اسلام آباد: سپریم کورٹ کےسینئرترین جج جسٹس جوادایس خواجہ نےقائم مقام چیف جسٹس کی حیثیت سے حلف اٹھالیا۔
جسٹس ثاقب نثارنے جسٹس جوادایس خواجہ سےحلف لیا حلف برداری کی تقریب میں سپریم کورٹ کےسینئرججزاوروکلاشریک ہوئے۔
صدرِمملکت نے چیف جسٹس ناصرالملک کے بیرونِ ملک دورے کےسبب جسٹس جوادکو قائم مقام چیف جسٹس پاکستان مقررکرنے کی منظوری دی تھی۔ جسٹس ناصر وفد کے ہمراہ اکتیس اکتوبر سے دس نومبر تک جنوبی کوریا کے سرکاری دورے پرہیں۔
کوئٹہ: بلوچستان ہائیکورٹ کے جج جسٹس غلام مصطفیٰ مینگل نے صوبائی چیف جسٹس کے عہدے کا حلف اٹھا لیا، گورنر بلوچستان محمد خان اچکزئی نے حلف لیا۔
جسٹس غلام مصطفیٰ مینگل دوہزارنو میں بلوچستان ہائیکورٹ کے جج مقرر ہوئے تھے، چیف جسٹس بلوچستان ہائیکورٹ قاضی فائزعیسیٰ کی بحیثیت جج سپریم کورٹ تقرری کے باعث بلوچستان ہائیکورٹ کے چیف جسٹس کے لئے جسٹس غلام مصطفی مینگل کے نام کی منظوری دی گئی تھی۔
گورنرہاؤس کوئٹہ میں حلف برداری تقریب منعقد ہوئی جس میں گورنر بلوچستان محمد خان اچکزئی نے جسٹس غلام مصطفی مینگل سے حلف لیا،تقریب حلف برداری میں میں وزیراعلیٰ بلوچستان ڈاکٹرعبدالمالک کے علاوہ صوبائی وزراء واراکین اسمبلی ،ہائیکورٹ اور ماتحت عدالتوں کے ججز صاحبان اور وکلاء نے شرکت کی۔
اسلام آباد: سپریم کورٹ آف پاکستان نے عمران خان اورطاہرالقادری کوکل عدالت میں اپنےموقف کی وضاحت پیش کرنےکاحکم دےدیا۔ سپریم کورٹ میں ممکنہ ماورائے آئین اقدام اوردھرنوں سے متعلق درخواستوں کی سماعت چیف جسٹس کی سربراہی میں عدالتی بینچ نےکی۔ اعلیٰ عدالت نےدلائل سُننے کے بعد عمران خان اور ڈاکٹرطاہر القادری کونوٹسز جاری کردیئے اورعدالت میں اپنے موقف کی وضاحت کرنےکا حکم دیا۔
چیف جسٹس ناصرالملک نے کہا راستے بند ہونے کے باعث متعددوکلا عدالت نہیں پہنچ سکے،، جسٹس جواد ایس خواجہ نے ریمارکس میں کہا کہ احتجاج کرنا کسی کاحق ہے تو وہ اس طرح نہیں ہوسکتاہے کہ دوسرے کی حق تلفی ہو، آئین میں دیئے گئے بنیادی حقوق کی آڑ میں غیر قانونی طور پرحکومت کے خاتمہ کی اجازت نہیں دی جاسکتی۔
آئین میں حکومت ختم کر نے کےطریقےموجودہیں۔ اُن سےہٹ کرکوئی بھی طریقہ غیرآئینی ہوگا۔کسی کواجازت نہیں دی جاسکتی کہ آزادی اظہاررائےکی آڑمیں انتشار پھیلانےکی کوشش کرے
سابق چیف جسٹس پاکستا ن افتخارمحمدچوہدری نے عمران خان کو ہتک عزت کانوٹس بھجوا دیا۔سابق چیف جسٹس نے الزامات لگانے پر بیس ارب روپے ہرجانہ اداکرنےاورمعافی مانگے کامطالبہ کیا۔
تحریک انصاف کے چئیرمین کے بیانات سےمجھے اور ملک کوناقابل تلافی نقصان پہنچا، عمران خان بیس ارب روپے ہرجانہ ادا کریں اوربیان واپس لے کرمعافی مانگیں۔یہ مطالبہ سابق چیف جسٹس افتخار محمد چوہدری کی جانب عمران خان کو بھجوائے گئے ہتک عزت کا نوٹس میں کیاگیاہے۔
افتخارمحمدچوہدری کےوکلاء نے بتایا یہ نوٹس عمران خان کو اُن بیانات پر دیاجن میں اُنھوں نےسابق چیف جسٹس پر دھاندلی میں ملوث ہونےکے الزامات لگائے۔ پہلے مرحلے میں ہرجانےکانوٹس دیا جس کامقصد پیسے کمانا نہیں بلکہ رقم ملنے پرفلاحی کاموں میں خرچ کی جائےگی۔
افتخارچوہدری کےوکلا کا کہنا تھاعمران خان نےمعافی نہ مانگی توچودہ روز بعدہتک عزت کا دعوی دائرکردیا جائے گا اوراُنھیں الزام ثابت کرنا ہونگے۔
