ARYNews.tv | Urdu – Har Lamha Bakhabar

Tag: China

  • جرمن چانسلر کی چینی صدر سے ملاقات، ایران سے متعلق جوہری ڈیل پر تبادلہ خیال

    جرمن چانسلر کی چینی صدر سے ملاقات، ایران سے متعلق جوہری ڈیل پر تبادلہ خیال

    بیجنگ: جرمن چانسلر انجیلا مرکل نے چینی صدر شی جن پنگ سے ملاقات کی اور دونوں رہنماؤں نے ایران سے متعلق جرہری ڈیل پر تبادلہ خیال کیا۔

    تفصیلات کے مطابق جرمنی کی خاتون چانسلر انجیلا مرکل دو روزہ سرکاری دورے پر چین میں موجود ہیں جہاں انہوں نے آج چین کے دار الحکومت بیجنگ میں چینی صدر شی جن پنگ سے ملاقات کی، علاوہ ازیں انہوں نے چینی وزیر اعظم ’کیچیانگ‘ اور دیگر رہنماؤں سے بھی ملاقات کی۔

    عالمی میڈیا کے مطابق چینی صدر شی جن پنگ کے ساتھ ملاقات کے بعد جرمن خاتون چانسلر نے اُس چینی حکومتی فیصلے کا خیر مقدم کیا، جس کے تحت چین نے موٹر کاروں کی امپورٹ پر عائد محصولات میں کمی کی ہے، ملاقات کے دوران دونوں رہنما بڑے خوشگوار موڈ میں نظر آئے۔

    جرمنی شام میں کسی بھی فوجی کارروائی کا حصہ نہیں بنے گا، انجیلا مرکل

    ایک مشترکہ پریس کانفرنس کرتے ہوئے جرمن چانسلر انجیلا مرکل کا کہنا تھا کہ امریکا ایران جوہری معاہدے سے دست بردار ہوچکا ہے، لیکن چین اور جرمنی ایران جوہری ڈیل کے ساتھ کھڑے ہیں، چین اور جرمنی اپنے باہمی تعلقات کو مزید مضبوط کرنا چاہتے ہیں۔

    اس دوران انجیلا مرکل نے چینی رہنماؤں سے کہا کہ وہ غیر ملکی سرمایہ کاری کے راستے میں بھی حائل رکاوٹوں اور مشکلات کو دور کرے تاکہ زیادہ سے زیادہ تجارتی معاملات طے پائیں، معیشت کی بہتری کے لیے یہ اقدام ضروری ہے۔

    اوباما نےمیرے اور انجیلا مرکل کے فون ٹیپ کیے‘ ڈونلڈ ٹرمپ

    خیال رہے کہ چینی وزیر اعظم کے ساتھ ملاقات کے بعد دونوں رہنماؤں نے خاص طور پر آزاد تجارت کی ضرورت پر زور دیا، مرکل نے چینی صدر اور وزیراعظم کے ساتھ ملاقاتیں دارالحکومت بیجنگ کے گریٹ ہال میں کی، مرکل اور لی کیچیانگ نے ایرانی جوہری ڈیل کا دفاع بھی کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیرس وہیل، 30 منٹ میں شہر کا نظارہ ممکن ۔۔ ویڈیو دیکھیں

    فیرس وہیل، 30 منٹ میں شہر کا نظارہ ممکن ۔۔ ویڈیو دیکھیں

    بیجنگ: چین میں دنیا کا سب سے بڑا جھولا ’فیرس وہیل ‘ عوام کے لیے کھول دیا گیا جس میں بیٹھ کر صرف 30 منٹ کے اندر پورے شہر کی خوبصورتی کا نظارہ کرنا ممکن ہے۔

    تفصیلات کے مطابق چین کے مشرقی علاقے میں واقع ویفینگ سٹی میں واقع بوہائی دریا کے کنارے چینی ماہرین نے 145 میٹر بلند فیرس وہیل تیار کیا جس پر تقریباً ایک کروڑ 74 لاکھ پاؤنڈ کا تخمینہ آیا اور اس میں 4 ہزار 6 سو ٹن اسٹیل استعمال کیا گیا۔

