Tag: China

  • دنیا کا سب سے چھوٹا اور سستا اسمارٹ فون متعارف

    دنیا کا سب سے چھوٹا اور سستا اسمارٹ فون متعارف

    بیجنگ: چین کی موبائل کمپنی نے دنیا کا سب سے چھوٹا اسمارٹ فون متعارف کروادیا جس کی اسکرین کا سائز صرف 1.54 انچ اور قیمت صرف 30 ڈالرزمقرر کی گئی ہے۔

    تفصیلات کے مطابق ٹیکنالوجی کی دنیا میں بڑھتی ہوئی ترقی کو دیکھتے ہوئے چینی ماہرین نت نئی ایجادات میں مصروف ہیں، اسمارٹ فون استعمال کرنے والے صارفین کی جانب سے ڈیوائس کے سائز اور حجم کی شکایات کو مد نظر رکھتے ہوئے وی فون نے دنیا کا سب سے چھوٹا اسمارٹ فون متعارف کروایا۔

    smallest-1

    جن لوگوں کو اسمارٹ فونز کی بڑی اسکرینوں سے مشکلات درپیش تھیں اُن کے لیے یہ نیا اسمارٹ فون انتہائی کارآمد ثابت ہوسکتا ہے۔ اس کی اسکرین کا سائز دیگر فونز کے مقابلے میں بہت کم صرف 1.54 انچ ہے۔

    smallets

    اسمارٹ ڈیوائس میں تین بٹن دئیے گئے ہیں جن میں سے ایک پاور اوردیگر دو بٹنز اور دو ورچوئیل بٹنز دئیے گئے ہیں جبکہ فون میں ایک اسپیکر اور مائیکروفون بھی ہے تاہم موسیقی سننے کے لیے بلیوٹوتھ استعمال کرنا ہوگی۔

    smallest-3

    دنیا کے سب سے چھوٹے اسمارٹ فون کو وی فون ایس 8 کا نام دیا گیا ہے جس میں بلٹ ان ایف ایم ریڈیو، دل کی دھڑکن بتانے والا سنسر، پیڈو میٹر جبکہ اس کی ریم 64 ایم بی اور اسٹوریج 380 ایم بی کے علاوہ اس میں دیگر نمایاں فیچرز شامل ہیں۔

    smallets-3

    دنیا کا سب سے چھوٹا اور سستا فون دو رنگوں میں فی الحال صرف چین میں فروخت کے لیے پیش کیا جارہاہے جس کی قیمت صرف 30 ڈالر یعنی پاکستانی روپے سے حساب سے 3 ہزار ہوگی۔

  • چینی وفد کی گوادر آمد، ترقیاتی منصوبوں پر جاری پیشرفت کو سراہا

    چینی وفد کی گوادر آمد، ترقیاتی منصوبوں پر جاری پیشرفت کو سراہا

    راولپنڈی: چین کا اعلیٰ سطح وفد دو روزہ دورے پر گوادر پہنچا،وفد نے اقتصادی راہداری سمیت دیگر منصوبوں پر ہونے والے ترقیاتی کاموں کی پیش رفت کو سراہا۔

    آئی ایس پی آر کے مطابق اعلیٰ سطح چینی وفد گزشتہ روز دو روزہ دورے پر گوادر پہنچا جہاں انہیں ترقیاتی منصوبوں کے حوالے سے تفصیلی بریفنگ دی گئی، وفد کے اراکین کا چیئرمین دوستین جمال دینی اور دیگر حکام نے ائیرپورٹ پر پرتپاک استقبال کیا۔

    اس موقع پر وفد کے ارکان کو گوادر میں جاری ترقیاتی منصوبوں کے بارے میں بریفنگ دیتے ہوئے بتایا گیا کہ پاک چین اقتصادی راہداری اور گوادر پورٹ کی تکمیل سے پاکستان سمیت پورے خطے پر مثبت معاشی اثرات مرتب ہوں گے۔

