Tag: child protection bureau

  • عید کی آمد : پنجاب بھر سے سیکڑوں گداگر بچے تحویل میں لے لیے گئے

    عید کی آمد : پنجاب بھر سے سیکڑوں گداگر بچے تحویل میں لے لیے گئے

    اہور : عید قریب آتے ہی لاہور کی مارکیٹوں اور شاہراہوں پر گداگر بچوں کا رش لگنے لگا، شہر میں گداگر بچوں کو تحویل میں لینے کے لیے پولیس ایکشن میں آگئی۔

    تفصیلات کے مطابق لاہور کی بڑی مارکیٹوں کے باہر چائلڈ پروٹیکشن بیورو کی جانب سے گداگر بچوں کے خلاف آپریشن کیا گیا۔ چئیر پرسن سارا احمد کی سربراہی میں کارروائی کرتے ہوئے سی پی بی کے عملے نے چھیالیس جبکہ پنجاب بھر سے دو سو پینتیس بچوں کو تحویل میں لیا گیا۔

    اس حوالے سے چئیرپرسن چائلڈ پروٹٰکشن یونٹ چئیرپرسن سارا احمد نے میڈیا سے گفتگو کرتے ہوئے کہا کہ لاہور بیورو میں360 بچے زیر کفالت ہیں تاہم وزیر اعلیٰ پنجاب عثمان بزدار سے ادارے میں مزید بہتری کے لئے بھی درخواست کی گئی ہے۔

    چئیر پرسن سارا احمد کا مزید کہنا تھا کہ بچے قوم کا قیمتی سرمایہ ہیں تاہم یتیم و بے سہارا بچوں کی کفالت چائلڈ پروٹیکشن بیورو کی ذمہ داری ہے۔

    یاد رہے کہ گزشتہ ماہ بھی لاہور پولیس کی جانب سے گداگری ایکٹ کی خلاف ورزی پر کریک ڈاﺅن کیا گیا، پولیس نے کارروائی کرتے ہوئے 42بھکاری گرفتار کر کے ان ککیخلاف مقدمات درج کیے گئے تھے۔

    مزید پڑھیں: لاہور پولیس نے کریک ڈاؤن میں 42 بھکاری گرفتار کر لیے

    واضح رہے کہ لاہور میں بھکاریوں کی بڑھتی ہوئی تعداد ماضی میں بھی ایک مسئلہ رہا ہے، جس کے تدارک کے لیے انتظامیہ متعدد بار کارروائی کر چکی ہے تاہم خاطرِ خواہ نتائج برآمد نہیں ہوسکے۔

    بھکاریوں میں خواتین کی بہت بڑی تعداد بھی شامل ہے جن کے بارے میں کہا جاتا ہے کہ یہ خواتین بچوں کے اغواء اور دیگر وارداتوں میں بھی ملوث رہی ہیں۔

  • چاکلیٹ کھانے پرکم سن ملازمہ کے ہاتھ جلا دیے

    چاکلیٹ کھانے پرکم سن ملازمہ کے ہاتھ جلا دیے

    لاہور : پنجاب کے صوبائی دارالحکومت کے علاقے گلشن راوی میں کمسن گھریلو ملازمہ پر مبینہ تشدد کا ایک اور واقعہ سامنے آیا ہے،بچی کا الزام ہے کہ اسے مالکان کے بچوں کی چاکلیٹ کھانے پر استری سے جلایا گیا،متاثرہ بچی کو چائلڈ پروٹیکشن بیورو نے تحویل میں لے لیا۔

    تفصیلات کے مطابق لاہور کے علاقے گلشنِ راوی میں کمسن گھریلو ملازمہ پر بہیمانہ تشدد کا ایک اور واقعہ سامنے آیا ہے‘ ۹ سالہ شکیلہ نے الزام عائد کیا ہےکہ اس کے مالکان نے بنا پوچھے چاکلیٹ کھانے پر اسے استری سے جلایا ہے۔
    ذرائع کا کہنا ہے کہ گلشنِ راوی کے رہائشی بلال اور اس کی اہلیہ نے اُن کے بچوں کی چاکلیٹ کھانے پر تشدد کا نشانہ بنایا،استری سے ہاتھ جلائے ،بال نوچے اور پھر گھر سے نکال دیا۔