    فیرس وہیل میں 36 کیبنز (خانے) موجود ہیں جن میں بیٹھنے والے صارفین کو انٹرنیٹ وائی فائی کی مفت سہولت فراہم کی گئی ہے، یعنی اب 745 فٹ کی بلندی پر جانے والے سیاح اور شہری من پسند تصاویر فوری طور پر اپنے دوستوں کے ساتھ شیئر کرسکیں گے۔

    چینی ماہرین کی جانب سے تیار کردہ جدید فیرس وہیل میں بیک وقت 350 مسافر سفر کرسکیں گے اور وہ دریا کے پُل پر قائم ہونے والے اس بلند ترین جھولے میں بیٹھ کر صرف 30 منٹ کے اندر ہی شہری کی خوبصورتی کا دور دور تک نظارہ بھی کرسکیں گے۔ چینی میڈیا کے مطابق شیشے سے بنے ہوئے ڈبوں میں اے سی کی سہولت فراہم بھی کی گئی ہے۔

    واضح رہے کہ اس سے قبل سنگاپور میں دنیا کا بلند ترین گول جھولا تیار کیا گیا تھا جس کی بلندی 6.5 فٹ تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • خیبر فوڈ اتھارٹی نے چینی فوڈ آئٹمز پر پابندی لگادی

    خیبر فوڈ اتھارٹی نے چینی فوڈ آئٹمز پر پابندی لگادی

    پشاور: خیبر فوڈ اتھارٹی نے چینی فوڈ آئٹمز پر پابندی لگادی، اتھارٹی نے چین سے منگوائی گئیں مختلف اشیا سے متعلق نوٹیفکیشن جاری کردیا۔

    تفصیلات کے مطابق فوڈ اتھارٹی کے ترجمان نے بتایا کہ اتھارٹی کی طرف سے چین سے درآمد شدہ مختلف اشیائے خورد و نوش کو حرام قرار دے دیا گیا ہے۔

    فوڈ اتھارٹی کی طرف سے جاری کردہ نوٹیفکیشن میں کہا گیا ہے کہ چین سے در آمد پروسیسڈ فوڈ آئٹمز پر پابندی ہوگی، ترجمان کا کہنا تھا کہ چین میں جانوروں کے حلال کا کوئی طریقہ کار واضح نہیں ہے۔

    ترجمان نے بتایا کہ چین میں حلال سند مہیا کرنے کا کوئی طریقہ کار نہیں ہے، چین سے بغیر حلال سند کے گوشت کی درآمد پر پابندی ہوگی۔

    فوڈ اتھارٹی کی کارروائی، چالیس ہزار لیٹر مضر صحت دودھ تلف

    خیال رہے کہ اس سے قبل پنجاب فوڈ اتھارٹی بھی صوبے میں غیر معیاری فوڈ آئٹمز کے خلاف بھرپور اقدامات کرچکی ہے۔ رواں سال جنوری میں اتھارٹی نے مختلف علاقوں میں کارروائی کرتے ہوئے چالیس ہزار لیٹر ناقص اور مضر صحت دودھ تلف کردیا تھا۔

    ڈائریکٹر جنرل فوڈ اتھارٹی کا کہنا تھا کہ یومیہ لاکھوں لیٹر کھلا دودھ استعمال ہوتا ہے جس میں پانی ملانے کے بعد اُسے کیمکل کی مدد سے گاڑھا کر دیا جاتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • چین نے اپنا پہلا بڑا بحری بیڑا سمندر میں اتار دیا

    چین نے اپنا پہلا بڑا بحری بیڑا سمندر میں اتار دیا

    بیجنگ: چین نے اپنا پہلا بڑا بحری بیڑا سمندر میں اتار دیا، یہ طیارہ بردار بحری بیڑا مکمل طور پر ملک ہی میں تیار کیا گیا ہے۔

    تفصیلات کے مطابق بحری بیڑے کو ایک ایسے وقت میں تجرباتی طور پر سمندر میں اتارا گیا ہے جب چین کی جانب سے عالمی سطح پر پانیوں میں اپنی موجودگی میں مسلسل اضافہ کیا جارہا ہے۔

    چینی حکام کے مطابق اس بحری بیڑے کی تیاری چینی بحریہ کو جدید تر بنانے کے منصوبے کا ایک حصہ ہے، خیال رہے کہ جنوبی چین میں جزائر کی ملکیت کے حوالے سے تنازعات کے بعد چین نے اپنی بحری موجودگی میں اضافہ شروع کر رکھا ہے۔

