ARYNews.tv | Urdu – Har Lamha Bakhabar

Tag: China

  • چینی سفیر کی کوویڈ 19 چیلنج سے نمٹنے کیلئے پاکستان کی کاوشوں کی تعریف

    چینی سفیر کی کوویڈ 19 چیلنج سے نمٹنے کیلئے پاکستان کی کاوشوں کی تعریف

    اسلام آباد : چینی سفیر  نے کوویڈ19چیلنج سےنمٹنےکیلئےپاکستان کی کاوشوں کی تعریف کرتے ہوئے کہا کم آمدن رہائشی منصوبے میں سرمایہ کاری کی دلچسپی رکھتا ہے۔

    تفصیلات کے مطابق وفاقی وزیراطلاعات شبلی فرازسے چین کےسفیرہاؤجنگ کی ملاقات ہوئی ، ملاقات میں وزارت اطلاعات اورخارجہ کےحکام شریک تھے، اس موقع پر شبلی فراز نےکوویڈ19سےنمٹنےکیلئےچین کی معاونت کوسراہتے ہوئے کہا مشکل وقت میں چین کی معاونت گہری دوستی کا مظہر ہے۔

    شبلی فراز کا کہنا تھا کہ وزیر اعظم کی سربراہی میں کوروناسےنمٹنےکیلئےاقدامات اٹھائے، غریبوں کی امداد،صنعتوں اورتعمیرات کیلئےریلیف شامل ہے۔

    وفاقی وزیرشبلی فراز نےچین کےاس قدم کاخیرمقدم کیا اور کہا کم لاگت والی رہائش ہماری حکومت کی ترجیحات میں شامل ہے، پاکستان میں سرمایہ کاری کیلئےچین کومکمل سہولت فراہم کی جائے گی۔

    چینی سفیر نے ثقافتی اور میڈیا تبادلے دوبارہ شروع کرنے کے عزم کااعادہ کیا ، وفاقی وزیر نے تبادلے دوبارہ شروع کرنے کے خیال کاخیرمقدم کرتے ہوئے کہا میڈیاتعاون کوبڑھانےکی بھرپورکوشش کی جائےگی، مشترکہ پیداوارکےبارےمیں مجوزہ معاہدےپرعمل درآمدجاری ہے، مسودےکوحتمی شکل دے کر چین کےساتھ شیئر کیا جائے گا۔

    چینی سفیر نے شبلی فرازکووزیراطلاعات ونشریات کی ذمہ داریاں سنبھالنے پرمبارکباد دیتے ہوئے مستقبل کی کوششوں کیلئےنیک تمنایوں کااظہارکیا
    ملاقات میں وزارت اطلاعات اورخارجہ کےحکام شریک تھے

  • کورونا وائرس کیخلاف جنگ ، چین پاکستان کی مدد کو آگے آگے

    کورونا وائرس کیخلاف جنگ ، چین پاکستان کی مدد کو آگے آگے

    اسلام آباد : کورونا وائرس کیخلاف جنگ میں چین پاکستان کی مدد کو آگے آگے ہیں ، خصوصی طیارہ چین سے طبی سامان لیکر پاکستان پہنچ گیا ، سامان میں ماسک،گلوز،ٹیسٹنگ کٹس، حفاظتی لباس شامل ہیں۔

    تفصیلات کے مطابق قومی ایئرلائن پی آئی اے کا خصوصی طیارہ چین سے طبی سامان لیکرپاکستان پہنچ گیا، پرواز پی کے 8852بیجنگ سے اسلام آباد ایئرپورٹ پہنچی ، سامان میں ماسک،گلوز،ٹیسٹنگ کٹس،حفاظتی لباس شامل ہے۔

    ایئرپورٹ ذرائع کا کہنا ہے کہ جہازسےاتارنےس پہلےسامان پرجراثیم کش اسپرےکیاگیا، پاکستانی حکام نےرن وےپرسامان وصول کیا ، طیارےمیں عملے کے ساتھ2مسافربھی اسلام آبادپہنچے، دونوں مسافروں کوقرنطینہ سینٹرمنتقل کردیاگیا۔

