ARYNews.tv | Urdu – Har Lamha Bakhabar

Tag: christian turner

  • پاک برطانیہ دوستی زندہ باد، خدا حافظ، ہائی کمشنر کی الوداعی ویڈیو

    کراچی : پاکستان میں تعینات برطانوی ہائی کمشنر کرسچن ٹرنر نے خدا حافظ کہہ دیا، جانے سے قبل انہوں نے ایک الوداعی ویڈیو جاری کی ہے۔

    تفصیلات کے مطابق برطانوی ہائی کمشنر کرسچین ٹرنر اپنے عہدے کی مدت کی تکمیل اور فرائض کی ادائیگی کے بعد پاکستان سے وطن واپس روانہ ہوگئے۔

    کرسچین ٹرنر نے جانے سے قبل پاکستان کے روایتی صندوق میں اپنا لیپ ٹاپ، پاکستانی لباس، مٹھائی کا ڈبہ، کتاب اور اپنی ٹیم کی ٹی شرٹ بھی رکھی۔

    برطانوی ہائی کمشنر نے آفس چھوڑنے کی اپنی ویڈیو ٹوئٹر اکاؤنٹ سے شیئر کردی، کرسچین ٹرنر نے اسلام آباد میں قومی یادگار پر ایک ویڈیو پیغام بھی ریکارڈ کرایا۔

    برطانوی سفیر کی جانب سے جاری کی گئی ویڈیو میں دیکھا جاسکتا ہے کہ برطانوی ہائی کمشنر گاجر کا حلوہ کھاتے اور سامان میں رکھتے ہوئے دکھائی دے رہے ہیں، کرسچن ٹرنر چترالی کیپ اور پاکستانی کرکٹ بیٹ بھی اپنے ساتھ لے کر جارہے ہیں۔

    انہوں نے اپنی الوداعی ویڈیو میں پاکستانیوں کے نام اپنے پیغام میں ان کا کہنا تھا کہ آپ لوگوں سے مل کر بہت اچھا لگا، پھرملاقات ہوگی، پاکستان برطانیہ دوستی زندہ باد، خدا حافظ۔

    گزشتہ ماہ کرسچین ٹرنر نے اعلان کیا تھا کہ وہ جنوری میں اسلام آباد چھوڑ دیں گے اور برطانیہ کے فارن کامن ویلتھ اینڈ ڈیولپمنٹ آفس میں ڈائریکٹر جنرل جیو پولیٹیکل کے طور پر لندن میں ایک سینئر سفارتی عہدہ سنبھالیں گے۔

    مزید پڑھیں : پاک انگلینڈ ٹیسٹ میچ  میں برطانوی ہائی کمشنر کا دلچسپ انداز

    واضح رہے کہ گزشتہ روز پاکستان میں چین کے سفیرنونگ رونگ اور برطانیہ کے ہائی کمشنر کرسچین ٹرنر نے اسلام آباد میں وزیر خارجہ بلاول بھٹو زرداری سے الوداعی ملاقات کی تھی۔

    وزیر خارجہ نے سکبدوش ہونے والے چینی اور برطانوی سفراء کی خدمات کی تعریف کرتے ہوئے مستقبل میں ان کے لئے نیک خواہشات کا اظہار کیا۔

  • سیلاب کی تباہ کاریوں سے نمٹنے کے لیے برطانیہ کی 26 ملین پاؤنڈز کی امداد

    سیلاب کی تباہ کاریوں سے نمٹنے کے لیے برطانیہ کی 26 ملین پاؤنڈز کی امداد

    اسلام آباد: برطانوی ہائی کمشنر کرسچن ٹرنر کا کہنا ہے کہ برطانیہ سیلاب اور موسمیاتی تبدیلی سے نمٹنے کے لیے پاکستان کی مدد کر رہا ہے، سیلاب کی تباہ کاریوں سے نمٹنے کے لیے 26.5 ملین پاؤنڈز کی امداد فراہم کی گئی۔

    تفصیلات کے مطابق برطانوی ہائی کمشنر کرسچن ٹرنر نے سماجی رابطے کی ویب سائٹ ٹویٹر پر اپنے ٹویٹ میں کہا کہ برطانیہ سیلاب اور موسمیاتی تبدیلی کے لیے پاکستان کی مدد کر رہا ہے۔