    ملکی ساختہ اس عسکری بحری بیڑے کو چین کے شمال مشرق میں واقع ڈالیان کی بندرگاہ سے کھلے پانیوں میں اتارا گیا، اس دوران طیارہ بردار بحری بیڑے کے انجن اور نیوی گیشن سسٹم کی جانچ کی جائے گی۔

    جاری کردہ تفصیلات کے مطابق طیارہ بردار بحری بیڑے کوعارضی نام Type 001A دیا گیا ہے، اس کی تیاری کا آغاز 2013 میں کیا گیا اور 2020 تک اس کی تکمیل کا امکان ہے جس کے بعد اسے چین کی بحریہ میں شامل کردیا جائے گا۔

    چینی انجینیئرز پر حملوں کا مقصد انہیں کام چھوڑ کر جانے پر مجبور کرنا تھا: ملزم کا انکشاف

    بتایا گیا ہے کہ اس بحری بیڑے میں تیل سے چلنے والا روایتی اسٹیم انجن نصب ہے اور یہ چالیس طیارے لے جانے کی گنجائش رکھتا ہے۔

    واضح رہے کہ ایک ماہ قبل چینی صدر شی جن پنگ نے اپنی تقریر میں کہا تھا کہ وہ چینی کمیونسٹ پارٹی کے پرچم تلے ایک عالمی معیار کی نیوی تعمیر کرنا چاہتے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شمالی کوریا کے سربراہ کا دورہ چین، شی جن پنگ سے ملاقات

    شمالی کوریا کے سربراہ کا دورہ چین، شی جن پنگ سے ملاقات

    بیجنگ: شمالی کوریا کے سربراہ کم جونگ ان نے چین کا دورہ کیا اور چینی صدر شی جن پنگ سے ملاقات کی اس دوران دونوں رہنماؤں نے دوطرفہ تعلقات کو مزید مضبوط بنانے پر روز دیا۔

    تفصلات کے مطابق شمالی کوریا کے لیڈر کِم جونگ اْن نے چین کا غیر اعلانیہ دورہ کیا اور میزبان ملک کے شمال مشرقی شہر ڈالیان میں چینی صدر شی جن پنگ سے ملاقات کی، ملاقات کے دوران دونوں رہنما خوشگوار موڈ میں نظر آئے اور ایک دوسرے کے کردار کو سراہا۔

    ملاقات کے بعد جاری کردہ بیان میں چینی صدر شی جن پنگ کا کہنا تھا کہ میرے اور کم جونگ ان کے درمیان پہلی ملاقات کے بعد سے چین اور کوریا کے درمیان تعلقات اور جزیرہ نما کوریا کی صورت حال میں مثبت پیش رفت ہوئی ہے، مجھے اس ملاقات سے بہت خوشی ہوئی۔

    شمالی کوریا کے صدر کم جونگ ان چین پہنچ گئے

    خیال رہے کہ کِم جونگ اْن کا مارچ کے بعد چین کا یہ دوسرا دورہ ہے اور وہ سرد جنگ کے دور کے اپنے ملک کے اہم اتحادی ملک چین کے ساتھ اختلافات کے خاتمے کے لیے کوشاں ہیں۔

    یاد رہے کہ چین نے شمالی کوریا کے خلاف جوہری تجربات کے ردعمل میں اقوام متحدہ کی عائد کردہ مختلف پابندیوں کی حمایت کی تھی، اس کے بعد دونوں ملکوں کے تعلقات میں سرد مہری آ گئی تھی۔

    شمالی کوریا میں قید تین امریکی رہا

    واضح رہے کہ شمالی کوریا کے سربراہ کم جونگ ان کی جانب سے چین کا یہ دوسرا دورہ ہے اس سے قبل گذشتہ ماہ انہوں نے اعلی سطح وفد کے ہمرا چین کے دار الحکومت بیجنگ کا دوراہ کیا تھا اور اس دورن چینی صدر سے ملاقات کی تھی، بعد ازاں عالمی ماہرین نے بھی اس ملاقات کو مثبت قرار دیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • چیف جسٹس ثاقب نثار 14مئی سے روس اورچین کے دورے پرروانہ ہوں گے

