ARYNews.tv | Urdu – Har Lamha Bakhabar

Tag: Chief Minister

  • نتیش کماراستعفےکےایک دن بعد دوبارہ بہار کےوزیراعلیٰ بن گئے

    نتیش کماراستعفےکےایک دن بعد دوبارہ بہار کےوزیراعلیٰ بن گئے

    پٹنہ : بھارتی ریاست بہار کے وزیر اعلیٰ نتیش کمار نے بدھ کے روز اپنے عہدے سے مستعفی ہونے کے بعد دوبارہ وزیراعلیٰ کے عہدے کا حلف اٹھا لیا۔

    تفصیلات کےمطابق نتیش کمار نے بدھ کے روز اپنےعہدے سے مستعفی ہونے کے بعد آج وزیراعلیٰ کے عہدے کا حلف اٹھا لیا۔ گورنر کیسری ناتھ ترپاٹھی نے پٹنہ کے راجندر پویلین ہال میں ان سے عہدے کا حلف لیا۔

    جنتا دل یونائٹڈ کےرہنما نتیش کمار بھارتی ریاست بہار کے 22 ویں وزیراعلیٰ بن گئے ہیں۔

    نتیش کمار کے ساتھ ہی بی جے پی کے رہنما سوشیل کمار مودی نے بھی نائب وزیراعلیٰ کےعہدے کا حلف اٹھا لیا۔

    دوسری جانب بھارتی وزیراعظم نریندر مودی نےسماجی رابطے کی ویب سائٹ ٹویٹر پراپنے پیغام نتیش کمار کو بی جے پی کے ساتھ حکومت تشکیل دینے پر مبارک باد دی ہے۔

    واضح رہےکہ گزشتہ روز لالو پرساد یادو کی پریس کانفرنس کے چند گھنٹوں بعد نتیش کمار نے’اس ماحول میں کام کرنا ممکن نہیں‘ کہتے ہوئے وزیر اعلیٰ کے عہدے سے استعفیٰ دے دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شریف خاندان نے ایک روپے کا قرض معاف نہیں کرایا، شہبازشریف

    شریف خاندان نے ایک روپے کا قرض معاف نہیں کرایا، شہبازشریف

    لاہور: وزیراعلیٰ پنجاب شہباز شریف کا کہنا ہے کہ شریف خاندان نے ایک روپے کا قرض معاف نہیں کرایا، مشرف نے دوہزار دو میں سرکاری نوٹیفیکیشن کے ذریعے اربوں کے قرضے معاف کیے ۔

    وزیراعلیٰ پنجاب شہباز شریف نے نیب رپورٹ مسترد کردی، لاہور میں پریس کانفرنس کرتے ہوئے شہباز شریف نے کہا کہ سود سمیت پانچ ارب سے زائد قرضے بینکوں کو ادا کئے۔

     ان کا کہنا تھا کہ مشرف دور میں سرکاری نوٹیفیکیشن کے ذریعے قرضے معاف کئے گئے۔

    شہباز شریف نے کہا کوئی سیاستدان قرضہ معاف نہ کرانےکادعویٰ نہیں کرسکتا،بینکوں کو ادائیگی کےکلیئرنس سرٹی فکیٹس بھی موجود ہیں۔

  • این اے 246: کیمرے اور بائیو میٹرک نظام نصب نہیں کرسکتے، قائم علی شاہ

    این اے 246: کیمرے اور بائیو میٹرک نظام نصب نہیں کرسکتے، قائم علی شاہ

    جامشورو : وزیر اعلیٰ سندھ سید قائم علی شاہ نے کہا ہے کہ کراچی کے این اے 246 کے ضمنی انتخاب میں سی سی ٹی وی کیمراز اور بائیو میٹرک نظام نصب نہیں کر سکتے۔

    تفصیلات کے مطابق وزیر اعلیٰ سندھ سید قائم علی شاہ نے کہا ہے کہ رینجرز نے کراچی میں ہونے والے ضنمی الیکشن میں حکومت کو سی سی ٹی وی کیمراز اور بائیو میٹرک نظام نصب کرنے کی تجاویز دی ہیں اور اس ضمن میں رینجرز نے الیکشن کمیشن سے بھی رابطہ کیا ہے۔

