Tag: China

حکومت کا چینی کمرشل بینک سے 50کروڑ ڈالر کا مزید قرضہ

اسلام آباد : قرض اتارنے کیلئے مزید قرضہ، حکومت نے چینی کمرشل بینک سے پچاس کروڑ ڈالر کا مزید قرض حاصل کر لیا۔

تفصیلات کے مطابق حکومت کی جانب سے غیرملکی قرضے لینے کا سلسلہ جاری ہے ، حکومت نے مزید پچاس کروڑ ڈالر کاقرضہ غیر ملکی کمرشل بینکوں سے حاصل کرلیا۔

رواں مالی سال کے بجٹ میں حکومت نے ایک ارب ڈالرکا قرض لینےکا ارادہ ظاہر کیا تھا اور یہ حد پہلے چار ماہ میں ہی پوری ہوگئی۔

اعداد وشمار کے مطابق حکومت نے سٹی بینک سے چھبیس کروڑ ستر لاکھ ڈالر جبکہ کریڈیٹ سوئس سے پچیس کروڑ پچاس لاکھ ڈالر قرضہ لیا ہے۔

گزشتہ سال بھی انڈسٹریل اینڈ کمرشل بینک آف چائنا سے تیس کروڑ ڈالر کا قرضہ لیا گیا تھا۔

حکومت غیر ملکی سرمایہ کاروں کو سکوک بانڈز فروخت کرکے مزید دو سے ڈھائی ارب ڈالر حاصل کرنا چاہتی ہے، سکوک بانڈز کی فروخت کیلئے روڈشوز جاری ہیں۔

نواز لیگ کی حکومت میں ملک پر قرضوں کے بوجھ میں 35 فیصد کا ہوش ربا اضافہ

یاد رہے کہ نواز لیگ کے موجودہ دورے حکومت میں ملک پر قرضوں کے بوجھ میں پینتیس فیصد کا ہوش ربا اضافہ ریکارڈ کیا گیا، جس کے بعد ملک کا مجموعی قرضہ 18 کھرب روپے سے تجاوز کرچکا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 24, 2017
دیوہیکل روبوٹس پر مبنی چین کا ٹیکنالوجی پارک

چین کے صوبے قوئی ژو میں ورچوئل رئیلٹی پر مبنی حیران کن اشیا اور دیو ہیکل جہاز اور روبوٹس پر مشتمل ٹیکنالوجی پارک تیار کرلیا گیا۔

چین نے اپنے غریب ترین صوبے قوئی ژو میں ٹیکنالوجی پارک بنا دیا جس سے اس علاقے کی اہمیت اور سیاحوں کی آمد بڑھے گی۔

اس پارک میں بنجی جمپرز، بلند و بالا جھولے اور ورچوئل رائیڈز کا ایڈونچر بھی ہے۔ پارک میں دیو ہیکل روبوٹس کے مجسمے بھی تعمیر کیے گئے ہیں۔

چینی حکام کے مطابق یہ دنیا بھر میں اپنی نوعیت کا پہلا پارک ہے جو اس علاقے کی سیاحت کو فروغ دے گا۔

ساڑھے 8 ملین ڈالر کی لاگت سے بنا ورچوئل رئیلٹی پارک اگلے سال فروری میں عوام کے لیے کھول جائے گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 24, 2017
چین میں 12 لاکھ کتابوں پر مشتمل خوبصورت لائبریری

بیجنگ: چین میں کتابوں کی عظمت کے شایانِ شان خوبصورت ترین لائبریری کا افتتاح کردیا گیا جسے دیکھ کر حصول علم کے متوالے حیران رہ گئے۔

چین کے شہر تیانجن میں نہایت شاندار کتب خانہ تیار کیا گیا ہے جو خوبصورتی، ڈیزائن اور سہولت کا انوکھا شاہکار ہے۔

پانچ منزلہ لائبریری میں 12 لاکھ کتابیں موجود ہیں جو دنیا بھر کے زبانوں اور ادب کی ہیں۔ کتب خانے کے مرکزی بیضوی انداز کے ہال کو درمیان سے دیکھنے پر آنکھ کا گمان ہوتا ہے۔