    چیف جسٹس ثاقب نثار 14مئی سے روس اورچین کے دورے پرروانہ ہوں گے

    اسلام آباد : چیف جسٹس آف پاکستان جسٹس میاں ثاقب نثار  14  مئی کو  روس اور چین کے13 روزہ دورے پر روانہ ہوں گے،  جسٹس ثاقب نثار کی غیر موجودگی میں جسٹس آصف سعید کھوسہ قائم مقام چیف جسٹس ہوں گے۔

    تفصیلات کے مطابق چیف جسٹس آف پاکستان چیف جسٹس ثاقب نثار 14مئی کوسرکاری دورے پر روس روانہ ہوں گے، جہاں وہ عالمی چیف جسٹسزکانفرنس میں شرکت کریں گے۔

    چیف جسٹس ثاقب نثار کا غیرملکی دورہ 13 روزپرمشتمل ہے۔

    چیف جسٹس سپریم کورٹ دورہ روس کے بعد چین جائیں گے، چین میں جسٹس ثاقب نثار عالمی جوڈیشل کانفرنس میں شرکت کریں گے۔

    چیف جسٹس ثاقب نثار کی غیر موجودگی میں جسٹس آصف سعید کھوسہ13دن کے لیے قائم مقام چیف جسٹس کے فرائض انجام دیں گے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ملکی زرمبادلہ ذخائرمیں خطرناک حد تک کمی ، پاکستان کو چین سے ایک ارب ڈالر موصول

    ملکی زرمبادلہ ذخائرمیں خطرناک حد تک کمی ، پاکستان کو چین سے ایک ارب ڈالر موصول

    کراچی: معاشی مشکلات کے شکار پاکستان کو دوست ملک چین سے ایک ارب ڈالر موصول ہوگئے اور دس ماہ بعد پاکستان کے زرمبادلہ ذخائر میں پہلا اضافہ ریکارڈ کیا گیا۔

    تفصیلات کے مطابق ملک پر قرضوں کا بوجھ اور غیر ملکی زرمبادلہ میں کمی کے باعث پاکستان نے دوست ملک چین سے ایک ارب ڈالر کا قرضہ لے لیا، یہ رقم انڈسٹریل کمرشل بینک آف چائنا سے لی گئی ہے۔

    دس ماہ سے پاکستان کے مسلسل گرتے ڈالر ذخائر میں یہ پہلا اضافہ ہے۔

    اسٹیٹ بینک کے مطابق گزشتہ ہفتے ملکی زرمبادلہ کے ذخائر میں 58 کروڑ 23 لاکھ ڈالر کا اضافہ ہوا اور پاکستان کے ڈالر ڈپازٹس کا مالی حجم 17 ارب 71 کروڑ ڈالر ہوگیا۔

    اسٹیٹ بینک کا کہنا ہے کہ ڈالر ذخائر مسلسل کم ہونے سے ادائیگیوں کا توازن بگڑتا جارہا تھا جبکہ تجارتی اور کرنٹ اکاؤنٹ خسارے کے باعث سو دن میں روپے کی قدر 10 فیصد گرائی گئی۔

    ذرائع کا کہنا ہے کہ سعودیہ عرب اور خلیجی ممالک سے جون میں دو ارب ڈالر ملنے کے روشن امکانات ہے۔

    اے آر وائی نیوز کی جانب سے رابطہ کرنے پر اسٹیٹ بینک کے اعلیٰ حکام نے تصدیق کی ہے کہ انڈسٹریل کمرشل بینک آف چائنا سے کمرشل لون کی مد میں ایک ارب ڈالر اپریل کے آخر میں موصول ہوگئے ہیں، بیس اپریل کو پاکستان کے زرمبادلہ ذخائر ساڑھے تین سال کی کم ترین سطح پر آگئے تھے۔

