Tag: christmas

آرتھوڈوکس مسیحی آج کرسمس منارہے ہیں

آرتھوڈوکس مسیحی آج روس سمیت دنیا بھر میں کرسمس کا تہوار منارہے ہیں۔

غیر ملکی ذرائع ابلاغ کے مطابق روسی صدر ولادیمیر پیوٹن نے ماسکو کے گرجا گھر میں منعقد دعائیہ تقریب میں شرکت کی۔

روسی صدر ولادیمیر پیوٹن نے کیتھیڈرل آف کرائسٹ جاکر پیٹریاک کیریل سے بھی ملاقات کی، اس موقع پر انہوں نے دنیا بھر کے آرتھوڈوکس مسیحی برادری کو کرسمس کی مبارکباد پیش کی۔

روسی صدر ولادیمیر پیوٹن کا قوم کے نام پیغام میں کہنا تھا کہ یہ تہوار خاندانی روایات کی اہمیت کی علامت ہے۔

دوسری جانب روسی صدر ولادیمیر پوٹن نے غیر قانونی تارکین وطن کو ملک چھوڑنے یا اپنی حیثیت کو قانونی شکل دینے کے لیے 30 اپریل 2025 تک کی ڈیڈ لائن دی ہے۔

یہ فیصلہ ماسکو کے کروکس سٹی ہال میں ہونے والے دہشت گردانہ حملے کے بعد کیا گیا ہے۔ نئے قوانین کے تحت تارکین وطن کو بائیو میٹرک ڈیٹا فراہم کرنے، طبی معائنے اور زبان کے ٹیسٹ پاس کرنے کی ضرورت ہے۔

یہ اقدام روس کی جانب سے اپنی مائیگریشن پالیسی کو سخت کرنے کی کوششوں کا حصہ ہے۔ اس کا مقصد مزدور تارکین وطن کی ضرورت کا انتظام کرتے ہوئے سیکورٹی کے خدشات کو دور کرنا ہے۔

غیر قانونی تارکین وطن کو روس میں رہنے کے لیے سخت شرائط کو پورا کرنا ہوگا۔ ان میں بائیو میٹرک ڈیٹا جمع کرنا اور میڈیکل اور لینگویج ٹیسٹ پاس کرنا شامل ہے۔

حکومت کو امید ہے کہ ان اقدامات سے سیکورٹی اور نقل مکانی پر کنٹرول میں بہتری آئے گی۔ نئے ضوابط حالیہ سیکورٹی خطرات کا جواب ہیں۔ ان کا مقصد اس بات کو یقینی بنا کر مستقبل میں ہونے والے واقعات کو روکنا ہے کہ تمام تارکین وطن دستاویزی ہیں اور مخصوص معیارات پر پورا اترتے ہیں۔

پیوٹن کا الٹی میٹم امیگریشن کے سخت کنٹرول کے لیے حکومت کے عزم کو نمایاں کرتا ہے۔ واضح تقاضے طے کرکے، روس کا مقصد غیر قانونی امیگریشن کو کم کرنا اور قومی سلامتی کو بہتر بنانا ہے۔

برطانیہ میں کرسمس کے روز چاقو کے وار سے دو خواتین قتل

آخری تاریخ تارکین وطن کو نئے قوانین کی تعمیل کرنے یا ملک چھوڑنے کی مہلت ہے۔ پالیسی میں تبدیلی روس کے امیگریشن کے نقطہ نظر میں وسیع تر رجحان کی عکاسی کرتی ہے۔ جیسے جیسے آخری تاریخ قریب آئے گی، بہت سے تارکین وطن کو یہ فیصلہ کرنے کی ضرورت ہوگی کہ آیا اپنی حیثیت کو قانونی شکل دینا ہے یا وطن واپس جانا ہے۔

جنوری 7, 2025
پاکستان سمیت دنیا بھر میں مسیحی برادری آج کرسمس کا تہوار منا رہے ہیں

پاکستان سمیت دنیا بھر میں مسیحی برادری آج کرسمس کا تہوار منا رہے ہیں۔

تفصیلات کے مطابق عیسائت کے مرکز ویٹی کن سٹی میں خصوصی دعائیہ تقریب کا انعقاد کیا گیا، عیسائیوں کے روحانی پیشوا پوپ فرانسس نے تقریب میں شرکت کی اور خصوصی دعا کرائی۔

