Tag: Chaudhry Nisar

چوہدری نثار نے آزاد حیثیت میں الیکشن لڑنے کا اعلان کردیا

راولپنڈی: سابق وفاقی وزیر داخلہ اور ن لیگ کے ناراض رہنما چوہدری نثار نے خاموشی توڑتے ہوئے آزاد حیثیت سے الیکشن لڑنے کا اعلان کردیا۔

چوہدری نثار نے ایک کارنر میٹنگ سے خطاب کرتے ہوئے کہا میں انتخابات میں آزاد حیثیت سے شامل ہورہا ہوں، اور ہمیشہ عوام کی خدمت کرتا رہوں گا۔

مسلم لیگ ن کے ناراض رہنما کا کہنا تھا کہ پارٹی نے ٹکٹ سیاسی یتیموں کو دے دیے ہیں، میں آزاد الیکشن لڑوں گا، اب زیادہ محنت کی ضرورت ہے۔

خیال رہے کہ مسلم لیگ ن کی مختلف میٹنگز میں چوہدری نثار کے ٹکٹ کے معاملے پر بحث ہوتی رہی ہے، شریف برادران کے مابین اس معاملے پر اختلاف بھی پایا گیا۔

سیاسی حلقوں میں چوہدری نثار کے ٹکٹ کے معاملے پر بے چینی پائی جارہی تھی کہ کیا ن لیگ انھیں ٹکٹ دے دے گی یا وہ کسی اور پارٹی کو جوائن کریں گے۔

چوہدری نثار کے اعلان کے بعد تمام گرد بیٹھ گئی ہے، انھوں نے اڈیالہ روڈ پر کارنر میٹنگ سے خطاب کرتے ہوئے کہا کہ ہمیشہ اللہ اور حلقے کے لوگوں کی مدد سے کام یابی ملی، اب بھی حلقے کےعوام کے اعتماد پر کام یاب ہوں گا۔

جاتی امرا والے تضحیک بند کریں، ٹکٹ کا محتاج نہیں، چوہدری نثار

کارنر میٹنگ کے دوران کارکنوں نے چوہدری نثار سے تحریک انصاف میں شمولیت کے متعلق استفسار کیا تو انھوں نے جواب دیا کہ آپ انتخابات پر توجہ دیں، میں بہتر فیصلہ کروں گا۔

چوہدری نثار نے کہا کہ پی ٹی آئی میں 10 خرابیاں ہیں تو ن لیگ میں 100 خامیاں ہیں، انھوں نے مریم نواز کی طرف بھی اشارہ کرتے ہوئے کہا عورت کے راج کے مخالف نے آج اپنی بیٹی پارٹی پر مسلط کردی ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جون 11, 2018
مسلم لیگ ن چوہدری نثار کو ٹکٹ نہیں‌ دے گی، پرویز رشید نے عندیہ دے دیا

لاہور: مسلم لیگ ن کے مرکزی رہنما سینیٹر پرویز رشید نے ‌چوہدری نثار کو ٹکٹ نہ ملنے کا عندیہ دیے دیا.

تفصیلات کے مطابق لاہور میں‌ ایک افطار ڈنر کے بعد میڈیا سے گفتگو کرتے ہوئے پرویز رشید نے کہا کہ پارٹی صرف ان ہی افراد کو ٹکٹ جاری کرتی ہے، جو درخواست دیتے ہیں، ایسے لوگوں کو ڈسکس نہیں کیا جاتا، جو ٹکٹ کے لیے درخواست نہیں دیتے۔

[bs-quote quote=”جب میاں نواز شریف الیکشن میں حصہ لیتے تھے، تب وہ پارٹی سربراہ ہونے کے باوجود ٹکٹ کے لیے درخواست دیتے تھے” style=”style-2″ align=”left” author_name=”پرویز رشید”][/bs-quote]

سینیٹر پرویز رشید کا کہنا تھا کہ جب میاں نواز شریف الیکشن میں حصہ لیتے تھے، تب وہ پارٹی سربراہ ہونے کے باوجود ٹکٹ کے لیے درخواست دیتے تھے، باقی افراد کے لیے بھی یہی طریقہ کار ہے.