    گذشتہ روز وفاقی وزیربرائےاقتصادی امورسےچینی سفیر کی ملاقات ہوئی تھی ، خسروبختیارنےکوروناکےباعث مشکلات میں چین کےتعاون کوسراہتے ہوئے کہا تھا کہ کوروناکےبعدسی پیک کامعاشی بحران سےنمٹنےکیلئےاہم کردارہوگا، مستقبل میں راہداری منصوبہ ایک نئےمرحلےمیں داخل ہوگا اور ر

    چینی سفیر کا کہنا تھا کہ چین ترقیاتی اہداف کےحصول کےلئےپاکستان کو ہر مدد فراہم کرے گا۔

    یاد رہے چند روز قبل پی آئی اےکاخصوصی طیارہ 18ٹن سامان لےکراسلام آباد پہنچا تھا ، چیئرمین این ڈی ایم اے اور این ڈی آرایم ایف کےسربراہ ندیم احمدنےسامان وصول کیا، سامان میں 159 وینٹی لیٹراور 15ایکسرے مشین، 200 تھرمل گنز ، ذاتی حفاظتی سامان کی کٹس، 2لاکھ 90ہزار سرجیکل ماسک اور 15ہزار حفاظتی سوٹ شامل تھیں۔

    اس موقع پر چیئرمین این ڈی ایم اے نے کہا تھا کہ آئندہ چندروزمیں مزیدسامان پاکستان پہنچے گا، آج پاکستان دن میں 30سے 40ہزار ٹیسٹ کر سکتا ہے، عملے کی دستیابی پرروز30سے40ہزارٹیسٹ کرسکیں گے، سامان کی فراہمی میں این ڈی آرایم ایف کاتعاون اہم ہے۔

  • کورونا وائرس کیخلاف جنگ، چین سے طبی سامان کی ایک اور کھیپ کی پاکستان آمد

    کورونا وائرس کیخلاف جنگ، چین سے طبی سامان کی ایک اور کھیپ کی پاکستان آمد

    اسلام آباد : کورونا وائرس کیخلاف جنگ میں چین سے طبی سامان کی ایک اور کھیپ کی پاکستان پہنچ گئی ، چیئرمین این ڈی ایم اے نے کہا کہ آئندہ چندروزمیں مزیدسامان پاکستان پہنچے گا۔

    تفصیلات کے مطابق چین سے حفاظتی سامان کی ایک اورکھیپ پاکستان پہنچ گئی، پی آئی اےکاخصوصی طیارہ 18ٹن سامان لےکراسلام آباد پہنچا ، سامان میں حفاظتی کٹس،وینٹی لیٹراوردیگرسامان شامل ہیں۔

    چیئرمین این ڈی ایم اے اور این ڈی آرایم ایف کےسربراہ ندیم احمدنےسامان وصول کیا، سامان میں 159 وینٹی لیٹراور 15ایکسرے مشین، 200 تھرمل گنز ، ذاتی حفاظتی سامان کی کٹس، 2لاکھ 90ہزار سرجیکل ماسک اور 15ہزار حفاظتی سوٹ شامل ہیں جبکہ 30 ہزار دستانوں کے جوڑے اور 5ہزار حفاظتی عینکیں بھی سامان کا حصہ ہیں، سامان کے علاوہ ضروری دوائیں بھی منگوائی گئی ہیں

    اس موقع پر چیئرمین این ڈی ایم اے نے کہا کہ آئندہ چندروزمیں مزیدسامان پاکستان پہنچےگا، آج پاکستان دن میں 30سے40ہزارٹیسٹ کرسکتاہے، عملےکی دستیابی پرروز30سے40ہزارٹیسٹ کرسکیں گے، سامان کی فراہمی میں این ڈی آرایم ایف کاتعاون اہم ہے۔

    سربراہ این ڈی آر ایم ایف نے بتایا کہ اے ڈی بی105ملین ڈالرمزیدفنڈ اور ورلڈبینک سے60 ملین ڈالرمل رہے ہیں۔