    مزید پڑھیں :  حکومت کی ایک بار پھر چین سے بڑا قرضہ لینے کی تیاری

    اعلیٰ حکام کے مطابق اسٹیٹ بینک کے پاس صرف دس ارب ستر کروڑ ڈالر کا ذخیرہ بچا تھا، جو ڈھائی ماہ کی درآمدات کیلئے بھی ناکافی تھا جبکہ بینکوں کے پاس موجود 6 ارب ڈالر سے زائد کے ذخائر کھاتے داروں کے ہیں، جنھیں اسٹیٹ بینک مجموعی ڈالر ذخائر میں شامل کرکے دکھاتا ہے۔

    اقتصادی ماہرین کے مطابق غیر ملکی قرضوں کی ادائیگی رزمبادلہ ذخائر میں کمی کا باعث بن رہی ہے۔ زرمبادلہ ذخائر پر دباؤ کم کرنے کے لیے غیر ملکی مہنگے قرضوں کا حصول ناگزیر ہے۔

    اس سے قبل بھی گزشتہ تین ماہ میں حکومت نے چینی بینکوں سے ایک ارب ڈالر کا قرضہ لیا تھا۔

    خیال رہے کہ نوازحکومت نے تین برس میں پچیس ارب ڈالر کے نئے قرضے لئے ہیں، ساڑھے چار ارب ڈالر کے بانڈز بھی فروخت کئے جاچکے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • چین نے تیس کروڑ امریکی لال بیگ کیوں پال لیے؟

    چین نے تیس کروڑ امریکی لال بیگ کیوں پال لیے؟

    بیجنگ: ساری دنیا میں لال بیگ مارنے کے لیے منصوبہ بندی کی جاتی ہے لیکن چین نے اس کے برعکس تیس کروڑ اچھی نسل کے امریکی لال بیگ پال لیے ہیں۔

    تفصیلات کے مطابق چین کے کچرا ٹھکانے لگانے والے مرکز نے تحقیقات کے بعد یہ انکشاف کیا ہے کہ کچرا ٹھکانے لگانے کا سب سے ماحول دوست طریقہ یہ ہے کہ اچھی نسل کے بڑے لال بیگ پال کر ان کا استعمال کیا جائے۔

    لال بیگ ہمیشہ ایک تباہ کار کیڑا سمجھا جاتا ہے کیوں کہ یہ فصلوں کو نقصان پہنچاتا ہے اور مختلف امراض کے جراثیم ساتھ لیے پھرتا ہے لیکن ایسا کیا ہوگیا ہے کہ مشرقی چین کے صوبے شین ڈونگ کے ایک ویسٹ ڈسپوزل سینٹر نے اسے قیمتی اثاثہ مان لیا ہے۔

    دنیا میں ہر جگہ باورچی خانہ ایک ایسا مقام ہے جو لال بیگ کے نشانے پر رہتا ہے، ویسٹ ڈسپوزل سینٹر نے اسی خیال سے باورچی خانے کے کچرے کے ساتھ ماحول کو آلودہ کیے بغیر نمٹنے کا یہ دل چسپ طریقہ ڈھونڈا۔

    ویسٹ ڈسپوزل سینٹر کے ڈائریکٹر لی ین رونگ نے چینی میڈیا کو بتایا کہ وہ گزشتہ سات برس سے یہ لال بیگ پال رہا ہے، اور دریافت کیا ہے کہ یہ کچلے یا پسے ہوئے کچرے کو کھا سکتا ہے اور زہریلے مادوں کو ہضم کرسکتا ہے۔ صرف یہی نہیں بلکہ لال بیگ کچرا کھانے اور ہضم کرنے کے بعد اسے زنک اور فولاد جیسے غیر زہریلے عناصر بھی خارج کرتا ہے۔

    یہ بھی پڑھیں:   رنگ گورا کرنے کی کریمز میں لال بیگوں کا استعمال

    ان کا کہنا تھا کہ اگر آپ اس طریقے کا کچرا ٹھکانے لگانے کے روایتی طریقوں جیسا کہ زمین میں دبانا یا جلانے وغیرہ سے موازنہ کریں تو اس سلسلے میں لال بیگوں کا استعمال کہیں زیادہ ماحول دوست اور کم لاگت کا ہوسکتا ہے۔

