Tag: China

بیجنگ: چین کے صوبے چنگھائی میں لوگ آسمان سے ایک بہت بڑا ’آتشیں‘ گولا گرتے دیکھ کر خوف زدہ ہو گئے۔

غیر ملکی میڈیا کے مطابق 23 دسمبر کو چین کے چنگھائی صوبے کی ننگچیانگ کاؤنٹی میں آسمان میں ایک نہایت روشن اور عظیم الجثہ روشنی کا گولا دیکھا گیا، جس نے لوگوں کو ڈرا دیا۔

تیز روشنی کا یہ گولا نہایت تیز رفتاری سے زمین کی طرف آتا محسوس ہو رہا تھا، یہ نظارہ صوبے کے دو شہروں میں دیکھا گیا، جو بہت خوف زدہ کر دینے والا تھا، پہلے اچانک آسمان میں آتشیں گولے جیسی روشنی چمکی اور پھر ایسا لگا جیسے تیزی سے وہ زمین کی طرف گر رہی ہو۔

A giant fireball has been spotted flashing across the sky and crashing into a county in southern #China.

Footage taken by stunned locals shows an unidentified object exploding into a blazing sphere as it plunges at a fast speed towards the earth.
📹 pic.twitter.com/DmAQDhkZ7G

— Mete Sohtaoğlu (@metesohtaoglu) December 23, 2020

نانگچیانگ اور یوسو شہروں میں بہت سارے لوگوں نے اسے دیکھا اور اس کی ویڈیو اور تصاویر بہت تیزی سے سوشل میڈیا کی زینت بنیں، مقامی لوگوں کا کہنا تھا کہ جب وہ گولا وہاں سے گزرا تو انھوں نے تیز آواز بھی سنی۔

نانگچیانگ کاؤنٹی میں ایک ترکی جرنلسٹ متی سوہتوگلو نے اس منظر کی ویڈیو اپنے ٹویٹر پیج پر شیئر کی، ایک اور شہری زیاؤ وانگ نے فیس بک پر اس کی ویڈیو شیئر کی۔

ان ویڈیوز میں آسمان میں تیرتا گولا مختلف زاویوں سے افق میں گزرتا دیکھا جا سکتا ہے، ان ویڈیوز میں ایک سی سی ٹی وی فوٹیج بھی شامل تھی جو ایک عمارت کے پارکنگ لاٹ میں لگے کیمرے میں ریکارڈ ہوئی تھی جس میں زمین پر سایہ گزرتا دیکھا جا سکتا ہے۔

چینی میڈیا کے مطابق روشنی کا یہ گولا ایک روشن شہابیہ تھا، جو آسمان سے گزر رہا تھا، خوش قسمتی سے اس نے علاقے میں کوئی نقصان نہیں پہنچایا، چین کے ارتھ کوئک نیٹ ورکس نے بعد میں تصدیق کی کہ یہ بولائیڈ تھا جو ایک نہایت روشن شہاب ثاقب ہوتا ہے۔