    گذشتہ روز چائینہ تھری گارجز کپمنی کی طرف سے پاکستان کیلئے کوڈ-19 وبا سے بچاو کے سامان کی وصولی کی تقریب منعقد کی گئی تھی، جس میں وفاقی وزیر پاور و پٹرولیم عمر ایوب خان ،چینی سفیر یاؤ جنگ، چیر مین سی پیک اٹھا رٹی لیفٹننٹ جنرل (ریٹائرڈ) عاصم سلیم باجوہ، این ڈی ایم کے سینئر افسران نے شرکت کی۔

    چائینہ تھری گارجزکپمنی کی طرف سے سرجیککل ماسک،آین 95ماسک، کٹس، ونٹیلیٹرز اور دیگر سامان پاکستان کے حوالے کیا گیا ، جس پر وفاقی وزیرعمر ایوب نے چین کی کمپنیوں کا شکریہ کرتے ہوئے کہا تھا کہ پاکستان چین دوستی لازوال ہے۔

  • چین کورونا ویکسین تیار کرنے میں کامیاب، تجربے کیلئے پاکستان سے رابطہ

    چین کورونا ویکسین تیار کرنے میں کامیاب، تجربے کیلئے پاکستان سے رابطہ

    اسلام آباد :معاون خصوصی برائے صحت ڈاکٹرظفرمرزا نے چینی کمپنی کے کورونا ویکسین کے تجربے کیلئےپاکستان سے رابطے کی تصدیق کرتے ہوئے کہا جائزے کے بعد فیصلہ کیا جائے گا۔

    تفصیلات کے مطابق معاون خصوصی برائے صحت ڈاکٹرظفرمرزا نے سماجی رابطے کی ویب سائٹ ٹوئٹر پر اپنے پیغام میں بتایا کہ چینی کمپنی نے کورونا ویکسین کے تجربے کیلئےپاکستان سے رابطہ کیا ہے، ہم نے چینی کمپنی سے مزید تفصیلات مانگی ہیں، معلومات کا ماہرین سیفٹی،ریگولیشن ودیگرحوالوں سے جائزہ لیں گے، جائزے کے بعد فیصلہ کیا جائے گا، اس سے متعلق کچھ کہنا قبل ازوقت ہے۔

    یاد رہے چائنا سائن آف فارم آف انٹرنیشنل کارپوریشن کی جانب سے نیشنل انسٹیٹیوٹ آف ہیلتھ کو آفیشل لیٹر لکھا گیا ہے جس میں چین نے پاکستان کو کورونا کی ویکسین دینے کی رضامندی کا اظہار کرتے ہوئے پاکستان کو فوری طور پر ویکسین امپورٹ کرنے کا کہا تھا ۔

    واضح رہے کرونا وائرس کی ہلاکت خیز وبا دنیا بھر میں 1 لاکھ 90 ہزار سے زائد انسانوں کی زندگیاں نگل گئی جبکہ متاثرہ افراد کی تعداد 24 لاکھ اٹھارہ ہزار سے تجاوز کرگئی ہے۔

    وائرس کا راستہ روکنے کے لیے ویکسین کی تیاری کی دوڑ بھی جاری ہے، دنیا بھر میں 86 ٹیمیں ایسی ہیں جو Covid 19 کی ویکسین پر کام کر رہی ہیں، جن میں چند ٹیمیں کلینکل ٹرائل کے مرحلے میں بھی داخل ہو چکی ہیں۔

    چین میں بھی رواں ماہ کے آغاز میں دو تجرباتی ویکسینز کے انسانی ٹیسٹ کی منظوری دی جا چکی ہے، امریکا میں بھی ادویہ ساز کمپنی موڈرنا امریکی نیشنل انسٹی ٹیوٹ آف ہیلتھ کے ساتھ مل کر اپنی ویکسین کے لیے انسانی ٹیسٹ شروع کر چکی ہے۔