    ڈائریکٹر کا کہنا ہے کہ ویسٹ سینٹر میں پالے گئے امریکی لال بیگ چین کے عام لال بیگوں سے بہت مختلف ہیں۔ یہ جسامت میں بڑے ہیں اور سڑی ہوئی غذا کھانے میں خصوصی دل چسپی رکھتے ہیں۔ ان میں سے ہر ایک لال بیگ اپنے وزن کے پانچ فیصد کے برابر کچرا کھانے کی صلاحیت رکھتا ہے۔ چناں چہ اب جب مذکورہ سینٹر کے پاس تیس کروڑ لال بیگ جمع ہوچکے ہیں تو ان کا کُل وزن تین سو ٹن ہے اور یہ روزانہ پندرہ ٹن کچرا ٹھکانے لگا سکتے ہیں۔

    یہ بھی پڑھیں:  دنیا کی سب سے پرانی مکڑی 43 برس کی عمر میں چل بسی

    لی کا کہنا تھا کہ ان لال بیگوں کے بدن میں مفید اجزا شامل ہیں جنھیں پاؤڈر میں بدلنے کے بعد ادویات میں بھی استعمال کیا جاسکتا ہے اور کچھ حد تک یہ پاؤڈر اینٹی بایوٹکس کی جگہ بھی لے سکتا ہے، اس سلسلے میں مزید تحقیقات جاری ہیں۔

    واضح رہے کہ چین کی اکیڈمی آف سائنس اور چائنیز ریسرچ اکیڈمی آف انوائرنمنٹل سائنس کے ماہرین نے بھی اس منصوبے کے کارآمد ہونے کی تصدیق کی ہے اور اسے قدرتی طریقہ قرار دیا ہے۔

  • مودی کا دورہ چین، سرحدی کشیدگی ختم کرنے کا اعلان

    مودی کا دورہ چین، سرحدی کشیدگی ختم کرنے کا اعلان

    بیجنگ: بھارتی وزیر اعظم نریندر مودی نے چین کا دورہ کیا اور چینی صدر شی جن پنگ سے ملاقات کی جہاں دونوں ممالک کے سربراہان نے سرحد پر جاری کشیدگی ختم کرنے کا اعلان کر دیا۔

    تفصیلات کے مطابق نریندر مودی نے چینی شہر ووہان کا دورہ کیا جہاں انہوں نے تقریباً چوبیس گھنٹے قیام کیا اور اس موقع پر چینی صدر شی جن پنگ سے غیر رسمی ملاقات کی بعد ازاں دونوں رہنماؤں نے کئی ثقافتی مراکز کا دورہ بھی کیا۔

    بھارتی سکریٹری خارجہ ’وجے گوکھالے‘ کی جانب سے جاری کردہ بیان میں کہا گیا ہے کہ وزیر اعظم نریندر مودی کے دورہ چین کے موقع پر دونوں ممالک نے سرحد پر تعینات فوج کے مابین روابط کو بہتر اور مؤثر بنانے پر اتفاق کیا ہے۔

    انہوں نے کہا کہ دونوں رہنماؤں نے آمادگی ظاہر کی ہے کہ آئندہ سے تمام باہمی اختلافات کو پر امن طریقے اور دانشمندی کے ذریعے حل کیا جائے گا جس سے دونوں ملکوں کے درمیان تعلقات کی بہتری میں مزید اضافہ ہوگا۔

    وجے گوکھالے کا مزید کہنا تھا کہ نریندر مودی کے چین کے دورے میں بھارت اور چین کی سرحد پر کشیدگی کے علاوہ دیگر موضوع پر بھی بات چیت ہوئی اور دونوں ممالک نے یقین دہانی کرائی ہے کہ خصوصی مندوبین کے ذریعے تمام مسائل کا باہمی اور قابل قبول حل تلاش کیا جائے گا۔

    دوسری جانب چینی حکام کی جانب سے جاری کردہ بیان میں کہا گیا ہے کہ بھارتی وزیر اعظم کا دورہ چین خوش آئند ہے اور دونوں ممالک کے قریبی تعلقات سے عالمی سطح پر اثر و رسوخ میں اضافہ ہو گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • چین میں چاقو بردار شخص کے حملے میں 7 طلبہ ہلاک، 10 سے زائد زخمی

    چین میں چاقو بردار شخص کے حملے میں 7 طلبہ ہلاک، 10 سے زائد زخمی

    بیجنگ : چین کے صوبے میزہی کے میڈل اسکول میں‌ چاقو بردار شخس کا طالب علموں پر حملہ، 9 بچے ہلاک جبکہ 10 سے زائد طالب علم زخمی ہوگئے. پولیس نے حملہ آور کو گرفتار کرلیا.

