لاہور: مسلم لیگ ق کے سربراہ چوہدری شجاعت حسین نے کہا ہے کہ جنگیں فوج نہیں، قومیں لڑتی ہیں، قوم متحد ہے۔
ان خیالات کا اظہار انھوں نے میڈیا سے گفتگو کرتے ہوئے کیا. سابق وزیر اعظم کا کہنا تھا کہ دیگر فوجوں سے ہماری فوج کا موازنہ کرنے والے شرم کریں.
چوہدری شجاعت حسین نے کہا کہ ہماری فوج، قوم کا جذبہ اورقربانی سب پرحاوی ہے، بھارت کے مقابلے میں ہماری قوم اور فوج متحد ہے.
سینئر سیاست داں کا کہنا تھا کہ روس، چین اپنا کردار ادا کریں، تاکہ مزید تباہی نہ ہو، ہمارا نظریہ صرف اور صرف پاکستان ہے.
یاد رہے کہ آج پاک فضائیہ کے شیردل جوانوں نے پاکستانی حدود کی خلاف ورزی کرنے والے دو بھارتی جہازوں کو تباہ کردیا تھا، کارروائی میںایک بھارتی پائلٹ ابھے نندن زندہ گرفتار ہوا۔
مزید پڑھیں: وزیراعظم عمران خان کی بھارت کوایک بار پھر مذاکرات کی پیشکش
ڈی جی آئی ایس پی آر میجر جنرل آصف غفور نے آج سہ پہر اہم پریس کانفرنس کرتے ہوئے اس ضمن میں تفصیلات فراہم کی تھیں.
بعد ازاں وزیر اعظم عمران خان نے قوم سے خطاب کرتے ہوئے کہا کہ بھارت کوایک بار پھر مذاکرات کی پیشکش کی اور کہا کہ جنگ کسی بھی مسئلےکاحل نہیں، بیٹھ کربات چیت سےمسائل حل کرنے چاہییں، جارحیت کی توجواب دینا ہماری مجبوری ہوگی۔