  • دیوار چین سیاحوں کے لیے کھول دی گئی

    دیوار چین سیاحوں کے لیے کھول دی گئی

    بیجنگ: چین میں موجود سات عجائبات عالم میں سے ایک عظیم دیوار چین کو سیاحوں کے لیے کھول دیا گیا، کرونا وائرس پر قابو پانے کے بعد چین کے متعدد سیاحتی مقامات کو کھول دیا گیا ہے۔

    غیر ملکی خبر ایجنسی کے مطابق دیوار چین کو دوبارہ کھول دیا گیا ہے، دیوار چین کو کرونا وائرس کے باعث 2 ماہ قبل بند کیا گیا تھا۔

    چند روز قبل دارالحکومت بیجنگ میں بھی 73 سیاحتی مقامات کو کھول دیا گیا تھا۔

    بیجنگ میں جو سیاحتی مقامات کھولے جا رہے ہیں وہ میونسپلٹی کے ٹوٹل مقامات کا 30.7 فیصد بنتے ہیں، یہ سب آؤٹ ڈور لینڈ اسکیپ ریزورٹس ہیں۔

    چینی حکام کے مطابق سیاحت کے دوران کرونا وائرس کے پھیلاؤ کے خدشے کو بھی مد نظر رکھا جائے گا، اور ایسی خدمات پیش کی جائیں گی جن میں انسانوں کا ربط نہیں ہوگا، جیسے موبائل پیمنٹ، ای ٹکٹ اور گائیڈ مشین وغیرہ۔

    کھلنے والے سیاحتی مقامات پر سیاحوں کی تعداد بھی 30 فیصد تک مقرر کی گئی ہے۔ چین اس عالمگیر وبا کے دوران سیاحتی مقامات کھولنے والا پہلا ملک بنا ہے۔

    دیوار چین کے بارے میں انوکھے حقائق

    کیا آپ جانتے ہیں دیوار چین کو تعمیر کرنے میں 17 سو سال کا طویل عرصہ لگا ہے؟ بعض کتابوں میں یہ 2 ہزار سال بھی بتایا گیا ہے۔

    دراصل اس دیوار کی تعمیر منگول حملہ آوروں سے بچنے کے لیے کی گئی جس کا آغاز 206 قبل مسیح میں کیا گیا۔ اس کے بعد بے شمار بادشاہوں نے حکومت کی اور چلے گئے لیکن اس دیوار کی تعمیر کا کام جاری رہا۔

    سنہ 1368 میں چین میں منگ خانوادے کی حکومت کا آغاز ہوا جس کے لگ بھگ ڈھائی سو سال بعد اسی خانوادے کے ایک بادشاہ کے دور میں دیوار کی تعمیر مکمل ہوئی۔ یہ 1644 کا سال تھا۔

    دیوار چین کی تعمیر کے دوران اینٹوں کو جوڑنے کے لیے چاول کا آٹا استعمال کیا گیا تھا۔

    اس عظیم دیوار کی تعمیر کے دوران 10 لاکھ مزدور اپنی جانوں سے ہاتھ دھو بیٹھے، لیکن اس دیوار نے چینیوں کو بیرونی حملہ آوروں سے محفوظ کردیا۔

    دیوار، چین کے 15 صوبوں میں پھیلی ہوئی ہے۔

  • کورونا وائرس : چین کے ایک اور طیارے کی طبی سامان لے کر پاکستان آمد

    کورونا وائرس : چین کے ایک اور طیارے کی طبی سامان لے کر پاکستان آمد

    اسلام آباد : چین سے ایک اور خصوصی طیارہ طبی سامان لے کر پاکستان پہنچ گیا ہے، پرواز سی زیڈ 6007 ارومچی سےاسلام آباد ایئرپورٹ پہنچی۔

    تفصیلات کے مطابق پاکستان میں کورونا وائرس کی وبا پر قابو پانے کیلئے چین کی جانب سے طبی سامان کی امداد کا سلسلہ جاری ہے، اس سلسلے میں طبی سامان کے طیارے پاکستان پہنچ رہے ہیں۔

    اس حوالے سے چین کی پرواز سی زیڈ 6007 ارومچی سےاسلام آباد ایئرپورٹ پہنچی، طبی سامان میں ماسک، گلوز، سینیٹائزر، ٹیسٹنگ کٹس اور حفاظتی کٹس شامل ہیں۔