    وفد کے ارکان نے گوادر پورٹ کا تفصیلی معائنہ اور  چائنہ اوورسیز  پورٹس ہولڈنگ کمپنی کے مسٹر لی نے وفد کا خیر مقدم کیا اور ارکان کی اہلکاروں سے ملاقات کروائی اور اراکین نے پاک چائنہ فرینڈ شپ اسکول فقیر کالونی کا دورہ بھی کیا۔ چینی وفد کے ارکان کو جاری منصوبوں پر بریفنگ دی گئی جس پر انہوں نے ترقیاتی کاموں میں پیشرفت کو سراہا۔

  • چین: نوجوان نے والدین کا قتل چھپانے کیلئے 17 پڑوسی قتل کردیے

    چین: نوجوان نے والدین کا قتل چھپانے کیلئے 17 پڑوسی قتل کردیے

    بیجنگ: چین میں ایک شخص نے اپنے والدین کا قتل چھپانے کی خاطر 17پڑوسیوں کو قتل کردیا، پولیس کے مطابق نوجوان نے اعتراف جرم کرلیا ہے۔

    چین کے سرکاری خبر رساں ادارے زن ہوا کے مطابق چین کے ایک گاؤں میں 26 سے27 سال عمر کے ایک نوجوان کا اپنے والدین سے پیسوں کے معاملے پر جھگڑا ہوا جس کے بعد نوجوان نے والدین کو قتل کردیا۔

    خبر رساں ادارے کے مطابق نوجوان یانگ شنگ پے اپنے والدین کا قتل چھپانے کی خاطر تین سال سے لے کر 72 سال کی عمر تک کے 17پڑوسیوں کو قتل کیا جن کا تعلق مجموعی طور پر چھ خاندانوں سے تھا۔

    خبر رساں ادارے کے مطابق ملزم بدھ کو اپنے گاؤں پہنچا تو اسے پولیس نے حراست میں لے لیا۔

    پولیس کے مطابق ملزم نے اپنے والدین اور دیگر 17 افراد کے قتل کا اعتراف کرلیا تاہم پولیس یا خبر رساں ادارے نے قتل شدہ افراد کے نام یا مزید تفصیلات جاری نہیں کیں کہ ایک ملزم نے اتنے سارے قتل کس طرح اور کتنے وقت میں کیے۔

  • سی پیک منصوبہ، چینی انجینئرز کےاغواء کا خدشہ، انتباہ جاری

    سی پیک منصوبہ، چینی انجینئرز کےاغواء کا خدشہ، انتباہ جاری

    اسلام آباد: پاک چین اقتصادی راہداری پر کام کرنے والے چینی انجینئرز کے اغوا کے خدشہ سے متعلق حساس اداروں نے ریڈ الرٹ جاری کردیا جس میں انجینئرز کو سیکیورٹی کے بغیر سفر نہ کرنے کا مشورہ دیا گیا ہے۔

    تفصیلات کے مطابق پاک چین اقتصادی راہداری پر کام کرنے والے انجینئیرز کے کالعدم تنظیموں کی جانب سے اغواء کا خدشہ ظاہر کرتے ہوئے ریڈ الرٹ جاری کردیا۔

    حساس اداروں کی جانب سے جاری الرٹ میں کہا گیا ہے کہ ’’کالعدم تنظیموں کی جانب سے چینی انجینئرز کے اغوا کیا جاسکتا‘‘۔ اداروں نے انجینئرز کو محتاط رہنے کا مشورہ دیتے ہوئے کہا ہے کہ ’’رات کے وقت کسی بھی مقام کا دورہ کرنے سے گریز کریں اور سیکیورٹی کے بغیر کسی منصوبے کا دورہ نہ کریں‘‘۔

