Tag: Chief Minister of Punjab

  • پرویز الہٰی یا حمزہ شہباز، تخت لاہور پر کون بیٹھے گا؟ فیصلہ آج ہوگا

    پرویز الہٰی یا حمزہ شہباز، تخت لاہور پر کون بیٹھے گا؟ فیصلہ آج ہوگا

    لاہور: پرویز الہٰی یا حمزہ شہباز، تخت لاہور پر کون بیٹھے گا؟ فیصلہ آج ہوگا۔

    سپریم کورٹ کے حکم کے مطابق وزیر اعلیٰ پنجاب کے فری اینڈ فیئر انتخاب کے لیے ووٹنگ آج جمعہ 22 جولائی کو ہوگی، وزیر اعلیٰ کے انتخاب کے لیے حکومتی اتحاد کے امیدوار حمزہ شہباز اور تحریک انصاف و اتحادی جماعت مسلم لیگ ق کے امیدوار پرویز الہٰی میں مقابلہ ہوگا۔

    پنجاب اسمبلی کا اجلاس آج 4 بجے طلب کیا گیا ہے، ڈپٹی اسپیکر دوست محمد مزاری اجلاس کی صدارت کریں گے، ممبران اسمبلی شو آف ہینڈ کے ذریعے اپنا حق رائے دہی استعمال کریں گے۔

    تحریک انصاف نے نمبر پورے ہونے کا دعویٰ کیا ہے، ان کا کہنا ہے کہ 188 ارکان کی حمایت حاصل ہے، حکومتی اتحاد کی تعداد 179 ہے۔

    ڈپٹی اسپیکر پنجاب اسمبلی کا اپنی سکیورٹی کیلیے چیف سیکرٹری کو خط

    ادھر وزیر اعلیٰ پنجاب کے انتخاب کے سلسلے میں اسمبلی میں بدامنی کے منصوبے کا انکشاف ہوا ہے؟ اے آر وائی نیوز نے ڈپٹی اسپیکر دوست محمد مزاری کے خط کا بھانڈا پھوڑ دیا۔ ڈپٹی اسپیکر نے اسمبلی میں سیکیورٹی فورسز کی تعیناتی کا خط تیار کر لیا ہے۔

    خط میں کہا گیا ہے کہ ایوان میں بدامنی کا خطرہ ہے، میری جان کو بھی خطرہ لاحق ہے۔

    اس خط پر کئی سوالات اٹھ گئے ہیں، پی ٹی آئی، ق لیگ کو واضح برتری کے باوجود ڈپٹی اسپیکر نے سیکیورٹی کا خط کیوں تیار کیا؟ ڈپٹی اسپیکر پنجاب اسمبلی کی جانب سے خط پر 22 جولائی کی تاریخ درج ہے، خط پہلے سے کیوں تیار کیا گیا؟

  • ق لیگ نے ایک بار پھر پنجاب کی وزارت اعلیٰ کا مطالبہ حکومت کے  سامنے رکھ دیا

    ق لیگ نے ایک بار پھر پنجاب کی وزارت اعلیٰ کا مطالبہ حکومت کے سامنے رکھ دیا

    لاہور : ق لیگ نے ایک بار پھر حکومت کے سامنے پنجاب کی وزارت اعلیٰ کا مطالبہ رکھ دیا اور کہا ہمیں کلئیر بتائیں ہمارے ساتھ کیا کرنا چاہتے ہیں۔

    تفصیلات کے مطابق وفاقی وزرا اور ق لیگ قیادت کے درمیان ملاقات کا احوال سامنے آگیا ، ذرائع ق لیگ کا کہنا ہے کہ بات سنی ہے، فیصلے کا اختیارصرف پرویز الٰہی کو ہے، ق لیگ نے ایک بارپھرپنجاب کی وزارت اعلیٰ کا مطالبہ سامنے رکھ دیا۔

    طارق بشیر چیمہ کا کہنا تھا کہ اپنے مطالبات اور حکومت سے متعلق تحفظات سامنے رکھ دیے، پرویز الٰہی سیاہ کریں یا سفید ان کے ساتھ ہیں۔

