ممبئی: بالی ووڈ اداکار اور معروف شخصیات مداحوں کے ساتھ رابطہ میں رہنے کے لیے سوشل میڈیا پر کافی متحرک نظر آتی ہیں اور اکثر اپنی تصاویر شیئر کرتی ہیں۔
سوشل میڈیا صارفین اور خصو صاً مداح تصاویر اور ویڈیوز کو نہ صرف پسند کرتے ہیں بلکہ اپنی ہردل عزیز شخصیت کو نئے روپ میں دیکھ کر خوش بھی ہوتے ہیں۔
ان تصاویر یا ویڈیوز کو شیئر کرنے کا مقصد مداحوں کے ساتھ وقتاً فوقتاً رابطہ رکھنا اور انہیں اپنے کام یا زندگی سے متعلق آگاہی دینا ہوتا ہے۔
انٹرنیٹ پر ایک چھوٹی بچی کی تصویر سامنے آئی جس نے ہاتھ میں بستہ اور تھرماس پکڑا ہوا ہے۔ یہ دراصل اصل بالی ووڈ کے بچن کی یادگار تصویر ہے۔
دیکھیں: خاتون پاکستانی کرکٹر کی تصویر وائرل
تصویر وائرل ہونے کے بعد صارفین اداکارہ کا نام بوجھنے لگے البتہ اس الجھن کو تھوڑی دیر بعد انہوں نے خود ہی دور کردیا۔ انسٹاگرام پر اپنی پوسٹ میں دپیکا پڈوکون نے بتایا کہ یہ اُن کے بچن کی تصویر ہے اور وہ اس وقت اسکول جانے کی تیاری کررہی تھیں۔ اداکارہ کی تصویر کو مداحوں نے پسند کیا اور تبصرے بھی کیے۔
زیادہ تر صارفین کو یقین نہیں آیا اور انہوں نے دپیکا سے پوچھا کیا واقعی یہ آپ ہی ہیں جبکہ جنہیں یقین آیا انہوں نے اداکارہ کو معصوم اور خوبصورت قرار دیا۔
یہ بھی دیکھیں: دپیکا کے دلہا کا بچپن ، تصویر وائرل
یاد رہے کہ دپیکا پڈوکون نے گزشتہ برس اٹلی کے شہر لیک کومو میں شادی کی اور پھر بھارت میں ساتھی فنکاروں کے لیے شاندار استقبالیہ تقاریب کا اہتمام کیا تھا جس میں بالی ووڈ کی تمام ہی شخصیات شریک ہوئیں مگر رنبیر کی عدم شرکت نے ایک بار پھر افواہوں کو تقویت دی۔
