Tag: China

بیجنگ: چین میں ایک سونے کی کان میں گزشتہ 2 ہفتوں سے زندگی اور موت کی جنگ لڑنے والے کان کنوں میں سے 9 ہلاک ہو گئے ہیں۔

تفصیلات کے مطابق مشرقی چین کے صوبہ شانڈونگ کے شہر یانتائی میں ہوشان نامی ایک کان میں دھماکے کے باعث دو ہفتوں سے 22 کان کن پھنسے ہوئے تھے، جن میں سے اتوار کو 11 کان کنوں کو بحفاظت زندہ نکال لیا گیا تھا۔

غیر ملکی میڈیا کے مطابق پھنسے ہوئے کان کنوں میں سے 9 ہلاک ہو گئے ہیں، چین کے سرکاری ٹی وی نے کہا ہے کہ اتوار کی دوپہر سے کان کنوں کی تلاش کا سلسلہ جاری ہے، 9 پھنسے ہوئے کان کن بد قسمتی سے ہلاک ہو گئے ہیں۔

کان میں دھماکے کے بعد ایک شخص شدید زخمی ہوا تھا اور سر پر چوٹ کی وجہ سے اس کے ہلاک ہونے کی بھی تصدیق کی گئی تھی۔

سونے کی کان میں دو ہفتے زندگی اور موت کی جنگ لڑنے والے کان کنوں کو زندہ نکال لیا گیا

امدادی کارکنوں نے ڈرلنگ کر کے کان کنوں تک خوراک اور ادویات پہنچائی تھیں، اس آپریشن میں 600 سے زیادہ امدادی کارکنوں نے حصہ لیا تھا، امدادی کارکنوں نے جمعے کو کہا تھا کہ دیگر کان کنوں کو باہر لانے میں مزید دو ہفتے لگ سکتے ہیں۔

سونے کی کان میں 8 دنوں سے زندگی اور موت کی جنگ لڑنے والے کان کنوں نے اہم پیغام بھیج دیا

واضح رہے کہ چین میں کان کنی کے حادثات معمول کی بات ہے، دسمبر میں چین کے جنوب مغربی شہر چوچنگ کی کان میں 23 کان کن پھنس کر ہلاک ہوگئے تھے۔

بیجنگ: چین میں ایک سونے کی کان میں 13 دنوں سے زندگی اور موت کی جنگ لڑنے والے کان کنوں میں سے آخر کار 11 کو بچا لیا گیا۔

تفصیلات کے مطابق مشرقی چین کے صوبہ شانڈونگ کے شہر یانتائی میں ہوشان نامی ایک کان میں دھماکے کے باعث دو ہفتوں تک پھنسے 22 کان کنوں میں سے گیارہ کو امدادی کارکنوں نے بحفاظت نکال لیا، حکام کا کہنا ہے کہ ایک کان کن کی حالت نازک ہے، جب کہ دیگر کی تلاش کے لیے کوششیں کی جا رہی ہیں۔

میڈیا رپورٹس میں بتایا گیا کہ اتوار کی صبح نکالے گئے کان کنوں میں سے ایک کی حالت انتہائی نازک ہے، امدادی کارکنوں نے مشکل حالات میں ان کان کنوں کی مدد کے لیے سرتوڑ کوششیں کیں۔

دھماکے کے بعد ایک شخص شدید زخمی ہوا تھا اور سر پر چھوٹ کی وجہ سے اس کی ہلاکت کی بھی تصدیق کی گئی تھی، کان کنوں تک خوراک اور ادویات پہنچانے کے لیے امدادی کارکنوں کو ڈرلنگ کرنی پڑی تھی، یہ خیال کیا جا رہا ہے کہ ایک کان کن 100 میٹر نیچے پانیوں میں اب بھی پھنسا ہوا ہے۔

سونے کی کان میں 8 دنوں سے زندگی اور موت کی جنگ لڑنے والے کان کنوں نے اہم پیغام بھیج دیا