    پی ٹی ائی وزرا نے کہا کہ ہم وزیراعظم کا مکمل اعتماد لے کر آئے ہیں ، وزیراعلی پنجاب عثمان بزدار کی تبدیلی کا ارادہ رکھتےہیں تاہم تبدیلی کب کرنی ہے،نہیں بتایا۔

    رہنما ق کا کہنا تھا کہ ہمیں کلئیربتائیں ہمارے ساتھ کیا کرنا چاہتےہیں، عدم اعتماد پر ووٹنگ سے پہلےکلئیر کریں،بعد میں کوئی فائدہ نہیں ، جس پر وفاقی وزرا نے کہا ہم لگے ہوئے ہیں ، آپ کو طے کرہی بتائیں گے۔

    یادرہے وزیر خارجہ شاہ محمود قریشی اور وزیر دفاع پرویز خٹک کی چوہدری پرویز الہی سے ملاقات ہوئی ، ملاقات میں وفاقی وزرا نے وزیر اعظم عمران خان کا پیغام چوہدری برادران تک پہنچایا۔

    دوران ملاقات طارق بشیر چیمہ نے ساڑھے تین سال میں پارٹی کو درپیش مسائل سے آگاہ کیا، جس پر پی ٹی آئی وزراء نے کہا وزیراعظم عمران خان کو اس ساری صورتحال سے آگاہ کریں گے۔

    پرویز الہی کا کہنا تھا کہ آج کی ملاقات سے متعلق چوہدری شجاعت کو اعتماد میں لیں گے اور آئندہ ملاقات اسلام آباد میں ہو گی۔

  • "پی ڈی ایم  صرف دکھاوے کا اتحاد ہے”

    "پی ڈی ایم صرف دکھاوے کا اتحاد ہے”

    لاہور: وزیراعلیٰ پنجاب سردار عثمان بزدار نے اپوزیشن کو آڑے ہاتھوں لیتے ہوئے کہا کہ جو مرضی کرلیں، حکومت کےخلاف سازش کامیاب نہیں ہوگی۔

    تفصیلات کے مطابق وزیراعلیٰ پنجاب سے وزیر مملکت محمدمحبوب سلطان، ایم این اے غلام بی بی بھروانہ ، ایم پی اے شہبازاحمد نے ملاقات کی، ملاقات میں باہمی دلچسپی کےامور، فلاح عامہ کی اسکیموں اور ترقیاتی منصوبوں پر تبادلہ خیال کیا گیا۔

    اس موقع پر عثمان بزدار نے کہا کہ عوام کے مسائل کےحل کےلئےدن رات ایک کئے ہوئےہیں، منتخب نمائندوں کی مشاورت سےعوامی مسائل حل کررہےہیں۔

    ارکان اسمبلی سے گفتگو میں وزیراعلیٰ پنجاب نے کہا کہ قوم کو وزیراعظم عمران خان کی قیادت پر غیر متزلزل اعتمادہے، اپوزیشن کو ہدف تنقید بناتے ہوئے عثمان بزدار نے کہا کہ اپوزیشن نے ہمیشہ منفی کردار ادا کیا، وزیراعظم عمران خان کی ایمانداری کے سامنےکرپٹ عناصر کی کوئی حیثیت نہیں، عوامی ترقی کےراستےمیں اپوزیشن کےمنفی حربے برداشت نہیں کیےجائیں گے۔

    انہوں نے مزید کہا کہ پی ڈی ایم صرف دکھاوےکا اتحادہے، اپوزیشن جومرضی کرلیں،حکومت کےخلاف سازش کامیاب نہیں ہوگی۔

  • صدر عارف علوی سے وزیر اعلیٰ پنجاب عثمان بزدار کی ملاقات

    صدر عارف علوی سے وزیر اعلیٰ پنجاب عثمان بزدار کی ملاقات

    لاہور: صدر مملکت ڈاکٹر عارف علوی سے وزیر اعلیٰ پنجاب عثمان بزدار کی ملاقات ہوئی جس میں صوبے کے مختلف امور پر تبادلہ خیال ہوا۔

    تفصیلات کے مطابق صدر مملکت ڈاکٹر عارف علوی سے وزیر اعلیٰ پنجاب عثمان بزدار کی ملاقات ہوئی۔ ملاقات میں وزیر اعظم کے معاون خصوصی نعیم الحق بھی موجود تھے۔