اس کے علاوہ کراچی کے سینٹ پیٹرک چرچ میں کرسمس کی دعائیہ تقریب کا اہتمام کیا گیا جس میں مسیحی برادری نے بڑی تعدادمیں شرکت کی، تقریب میں مٹھائیاں تقسیم کی گئیں۔

کرسمس کی مناسبت سے گرجا گھروں میں خصوصی عبادات اور دعائیہ تقریبات کا انعقاد کیا گیا ہے، جہاں ملکی ترقی، قیام امن اور سلامتی وخوشحالی کی خصوصی دعائیں مانگی جارہی ہیں۔

کراچی میں قائداعظم ڈے اور کرسمس پر سیکیورٹی کے فول پروف انتظامات کاجائزہ لینےکیلئے ڈی جی رینجرز سندھ نے رات گئے اچانک مختلف علاقوں کا دورہ کیا۔

ڈی جی رینجرز میجر جنرل محمد شمریز نے مزار قائد کا دورہ کیا، جہاں رینجرز افسران نے سیکیورٹی انتظامات پر بریفنگ دی۔

ڈی جی رینجرز نے مسیحی عبادت گاہوں کا بھی دورہ کیا، منتظمین نے ڈی جی رینجرز کو انتظامات سے متعلق آگاہ کیا جس پر ڈی جی رینجرز نے اطمینان کا اظہارکیا۔

دسمبر 25, 2024
برمنگھم میں کرسمس کی تقریبات شروع ہوگئیں

برمنگھم میں کرسمس تقریبات کا باقاعدہ آغازکردیا گیا ہے، شہر کے بیشتر حصے کوبرقی قمقموں سے سجا دیا گیا ہے۔

بین الاقوامی خبر رساں ادارے کی رپورٹ کے مطابق برمنگھم کے وکٹوریہ اسکوائر میں برطانیہ کی سب سے بڑی جرمن کرسمس مارکیٹ کاافتتاح بھی کردیا گیا ہے۔

رپورٹس کے مطابق جرمن سفیر کرسمس لائٹس روشن کرنے کی تقریب میں خصوصی طور پر شریک ہوئے، کرسمس مارکیٹ میں کھانے پینے سمیت دیگر مصنوعات کے 60 سے زائد اسٹالز سجائے گئے تھے۔

مارکیٹ میں برطانیہ بھر سے 50 لاکھ افراد کی آمد متوقع ہے۔ جبکہ مارکیٹوں میں گہما گہمی کا سلسلہ شروع ہوچکا ہے۔

واضح رہے کہ گزشتہ برس میکسیکو کی وسطی ریاست گوانا جواٹو میں کرسمس سے قبل منعقد ہونے والی ایک روایتی پارٹی میں شرکت کرنے والوں پر ایک مسلح گروپ نے حملہ کردیا تھا، جس کے نتیجے میں 12افراد لقمہ اجل بن گئے تھے۔

میکسیکو کے اٹارنی جنرل کے مطابق حملوں میں 12 افراد ہلاک ہوئے تھے، تاہم حکام نے اس حوالے سے مزید کوئی تفصیل جاری نہیں کی تھی۔

ٹرمپ نے کرسمس پیغام میں بھی بائیڈن کو نہ بخشا

ریاست گوانا جواٹو بڑی فیکٹریوں کی وجہ سے میکسیکو میں مشہور ہے لیکن حالیہ برسوں میں وہاں پرتشدد کارروائیوں میں اضافہ ہوا ہے۔

نومبر 2, 2024
آرمی چیف جنرل سید عاصم منیر کی کرسمس تقریب میں شرکت کے لیے کرائسٹ چرچ راولپنڈی آمد

اسلام آباد: آرمی چیف جنرل سید عاصم منیر نے کرسمس تقریب میں شرکت کے لیے کرائسٹ چرچ راولپنڈی جا کر مسیحی برادری کے ساتھ کرسمس تقریبات میں شرکت کی۔

آئی ایس پی آر کے مطابق آرمی چیف جنرل سید عاصم منیر نے کرائسٹ چرچ راولپنڈی میں مسیحی برادری کے ساتھ کرسمس تقریبات میں شرکت کی، چرچ انتظامیہ نے آرمی چیف کا خیر مقدم کیا اور تہوار میں شرکت پر اُن کا شکریہ بھی ادا کیا۔

آرمی چیف نے پاکستان میں مقیم تمام مسیحی برادری کو کرسمس کی مبارک باد دی، آرمی چیف نے مذہبی برادری کے لیے احترام کا اظہار کیا اور متحد اور ترقی پسند پاکستان کے لیے قائد کے حقیقی وژن پر عمل کرنے کے لیے معاشرے میں بین المذاہب ہم آہنگی کو فروغ دینے کی ضرورت پر بھی زور دیا۔