یاد رہے کہ کچھ روز قبل چوہدری نثار نے اعلان کیا تھا کہ وہ کس سے ٹکٹ نہیں مانگیں‌ گے، جن میٹنگز میں انھیں مدعو کیا جائے گا، صرف ان ہی میں شرکت کریں‌ گے.

پرویز رشید نے مزید کہا کہ کیا وجہ ہے کہ ایک ڈکٹیٹر کو الیکشن لڑنے کی اجازت دی جارہی ہے، مگر آئین بچانے والے کو نااہل قرار دیا جارہا ہے۔

انھوں نے کہا کہ اگر ایک پارٹی کو دیوار سے لگایا جائے گا، دھاندلی کے منصوبے بنائے جائیں گے، تو آوازیں اٹھیں گی۔

واضح رہے کہ چوہدری نثار کو ووٹ دینے کے معاملے میں شریف برادران میں اختلافات کی خبریں گردش کر رہی ہیں۔

نثار کو ٹکٹ دینے کے معاملے میں شریف برادران میں اختلاف

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

جون 9, 2018
نثار کو ٹکٹ دینے کے معاملے میں شریف برادران میں اختلاف

لاہور: چوہدری نثار کو ٹکٹ دینے کے معاملے پر نواز شریف اور شہباز شریف میں اختلافات کھل کر سامنے آگئے.

تفصیلات کے مطابق چوہدری نثار کو ٹکٹ دینے کا ایشو پارلیمانی بورڈ میں سنگین شکل اختیار کر گیا. چھوٹے اور بڑے میاں صاحب کے اختلافات عیاں ہوگئے.

اطلاعات کے مطابق مسلم لیگ ن کے صدر شہباز شریف ٹکٹ دینے کے حق میں ہیں، جب کہ سابق وزیر اعظم اور پارٹی قائد نواز شریف اس کے خلاف ہیں. ذرایع کے مطابق اکثریت میاں نواز شریف کے ساتھ ہے.

یاد رہے کہ کاغذات نامزدگی جمع کروانے میں‌ فقط دو دن باقی ہیں، مگر دیگر پارٹیوں کے برعکس مسلم لیگ ن کے امیدواروں‌ کا حتمی فیصلہ تاحال نہیں ہوسکا.

لاہور سے صرف شہبازشریف، حمزہ شہباز اور سعد رفیق کا حتمی فیصلہ سامنے آیا ہے۔ ابتدا میں این اے 125 سے مریم نواز کا نام لیا جارہا تھا، تاہم اب کہا جارہا ہے کہ اس حلقے سے ایاز صادق الیکشن لڑیں گے.

پارٹی ذرائع کا کہنا ہے کہ شہبازشریف لاہور اور دیگر دو حلقوں سے الیکشن لڑیں گے، مریم نوازکو کراچی سے بھی الیکشن لڑانے کی تجویز سامنے آئی ہے.

پارلیمانی بورڈ نے فیصلہ کیا ہے کہ امیدواروں کا حتمی اعلان اتوار کو ہوگا، ٹکٹ حاصل کرنے کی پہلی شرط وفاداری ہے، ن لیگ امیدواروں کے ناموں کا اعلان دو مرحلوں میں کرے گی.

شبہاز شریف کو بچپنے کا احساس نہیں، چوہدری نثار کا رد عمل

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

جون 9, 2018
اب نگراں وزیر اعظم کا فیصلہ پارلیمانی کمیٹی کرے گی: چوہدری نثار

اسلام آباد: سابق وفاقی وزیر داخلہ چوہدری نثار نے دعویٰ کیا ہے کہ نگراں وزیر اعظم کا فیصلہ اب پارلیمانی کمیٹی کرے گی.