    کرسچن ٹرنر کا کہنا تھا کہ سیلاب کی تباہ کاریوں سے نمٹنے کے لیے 26.5 ملین پاؤنڈز کی امداد فراہم کی گئی، امداد کا مقصد موسمیاتی سرمایہ کاری تک رسائی کو آسان بنانا ہے۔

    انہوں نے مزید کہا کہ امداد سے پاکستان مشکل حالات سے جلد از جلد نکل سکے گا۔

  • سال 2022 میں‌ نئی ملازمتیں اور سرمایہ کاری، برطانوی ہائی کمشنر کا پاکستان کیلئے بڑا اعلان

    سال 2022 میں‌ نئی ملازمتیں اور سرمایہ کاری، برطانوی ہائی کمشنر کا پاکستان کیلئے بڑا اعلان

    اسلام آباد : برطانوی ہائی کمشنر کرسچن ٹرنر کا کہنا ہے کہ 2022 وہ سال ہوگا ، جس میں پاکستان سے تجارتی تعلقات مزید بہتر کرنے کے ساتھ ساتھ نئی ملازمتیں اور سرمایہ کاری لائیں گے۔

    تفصیلات کے مطابق پاکستان میں تعینات برطانوی ہائی کمشنر کرسچن ٹرنر نے سماجی رابطے کی ویب سائٹ ٹوئٹر پر اپنے پیغام میں بتایا کہ سال نو کی پہلی  وزارتی ملاقات رزاق داؤد سے ہوئی ، ملاقات میں پاکستان اور برطانیہ میں تجارت کو فروغ دینے پر بات ہوئی۔

    کرسچن ٹرنر کا کہنا تھا کہ 2022 وہ سال ہوگا ، جس میں پاکستان سے تجارتی تعلقات مزید بہتر کرنے کے ساتھ ساتھ نئی ملازمتیں اور سرمایہ کاری لائیں گے۔


    یاد رہے چند روز قبل وزیراعظم عمران خان سے برطانیہ کےلارڈ ڈینیل حنان کی ملاقات ہوئی تھی ،ملاقات میں ملکی صورتحال سمیت دیگر امور پر تبادلہ خیال کیا گیا جبکہ پاکستان اور برطانیہ کے درمیان تعقات پر بھی بات چیت ہوئی۔

    لارڈ حنان نے وزیراعظم کے گرین پاکستان ویژن کی تعریف کرتے ہوئے 10بلین ٹری سونامی منصوبے کوبھی سراہا، دوران ملاقات برطانیہ کےلارڈ ڈینیل حنان کا کہنا تھا کہ آپ کے منصوبے نےعالمی سطح پرزبردست پذیرائی حاصل کی ہے۔

  • پاکستان میں تعینات برطانوی ہائی کمشنر نے شائقین کرکٹ کو بڑی خوشخبری سنادی

    پاکستان میں تعینات برطانوی ہائی کمشنر نے شائقین کرکٹ کو بڑی خوشخبری سنادی

    اسلام آباد:وزیر اطلاعات فواد چوہدری سے پاکستان میں برطانیہ کے ہائی کمشنر کرسچن ٹرنر نے ملاقات کی ہے، ملاقات میں شائقین کرکٹ کو بڑی خوشخبری ملی ہے۔

    تفصیلات کے مطابق اسلام آباد میں فواد چوہدری سے پاکستان میں برطانیہ کےہائی کمشنر کرسچن ٹرنر نے ملاقات کی، ملاقات کے بعد وزیراطلاعات فواد چوہدری نے ٹوئٹ میں بتایا کہ آج برطانوی ہائی کمشنرکرسچن ٹرنر سےمل کر خوشی ہوئی، شائقین کرکٹ کے لئے اچھی خبر ہے کہ سولہ سال وقفےکے بعد اکتوبر میں برطانوی ٹیم پاکستان آئےگی۔اس سے قبل ملاقات میں پاکستان میں برطانیہ کےہائی کمشنرکرسچن ٹرنر نے کہا کہ رواں سال برطانوی مرد، خواتین کرکٹ ٹیمز کےدورہ پاکستان کا منصوبہ ہے، اس دوران برطانوی میوزیکل بینڈبھی پاکستان کادورہ کرےگا، وفاقی وزیر فواد چوہدری نے کہا کہ برطانوی ٹیموں اور میوزیکل بینڈ کےدورہ پاکستان کا خیرمقدم کرتےہیں، کھیلوں سےدلچسپی رکھنےوالوں کیلئے یہ ایک اچھی خبرہے، اس سے شہریوں کومزید اسپورٹس تفریح کاماحول میسرآئےگا۔