یہاں لوگ کتابیں نہ بھی پڑھیں تب بھی گھوم پھر کر لائبریری ضرور دیکھتے ہیں۔

جدید طرز کی اس لائبریری میں دفاتر اور میٹنگ رومز کے علاوہ کمپیوٹر، آڈیو اور ویڈیو کمرے بھی موجود ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 18, 2017
فضائی آلودگی پر قابو پانے کیلئے دنیا کا سب سے بڑا فلٹر نصب

بیجنگ : چینی دارالحکومت بیجنگ میں فضائی آلودگی پر قابو پانے کیلئے دنیا کا سب سے بڑا فلٹر نصب کیا گیا ہے۔

تفصیلات کے مطابق ہوا میں آلودگی ایک اہم ماحولیاتی مسئلہ ہے، بڑے شہر بالخصوص اس مسئلے کے شکار ہیں، چین میں فضائی آلودگی پر قابو پانے کیلئے دنیا کا سب سے بڑا فلٹر نصب کیا گیا ہے۔

یہ فلٹر نہ صرف ماحول میں سے پچھتر فیصد گرد و غبار صاف کرتا ہے بلکہ فلٹر کے ذریعے حاصل ہونیوالے کاربن کے ذرات سے زیورات بھی بنائے جا سکتے ہیں۔

سات میٹر اونچا یہ فلٹر نیدر لینڈ سے تعلق رکھنے والے ڈان رووزگارڈ نے تیار کیا ہے۔

اسموگ فری ٹاور تیس ہزار کیوبک میٹر ہوا کو دھویں اور بیکٹریا سے پاک کر صاف اور شفاف ہوا فراہم کرتا ہے۔

خیال رہے کہ گذشتہ سال چین کا دارالحکومت بیجنگ دنیا کے اسموگ سے متاثرہ شہروں میں سرِ فہرست تھا ، بیجنگ کو موسم سرما میں دھوئیں اور دھند کا سامنا رہتا ہے، رہائشیوں کو ہدایت جاری کی جاتی ہے جب بھی باہر جائیں، اپنے چہرے کو ماسک سے ڈھانپ لیں۔

اس شہر میں اس قدر آلودگی ہوتی ہے کہ وہاں ماسک کے بغیر سانس لینا بھی محال سمجھا جاتا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

نومبر 14, 2017
گرم ہوا کے غباروں پر سوار ہوکر فضاء میں 100 جوڑوں کی اجتماعی شادی

بیجنگ : ہر شخص کی یہ خواہش ہوتی ہے کہ وہ اپنی زندگی کا سفر اس انداز میں شروع کرے کہ وہ ہمیشہ کیلئے یادگار بن جائے، چین میں گرم ہوا کے غباروں پر سوار ہوکر فضاء میں 100 جوڑوں کی اجتماعی شادی نے عالمی ریکارڈ بنا ڈالا ۔

تفصیلات کے مطابق کون نہیں چاہتا کہ اسکی شادی یادگار ہو لیکن کچھ لوگوں کی شادی ایسی ہوتی ہے جو ہمیشہ یاد رہتی ہے، چین کے شہر ووہان میں ہونے والی فلائی اِن ایکسپو کے دورانسو جوڑوں نے گرم ہوا کے غباروں پر سوار ہوکر فضاء میں ایک دوسرے کو انگوٹھی پہنائی۔

مختلف ممالک سے آنے والے سو جوڑوں کی اجتماعی شادی سے ایک عالمی ریکارڈ بن گیا۔

اس سے پہلے یہ ریکارڈ پچاس جوڑوں نے گرم ہوا کے غباروں پراْڑان بھر کر رشتہ ازدواج میں منسلک ہوکر قائم کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 13, 2017
چین اور امریکا کے درمیان 253.5 بلین ڈالر کے تجارتی معاہدے پر دستخط

بیجنگ : امریکی صدر ڈونلڈ ٹرمپ کے دورہ چین کے موقع پر دونوں ملکوں کے درمیان تقریباً دو سو پچاس بلین ڈالر کے معاہدوں پر دستخط ہوئے۔

تفصیلات کے مطابق امریکی صدر ڈونلڈٹرمپ کے چین کے دورے کے دوران دونوں ممالک کئی بڑی کمپنیوں کے مابین بیجنگ میں ہونے والی تجارتی معاہدوں پر دستخط کی تقریب ہوئی ، دونوں ممالک نے دو سو تیریپن بلین ڈالر کے تجارتی معاہدوں پر دستخط کئے۔