تفصیلات کے مطابق نگراں وزیراعظم کے ڈیڈلاک سے متعلق گفتگو کرتے ہوئے مسلم لیگ ن کے ناراض رہنما چوہدری نثار نے کہا کہ اب اس معاملے میں کوئی شک نہیں‌ رہا کہ فیصلہ پارلیمانی کمیٹی میں‌ ہوگا.

[bs-quote quote=”آئندہ انتخابات میں چار حلقوں سے الیکشن لڑوں گا، دو قو می، دو صوبائی حلقوں سےالیکشن لڑنے کا ارادہ ہے” style=”style-2″ align=”left” author_name=”چوہدری نثار”][/bs-quote]

چوہدری نثار کا کہنا تھا کہ تصدق حسین جیلانی پہلی ترجیح نظرآرہے ہیں، بہ ظاہر یوں لگتا ہے کہ ان ہی کے نام پر اتفاق ہوجائے گا.

ان کا کہنا تھا کہ آئندہ انتخابات میں چار حلقوں سے الیکشن لڑوں گا، دو قو می، دو صوبائی حلقوں سےالیکشن لڑنے کا ارادہ ہے.

ایک صحافی نے سوال کیا کہ کیا آپ کے مؤقف کوپذیرائی مل رہی ہے؟ تو انھوں نے کہا کہ میرے مؤقف کو ہمیشہ ہر وقت پذیرائی ملی ہے۔

چوہدری نثار نے دعویٰ کیا کہ اس وقت مسلم لیگ ن 95 فیصد ایم این اے ان کے موقف کے حامی ہیں.

ایک صحافی نے چوہدری نثار سے سوال کیا کہ کیا عمران خان وزیراعظم بن جائیں گے؟ تو انھوں‌ جوابآ کہا، میرا بھی آپ سے یہی سوال ہے.

ہرلیگی کارکن کو موجودہ صورتحال میں ٹھنڈے دل سے غور کرنا ہوگا، چوہدری نثار

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مئی 25, 2018
بھارتی ہٹ دھرمی ممبئی حملہ کیس کی پیش رفت میں رکاوٹ بنی‘ چوہدری نثار

راولپنڈی : سابق وزیرداخلہ چوہدری نثار علی خان کا کہنا ہے کہ ممبئی حملہ کیس میں تعطل وسست روی پاکستان کی وجہ سے نہیں بلکہ بھارت کی طرف سے عدم تعاون اور ہٹ دھرمی کی وجہ سے ہوئی۔

تفصیلات کے مطابق سابق وزیراعظم نوازشریف کے پاکستان مخالف بیان اور اس پربھارت کی طرف سے ردعمل پرچوہدری نثارعلی خان نے کہا کہ بھارتی ہٹ دھرمی ممبئی حملہ کیس کی پیشرفت میں رکاوٹ بنی۔

چوہدری نثارعلی خان نے کہا کہ بطور وزیرداخلہ اس کیس کے تمام مراحل سے مکمل طورپرآگاہ ہوں کیونکہ ایف آئی اے اس کی کیس کی تحقیقات کررہا تھا جو وزارت داخلہ کا ماتحت ادارہ ہے۔

سابق وزیرداخلہ نے کہا کہ کیس منطقی انجام تک پہنچانے میں بھارت کی دلچسپی نہیں، بھارت نے پاکستان کوبدنام کرنے کے لیے واقعے کو استعمال کیا۔

چوہدری نثار نے اپنے بیان میں کہا کہ یہ واقعہ بھارت میں ہوا اور اس کے 90 فیصد شواہد اور حقائق اسی کے پاس تھے، ہماری عدالتوں کی جانب سے قائم کی گئی کمیٹی سے تعاون کے لیے بھی تیار نہیں تھی۔

سابق وزیرداخلہ نے کہا کہ بھارت نے مختلف حیلوں بہانوں سے تمام شواہد اور حقائق جو ان کے پاس موجود تھے پاکستان کے ساتھ شیئر کرنے سے صاف انکار کردیا۔