    متاثرہ بچی مضروب حالت میں گلی میں بیٹھی رو رہی تھی تو اہل محلہ میں سے ایک شخص تھانے لے گیا۔پولیس نے مالک بلال کو بلایا اور تو وہ اور اس کی اہلیہ تین گھنٹے تک آئیں بائیں شائیں کرتے رہے۔ اس موقع پر شکیلہ کو تھانے لانے والے شہری نے احتجاج کیا تو اسے تھانے سے نکال دیا گیا اور معاملہ چائلڈ پروٹیکشن بیورو کے پاس چلا گیا۔

    یہ بھی پڑھیں


    ٹی وی اینکرکاملازمہ پر تشدد 

    جج کے گھر میں کمسن ملازمہ پرتشدد

    چئیر پرسن چائلڈ پروٹیکشن بیورو سے تعلق رکھنے والی صبا صادق نے مالکان کے خلاف مقدمہ درج کرادیا ہے ،ان کا کہنا ہے کہ متاثرہ بچی کو مکمل طبی اور قانونی معاونت فراہم کی جائے گی۔

    یاد رہے کہ گزشتہ سال اسی نوعیت کا ایک واقعہ لاہور میں رپورٹ ہوا تھا ‘ جب ایک معروف ٹی وی اینکر پر الزام عائد کیا گیا تھا کہ انہوں نے ایک کمسن بچی کو والدین کی مرضی کے خلاف حبسِ بے جا میں رکھا اور اسے تشدد کا نشانہ بھی بنایا‘ اس موقع پر تھانہ سندر کی پولیس نے کارروائی کرتے ہوئے بچی کو اسکے والدین کے حوالے کیا تھا۔

    انہی دنوں سابق لیگی ایم این اے رشید اکبر نوانی اورسابق ایم پی اے سعید اکبر نوانی کے گھر میں ملازمہ پر تشدد کی کہانی سامنے آئی تھی ‘ سر عام کی ٹیم نے ایک کارروائی کے دوران مذکورہ بچی کو بازیاب کرایا، بچی کے ہاتھوں پیروں پر تشدد کے نشانات واضح تھے ، لوہے کی دہکتی سلاخوں سے جلایا گیا تھا۔ بارہ سالہ آمنہ کو ڈرایا دھمکایا اور مارا پیٹا گیااور سر سے پیر تک زخموں سے چور حالت میں چائلڈ پروٹیکشن بیورو کے حوالے کی گئی تھی۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

  • پنجاب بھرسے6518بچے بازیاب کرائے گئے، ادارہ تحفظ برائے اطفال

    پنجاب بھرسے6518بچے بازیاب کرائے گئے، ادارہ تحفظ برائے اطفال

    لاہور : ادارہ تحفظ برائے اطفال کے ترجمان نے کہا ہے کہ رواں سال پنجاب بھر سے 6518 بچے بازیاب کرائے گئے۔

    تفصیلات کے مطابق ادارہ تحفظ برائے اطفال (چائلڈ پروٹیکشن ویلفیئربیورو) پنجاب نے ایک سالانہ رپورٹ جاری کی ہے جس میں بتایا گیا ہے کہ رواں سال پنجاب بھر سے 6518 بچے بازیاب کرائےگئے اور مختلف شہروں سے 145 بچے لاپتہ ہوئے۔

    رپورٹ میں مزید کہا گیا ہے کہ لاہور سے 1614 بچے ریسکیو اور 1309 بازیاب کرائے گئے جبکہ گوجرانوالہ سے 1059 بچے ریسکیو اور 954 بازیاب ، فیصل آباد سے 896 بچے ریسکیو اور 918 بازیاب، راولپنڈی سے 1183 بچے ریسکیو اور1200 بازیاب کرائے گئے۔