    ملاقات میں وفاقی وزیر اور پاکستان میں برطانیہ کے ہائی کمشنر نے پاکستان کے75ویں یوم آزادی کی مناسبت سے مشترکہ پروڈکشن کی ضرورت پر زور دیا، وفاقی وزیر نےمیڈیا ٹیکنالوجی یونیورسٹی کے قیام کےلئےکرسچن ٹرنرکو آگاہ کیا اور برطانوی ماہرین کے ذریعےسیٹ ڈیزائنرز ،صنعتکاروں کےتربیتی انتظامات پر گفتگو کی۔

    اس موقع پر برطانوی ہائی کمشنر نےتجاویز پرہر ممکن تعاون فراہم کرنےکی یقین دہانی کرائی، ملاقات میں پاکستان اور برطانیہ میں کرونا سےمتعلق امور پر بھی تبادلہ خیال کیاگیا، برطانوی ہائی کمشنر نےپاکستان کی جاری کرونا ویکسی نیشن مہم کی تعریف کی۔

  • پاکستان میں 1 لاکھ برطانوی وطن واپسی کے منتظر

    پاکستان میں 1 لاکھ برطانوی وطن واپسی کے منتظر

    اسلام آباد: پاکستان میں 1 لاکھ برطانوی موجود ہونے کا انکشاف ہوا ہے، یہ برطانوی وطن واپسی کے منتظر ہیں، ہائی کمشنر کا کہنا ہے کہ واپسی کے لیے کرائے ادا کرنے پڑیں گے۔

    اے آر وائی نیوز کے مطابق اسلام آباد میں تعینات برطانوی ہائی کمشنر کرسچن ٹرنر نے ویڈیو لنک پریس کانفرنس میں کہا کہ دنیا بھر سے برطانوی شہریوں کو واپس لانے والی پروازیں مفت نہیں ہیں، مسافروں کو کرایہ ادا کرنا پڑتا ہے۔

    برطانوی ہائی کمشنر کا کہنا تھا کہ پاکستان میں تقریباً ایک لاکھ برطانوی شہری موجود ہیں، انھوں نے کہا کہ پہلی ترجیح ان لوگوں کی واپسی ہے جو معمر ہیں یا جن کو ممکنہ طور پر بیمار ہونے کا خدشہ لاحق ہے۔

    ہائی کمشنر نے ویڈیو لنک پر برطانیہ میں موجود پاکستانی صحافیوں سے بات کرتے ہوئے کہا کہ پی آئی اے کے ساتھ رابطے میں ہیں اور 5 دن کے اندر 4 ہزار برطانوی شہریوں کو واپس لے کر جائیں گے۔ کرسچن ٹرنر نے حکومت پاکستان اور پی آئی اے حکام کا شکریہ بھی ادا کیا، انھوں نے کہا کہ پی آئی اے کے کرائے دیگر ایئر لائنز کے مقابلے میں مناسب ہیں۔

    انھوں نے کہا کہ لوگوں کے اندر ایک غلط فہمی موجود تھی کہ برطانوی حکومت لوگوں کو چارٹرڈ فلائٹس کے ذریعے مفت واپس لے جا رہی ہے، تاہم یہ درست نہیں، چارٹرڈ طیاروں کے مسافروں کو بھی کرایہ ادا کرنا پڑتا ہے۔ اے آر وائی نیوز کے سوال پر انھوں نے بتایا کہ جن مسافروں کے اندر کرونا وائرس کی تشخیص ہو چکی ہے حکومت پاکستان ان کی مکمل ذمہ داری لیتے ہوئے انھیں آئسولیشن میں رکھ رہی ہے اس لیے ان کا بیماری کے دوران واپس برطانیہ جانا ممکن نہیں ہوگا۔

    انھوں نے مزید کہا کہ دوران سفر مسافروں کے حفظان صحت کا خیال رکھنا پی آئی اے کی ذمہ داری ہے۔ کرسچن ٹرنر کا کہنا تھا جو لوگ برطانوی شہری نہیں مگر ان کے پاس برطانیہ کا ویزا موجود ہے ان کے بھی وبا کے دنوں میں برطانیہ جانے پر کوئی پابندی نہیں۔