چوہدری نثار نے کہا کہ اجمل قصاب جو ممبئی حملوں کا زندہ ثبوت تھا اس کو کمال پھرتی سے پھانسی گھاٹ پر پہنچایا گیا، تحقیقاتی ٹیم کواجمل قصاب سے سوالات تک نہیں کرنے دیے گئے۔

سابق وزیرداخلہ نے کہا کہ اہم کیس کے واحد ثبوت کوپھانسی پرلٹکا کرمنظرعام سے ہٹا دیا گیا، اجمل قصاب کوپھانسی دے کرحقائق سامنے آنے کا باب بند کردیا گیا۔

چوہدری نثار نے کہا کہ ممبئی کیس کوسیاسی بنیاد پرپاکستان کے خلاف استعمال کیا گیا، بھارتی حکومت سے کیس میں تعاون کی بارہا درخواستیں کیں، کیس میں بھارتی عدم تعاون اورہٹ دھرمی ریکارڈ پرہے۔

سابق وزیرداخلہ نے کہا کہ ہم نے انفارمیشن شیئرنگ سے متعلق بھارت سے مکمل تعاون کیا، کلبھوشن کے معاملے پربھی بھارت نےعدم تعاون کا مظاہرہ کیا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 13, 2018
چوہدری نثار کو تحریک انصاف میں شمولیت کی دعوت دیں گے: عمران خان

لاہور: پاکستان تحریک انصاف کے چیئرمین عمران خان کا کہنا ہے کہ چوہدری نثار کو تحریک انصاف میں شامل ہونے کی دعوت دیں گے، خوشی ہے انہوں نے مریم نواز کے خلاف اسٹینڈ لیا۔

تفصیلات کے مطابق پاکستان تحریک انصاف کے چیئرمین عمران خان کا کہنا ہے کہ پیسے والوں اور غریبوں کے لیے علاج کی سہولتیں الگ الگ ہیں۔ 29 اپریل کو بتائیں گے کہ طبقاتی نظام کیسے ختم کریں گے۔

عمران خان نے کہا کہ اپوزیشن میں سیاست دان کی پکڑ ہوتی ہے جب کہ اقتدار میں‌ سارے کیس معاف ہوجاتے ہیں، پہلی بار ایک طاقتور وزیراعظم کا احتساب ایک معجزہ ہے، 29 اپریل کا جلسہ آدھا الیکشن ہے، 2018 کے انتخابات پاکستان کے مستقبل کی جنگ ہے۔

انہوں نے کہا کہ دو نہیں ایک پاکستان اور اصل پاکستان کی وضاحت کریں گے۔ ’مسئلہ یہ ہے کہ ارکان بکے اور یہ پارٹی کا معاملہ ہے۔ ہم نے 20 لوگوں کو موقع دیا ہے کہ کمیٹی میں آئیں۔ باقی پارٹیوں کا انتظار کر رہے ہیں وہ نام کب سامنے لاتے ہیں۔ سوال پوچھنے والے بتائیں کہ 30 سال لوگ کیوں بک رہے تھے‘۔

ان کا کہنا تھا کہ سب کو پتہ ہے کہ 30 سال سے خرید و فروخت چل رہی تھی۔ ’ہم تو شروع سے کہہ رہے ہیں اس نظام کو تبدیل کرنا ہوگا۔ سوال اٹھانے والے نظام کی تبدیلی کے لیے اقدامات کیوں نہیں کرتے‘۔

عمران خان نے کہا کہ مجھے ماضی میں سینیٹر شپ کے لیے 45 کروڑ روپے کی آفر کی گئی تھی۔ ’مجھے سینیٹ میں آفر آئی اس کا مطلب پارٹی سربراہ کو آفرز آتی رہی ہیں۔ کیا شاہد خاقان کو نہیں معلوم ان کی پارٹی بھی یہی کرتی آرہی ہے‘؟