    پڑھیں:  وزیراعظم نے’سی پیک‘ سمٹ کا افتتاح کردیا

     انٹیلی جنس ایجنسیز کی جانب سے الرٹ میں لکھا گیا ہے کہ ’’کسی بھی ناخوشگوار واقعے سے بچنے کے لیے سیکیورٹی اقدامات کیے جائیں اور سی پیک پر تعینات تمام افراد کو فول پروف سیکیورٹی مہیا کی جائے‘‘۔

    مزید پڑھیں:   سی پیک پرکام کی رفتار قابل تعریف ہے،چینی وزیرخارجہ

     یاد رہے پاک چائنا اقتصادی راہداری کے حوالے سے پاکستان آرمی کی جانب سے سیکیورٹی کے خصوصی انتظامات کیے گئے ہیں تاہم سپہ سالار جنرل راحیل شریف بھی اقتصادی راہداری پر خصوصی توجہ دے رہے ہیں۔ اس ضمن میں انہوں نے گلگت ، بلتستان سمیت اقتصادی راہداری کے روٹ میں آنے والے علاقوں کا دورہ بھی کیا ہے۔

    یہ بھی پڑھیں:    ایران کی سی پیک منصوبے میں شمولیت کی خواہش

     گلگت، بلتستان میں سی پیک منصوبے سے متعلق ایک تقریب سے خطاب کرتے ہوئے آرمی چیف نے کہا تھاکہ ’’ہمیں دشمن کی ہرسازش کا معلوم ہے تاہم پاک فوج اُس کی ہر سازش کا بھرپور جواب دینا جانتی ہے، انہوں نے مقامی افراد کو سی پیک منصوبے کی افادیت سے بھی آگاہ کیا تھا۔
  • مسئلہ کشمیر پر پاکستان کا مؤقف بہت اہم ہے، چینی وزیر اعظم، نوازشریف سے ملاقات

    مسئلہ کشمیر پر پاکستان کا مؤقف بہت اہم ہے، چینی وزیر اعظم، نوازشریف سے ملاقات

    نیویارک: وزیر اعظم میاں محمد نوازشریف اور چینی وزیر اعظم کے درمیان ملاقات ہوئی جس میں چین کے سربراہ نے ہر سطح پر پاکستان کا ساتھ دینے کا اعلان کیا۔

    تفصیلات کے مطابق پاکستان اور چین کے وزرائے اعظم کے درمیان اہم ملاقات ہوئی جس میں  باہمی تعلقات مزید بہتر بنانے اور اقوام متحدہ کے اجلاس سمیت خطے کی صورتحال پر تفصیلی تبادلہ خیال کیا گیا۔

    اس موقع پر نواز شریف نے کہا کہ ’’پاکستان ہر قسم کی دہشت گردی کی مذمت کرتا ہے، خطے میں امن اور پڑوسی ممالک سے بہتر تعلقات ہمارا ویژن ہے جس پر ہرصورت گامزن رہیں گے‘‘۔

    میاں محمد نوازشریف کا کہنا تھا کہ ’’آپریشن ضربِ عضب کامیابی سے جاری ہے، ملک سے دہشت گردوں کا نیٹ ورک توڑدیا ہے‘‘، وزیر اعظم پاکستان نے چینی سربراہ کو مقبوضہ کشمیر میں ہونے والے بھارتی مظالم کے حوالے سے تفصیلی طور پر  آگاہ کیا‘‘۔

    چینی وزیر اعظم لی کی چنگ نے دو طرفہ تعلقات پر اعتماد کا اظہار کرتے ہوئے کہا کہ ’’ہر فورم پر پاکستان کے ساتھ کھڑے ہیں اور اس کی حمایت میں ہمیشہ آواز بلند کرتے رہیں گے‘‘۔

    لی کی چنگ کا مزید کہنا تھا کہ ’’کشمیر پر پاکستان کے مؤقف کو بہت اہمیت دیتے ہیں اور امید ہے کہ اس معاملے پر عالمی برادری بھی بھر پور توجہ دے گی، خطے میں امن و امان کی فضا برقرار رکھنے کے لیے پاکستان اور بھارت کے درمیان بہترین تعمیری کردار ادا کرنے کو تیار ہیں‘‘۔