    وزیر اعلیٰ پنجاب نے صدر مملکت کو سانحہ چونیاں کے ملزم کی گرفتاری اور سانحہ چونیاں جیسے واقعات کے تدارک کی حکومتی کوششوں سے آگاہ کیا۔

    وزیرِ اعلیٰ پنجاب نے انسداد ڈینگی اقدامات سے متعلق اقدامات پر بھی بریفنگ دی جبکہ سڑکوں کے پروگرام ’نیا پاکستان منزلیں آسان‘ کے خدوخال سے آگاہ کیا۔

    اس موقع پر صوبائی وزیر برائے صحت یاسمین راشد اور معاون خصوصی برائے صحت ڈاکٹرظفر مرزا بھی موجود تھے۔ وزیر صحت یاسمین راشد نے پنجاب میں صحت کے منصوبوں سے آگاہ کیا۔

    یاسمین راشد کا کہنا تھا کہ وزیر اعظم کے وژن کے مطابق شعبہ صحت میں آسانیاں پیدا کر رہے ہیں۔ انہوں نے ڈینگی پر قابو پانے کے لیے حکومتی اقدامات سے بھی آگاہ کیا۔

  • بھارت غلط فہمی میں نہ رہے، قوم فوج کے شانہ بہ شانہ کھڑی ہے: شہباز شریف

    بھارت غلط فہمی میں نہ رہے، قوم فوج کے شانہ بہ شانہ کھڑی ہے: شہباز شریف

    لاہور: وزیر اعلیٰ پنجاب شہبازشریف نے سیالکوٹ ورکنگ باؤنڈری پر بھارتی اشتعال انگیزی کی بھرپور مذمت کرتے ہوئے کہا ہے کہ بھارت غلط فہمی میں نہ رہے، قوم پاک فوج کے شانہ بشانہ کھڑی ہے.

    ان خیالات کا اظہار انھوں نے بھارتی فائرنگ سے جان بحق ہونے والے افراد اور ان کے اہل خانہ سے اظہار ہمدردی کرتے ہوئے کیا.

    شہبازشریف نے کہا کہ سرحدی علاقوں سے نقل مکانی کرنے والوں کے لئے خصوصی ریلیف کیمپ قائم کیے جائیں اور تمام سہولیات فراہم کی جائیں‌.

    انھوں‌ نے واقعے پر گہرے دکھ کا اظہار کرتے ہوئے کہا کہ پاک فوج بھارتی فورسزکو منہ توڑ جواب دینے کی صلاحیت رکھتی ہے.

    یاد رہے کہ گذشتہ روز بھارت کی جانب سے ورکنگ باؤنڈری پر بلا اشتعال فائرنگ سے دو خواتین سمیت پانچ افراد شہید اور کئی زخمی ہوگئے تھے، جس کے بعد بھارتی ڈپٹی ہائی کمشنر کو دفتر خارجہ طلب کرلیا تھا۔

    بھارتی ڈپٹی ہائی کمشنر کی تیسری بار دفتر خارجہ طلبی

    بھارتی ڈپٹی ہائی کمشنر جے پی سنگھ کو جمعہ کے روز بھی دفتر خارجہ طلب کرکے بھارتی جارحیت پر احتجاج کیا گیا. یہ رواں ہفتے تیسری دفعہ طلبی ہے۔

    یاد رہے کہ بھارتی سیکیورٹی فورسز کی فائرنگ دوسرے روز بھی جاری رہی. بھارتی فورسزنے چارواہ اورہڑپال سیکٹرپربلااشتعال فائرنگ کی، جس کی وجہ  سے سرحدی علاقے کے مکینوں کو نقل مکانی پر مجبور ہونا پڑا۔

    فورسزنے پاک افغان بارڈرپر عمرایف ایم ریڈیو ٹاور کوتباہ کردیا

    اس سے قبل اسی ہفتے 15 جنوری کو بھارتی فوج نے ورکنگ باؤنڈری کی خلاف ورزی کرتے ہوئے کوٹلی سیکٹر پر مارٹر فائر کیے تھے جس کے نتیجے میں 4 پاکستانی جوان شہید ہوگئے تھے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