    انہوں نے کہا کہ ضمنی انتخابات میں کم وقت ہونے کی وجہ سے دونوں تجاویز پر عمل نہیں کیا جاسکتا اور اگر اس طرح کے اقدامات کئے گئے تو عام انتخابات کے دوران ملک بھر میں ایسے اقدامات کے لئے وفاق اور صوبائی حکومتوں کے پاس وسائل ہی نہیں ہوں گے ۔

    یہ بات انہوں نے ضلع جامشورو میں سپرہائی وے پرعالمی ادارہ خوراک کی تنظیم کی جانب سے سندھ میں قدرتی آفات کے نقصانات کو کم کرنے اور فوری طور پر امدادی سرگرمیاں شروع کرنے کے لیے ہیومینی ٹیرین ریسپانس فیسلیٹی ویئر ہاؤسیز کی پراوینشل ڈزاسٹر مینجمنٹ اتھارٹی ( پی ڈی ایم اے) کے حوالے کرنے کی افتتاحی تقریب کے موقع پر میڈیا سے باتیں کرتے ہوئے کہی۔

    وزیر اعلیٰ سندھ سید قائم علی شاہ نے کہا کہ کراچی کے ضمنی انتخابات کے دوران پاک فوج کو مقرر کرنے کا مطالبہ تمام جماعتوں نے مشترکہ طور پر کیا جبکہ ملک کے شمالی علاقوں میں آپریشن ضرب عضب کی وجہ سے ضمنی انتخابات کی ذمہ داری رینجرز کے حوالے کی گئی ہے اور حکومت سندھ کی اولین کوشش ہے کہ پُر امن طریقے سے شفاف انتخابات کو یقینی بنایا جاسکے۔

    ایک سوال پر انہوں نے کہا کہ سندھ میں نیشنل ایکشن پلان کے تحت آپریشن سے امن و امان کی صورتحال میں بہتری آئی ہے اور آپریشن کا یہ سلسلہ جاری رہے گا، تاکہ سندھ سے جرائم کی بیخ کنی کی جاسکے اور اس ضمن میں پارٹی کے شریک چیرمین آصف علی زرداری نے بھی واضح ہدایت دیں ہیں کہ سندھ کے امن و امان پر کسی بھی قسم کی سودے بازی نہ کی جائے۔

  • شہبازشریف نے بارش متاثرہ علاقوں کادورہ کیا

    شہبازشریف نے بارش متاثرہ علاقوں کادورہ کیا

    لاہور: وزیرِاعلیٰ شہباز شریف نے بارش سے متاثرہ علاقوں کا دورہ کیا اور شدید بارشوں سے پیدا ہونے والی صورتحال کا جائزہ لیا۔

    ذرائع کے مطابق وزیرِاعلیٰ پنجاب  نے شدید بارشوں سے پیدا ہونے والی صورتحال کا جائزہ لینے کے لئے سیالکوٹ، کشمیر روڈ، ماڈل ٹاﺅن ،چائنہ ٹاﺅن،لاری اڈہ سمیت مختلف علاقوں کا دورہ کیا ۔

    وزیرِاعلیٰ نےعوام سے ان کی مشکلات کے بارے میں دریافت کیا اوران کی شکایات حل کرنے کے لئےموقع پر ہی ہدایات جاری کیں-انہوں نے انتظامیہ کو ہدایت کرتے ہوئے کہا کہ نکاسیِ آب میں کوئی کوتاہی یاغفلت برداشت نہیں کی جائے گی۔

      پی ڈی ایم اے کے ڈائرکٹر جنرل ظہیرعباس کا کہنا ہے کہ وزیراعلیٰ پنجاب کی ہدایت پربارشوں سے متاثرہ دس شہروں میں امدادی سرگرمیوں کو مزید تیز کر دیا گیا ہے کسی بھی ہنگامی صورتحال سے نمٹنے کے لئے حافظ آباد، ساہیوال، اوکاڑہ،گوجرانوالہ،سیالکوٹ،ٹوبہ ٹیک سنگھ، منڈی بہاؤالدین ، نارروال، چنیوٹ،  خانیوال اور ننکانہ صاحب انتظامیہ کو چھوٹی بڑی موٹر بوٹس ،خیمے اور لائف جیکٹس فراہم کر دی ہیں۔