    چینی وزیر اعظم نے دہشت گردی کے خاتمے کے لیے پاکستان کے کردار کو سراہتے ہوئے کہا کہ ’’دونوں ممالک کے درمیان گہرا رشتہ ہے جو گزرتے وقت کے ساتھ مضبوط ہوتا جارہاہے۔ گوادر میں فراہم کی گئی سہولتوں میں آئندہ اضافہ کریں گے‘‘۔

  • علی عظمت موٹر سائیکل پر چین جائیں گے

    علی عظمت موٹر سائیکل پر چین جائیں گے

    کراچی : موسیقی کی دنیا میں اپنی آواز اور پاپ میوزیک کے ذریعے علیحدہ شناخت رکھنے والے معروف پاکستانی گلوکارعلی عظمت اپنی مخصوص موٹرسائیکل پر چین تک کا سفر کرنے کے لیے تیار ہیں۔

    تفصیلات کے مطابق پاپ اسٹار اور موسیقی کی دنیا میں اپنے میوزک اور آواز کے ذریعے پہچان بنانے والے معروف پاکستانی گلوکار علی عظمت نے بائیک چلانے کے شوق میں چین تک موٹرسائیکل پر سفر کرنے کا اعلان کردیا۔

    اس ضمن میں گلوکار نے سماجی رابطے کی ویب سائٹ فیس بک پر اپنے مداحوں کے لیے ’’علی کریزی سینٹرل ایشن ایڈوینچر‘‘ کے نام سے ایک صفحہ بھی بنایا ہے جہاں وہ مداحوں کو اپنے سفر سے آگاہ کریں گے اور اس دوران پیش آنے والے مناظر کو کیمرے میں نظر بند کر کے شیئر کریں گے‘‘۔ راک اسٹار نے اپنے سفر کا آغاز جمعے کی صبح 5 بجے کرتے ہوئے تصویر اپنے صفحے پر شیئر کیں۔

    علی عظمت اپنی ٹیم کے ہمراہ سب سے پہلے اسلام آباد پہنچیں گے، جس کے بعد وہ مری، برہان، آزاد کشمیر، مظفرآباد، گڑھی خدا بخش، بالاکوٹ، ناران، ہنزہ، پسو، خنجراب کی سرحدوں سے  گزرتے ہوئے چین پہنچیں گے، اس موقع پر اُن کے ہمراہ ٹیم بھی موجود ہوگی۔

    قبل ازیں علی عظمت نے 2011 میں کراچی سے لاہور تک کا سفر موٹر سائیکل پر سفر طے کیا تھا جس کے بعد انہوں نے 2013 میں بائی روڈ پاکستان کا دورہ کیا تاہم اس بار وہ پچھلے دو دوروں سے زیادہ مسافت طے کرنے کا ارادہ رکھتے ہیں۔

  • چین : شیشے کا پل افتتاح کے چند روز بعد ہی بند

    چین : شیشے کا پل افتتاح کے چند روز بعد ہی بند

    بیجنگ : چین میں 34 لاکھ ڈالر کی خطیر لاگت سے بننے والا شیشے کا پل افتتاح کے صرف دو ہفتے بعد ہی آمدورفت کے لیے بند کردیا گیا۔

    تفصیلات کے مطابق شین جیاجی پارک میں واقع شیشے کا پل جو کہ چونتیس لاکھ ڈالر کی لاگت سے بنایا گیا تھا اسے افتتاح کے 15 روزبعد ہی بند کردیا گیا۔

    متعلقہ حکام کا کہنا ہے کہ اس پل پر نہ توکوئی حادثہ پیش آیا ہے اور نہ ہی پل پر کوئی دراڑ پڑی ہے، تاہم سیاحوں کی بہت زیادہ آمدورفت کے سبب پل متاثر ہوا ہے۔