انہوں نے کہا کہ پیپلز پارٹی اور مسلم لیگ ن نے بڑا ظلم کیا ہے۔ دونوں پارٹیوں نے فیصلہ کیا کہ نگراں حکومت یہ خود بنائیں گے۔ ’دونوں پارٹیوں نے فیصلہ کیا کہ چیئرمین نیب اور چیف جسٹس خود بنائیں گے، نگراں حکومت کا مقصد شفاف انتخابات ہوتے ہیں‘۔

عمران خان کا کہنا تھا کہ شفاف الیکشن کروانا چاہتے ہیں تو یقینی نیوٹرل سیٹ اپ ہونا چاہیئے۔ چیف جسٹس خیبر پختونخواہ کا باقی صوبوں سے موازنہ کریں۔ چیف جسٹس شہریوں کی مشکلات کی نشاندہی کر کے اچھا کر رہے ہیں۔

مزید پڑھیں: مریم نواز کی سربراہی میں کام نہیں کرسکتا، چوہدری نثار

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اپریل 19, 2018
شہبازشریف نے چوہدری نثار کو پارٹی کا قیمتی اثاثہ قراردے دیا

لاہور: وزیراعلیٰ پنجاب اور ن لیگ کے صدرشہبازشریف نے چوہدری نثار کوپارٹی کاقیمتی اثاثہ قراردے دیا اور تحفظات دورکرنے کی بھی یقین دہانی کرادی ہے۔

تفصیلات کے مطابق وزیراعلیٰ پنجاب شہبازشریف نے چوہدری نثار سے ملاقات کی، ملاقات کے دوران پارٹی امور پر تبادلہ خیال کیا گیا، چوہدری نثار نے وزیراعلیٰ پنجاب کو اپنے تحفظات سےآگاہ کیا، جن کا اظہار وہ پہلے ہی میڈیا پرکرچکے ہیں۔

وزیراعلیٰ پنجاب اور ن لیگ کے صدر شہباز شریف نے چوہدری نثار کو پارٹی کا قیمتی اثاثہ قرار دیتے ہوئے تحفظات دورکرنےکی یقین دہانی کرائی۔

شہباز شریف کا کہنا تھا کہ غلط فہمیوں کا ازالہ کیا جائے گا۔

مزید پڑھیں : خدشہ ہے کہ شہبازشریف کو کام کرنے کا مینڈیٹ نہیں دیا جائے گا، چوہدری نثار

اس سے قبل چوہدری نثار نے کہا تھا کہ خدشہ ہے کہ نوازلیگ کا صدر بنانے کے بعد شہباز شریف کو کام کرنے کا مینڈیٹ نہیں دیا جائے گا اور اگر انہیں کام کرنے کا پورا مینڈیٹ دیا گیا تو پارٹی کے کئی امور میں مزید بہتری آسکتی ہے۔

یاد رہے کہ نواز شریف اور چوہدری نثار کے درمیان اختلافات شدت اختیار کر چکے ہیں، گذشتہ دنوں سابق وزیر داخلہ نے پریس کانفرنس کرتے ہوئے اعلان کیا تھا کہ وہ شہباز شریف کو پارٹی لیڈر مانتے ہیں، اگر مریم نواز پارٹی لیڈر بنیں، تو وہ ن لیگ سے الگ ہوجائیں گے۔

مزید پڑھیں : چوہدری نثارنے مشکل وقت میں پیٹھ میں چھراگھونپا، میں اٹل فیصلہ کرچکا ہوں،نواز شریف

خیال رہے چند ماہ قبل نااہل وزیراعظم نواز شریف کا کہنا تھا کہ چوہدری نثارنےمشکل وقت میں پیٹھ میں چھراگھونپا،ن لیگ چوہدری نثار نہیں میری وجہ سے قائم ہے، میں اٹل فیصلہ کرچکا ہوں جبکہ شہباز شریف نے کہا تھا چوہدری نثار کو ایک موقع دینا چاہیے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اپریل 2, 2018
جاوید ہاشمی نے ہوا کے جھونکوں کے ساتھ سیاسی وفاداریاں‌ تبدیل کی ہیں: ترجمان چوہدری نثار