امدادی آپریشن میں 600 سے زیادہ امدادی کارکنوں نے حصہ لیا، ان کا کہنا تھا کہ دیگر کان کنوں کو باہر لانے میں مزید دو ہفتے لگ سکتے ہیں، انھوں نے یہ بھی بتایا کہ جس جگہ ڈرلنگ کی جا رہی ہے وہاں ایک بڑی رکاوٹ ہے۔

چند دن قبل پھنسے کان کنوں نے اپنے بچاؤ کے لیے ایک اہم پیغام بھی بھیجا تھا، جس سے کان کنوں کے زندہ ہونے کی امید بحال ہو گئی تھی، کان کنوں نے لکھا تھا کہ انھیں ادویات بھیجی جائیں، معلوم ہوا تھا کہ پھنسے کان کنوں میں سے کچھ کو بلڈ پریشر کا مرض بھی لاحق ہے۔

بیجنگ: چین میں ایک سونے کی کان میں 8 دنوں سے زندگی اور موت کی جنگ لڑنے والے کان کنوں نے امدادی کارکنان کو اہم پیغام بھیج دیا۔

تفصیلات کے مطابق مشرقی چین میں سونے کی ایک کان میں گزشتہ آٹھ دنوں سے پھنسے کان کنوں نے اپنے بچاؤ کے لیے اہم پیغام بھیجا ہے، پیغام نے لوگوں کو تشویش میں مبتلا کر دیا ہے تاہم اس پیغام سے کان کنوں کے زندہ ہونے کی امید بھی بحال ہو گئی ہے۔

دس جنوری کو چین کے صوبہ شانڈونگ کے شہر یانتائی میں ایک کان ہوشان میں دھماکا ہوا تھا جس سے کان کے داخلی راستے سے 600 میٹر نیچے 22 کان کن پھنس کر رہ گئے تھے۔ کان کنوں کو بچانے کے لیے کان کا داخلی راستہ پھر سے تعمیر کیا جا رہا ہے۔

گزشتہ روز ان کان کنوں نے اپنے پیغام میں لکھا ’ادویات بھیج دیں۔‘ اس نے امدادی کارکنوں سمیت دیگر لوگوں کو بھی امید دلا دی ہے، یہ پیغام کان کنوں کو کھانے کے پارسل نیچے اتارنے والی دھاتی تار کے ساتھ اوپر آیا تھا۔

پیر کو چین کی مقامی حکومت کا کہنا تھا کہ امدادی کارکنان کو اتوار کے دن ڈرلنگ کے دوران ’کھٹکھٹانے کی آوازیں‘ سنائی دیں۔ پھنسے ہوئے کان کنوں کی جانب سے ایک لکھا ہوا پیغام بھی اوپر بھیجا گیا جس میں انھوں نے بتایا کہ ان میں سے 12 ابھی تک زندہ ہیں۔

بد قسمت کان کنوں نے اپنے پیغام میں مزید لکھا کہ انھیں بلڈ پریشر کی دواؤں اور مرہم پٹی کے سامان کی ضرورت ہے، تین لوگوں کو ہائی بلڈ پریشر ہے، 4 افراد زخمی بھی ہیں جن کی مرہم پٹی کرنی ہے۔

کان کنوں نے لکھا کہ ہم امید کرتے ہیں کہ امدادی کارکنان رکیں گے نہیں تاکہ ہمارے پاس امید ہو۔ہم تک پہنچنے کی کوشش مت روکیں۔

حکام نے کان میں پھنسنے والے دیگر 10 کان کنوں سے متعلق ابھی کچھ نہیں بتایا ہے، امدادی کارروائیوں کی ایک ویڈیو بھی سامنے آئی جس میں چھ سو میٹر نیچے پھنسے کان کنوں کو ایک دھاتی تار کے ذریعے کھانے کے پارسل پہنچائے جا رہے ہیں۔