    تفصیلات کے مطابق چین کے شمالی علاقے میں جمعے کے روز انتہائی افسوس ناک واقعہ پیش آیا ہے، جہاں چاقو بردار شخص نے اسکول میں گھس کر طالب علموں پر خنجر سے حملہ کردیا۔ چاقو زنی کی واقعے نے ملک بھر کی فضا کو سوگوار کردیا۔

    چاقو زنی کا واقعہ چین کے صوبے شانزی کے علاقے میزہی میں واقع میڈل اسکول میں شام 6 بجے کے وقت پیش آیا، جب حملہ آور نے اسکول میں زیر تعلیم بچوں پر خنجر سے وار کرنا شروع کردیئے۔

    میزہی کاؤنٹی پبلک سیکیورٹی بیورو کا کہنا تھا کہ 28 سالہ حملہ آور کر گرفتار کرلیا گیا ہے، ملزم کے قبضے سے تیز دار خنجر بھی برآمد کرلیا ہے۔

    پبلک سیکیورٹی بیورو کا کہنا تھا کہ ملزم نے اسکول کے بچوں پر دشمنی میں حملہ کیا تھا، چاقو زنی کی واقعے میں میڈل اسکول کے 7 طالب علم ہلاک جبکہ 10 سے زائد زخمی ہوئے ہیں۔

    پولیس کا کہنا تھا کہ ہلاک ہونے والوں میں سات لڑکیاں اور دو لڑکے شامل ہیں جن کی عمریں 12 سے 15 سال درمیان ہے، جبکہ زخمی طالب علموں کو مقامی اسپتال منتقل کردیا جہاں وہ زیر علاج ہیں۔

    کاؤنٹی پولیس کا کہنا تھا کہ حملہ آور زاؤزیشان گاؤں کا رہائشی ہے جس کی شناخت زاؤ کے نام سے ہوئی ہے۔

    پولیس کا کہنا ہے کہ حملہ آور نے دوران حراست انکشاف کیا ہے کہ ماضی میں وہ بھی متاثرہ اسکول کا طالب علم تھا اور دشمنی کی وجہ سے اپنی کلاس کے دیگر طالب علموں سے نفرت کرتا تھا۔ اس لیے خنجر کے ذریعے اسکول کے طالب علموں کو قتل کرنے کے فیصلہ کیا‘۔

    چین کے نشریاتی ادارے نے واقعے کی سی سی ٹی وی فوٹیج اپنی ویب سایٹ پر شائع کی ہے جس میں دیکھا جاسکتا ہے کہ اسکول کے میدان میں بچوں کے نعشیں پڑی ہوئی ہیں اور ایک شخص پولیس پولیس چیخ رہا ہے، حادثے کے کچھ دیر بعد ہی پولیس نے جائے وقوعہ سے حملہ آور کر گرفتار کرلیا تھا۔

    واضح رہے کہ چین میں چاقو بردار حملہ آوروں کے حملے غیر معمولی نہیں ہیں، اس کے قبل بھی ایسے دردناک واقعات رونما ہوتے رہے ہیں۔

    رواں سال فروری میں چین کے شہر بیجنگ میں واقع شاپنگ مال میں ایک شخص نے چاقو کے وار سے خاتون کو ہلاک جبکہ 12 شہریوں کو زخمی کردیا تھا۔

    یاد رہے کہ گذشتہ سال جولائی میں چین جنوبی شہر شینزِن میں چاقو بردار شخص کے حملے میں سپر مارکیٹ میں موجود دو لوگ قتل جبکہ 9 افراد زخمی ہوگئے تھے۔

    سنہ 2017 میں بھی ایک شخص نے چین کے شہر کنڈر گارڈن میں چاقو سے حملہ کرکے 11 بچوں کو شدید زخمی کردیا تھا۔

    چین میں اسکول میں زیر تعلیم بچوں کر گذشتہ چند ماہ مسلسل حملوں کے بعد چینی حکام میں اسکولوں کی سیکیورٹی بڑھانے کے احکامات جاری کردیئے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