لاہور: مسلم لیگ ن کے سینئر رہنما چوہدری نثار نے کہا ہے کہ جاویدہاشمی نےسیاسی زندگی میں ہوا کے ہر جھونکے کے ساتھ وفاداریاں تبدیل کیں، فوجی حکومت کے وزیر رہنے والے کو جمہوریت کا ارسطو بننے سے گریز کرنا چاہیے.

تفصیلات کے مطابق چوہدری نثار اور جاوید ہاشمی کے درمیان اختلافات شدت اختیار کر گئے ہیں. چوہدری نثار کے ترجمان کے تازہ بیان میں‌ جاوید ہاشمی کو سخت تنقید کا نشانہ بنایا گیا.

[bs-quote quote=”جاویدہاشمی کو ان کی غیرمستقل مزاجی کی وجہ سے کوئی پارٹی میں رکھنےکو تیار نہیں، اگرانھیں لیگ کی ضرورت ہے، تو چوہدری نثار کا کندھا استعمال نہ کریں” style=”style-2″ align=”left” author_name=”ترجمان چوہدری نثار”][/bs-quote]

بیان میں موقف اختیار کیا گیا کہ جاوید ہاشمی چوہدری نثارپرالزام تراشی کرنے سے پہلے اپنے بیانات کا جائزہ لیں، انھوں نے ہوا کے جھونکے کی طرح‌ وفاداریاں بدلی ہیں.

ترجمان کے مطابق جاویدہاشمی کوآج ان کی غیرمستقبل مزاجی کی وجہ سے کوئی پارٹی میں رکھنےکو تیار نہیں، اگر جاویدہاشمی کون لیگ کی ضرورت ہےتوچوہدری نثارکاکندھااستعمال نہ کریں.

ترجمان کے مطابق جاوید ہاشمی نے گذشتہ برسوں میں چوہدری نثار کے حق میں بھی بیانات دیے ہیں اور جاوید ہاشمی کو وہ بیانات بھی یاد رکھنے چاہییں، جو انھوں‌نے شریف خاندان کےخلاف دیے. ن لیگ کےقریب آنےکے لئےجاویدہاشمی نےپی ٹی آئی مخالف بیانات کاسہارا لیا.

مریم نواز کی زبان پارٹی کو بند گلی میں لے جا رہی ہے: چوہدری نثار

ترجمان کے مطابق جاویدہاشمی چوہدری نثار پرالزام تراشی سے لیگی قیادت کی قربت چاہتے ہیں، جاوید ہاشمی کو کھلی آزادی ہے، وہ اپنی مرضی کی سیاست کریں.خوشامد اور کاسہ لیسی میں اس مقام پرنہ جائیں، جوسچ اورحقائق کےمنافی ہو.

ترجمان کا کہنا تھا کہ جاویدہاشمی کواپنی عمراورزبان کا پاس نہیں، تو اپنےشہرکی عزت کا ہی خیال کرلیں، چوہدری نثارکے خلاف بیان بازی سے بہتر ہے کہ جاویدہاشمی ووٹرز پر توجہ دیں، جاویدہاشمی ووٹرزکےاعتمادکواپنی وفاداریاں بدل کرٹھیس پہنچاتے رہے ہیں.

ستر سال کی تاریخ میں سپریم کورٹ نے آئین کی توہین کی: جاوید ہاشمی

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

مارچ 24, 2018
مریم نواز کی زبان پارٹی کو بند گلی میں لے جا رہی ہے: چوہدری نثار

اسلام آباد: چوہدری نثار کا کہنا ہے کہ مریم نواز کی تندو تیز زبان پارٹی کو بند گلی میں لے جارہی ہے. لطیفے، طنزیہ جملوں سے میری ذات کو مسلسل نشانہ بنایا گیا.