معاہدوں میں چینی سویابین کی درآمد،اور لاسکاسےایل این جی کی برآمد بھی شامل ہے۔

چینی صدر نے ڈونلد ٹرمپ کے چین کے دورے کو کامیاب اورتاریخی قراردیتے ہوئے کہا دونوں ممالک کے درمیان باہمی تعاون سے خطے کو فائدہ پہنچے گا۔

دوسری جانب امریکی صدر نے شمالی کوریاکاتنازع حل کرنےکیلیے چین کو اقدامات تیز کرنے پر زور دیا اور کہا کہ صدر ڈونلڈ ٹرمپ نے کہا ہے کہ امریکی کمپنیوں کو چین کی منڈیوں تک زیادہ رسائی ملنی چاہیے۔

تقریب سے خطاب میں صدر ٹرمپ نے کئی بار چینی صدر کی تعریف کرتے ہوئے انہیں "بہت خاص شخص” قرار دیا، اور کہا کہ ہم مل کر دونوں ملکوں کے درمیان تجارت متوازن بنائیں گے جس کا دونوں قوموں کو بہت فائدہ ہوگا۔

اس سے قبل امریکی صدر ڈونلڈ ٹرمپ کے اعزاز میں چینی صدر نے تقریب کا اہتمام کیا ، مہمان خصوصی کو گارڈ آف آنر پیش کیا گیا۔

دوسری جانب چین کے صدر شی جن پنگ اور ان کی اہلیہ نے امریکی صدر کو چین کے سرکاری دورہ کے دوران ڈونلڈ اور ان میلانیہ کو بیجنگ میں پیلس میوزیم یا شہر ممنوعہ میں چائے پر مدعو کیا،اور تاریخی مقامات کی سیر کرائی۔

پیلس میوزیم یاشہر ممنوعہ جو ننگ بادشاہت اور چنگ بادشاہت کے دوران چین کے شاہی خاندانوں کی سابق رہائشگاہ ہے،جہاں پر شاہی خاندان سے متعلق استعمال کی اشیاء رکھی گئی ہیں،پیلس میوزیم قومی،تاریخی اور یونیسکو کے عالمی ورثے کا مقام ہے،یہ قریباً 72ہیکٹر رقبے پر پھیلا ہوا ہے۔

امریکی صدر کیلئے اوپیرا کی تقریب بھی سجائی گئی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 9, 2017
چین نے پہلا الیکٹرک طیارہ تیارکرلیا

بیجنگ : چین نے 160 کلو میٹرفی گھنٹہ کی رفتار سے پرواز کرنے والا پہلا برقی طیارہ تیار کرلیا۔

تفصیلات کے مطابق چین میں تیار کردہ دو نشتوں پرمشتمل پہلے برقی طیارے کی آزمائشی اڑان کا تجربہ کامیاب رہا۔ جہاز نے 45 منٹ کی آزمائشی پرواز کرنا تھی لیکن حیران کن طور پر وہ دو گھنٹے تک کامیابی سے پرواز کرتا رہا۔

چین کا دو نشتوں پر مشتمل یہ جدید طیارہ شین یانگ ایئرواسپیس یونیورسٹی کی کاوشوں کا نتیجہ ہے جبکہ طیارے میں پائلٹ کے لیے پیراشوٹ کے نظام کی سہولت بھی موجود ہے۔

خیال رہے کہ یہ برقی طیارہ نئے پائلٹس کی تربیت کے لیے بھی استعمال کیا جا سکتا ہے اور ہنگامی طور پرمسافروں کی ٹراپسورٹیشن، سیاحت کے لیے من پسند علاقوں میں لینڈسلائیڈنگ اور فضا سے تصاویر لینے کے لیے بھی مدد گار ثابت ہوگا۔

چین کے پہلے مسافر بردار جہاز کی کامیاب پرواز

یاد رہے کہ رواں برس 7 مئی کو چین میں مقامی طور پر بنائے جانے والے پہلے مسافر بردار طیارے سی نائن ون نائن کی آزمائشی پرواز کا تجربہ کامیاب رہا تھا۔ آزمائشی پرواز کے دوران جہاز نے ایک گھنٹے تک دس ہزار فٹ کی بلندی پر پرواز کی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