    رپورٹ کے مطابق سیالکوٹ سے 1336 بچے ریسکیو اور1170 بچے بازیاب، ملتان سے 642 بچے ریسکیو اور640 بچے بازیاب کرائےگئے۔

    اس کے علاوہ بہاولپور سے 328 بچے ریسکیو اور306 بچے بازیاب اور رحیم یارخان سے 24 بچے ریسکیو اور24 بچےبازیاب کرائے گئے ہیں۔

    یاد رہے کہ گزشتہ سال30مئی کو لاہور کے علاقے شالامار لنک روڈ کے قریب چائلڈ پروٹیکشن بیورو کے دفتر کے ریکارڈ روم میں شارٹ سرکٹ کے باعث آگ لگنے سے سارا ریکارڈ جل کر راکھ ہوگیا تھا،تاہم کوئی جانی نقصان نہیں ہوا۔

    اس موقع پر چائلڈ پروٹیکشن بیورو کی انتظامیہ نے سنیئر افسران کے حکم پر میڈیا نمائندوں کو دفترمیں داخل ہونے اور کوریج سے روک دیاتھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • فیصل آباد : نامعلوم افراد معذورنومولود بچی کو فٹ پاتھ پرچھوڑ گئے

    فیصل آباد : نامعلوم افراد معذورنومولود بچی کو فٹ پاتھ پرچھوڑ گئے

    فیصل آباد : سفاک والدین ایک نومولود معذور بچی کو سڑک کنارے پھینک گئے، پولیس اہلکار نے بچی کو چائلڈ پروٹیکشن بیورو پہنچایا۔

    تفصیلات کے مطابق فیصل آباد میں ایک نہایت افسوسناک واقعہ پیش آیا، نامعلوم افراد ایک معذور نومولود بچی کو جیل روڈ کی فٹ پاتھ پر مرنے کیلئے چھوڑ کر چلے گئے۔

    مذکورہ بچی کا ایک پیر ٹیڑھا تھا اور شاید اسی لیے اس کے ماں باپ نے اسے اپنانا گوارا نہ کیا، بعد ازاں ایک پولیس اہلکار نے بچی کو لاوارث حالت میں دیکھا تو چائلڈ پروٹیکشن بیورو کو اطلاع دی۔

    اطلاع ملنے کے بعد فوری طور پر سی پی بی کے رضاکاروں نے بچی کو ابتدائی طبی امداد کیلئے ہلال احمر اسپتال منتقل کیا، جہاں اس کی حالت خطرے سے باہر بتائی جارہی ہے۔


    مزید پڑھیں: نومولود بچی پیدا ہوتے ہی چلنا شروع


    اس کے علاوہ رات گئے رنگ پور میں بھی ایک نوزائیدہ بچی ملی ہے جسے ایک شہری نے اسے رورل ہیلتھ سینٹر پہنچایا، ڈاکٹر کا کہنا ہے کہ بچی صحت مند ہے، پولیس نے مقدمات درج کرکے تفتیش شروع کر دی ہے۔


    مزید پڑھیں: لاہور، قبر سے نومولود بچی کی لاش غائب


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عید پرمیری دعا ہے کہ اللہ پاک عمران خان کو بڑا کردے، خواجہ سعد رفیق

    عید پرمیری دعا ہے کہ اللہ پاک عمران خان کو بڑا کردے، خواجہ سعد رفیق

    لاہور : وفاقی وزیر ریلویز خواجہ سعد رفیق نے کہا ہے کہ عید کے روز ہاتھ اٹھا کر دعا مانگتا ہوں کہ اللہ تعالیٰ عمران خان کو بڑا کر دیں۔