    ذرائع کے مطابق پاکستانی حکام نے طبی سامان وصول کیا جسے اتارتے وقت جراثیم کش اسپرے کیا گیا اور طیارے کے8رکنی عملے کو جہاز سے اترنے کی اجازت نہیں دی گئی۔

    یاد رہے کہ گزشتہ ہفتے چین نے پاکستان کو کورونا وائرس سے بچاؤ کے لیے 5 لاکھ 29 ہزار 924 این95 ماسک فراہم کیے تھے۔

    چین کی جانب سے دی گئی امداد میں33 ہزار744 حفاظتی لباس اور10 ہزار ٹیسٹنگ کٹس شامل تھیں۔ چین نے 15 لاکھ 58 ہزار379 میڈیکل ماسک بھی فراہم کیے۔

    چین نے مشکل وقت میں 36 ونٹی لیٹرز، 180 تھرمومیٹراور100 تھرمل اسکینرز دیئے 24 ہزار900 دستانے، 59 ہزار376 حفاظتی عینکیں بھی امداد کا حصہ تھیں۔

    نیشنل کمانڈ اینڈ آپریشن سینٹر کے مطابق چین نے10 ہزارلیٹر سینی ٹائزر اور حفاظتی سوٹس کیلئے 1442 کلوگرام ان سلا کپڑا فراہم کیا۔

    چیئرمین نیشنل ڈیزاسٹر مینجمنٹ اتھارٹی (این ڈی ایم اے) کے مطابق چین سے آنے والا سامان تمام صوبوں کو فراہم کیا جائے گا۔

    پاکستان میں کورونا وائرس کی وجہ سے چینی سفیر کی سربراہی میں چینی ماہرین صحت کی ایک ٹیم نے قومی ادارہ صحت کا دورہ بھی کیا تھا تاکہ پاکستان میں کورونا وائرس کو کنٹرول کرنے کے حوالے سے چین کے تجربات کو شئیر کیا جا سکے۔

  • چین کا ٹرمپ کے عالمی ادارہ صحت کی امداد روکنے سے متعلق اہم بیان

    چین کا ٹرمپ کے عالمی ادارہ صحت کی امداد روکنے سے متعلق اہم بیان

    بیجنگ : چین کا کہنا ہے کہ ٹرمپ کی جانب سے عالمی ادارے کی امداد روکنے کے فیصلے سے دیگرممالک کیساتھ خود امریکا بھی متاثر ہوگا، عالمی بحران میں ڈبلیوایچ اوجیساکردارکوئی اور ادانہیں کر سکتا۔

    تفصیلات کے مطابق چینی وزارت خارجہ کے ترجمان نے امریکی صدر ٹرمپ کی جانب سے عالمی ادارہ صحت کی امداد روکنے کے اعلان پر ردعمل کا اظہار کرتے ہوئے کہا کہ عالمی بحران میں ڈبلیوایچ اوجیساکردارکوئی اور ادانہیں کر سکتا امریکا کی عالمی ادارے کی امداد روکنے کافیصلہ عالمی تعاون پر اثر اندا ز ہوگا۔

    ترجمان چینی وزارت خارجہ کا کہنا تھا کہ اس فیصلے سے دیگرممالک کیساتھ امریکا بھی متاثر ہوگا۔

    یاد رہے امریکی صدرٹرمپ نےعالمی ادارہ صحت کےفنڈزروکنےکااعلان کرتے ہوئے کوروناکے پھیلاؤ کا تمام ترذمہ دار ڈبلیو ایچ او کو قرار دے دیا اور کہا ڈبلیوایچ او نے کورونا کے معاملے پر صحیح کردارادا نہیں کیا۔

    ٹرمپ کا کہنا تھا کہ ڈبلیوایچ اوکی گائیڈلائنزپرعمل کرنےسےکئی ملکوں میں وائرس پھیلا، عالمی ادارہ کورونا کے حوالے سے وقت پر اطلاع دینے میں ناکام رہا، ڈبلیو ایچ اوکا احتساب ہونا ضروری ہے۔