نومبر 4, 2017
کسی حکومت کے آنے جانے سے سی پیک پراثر نہیں پڑےگا ، چین

اسلام آباد : چین کے ایشین افیرز ڈیپارٹمنٹ کےڈپٹی ڈویژن ڈائریکٹر کا کہنا ہے کہ چین کی دوستی پاکستان سے ہے کسی حکومت سے نہیں ، کسی حکومت کے جانے اور نئی حکومت آنے کا سی پیک منصوبے پر اثر نہیں پڑے گا۔

تفصیلات کے مطابق چین کا کہنا ہے کہ کوئی بھی اقتدار میں ہو، چین کو فرق نہیں، چین کیلئے اسلام آباد میں حکومت کی تبدیلی سے زیادہ سی پیک منصوبے کی تکمیل زیادہ اہمت رکھتی ہے، چین کی دوستی پاکستان سے ہے کسی حکومت سے نہیں۔

ایشین افیرز ڈیپارٹمنٹ کےڈپٹی ڈویژن ڈائریکٹر کار لی پنگ فو کا کہنا ہے کہ کسی حکومت کے جانے اور نئی حکومت آنے کا سی پیک منصوبے پر اثر نہیں پڑے گا، منصوبے کی بروقت تکمیل اہمیت رکھتی ہے، سی پیک منصوبہ پاکستان چین دونوں ممالک کے عوام کیلئے اہم ہے۔

انکا کہنا تھا کہ چین اقتصادی راہداری کے جاری منصوبوں کی رفتار کم کرنے اور اس میں رکاوٹ نہیں چاہتا، اس لئے پاکستان میں جاری سیاسی صورت حال پر گہری نظر رکھے ہوئے ہے، 50منصوبوں میں سے19 منصوبے تکمیل کے مختلف مراحل میں ہیں، کوئی طاقت جاری ترقیاتی منصوبوں میں رخنہ نہیں ڈال سکتی۔

مزید پڑھیں : چینی کمپنی کا پاکستان میں چار ارب روپے کی سرمایہ کاری کا فیصلہ

کار لی پنگ فو نے کہاکہ چین اقتصادی راہداری منصوبے کے اہم حصے گوادر پورٹ کی تکمیل کے لئے سنجیدہ ہے ورامید ہے کہ گوادر ائرپورٹ، گوادر ایکسپریس وے سمیت دیگر ترقیاتی منصوبے اس سال کے اختتام تک شروع کر لیے جائیں گے۔

دوسری جانب چینی وزارت خارجہ کے مطابق سی پیک منصوبہ چین کے ون بیلٹ ون روڈمنصوبے کا حصہ ہے، ہم چاہتے ہیں کہ پاکستان بھی اس موقع سے بھرپورفائدہ اٹھائے ۔

خیال رہے کہ چین نے موجودہ حکومت کے دعووں کی قلعی کھول دی، نون لیگی حکومت گزشتہ چار سال سے مسلسل سی پیک کا کریڈٹ لے رہی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 3, 2017
نیند کے وقت پانڈا کے ننھے بچوں کی موج مستیاں

بیجنگ: چین میں 7 ننھے ننھے پانڈا کے بچوں کو سونے کے لیے الگ سے جگہ مہیا کی گئی تاہم سونے کے لیے رکھے گئے یہ ڈبے دیکھ کر پانڈوں کی نیند اڑن چھو ہوگئی اور انہوں نے کھیلنا شروع کردیا۔

ان 7 پانڈوں کو سونے کے لیے آرام دہ جگہ مہیا کرنے کی خاطر ان کے علیحدہ کمرے میں کچھ باکسز بنائے اور سوچا گیا کہ پانڈا یہاں اطمینان سے آرام کریں گے۔

مگر جیسے ہی انہیں ان باکسز میں ڈالا گیا، انہیں لگا کہ شاید انہیں کھیلنے کے لیے یہاں رکھا گیا ہے چنانچہ انہوں نے سونے کے بجائے ایک دوسرے کے باکسز میں تاک جھانک اور موج مستی شروع کردی۔

ہر پانڈا کی کوشش تھی کہ کسی طرح وہ اس باکس سے باہر نکل آئے۔ اس کوشش میں ایک پانڈا دوسرے پانڈا کے باکس میں گھس آیا جبکہ کونے میں موجود پانڈا اپنے باکس میں سے دھڑام سے گر پڑا۔