    حکام نے بتایا ہے کہ حکومت علاقے میں ہنگامی طور پر مرمت کے کام کی منصوبہ بندی کر رہی اور جمعے کو پل بند کر دیا گیا تھا۔ حکام کی جانب سے پل کے دوبارہ کھولے جانے کے وقت کا اعلان نہیں کیا گیا۔

    امریکی ٹی وی چینل سی این این کے مطابق ایک ترجمان نے بتایا ہے کہ پہاڑیوں پر معلق پل سیاحوں کی بہت زیادہ تعداد سے متاثر ہوا تھا۔ ہونان صوبے میں شینجیاجی کے مقام پر بنایا گیا یہ پل ’اوتار‘ نامی دو پہاڑی چوٹیوں کو ملاتا ہے۔

    اس نسبت کی وجہ یہ ہے کہ اوتار نامی فلم یہاں ہی فلمائی گئی تھی۔ شین جیاجی پارک میں واقع شیشے کا ایک پل سیاحوں کی دلچسپی کا باعث بنا جو کہ 430 میٹر کی بلندی پر ہے اور یہ 300 میٹر گہری کھائی پر بنا ہوا ہے۔

    اس کے اففتاح کے بعد اسے دنیا کا سب سے اورنچا اور لمبا شیشے کا پل قرار دیا گیا تھا، شیشے کا یہ منفرد پل چارسوتیس میٹرکی بلندی پر تین سو میٹر گہری کھائی کے اوپر بنا ہوا ہے،یہ دنیا کا سب سے اونچا اور لمبا شیشے کا پل ہے۔

    چین میں شیشے کا پُل خود کو باہمت ثابت کرنے والوں میں آج کل کافی مقبول ہے۔ پارک کے حکام کا کہنا ہے کہ روزانہ 8000 لوگوں کو اس پل سے گزرنے کی اجازت دی گئی تھی۔

    مزید پڑھیں : چین میں بلند ترین شیشے کا پل سیاحوں کے لیے کھول دیا گیا

    ترجمان نے سی این این کو بتایا کہ یہاں روزانہ اس سے دس گنا زیادہ تعداد میں لوگ آنا چاہتے تھے۔

     

  • چین میں کنواروں کا گاؤں، خواتین کا آنے سے انکار

    چین میں کنواروں کا گاؤں، خواتین کا آنے سے انکار

    بیجنگ : چین میں لاویا نامی ایک گاؤں کنواروں کے گاؤں کے نام سے مشہور ہے۔ سال 2014 میں کیے گئے ایک سروے کے مطابق یہاں کی کل 1600 کی آبادی میں 30 سے 55 سال کی عمر کے 112 کنوارے مرد تھے۔ جو انتہائی غیر معمولی بات ہے۔

    اس گاؤں کے ایک رہائشی ژیانگ جیگن خود ایسے 100 مردوں کو جانتے ہیں جو اب تک غیر شادی شدہ ہیں۔ برطانوی نشریاتی ادارے بی بی سی کے مطابق ژیانگ کا کہنا تھا کہ ’میں اپنے لیے بیوی تلاش نہیں کر سکا۔ خواتین کام کے لیے کسی دوسرے علاقے میں چلی گئیں تو مجھے شادی کے لیے کوئی کیسے ملتا۔‘

    Cheen-Post-01

    ژیانگ جیگن مشرقی چین لاویا کے نامی گاؤں میں رہتے ہیں۔ اس گاؤں تک جانے والا تیز ترین راستہ ایک گھنٹے کی سست رفتار مسافت پر محیط ہے۔

    انہوں نے اپنے گاؤں کی سڑک کا ذکر کرتے ہوئے کہا کہ یہاں آمد و رفت بہت مشکل ہے۔ ہم بارشوں میں دریا کے پار نہیں جا سکتے۔ عورتیں یہاں بسنا نہیں چاہتیں، ژیانگ جیگن کا کہنا تھا یہ علاقہ کٹا ہوا ہے اور یہاں آمدورفت بہت مشکل ہے۔ پہاڑ کی چوٹی پر بنے ان کے گھر کے باہر مرغیوں کا دڑبا اور مکئی کے کھیت دکھائی دے رہے ہیں۔