آرمی چیف کا کہنا تھا کہ اسلام ہمیں امن، دوستی کا سبق سکھاتا ہے اور بین المذاہب ہم آہنگی کی حوصلہ افزائی کرتا ہے جو کہ وقت کی اہم ضرورت ہے، آرمی چیف نے درپیش چیلنجز اور مسائل سے نمٹنے کے لیے بیان بازی اور پروپیگنڈہ کے بجائے قومی مسائل کے بارے میں درست نقطہ نظر، سچائی اور علم پر مبنی رائے رکھنے کی اہمیت پر زور دیا۔

آرمی چیف جنرل سید عاصم منیر نے کہا کہ پاکستان کے دشمن مذہبی، نسلی اور سیاسی کمزوریوں کو استعمال کرتے ہوئے دراڑیں ڈالنے پر تلے ہوئے ہیں، ہمیں ایک پُرعزم اور مضبوط قوم کے طور پر اُبھرنے کے لیے متحد اور یک جان ہونا پڑے گا۔

آرمی چیف نے قائد اعظم محمد علی جناح کے 147 ویں یوم پیدائش پر اُن کے عظیم وژن اور قیادت کو شان دار خراج تحسین پیش کرتے ہوئے، 11 اگست 1947 کو دستور ساز اسمبلی سے خطاب کے دوران قائد کے تاریخی کلمات کا حوالہ دیا کہ ’’آپ آزاد ہیں، آپ اپنے مندروں میں جانے کے لیے آزاد ہیں۔ آپ اس ریاست پاکستان میں اپنی مساجد یا کسی دوسری عبادت گاہ میں جانے کے لیے آزاد ہیں۔‘‘

آرمی چیف نے تمام شعبوں اور ڈومینز میں پاکستان کی پوری مسیحی برادری کی خدمات اور قربانیوں کا بھی اعتراف کیا۔

دسمبر 25, 2023
دنیا بھر میں کرسمس کا جشن جاری، پوپ فرانسس کی تہوار سادگی سے منانے کی اپیل

دنیا بھر میں کرسمس کا جشن جاری ہے، پاکستان سمیت دنیا کے ہر خطے میں آج کرسمس منایا جا رہا ہے، ایسے میں پوپ فرانسس نے تہوار سادگی سے منانے کی اپیل کی ہے۔

تفصیلات کے مطابق دنیا بھر میں کرسمس کی تقریبات جاری ہیں، ویٹی کن سٹی میں مرکزی تقریب منعقد ہوئی، جس میں پوپ فرانسس نے کرسمس کا تہوار سادگی سے منانے کی اپیل کی۔

پوپ فرانسس نے کرسمس کی عالمی تقریبات کا آغاز اس دکھ کے ساتھ کیا کہ یسوع کے امن کے پیغام کو ان ہی کی سرزمین پر ’جنگ کی لا حاصل منطق‘ کے ذریعے غرق کیا جا رہا ہے۔ انھوں نے کہا آج رات ہمارے دل بیت لحم میں ہیں، جہاں ’امن کے شہزادے‘ کو ایک بار پھر جنگ کی فضول منطق اور ہتھیاروں کی جنگ کے ذریعے مسترد کر دیا گیا ہے۔

برلن کے فٹ بال اسٹیڈیم میں بھی کرسمس کی رنگا رنگ تقریب ہوئی، اور اسٹیڈیم موم بتیوں کی روشنیوں سے جگمگا اٹھا، امریکی ریاست فلوریڈا میں ہزاروں افراد سانتا کا روپ دھارے سرفنگ کرنے پہنچ گئے۔

حضرت عیسیٰؑ کی ’جائے پیدائش‘ بیت لحم میں فضا سوگوار، کرسمس منسوخ

میکسیکو میں بھی دیوہیکل کرسمس ٹری سج گیا، اسپین کے دارالحکومت میڈرڈ میں سانتا رن کا اہتمام کیا گیا، روس میں کرسمس ٹری نے ہر سو روشنیاں بکھیر دیں۔

برطانوی شاہی خاندان نے بھی کرسمس کی مناسبت سے کانسرٹ کا اہتمام کیا، فراسن ، بیلجیم، روس، چین اور اٹلی میں بھی کرسمس کی رنگا رنگ تقریبات کا اہتمام کیا گیا۔

