کراچی: سندھ میں چیف سیکریٹری کی تبدیلی کا معمہ حل ہوگیا، وفاق چیف سیکریٹری سندھ سجاد سلیم ہوتیانہ کو ہٹانے پر راضی ہوگیا۔
ذرائع کے مطابق وزیرِاعلیٰ سندھ سید قائم علی شاہ نے گزشتہ دو روز قبل معاملے کے حل کیلئے وزیرِاعلیٰ پنجاب شہباز شریف سے لاہور میں ملاقات کی تھی۔
وفاقی حکومت نے سجاد سلیم ہوتیانہ کو چیف سیکریٹری سندھ کا چارج چھوڑنے کی ہدایت کردی ہے۔
وفاق نے نئے چیف سیکریٹری سندھ کیلئے عارف احمد خان، عارف عظیم اور صدیق میمن کے نام دیئے ہیں، سندھ حکومت کی خواہش ہے کہ صدیق میمن سندھ کے نئے چیف سیکریٹری ہوں۔