پانڈوں کی معصومانہ حرکات پر مبنی یہ ویڈیو سوشل میڈیا پر بے حد وائرل ہوگئی۔

یاد رہے کہ پانڈا صرف چین میں پایا جاتا ہے جہاں اس کی معدوم ہوتی نسل کو دیکھتے ہوئے ہنگامی اقدامات اٹھائے گئے جس کے بعد اب پانڈا کی نسل مستحکم درجے پر آگئی ہے۔

چین اب اسے امریکا سمیت دوسرے ممالک میں بھی بھیج رہا ہے جسے پانڈا ڈپلومیسی کہا جاتا ہے۔

اس سے ایک طرف تو چین کے بین الاقوامی تعلقات خوشگوار ہوتے ہیں، دوسری جانب پانڈا کی ختم ہوتی نسل کو بھی دیگر مقامات اور آب و ہوا سے متعارف کروایا جاتا ہے تاکہ وہ مختلف موسموں سے مطابقت کرتے ہوئے اپنی نسل میں اضافہ کریں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اکتوبر 30, 2017
پاک بھارت کشیدگی خطے کے مفاد میں نہیں، امریکی وزیر خارجہ

واشنگٹن: امریکی وزیر خارجہ ریکس ٹلرسن نے کہا ہے کہ افغانستان میں قیام امن کے لیے پاکستان کا کردار اہم ہے، پاک بھارت کشیدگی خطے کے مفاد میں نہیں۔

امریکی پالیسی ساز ادارے سے خطاب کرتے ہوئے ریکس ٹلرسن نے کہا کہ مستحکم افغانستان میں سب سے زیادہ فائدہ پاکستان کا ہے، طالبان کے لیے واضح پیغام ہے امریکا افغانستان سے کہیں نہیں جارہا۔

امریکی وزیر خارجہ نے کہا کہ پاکستان اور بھارت کی سرحدوں پر اس وقت شدید کشیدگی ہے، پاک بھارت کشیدگی خطے کے مفاد میں نہیں، پاک بھارت سرحد کشیدگی کا خاتمہ چاہتے ہیں۔

انہوں نے کہا کہ بھارت افغانستان کی تعمیر نو میں اہم کردار ادا کررہا ہے، امریکا بھارت کے ساتھ دہشت گردی کے خلاف جنگ میں شانہ بشانہ کھڑا ہے، امید ہے پاکستان دہشت گردوں کے خلاف فیصلہ کن کارروائی کرے گا۔

یہ پڑھیں: مغویوں کی بازیابی پرحکومت پاکستان کےشکرگزارہیں‘ ریکس ٹلرسن

ریکس ٹلرسن نے کہا کہ دہشت گردی کے خلاف جنگ لڑنا مہذب قوم کا انتخاب نہیں ذمہ داری ہے، امریکا بھارت کے ساتھ مضبوط تعلقات چاہتا ہے۔

انہوں نے چین پر کڑی تنقید کرتے ہوئے کہا کہ جنوبی چین کے سمندروں میں چین کا اشتعال انگیز رویہ براہ راست بین الاقوامی قوانین کو چیلنج کرنے کے مترادف ہے جس کے خلاف بھارت اور امریکا کا موقف ایک ہی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اکتوبر 18, 2017

Tag: China

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

چین کے صوبے قوئی ژو میں ورچوئل رئیلٹی پر مبنی حیران کن اشیا اور دیو ہیکل جہاز اور روبوٹس پر مشتمل ٹیکنالوجی پارک تیار کرلیا گیا۔

بیجنگ: چین میں کتابوں کی عظمت کے شایانِ شان خوبصورت ترین لائبریری کا افتتاح کردیا گیا جسے دیکھ کر حصول علم کے متوالے حیران رہ گئے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

بیجنگ : چین نے 160 کلو میٹرفی گھنٹہ کی رفتار سے پرواز کرنے والا پہلا برقی طیارہ تیار کرلیا۔

مزید پڑھیں : چینی کمپنی کا پاکستان میں چار ارب روپے کی سرمایہ کاری کا فیصلہ

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ان 7 پانڈوں کو سونے کے لیے آرام دہ جگہ مہیا کرنے کی خاطر ان کے علیحدہ کمرے میں کچھ باکسز بنائے اور سوچا گیا کہ پانڈا یہاں اطمینان سے آرام کریں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