دسمبر 25, 2023
وزیر اعظم شہباز شریف کی مسیحی برادری کو کرسمس کی مبارکباد

اسلام آباد: وزیر اعظم شہباز شریف نے پاکستان سمیت دنیا بھر کی مسیحی برادری کو کرسمس کی مبارکباد دی، انہوں نے کہا کہ مسیحیوں کے قائم کردہ اسکول اور اسپتال آج بھی معاشرے کی خدمت کر رہے ہیں۔

تفصیلات کے مطابق وزیر اعظم شہباز شریف نے پاکستان سمیت دنیا بھر کی مسیحی برادری کو کرسمس کی مبارکباد دیتے ہوئے کہا کہ مسیحی برادری نے قیام پاکستان اور تعمیر پاکستان میں بھرپور کردار ادا کیا۔

وزیر اعظم کا کہنا تھا کہ قیام پاکستان پر مسیحی برادری کے قائدین نے پاکستان کے حق میں ووٹ دیا، مسیحیوں کے قائم کردہ اسکول اور اسپتال آج بھی معاشرے کی خدمت کر رہے ہیں۔

انہوں نے کہا کہ تعلیم اور صحت سمیت مختلف شعبوں میں مسیحی برادری کی گراں قدر خدمات ہیں۔

وزیر اعظم کا کہنا تھا کہ آئین میں مسیحیوں سمیت تمام غیر مسلم پاکستانیوں کے حقوق کی ضمانت دی گئی ہے، تمام اقلیتوں کے جان و مال کی حفاظت ہماری اسلامی اور آئینی ذمہ داری ہے، اقلیتوں سمیت تمام طبقات کی ترقی و خوشحالی اولین ترجیح ہے۔

دسمبر 25, 2022
اقتدار کی بھوک میں لوگ اپنے پڑوسیوں کو بھی ہڑپ کرنا چاہتے ہیں: کرسمس پر پوپ فرانسس کا خطاب

ویٹیکن سٹی: دنیا بھر میں کرسمس کی تقریبات جاری ہیں، ویٹی کن سٹی میں کرسمس کی مرکزی تقریب منعقد کی گئی، کیتھولک عیسائیوں کے روحانی پیشوا پوپ فرانسس نے اس موقع پر خصوصی دعا کرائی۔

روئٹرز کے مطابق پوپ فرانسس نے ہفتے کے روز اپنے خطاب میں دنیا بھر کے عیسائیوں کو کرسمس کی مبارک باد دی اور حضرت عیسیٰ کی تعلیمات پر روشنی ڈالی، اس موقع پر انھوں نے عالمی برادری سے یوکرین میں جنگ سے متاثرہ افراد کی مدد کرنے پر زوردیا۔

پوپ فرانسس نے یوکرین کا نام لیے بغیر جنگ کے حوالے سے کہا کہ اقتدار کی لالچ اور بھوک کی سطح ایسی ہے کہ کچھ لوگ اپنے پڑوسیوں کو بھی ہڑپ کرنا چاہتے ہیں،

کئی ماہ سے گھٹنے کی بیماری کی وجہ سے پوپ فرانسس زیادہ دیر کھڑے نہیں‌ ہو پاتے، اس لیے ان کی جگہ ایک اور کارڈینل نے کرسمس کے مرکزی جشن کی رسم ادا کی۔

پوپ نے خطاب میں لالچ اور کھپت کے موضوع پر زور دیا، اور لوگوں سے کہا کہ وہ صارفیت کے حصار سے باہر نکلیں جس نے تہوار کو بھی ایک ’پیکج‘ بنا دیا ہے، اور اس کے اصل معنی کو سمجھیں، اور ان لوگوں کو بھی یاد رکھیں جو جنگ اور غربت کا شکار ہیں۔

انھوں نے کہا ’’ہماری دنیا میں مرد اور عورتیں، دولت اور طاقت کی بھوک میں اپنے پڑوسیوں، اپنے بھائیوں اور بہنوں کو بھی کھا جاتے ہیں، کتنی جنگیں ہم نے دیکھی ہیں، اور کتنی جگہوں پر، آج بھی انسانی وقار اور آزادی کی توہین کی جاتی ہے۔‘‘