تفصیلات کے مطابق چوہدری نثار نے نواز شریف اور مریم نواز کے بیانات پر شدید ردعمل دیتے ہوئے کہا کہ میاں صاحب، احسان کوئی انسان نہیں کرتا، اللہ انسانوں پرکرتا ہے.

[bs-quote quote=”ایک سال سے صبر کے ساتھ حالات برداشت کر رہا ہوں، کوشش یہی تھی کہ کسی معاملے پر اس حد تک ردعمل نہ دوں، جس سے پارٹی کو نقصان پہنچے” style=”style-2″ align=”left” author_name=”چوہدری نثار” author_job=”سینئر رہنما، مسلم لیگ ن” author_avatar=”https://arynewsudweb.wpengine.com/wp-content/uploads/2018/03/Nisar60x60.jpg”][/bs-quote]

انھوں نے کہا کہ میں‌ ایک سال سے صبر کے ساتھ حالات برداشت کر رہا ہوں، کوشش یہی تھی کہ کسی معاملے پر اس حد تک ردعمل نہ دوں، جس سے پارٹی کو نقصان پہنچے، اس لیے خود کو قومی سیاست سے الگ کر لیا تھا، اس کے باوجود میری ذات کو مسلسل نشانہ بنایا گیا.

ان کا کہنا تھا کہ نوازشریف کے شعر، کلمات اور ان کی بیٹی نے انھیں ردعمل دینے پر مجبورکردیا، کچھ نہ بنا تو منظور نظر صحافیوں سے طے شدہ سوالات کروا کر میری تضحیک کی گئی.

انھوں نے کہا کہ کٹھ پتلی کبھی اپنی طاقت پر نہیں ناچتی، اگر مہروں، کٹھ پتلیوں کے الزام جاری رہے، تو مجھے تفصیلی وضاحت کا حق ہے، مریم نوازکے بیانات سے پارٹی بندگلی میں جارہی ہے.

انھوں نے کہا کہ میاں صاحب آپ کو اس مقام پرلانےمیں لوگوں کا بھی احسان ہوگا، آپ کو ان لوگوں کا احسان مند ہونا چاہیے. میرے دل میں مریم نواز کے خاندان کا آج بھی احترام ہے، اپنے اوپر آج کے بیان کی حد تک پابندی لگائی ہے، اگر مہروں نےالزامات جاری رکھے، تو بھرپور جواب دینے کا حق رکھتا ہوں۔

واضح رہے کہ گذشتہ روز نواز شریف نے چوہدری نثار سے متعلق پوچھے جانے والے سوال کے جواب میں غالب کا ایک شعر سنایا تھا، جس کے جواب میں چوہدری نثار نے اپنے بیان میں منیر نیازی کا شعر کہا:

ادب کی بات ہے ورنہ منیر سوچو تو

جو شخص سنتا ہے وہ بول بھی تو سکتا ہے

یاد رہے کہ نواز شریف اور چوہدری نثار کے درمیان اختلافات شدت اختیار کر چکے ہیں، گذشتہ دنوں سابق وزیر داخلہ نے پریس کانفرنس کرتے ہوئے اعلان کیا تھا کہ وہ شہباز شریف کو پارٹی لیڈر مانتے ہیں، اگر مریم نواز پارٹی لیڈر بنیں، تو وہ ن لیگ سے الگ ہوجائیں گے۔

اگر مریم نواز پارٹی لیڈر بنیں، تو ن لیگ سے الگ ہوجاؤں گا: چوہدری نثار

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

مارچ 22, 2018
اگر مریم نواز پارٹی لیڈر بنیں، تو ن لیگ سے الگ ہوجاؤں گا: چوہدری نثار

اسلام آباد:‌ سابق وزیرداخلہ چوہدری نثارنے کہا ہے کہ آج ن لیگ میں‌ ایک بھی ایسا آدمی نہیں، جوغلط چیزوں کی نشان دہی کرے.