    تینتالیس سالہ غیر شادی شدہ ژیانگ کو چینی میں ’خالی شاخ‘ کہا جاتا ہے جس کے معنی تنہا، غیر شادی شدہ یا کنوارے کے ہیں۔ ان کا گاؤں دور دراز کے علاقے میں ہے۔

    Cheen-Post-02

    چین میں مردوں کی تعداد عورتوں سے زیادہ ہے۔ یہاں اگر 115 لڑکوں کے مقابلے میں صرف 100 لڑکیاں پیدا ہوتی ہیں۔ یہاں کی ثقافت میں لڑکوں کو لڑکیوں پر فوقیت دی جاتی ہے۔

    1980 کی دہائی کے بعد کمیونسٹ پارٹی کی ایک بچے والی پالیسی نے اسقاطِ حمل کو بڑھاوا دیا۔ اس کا نتیجہ یہ ہوا کہ اکیسویں صدی میں مردوں کی شادی کے مواقع کم ہو گئے۔ والدین آج بھی یہاں بچوں کے رشتے کروانے میں اہم کردار ادا کرتے ہیں۔ جبکہ دیہاتوں میں رشتہ کروانے والے بھی مقبول ہیں۔

    ژیانگ کا کہنا ہے کہ انہوں نے بھی ان سے رابطہ کیا تھا ’کچھ خواتین یہاں آئی تھیں لیکن وہ لوٹ گئیں کیونکہ انہیں یہاں آنے کا راستہ پسند نہیں آیا۔

    Cheen-Post-03

    کیا انہیں کسی سے محبت ہوئی تھی؟ اس سوال کے جواب میں ان کا کہنا تھا ’ان کا ایک خاتون سے تعلق تو بنا تھا لیکن بات نہیں بن پائی۔ اس کو شکایت تھی کہ میرا گاؤں اس کے لیے اچھا نہیں ہے خاص طور پر یہاں کی سڑکیں آمدورفت کے قابل نہیں۔

    ژیانگ نے بتایا کہ یہاں گاؤں کی خواتین شہروں میں کام کی تلاش میں چلی گئیں اور اکثر وہیں شادی بھی کر لیتی ہیں۔ خواتین کی طرح مرد بھی باہر جا کر کام کرتے ہیں لیکن وہ وہاں شادی نہیں کرتے۔ کئی مرد یہیں رک گئے کیونکہ انہیں اپنے عمر رسیدہ والدین کی دیکھ بھال کرنا تھی۔ ژیانگ جیگن نے بھی یہیں رک کر اپنے چچا کی خدمت کرنے کا فیصلہ کیا۔

    ژیانگ جیگن کا کہنا تھا ’اگر میں بھی چلا گیا تو انہیں کھانا کون دے گا۔ اور یہ نرسنگ ہوم بھی نہیں جا سکتے۔‘ چینی نوجوانوں میں اپنے بزرگوں اور پرورش کرنے والوں کے لیے یہ فرض کا یہ احساس چینی معاشرے کا اہم حصہ ہے۔

    لاویا چونکہ دور دراز علاقہ ہے اس لیے یہاں بنایا گیا ایک نیا گھر بھی کسی عورت کو واپس آ کر ژیانگ جیگن کی بیوی بننے پر رضا مند نہیں کر سکا۔

     

  • دنیا کی دوسری بڑی طاقت چین کو معاشی مشکلات کا سامنا

    دنیا کی دوسری بڑی طاقت چین کو معاشی مشکلات کا سامنا

    بیجنگ : دنیا کی دوسری بڑی معیشت چین ان دنوں شدید دباؤ کا شکار ہے، چینی اقتصادیات کے تازہ اعداد وشمار کے مطابق جولائی میں صنعتی پیداواراورفروخت توقعات سے کم رہیں۔