    ان خیالات کا اظہار انہوں نے چائلڈ پروٹیکشن بیورو میں میڈیا سے گفتگو کرتے ہوئے کیا، تفصیلات کے مطابق بے سہارا بچوں کو عید کی خوشیاں دینے کے لئے چائلڈ پروٹیکشن بیورو میں میلے کا انعقاد کیا گیا۔ خواجہ سعد رفیق اپنی اہلیہ کے ہمراہ میلے میں پہنچے تو بچوں نے ان کا بھرپور استقبال کیا۔

    وفاقی وزیر ریلویز خواجہ سعد رفیق نے ان بچوں کے ساتھ عید منائی اور تحائف بھی تقسیم کئے۔ ان کا کہنا تھا کہ ان بچوں کی کفالت کرنا بہت عظیم کام ہے۔

    اس موقع پر خواجہ سعدرفیق نے میڈیا سے بات چیت کرتے ہوئے کہا کہ عمران خان کو میری طرف سے عید مبارک ہو اور اس مبارک دن ہاتھ اٹھا کر دعا کرتا ہوں کہ اللہ تعالیٰ انہیں بڑاکر دیں۔

    ان کا کہنا تھا کہ پاکستان موجودہ صورتحال میں دھرنوں اور بچگانہ سیاست کا متحمل نہیں ہو سکتا۔ میرے نزدیک پاکستان میں اپوزیشن ہے ہی نہیں۔ کیونکہ چاروں صوبوں میں تین سیاسی جماعتوں کی حکومتیں ہیں۔ جو جماعت اچھا کام کرے گی، عوام اسی کو ووٹ دیں گے۔

    ایک سوال کے جواب میں انہوں نے کہا کہ خورشید شاہ ان کے بھائیوں کی طرح ہیں۔ اس لئے وہ ان کی کسی بھی بات کا برا نہیں مناتے۔

    چائلڈ پروٹیکشن بیورو میں رہائش پذیر بچوں کا کہنا تھا کہ عید کے روز انہیں ان کے والدین کی یاد تو آتی ہے، لیکن وہ اپنے دوستوں کے ساتھ بھی یہاں بہت خوش ہیں۔

    خواجہ سعد رفیق نے مسلم لیگ ن لاہور کے صدر پرویز ملک کے ہمراہ بچوں میں تحائف تقسیم کیے اور بچوں کے ساتھ کھانا بھی کھایا۔

     

  • لاہور:مالک کے تشدد کا شکارکمسن بچی چائلڈ پروٹیکشن بیورو پہنچ گئی

    لاہور:مالک کے تشدد کا شکارکمسن بچی چائلڈ پروٹیکشن بیورو پہنچ گئی

    لاہور : پوش علاقے ڈیفنس میں مالک مکان کےمبینہ تشدد کا شکار8 سالہ بچی پولیس نے چائلڈ پروٹیکشن بیورو کے حوالے کردی۔

    پولیس کے مطابق ساہیوال کی رہائشی کوثرنامی بچی ڈیفنس بی کے علاقے میں میاں آفتاب کے گھر میں گزشتہ دو ماہ سے 3500 ماہوارتنخواہ پرملازمت کررہی تھی کہ موقع دیکھ کرگھرسے بھاگ کربس اڈے پر پہنچ گئی۔

    کوثرکا کہنا ہے مالک مکان اسے معمولی معمولی باتوں پر تشدد کا نشانہ بناتا تھا جس پربچی نے اسے متعدد بار کہا کہ اسے گھر واپس بھجوا دیا جائے لیکن مالک مکان نے س کی درخواست قبول نہیں کی۔

    کوثر کا باپ فوت ہو چکا ہے جبکہ اس کی 2 بہنیں بھی گھروں میں ملازمت کرتی ہیں۔

    گلبرگ پولیس نے کوثر کو چائلڈ پروٹیکشن بیورو کے حوالے کردیا ہے جہاں اس کا طبی معائنہ کیا گیا ہے اورواقع کی تحقیقات جاری ہیں۔