تفصیلات کے مطابق سابق وزیرداخلہ نے میڈیا سے گفتگو کرتے ہوئے کہا کہ ان کا مسلم لیگ ن سے بہت پرانا تعلق ہے، 34 سال کے دوران کئی بار اختلاف رائے ہوا، البتہ اب جو صورت حال ہے، ایسی پہلے نہیں‌ تھی.

چوہدری نثار نے کہا کہ نوازشریف کے کان بھرے گئے کہ جیل جانے سے عوام کی ہمدردی ملے گی، میری رائے میں یہ تاثر غلط ہے، نوازشریف جیل گئے، تو ان کی سیاست کو شدید نقصان پہنچے گا۔

چوہدری نثار کا کہنا تھا کہ وہ سمجھتے تھے، ن لیگ میں اظہاررائے کی آزادی ہے، مگر اختلاف رائے کی پہلے جو آزادی تھی، وہ اب نہیں، ماضی کے برعکس اس بار حکومت میں آنے کے بعد کئی بار اختلافات ہوئے.

ان کا کہنا تھا کہ اب ن لیگ کے اندرونی ماحول میں تبدیلی آئی ہے، میں نے ہمیشہ پارٹی میں غلط چیزوں کی نشان دہی کی، ن لیگ میں آج مشاورت والا ماحول نہیں۔

انھوں نے کہا کہ میں‌ نے سوائے عزت کے نوازشریف سے کبھی کوئی عہدہ نہیں مانگا، میں نے ان کے داماد کو اپنی قومی اسمبلی کی سیٹ دی، جب تک عزت ملتی رہی حالات ٹھیک رہے.

چوہدری نثار نے دلیری دکھائی کہ مریم کو لیڈر نہیں مانتا: عمران خان

انھوں نے کہا کہ غیب کا علم نہیں، نہیں‌ جانتے کہ نوازشریف نے پیسہ کہاں سے بنایا، لندن والے فلیٹ کہاں سے آئے، پارٹی میں یہ کلچر نہیں کہ پوچھا جائے، پیسہ کہاں سے آیا، پیپلزپارٹی نے 90 کی دہائی میں سب سے پہلے الزامات لگائے تھے، پرویزمشرف دور میں معاملہ عدالتوں میں گیا.

چوہدری نثارنے کہا کہ عدالت نوازشریف اور مریم سے پوچھ رہی ہے، وہ جواب دے رہے ہیں، ہم خود سپریم کورٹ میں کیس لےکر گئے، فیصلہ غلط ہے، تو اس کے ذمہ دار ہم ہیں، واحد شخص ہوں، جس نے سپریم کورٹ جانے سے اختلاف کیا تھا، نوازشریف کو تحفظات ہیں، تو آئینی وقانونی راستہ اپنائیں، نوازشریف کی عدالت سے تصادم کی پالیسی نہیں ہونی چاہیے.

چوہدری نثار نے دلیری دکھائی کہ مریم کو لیڈر نہیں مانتا: عمران خان

انھوں نے کہا کہ شہبازشریف پارٹی لیڈر ہیں، میں انھیں پارٹی لیڈر مانتا ہوں، البتہ مریم پارٹی لیڈر نہیں، اگر وہ لیڈر بنیں، تو میں پارٹی کا حصہ نہیں رہوں گا. خاموشی سے الگ ہوجاؤں گا.

انھوں نے کہا کہ نوازشریف کا بیانیہ نہیں، فقط سیاسی بیان ہے، نوازشریف نے عمران خان کے خلاف پریس کانفرنس کرنے کو کہا تھا، مگر میری عمران خان سے زمانہ طالب علمی سے دوستی ہے. ان سے کہا کہ عمران خان سے تیس سالہ تعلق ہے، اسے بگاڑنے میں بھی تیس سال لگیں گے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مارچ 19, 2018