روئٹرز کے مطابق جب سے فروری میں روس نے اپنے پڑوسی ملک پر حملہ کیا، فرانسس نے تقریباً ہر عوامی تقریب میں ہفتے میں کم از کم دو بار جنگ کے خلاف بات کی ہے، اور مظالم اور بلا اشتعال جارحیت کی مذمت کی، تاہم انھوں نے ہفتہ کی رات یوکرین کا خاص طور پر ذکر نہیں کیا۔

پوپ فرانسس نے پیسے، طاقت اور عیش و عشرت کی متمنی خطرناک دنیا کی مذمت کرتے ہوئے کہا کہ ہمیشہ کی طرح اس انسانی لالچ کا سب سے بڑا شکار کمزور لوگ ہوتے ہیں۔

اس ماہ کے شروع میں پوپ نے لوگوں پر زور دیا تھا کہ وہ کرسمس کی تقریبات اور تحائف پر کم خرچ کریں اور یوکرین کے باشندوں کو موسم سرما سے نمٹنے کے لیے امداد بھیجیں۔

دسمبر 25, 2022
چیلنج : تصویر میں چھپی سات چیزیں ڈھونڈ کر دکھائیں

تصاویر میں چھپی ہوئی چیزوں کو تلاش کرنا اب تک کی سب سے زیادہ دلچسپ پہیلیوں میں سے ایک ہے جو صارفین کو انٹرنیٹ پر مشغول رکھتی ہیں۔

اگر آپ کا شمار بھی ان لوگوں میں ہوتا ہے جو ذہن کی ورزش کے لیے پہیلیاں بہت پسند کرتے ہیں اور اس سرگرمی میں دلچسپی لیتے ہیں تو یہ تصویری پہیلی آپ ہی کے لیے ہے۔

یہ تصویر آپ کی ذہانت اور باریک بینی سے دیکھنے کی عادت کے لیے ایک زبردست چیلنج ہے، تو تیار ہوجائیں اور اس تصویر کو بہت غور سے دیکھیں۔

دسمبر کا مہینہ ہے اور انٹرنیٹ پر یہ کرسمس تھیم والی تصویری پہیلی وائرل ہورہی ہے کیونکہ اس میں چھپی سات اشیاء ہیں جن کو تلاش کرنا آسان نہیں ہے۔

اس میں آپ نے دیکھنا یہ ہے کہ تصویر میں تقریباً 100سانتا کلاز موجود ہیں، آپ نے ان ہی میں چھپی ہوئی 7 اشیاء تلاش کرنی ہیں، اور بھی 20 سیکنڈ کے وقت میں۔

ان سات اشیاء کو کمال ہوشیاری سے تصویر میں رکھا گیا ہے، انہیں اس سفید، سرخ اور سیاہ رنگوں میں تلاش کرنا کافی مشکل کام ہے لیکن ذہین لوگوں کیلیے کوئی مشکل نہیں۔

وہ سات چیزیں یہ ہیں جنہیں آپ کو تلاش کرنا ہے۔ جن میں ایک گھنٹی، ایک غصیلا سانتا، ایک ریچھ، کلاز کی اہلیہ، ایک سیب، ایک برفانی آدمی (سنو مین) اور ایک ایلف یعنی کارٹون۔

یہ آپ کی آنکھوں اور ذہانت کی لیے ایک ٹیسٹ کیس ہے بلاشبہ اس قسم کی پہیلیوں کو حل کرنے کیلیے اپنی آنکھوں پر زور دے کر استعمال کرنا پڑتا ہے۔

اس تصویر میں کچھ ڈھونڈنا بلاشبہ آسان نہیں ہے، یہ دماغ کو ہلا دینے والی تصویری پہیلی ہے، اگر آپ کو اب تک اس پہییلی کا جواب نہیں ملا تو ہم آپ کی اس الجھن کو سلجھا دیتے ہیں۔

درست جواب دیکھیں

⇓
⇓
⇓
⇓
⇓
⇓
⇓
⇓
⇓
⇓
⇓
⇓

پہیلی کا جواب : سنو مین اوپر بائیں کونے کے بالکل نیچے نظر آئے گا، سیب دائیں طرف تصویر کے بیچ میں ہےاور گھنٹی سیب کے بالکل نیچے دکھائی دے گی۔

دسمبر 14, 2022
کرسمس تہوار پر اضافی لائٹنگ نہیں کی جائے گی

اٹلی: یورپ میں کرسمس تہوار کی خوشیاں مدھم پڑنے کا خدشہ پیدا ہو گیا ہے، کرسمس تہوار پر اضافی لائٹنگ نہیں کی جائے گی۔