    اس سے قبل بھی چین کے تجارتی اعداد و شماربھی توقعات سے کم تھے۔ چینی بیورو آف شماریات کے ترجمان نے بتایا کہ ملک کی معیشت اس وقت دباؤ کا شکار ہے۔

    بین الااقوامی مالیاتی فنڈ کے اندازوں کے مطابق رواں سال چین کی معاشی ترقی شرح 6.6 فیصد تک رہنے کا امکان ہے۔

    برطانوی نشریاتی ادارے بی بی سی کے مطابق آئی ایم ایف نے چین کو خبردار کیا ہے کہ وہ اپنی شرح نمو کی توقعات ظاہر کرنے کے بجائے سالانہ شرح نمو کا ہدف مقرر کرے۔

    آئی ایم ایف نے اپنی رپورٹ میں کہا ہے کہ سنہ 2021 تک چین کی اقتصادی ترقی کی شرح 5.8 فیصد تک ہو گی۔

    یاد رہے کہ چین اپنی معیشت میں مقامی کھپت اوربرآمدات کے درمیان توازن پیدا کرنا چاہتا ہے اوراسی وجہ سے بڑی صنعتوں خاص کر کے اسٹیل انڈسٹری میں بڑے پیمانے پر ملازمتیں کم ہوئی ہیں۔

    اعدادوشمار ظاہر کرتے ہیں کہ چین میں صارفین کے اخراجات یا کنزیومرازم میں خاطر خواہ اضافہ نہیں ہو رہا ہے۔

     

  • کوئٹہ دھماکے پر چین اور فرانس کے رہنماؤں کا اظہار مذمت

    کوئٹہ دھماکے پر چین اور فرانس کے رہنماؤں کا اظہار مذمت

    پیرس / بیجنگ : کوئٹہ میں بم دھماکے اور 72 بے گناہ افراد کی شہادتوں پر دنیا بھر کے رہنماؤں، صدور اور وزرائے اعظم اور انسانی حقوق کی عالمی تنظیموں کی جانب سے تعزیتوں کا سلسلہ جاری ہے۔

    چین اور فرانس نے بھی کوئٹہ دھماکے پر اظہار تعزیت کرتے ہوئے دہشت گردی کے خلاف جنگ میں پاکستان کی قربانیوں کو سراہتے ہوئے کہا ہے کہ وہ پاکستان کے ساتھ ہیں۔

    فرانس کے صدرفرانسو اولاندو نے سانحہ کوئٹہ پرشدید الفاظ میں مذمت کرتے ہوئے اپنے گہرے دکھ اورغم کا اظہار کیا ہے، فرانسیسی وزارت خارجہ نے کہا ہے کہ دہشت گردی کی جنگ میں پاکستان کی کوششوں کو سراہتے ہیں۔

    علاوہ ازیں چینی وزارت خارجہ کی جانب سے بھی کوئٹہ دھماکے کی مذمت کی گئی۔ وزارت خارجہ کے ترجمان کا کہنا ہے کہ دہشت گردی کے خلاف جنگ میں پاکستان کے ساتھ ہیں، کوئٹہ دھماکے میں انسانی جانوں کے ضیاع پر انتہائی دکھ ہوا۔

    سانحہ کوئٹہ: دو مزید زخمی دم توڑ گئے ، شہدا کی تعداد72 ہوگئی

    یاد رہے کہ گزشتہ روز کوئٹہ میں دہشت گردی کے ایک واقعے میں ایک وکیل کی ٹارگٹ کلنگ کے بعد مقتول کی لاش اسپتال پہنچنے پر دہشت گردوں نے کوئٹہ کے سول اسپتال میں خود کش حملہ کردیا تھا جس کے نتیجے میں اب تک کی اظلاعات کے مطابق 72 افراد جان کی بازی ہار چکے ہیں، اور سیکڑوں افراد زخمی ہیں۔