    امریکی صدر نے کہا کہ عالمی ادارہ صحت نے کوروناوائرس کے معاملے پر تاخیر سے کام لیا ، ڈبلیوایچ او نے سائنسدانوں اور ریسرچرز کی گمشدگی پر خاموشی اختیار کیے رکھی۔

    ان کا مزید کہنا تھا کہ عالمی ادارہ صحت وقت پرفیصلے کرتا تو وبا پر قابو پایا جاسکتا تھا، عالمی ادارہ صحت نے دنیا کو غلط معلومات فراہم کیں۔

  • چین میں کرونا وائرس کی مزید 2 ویکسینز کی آزمائش

    چین میں کرونا وائرس کی مزید 2 ویکسینز کی آزمائش

    بیجنگ: چین میں کرونا وائرس کی 2 ویکسینز کے کلینیکل ٹرائل کی منظوری دے دی گئی، چین اس سے قبل بھی ایک ویکسین تیار کرچکا ہے جس کی آزمائش دوسرے مرحلے میں پہنچ گئی ہے۔

    چین کی وزارت سائنس اینڈ ٹیکنالوجی نے ویکسینز کی تیاری کی تصدیق کرتے ہوئے بتایا کہ دونوں ویکسینز کی آزمائش جلد شروع کردی جائے گی۔

    ان 2 میں سے ایک ویکسین بیجنگ اور دوسری ووہان کے انسٹی ٹیوٹ آف بائیولوجیکل پروڈکٹس میں تیار کی گئی ہے۔

    وزارت سائنس کا کہنا ہے کہ چین اس وقت دنیا کا واحد ملک ہے جو اب تک وائرس کے خلاف 3 ویکسینز تیار کرچکا ہے اور تینوں ویکسینز اپنی ٹرائلز کے علیحدہ مرحلوں میں ہیں۔

    اس سے قبل پہلی ویکسین گزشتہ ماہ مارچ میں اکیڈمی آف ملٹری میڈیکل سائنسز اور ہانگ کانگ کی ایک بائیو ٹیک کمپنی نے تیار کی تھی۔

    حکام کا کہنا ہے کہ مذکورہ پہلی ویکسین کی آزمائش دوسرے مرحلے میں داخل ہوچکی ہے اور یہ اس اسٹیج تک پہنچنے والی دنیا کی پہلی ویکسین ہے۔

    ان کے مطابق اب تک دنیا میں تیار کی گئی تمام ویکسینز اپنے ٹرائل کے پہلے مرحلے میں ہیں۔

    خیال رہے کہ کرونا وائرس اب تک دنیا کے 20 لاکھ سے زائد انسانوں کو اپنی لپیٹ میں لے چکا ہے جبکہ وائرس سے اب تک 1 لاکھ 26 ہزار 754 افراد ہلاک ہو چکے ہیں، ہلاکتوں کی تعداد میں مسلسل اضافہ ہو رہا ہے۔

  • کورونا کیخلاف جنگ ، چین کا مزید ڈاکٹرز پاکستان بھیجنے کا اعلان

    کورونا کیخلاف جنگ ، چین کا مزید ڈاکٹرز پاکستان بھیجنے کا اعلان

    اسلام آباد : کورونا کیخلاف جنگ میں چین پاکستان کے شانہ بشانہ ہیں، چین نے مزید ڈاکٹرز پاکستان بھیجنے کا اعلان کردیا، آٹھ چینی ڈاکٹرز 17 اپریل کو پاکستان پہنچیں گے۔

    تفصیلات کے مطابق چین نے مزید ڈاکٹرز پاکستان بھیجنے کا فیصلہ کرلیا ، چین سے خصوصی کارگو طیارہ ڈاکٹرز کو لے کر 17 اپریل کو پاکستان پہنچے گا ، طیارےمیں8چینی ڈاکٹرزارومچی سے اسلام آبادپہنچیں گے۔

