہی نہ ہوتی، مسلم لیگ ق کے رہنماء نے کہا کہ قادرِآباد بیراج سے ملحقہ علاقے میں بڑے پیمانے پر تباہی ہوئی ہے لیکن کوئی بھی حکومتی شخصیت متاثرین کی مدد کو نہیں پہنچی، یہ لوگ بے یارو مددگار پڑے ہیں۔

چوہدری پرویزالٰہی کا کہنا تھا کہ نوازشریف نے نریندر مودی کو آموں کا تحفہ بھجوایا، جواب میں سیلابی ریلا چھوڑا گیا جوکہ حکمرانوں کیلئے لمحہ فکریہ ہے، انہوں نے متاثرین میں امدادی سامان تقسیم کیا اورعزم ظاہر کیا کہ وہ متاثرین سیلاب کی بحالی تک چین سے نہیں بیٹھیں گے۔

گجرات : مسلم لیگ ق کے سینئر رہنماء چودھری پرویز الٰہی نے کہا ہے کہ شریف برادران کو عوام سے کوئی دلچسپی نہیں، وزیراعلٰی پنجاب لمبے بوٹ پہن کر سیلاب زدہ عوام کا مذاق اڑا رہے ہیں۔

گجرات کے سیلاب سے متاثرہ علاقوں کے دورے کے موقع پر میڈیا سے گفتگو کرتے ہوئے چودھری پرویز الٰہی کا کہنا تھا کہ وزیرِاعظم نواز شریف بھارتی وزیرِاعظم نریندر مودی کو آم بھجواتے رہے ہیں، بھارت نے سیلاب کی صورت میں تحفہ دیا ہے۔

انہوں نے کہا ہے کہ مسلم لیگ ن نے اپنے دورِ اقتدار میں دریاؤں کے بند پختہ کرنے پر کوئی توجہ نہیں دی، شہباز شریف لمبے بوٹ پہن کر سیلاب زدہ عوام کا مذاق اڑا رہے ہیں۔

پرویز الٰہی کا کہنا تھا کہ موجودہ حکمرانوں کی ترجیح عوام کی بجائے اقتدار کا تحفظ ہے، انہوں نے کہا ہے کہ انہوں نے اپنے دور میں عوام کی بھرپور خدمت کی، شریف برادران نے مہنگائی میں اضافہ کرکے عوام کی کمر توڑ دی ہے۔

لاہور: مسلم لیگ ق کے چوہدری پرویز الٰہی کا کہنا ہے کہ مارچ اور انقلاب کسی صورت نہیں رکے گا، خوف سے حکمرانوں کی نیندیں حرام ہوگئی ہیں۔

اے آر وائی نیوز کے بیورو چیف عارف حمید بھٹی کے بھائی کے انتقال پر تعزیت کے بعد میڈیا سے گفتگو میں پرویز الٰہی کا کہنا تھا کہ موجودہ بحران حکومت نے خود پیدا کیا ہے، شہبازشریف کے وزیراعلیٰ ہوتے ہوئے انصاف نہیں مل سکتا۔

پرویز الہی کا کہنا تھا کہ انقلاب اور مارچ نہیں رکے گا، انہوں نے عارف حمید بھٹی کے مرحوم بھائی کے ایصال ثواب کیلئے دعا بھی کی۔