    خصوصی طیارہ اسلام آبادسےواپس جاتے ہوئے کارگو ارومچی لے جائے گا، سول ایوی ایشن اتھارٹی نے پرواز کو لینڈنگ کی خصوصی اجازت دی اور کہا پرواز کی آمد پر کریو کو جہاز سے اترنے کی اجازت نہیں ہوگی۔

    اس سے قبل 16 چینی ڈاکٹر پاکستان سے دس اپریل کو واپس گئے تھے۔

    یاد رہے نیشنل کمانڈ اینڈ آپریشن سینٹر کا کہنا ہے کہ پاک چین تعلقات آزمائش کی پر گھڑی میں پورا اترے ہیں، چین نے ووہان میں پھنسے پاکستانی طلبا کا بھرپور خیال رکھا اور کرونا کے خلاف جنگ میں پاکستان کو بھرپور تعاون فراہم کیا۔

    این سی او سی کے مطابق تجربات کے تبادلے کےلیے چینی طبی ماہرین نے پاکستان کا دورہ بھی کیا اور چین نے پاکستان کو 5 لاکھ 29 ہزار سے زائد این 95 ماسک ، ہزار 744 حفاظتی لباس، 10 ہزار کٹس اور 15 لاکھ سے زائد میڈیکل ماسک فراہم کیے۔

    خیال رہے چینی سفارت خانے کا کہنا تھا کہ پاکستان کو طبی سامان کی فراہمی کی تیاری کر رہے ہیں، چین آئسولیشن کیلئے ایک عارضی اسپتال بنانے میں پاکستان کی مدد کرے گا۔

  • وائرس کا خطرہ : چین نے روس کے ساتھ ملنے والی سرحد کو بند کردیا

    وائرس کا خطرہ : چین نے روس کے ساتھ ملنے والی سرحد کو بند کردیا

    بیجنگ : کرونا وائرس کی تباہ کاریوں کو کامیابی سے مقابلہ کرنے والے چین نے وائرس کے دوبارہ حملے سے بچاؤ کیلئے اقدامات جاری رکھے ہوئے ہیں اس حوالے سے چین کے روس کے ساتھ شمالی سرحد کو سیل کردیا گیا ہے۔

    تفصیلات کے مطابق کورونا وائرس کے مرکز ووہان میں اس وائرس کے خلاف جنگ میں کامیابی کے اعلان کے باوجود چین کو روس کے ساتھ اپنی دور دراز کی شمالی سرحد کے ساتھ ایک نئی مصیبت کا سامنا ہے۔

    چین اس کورونا وائرس کو دنیا کے سب سے زیادہ آبادی والے ملک میں واپس آنے سے روکنا چاہتا ہے، اس لیے روس کے ساتھ ملنے والی سرحد کو بیجنگ نے بند کردیا ہے اور کورونا وائرس کے مبینہ مریضوں کی دیکھ بھال اور حفاظتی تدابیر اختیار کرتے ہوئے طبی عملے کو اس علاقے میں پہنچا دیا گیا ہے۔

    اس حوالے سے غیر ملکی خبر رساں ایجنسی کے مطابق کارکنوں نے صوبہ ہیلونگجیانگ کے شہر سوفینھے شہر میں منفی دباؤ والے خیمہ نما موبائل لیبارٹری تیار کرلی ہے اورگزشتہ روز ماہرین کی ایک ٹیم کووڈ 19 کی روک تھام اور کنٹرول کے لئے پہنچی۔

    چین کے پڑوسی ملک روس میں کورونا وائرس کے کیسز میں تیزی سے اضافہ دیکھا گیا ہے۔ اتوار کے روز سوفینھے شہر میں 243 کیس رپورٹ ہوئے تاہم زیادہ تر لوگوں میں کورونا وائرس کی ہلکی یا معتدل علامات دیکھنے میں آئیں۔

    جیسے بخار اور کھانسی جو دو سے تین ہفتوں میں صاف ہوجاتی ہے لیکن یہ وائرس انتہائی متعدی بیماری ہے اور ہلکے یا مرئی علامت نہ ہونے والے افراد کے ذریعہ پھیل سکتا ہے۔