میڈیا رپورٹس کے مطابق یورپ میں توانائی بحران شدت اختیار کر گیا ہے، جس کی وجہ سے رواں برس کرسمس تہوار کی خوشیاں مدھم پڑنے کا خدشہ ہے۔

الجزیرہ کی ایک رپورٹ کے مطابق یورپ کے کئی شہروں میں کرسمس پر اضافی لائٹنگ نہیں ہوگی، لائٹنگ کے اوقات کار بھی محدود کیے جائیں گے، اس وقت بھی کئی شہروں میں ریسٹورنٹس میں موم بتیوں سے کام چلایا جا رہا ہے۔

واضح رہے کہ یوکرین پر روسی حملے کے بعد سے بجلی کے بلوں میں ہوش رُبا اضافہ یورپی صارفین کی پہنچ سے باہر ہو گیا ہے، جس کی وجہ سے پیرس سے لندن تک، پورے یورپ کے شہروں میں حکام چھٹیوں کی روشنی کے اوقات کو محدود کر رہے ہیں۔

بہت سے لوگوں نے توانائی کی بچت والی LED لائٹس یا قابل تجدید توانائی کے ذرائع کی طرف رخ کر لیا ہے، کرسمس کی تعطیلات کے موقع پر حکام کو اس مخمصے کا سامنا ہے کہ یوٹیلیٹی بلوں اور مہنگائی کی وجہ سے دبے شہریوں کے ساتھ یک جہتی کے طور پر توانائی کی بچت کیسے کی جائے۔

روس کی طرف سے یورپ کو قدرتی گیس کی ترسیل بند کرنے سے بڑے پیمانے پر پیدا ہونے والا بحران لوگوں کو اختراعات کی طرف بھی لے جا رہا ہے، لومبارڈی کے علاقے میں ایک اطالوی پہاڑی قصبے بورنو میں، نوجوان قصبے میں صرف ایک کرسمس ٹری کو بیٹریوں کے ذریعے حرکی توانائی فراہم کرنے کے لیے سائیکلوں پر پیڈل مارنے کی ڈیوٹی انجام دیں گے۔ حکام کا کہنا ہے کہ کرسمس پر شہر میں کہیں اور لائٹنگ نہیں کی جائے گی۔

اٹلی میں بھی، شمالی شہر ویرونا میں حکام اس بار پر غور کر رہے ہیں کہ لائٹنگ کو صرف چند اہم شاپنگ اسٹریٹس تک محدود کیا جائے، تاکہ بچت ہو سکے اور بجلی ضرورت مند خاندانوں کے کام آ سکے۔

اسپین میں بھی کئی شہروں میں توانائی کی بچت کے لیے کرسمس لائٹنگ کے اوقات میں ایک گھنٹے کی کمی کی جائے گی۔ ویگو شہر کے میئر ہابیل کبالیرو نے اس حوالے سے کہا کہ ’’اگر ہم کرسمس نہیں مناتے تو روسی صدر ولادیمیر پیوٹن جیت جائیں گے۔

نومبر 28, 2022
کرسمس کی آمد : حکومت سندھ کی جانب سے مسیحی ملازمین کیلئے بڑی خبر

کراچی : سندھ حکومت نے صوبے کے محکموں میں کام کرنے والے تمام مسیحی ملازمین کی مشکل آسان کردی، کرسمس سے قبل تنخواہیں، الاونسز اور پینشن کی ادائیگی کے احکامات جاری کردیے۔

حکومت سندھ نے کرسمس کے موقع پر صوبے کے تمام مسیحی ملازمین کو ایڈوانس تنخواہیں اور پینشن دینے کا اعلان کردیا اس حوالے نوٹیفکیشن بھی جاری کردیا گیا ہے۔

محکمہ فنانس کے جاری کردہ نوٹیفکیشن کے مطابق محکموں کو ہدایات جاری کی گئی ہیں کہ کرسمس سے قبل سندھ حکومت کے تمام مسیحی ملازمین کو 18 دسمبر تک تنخواہیں اور الاونسز ادا کی جائیں۔

اس کے علاوہ تمام مسیحی سرکاری ملازمین کو پینشنز بھی 18 دسمبر تک ادا کردی جائے، محکمہ فنانس نےتمام محکموں کے سربراہان کو تنخواہوں، الاؤنسز اور پینشن کی ادائیگی کے لیے احکامات جاری کردیے۔

اس ضمن میں سندھ حکومت کا کہنا ہے کہ ایڈوانس تنخواہیں جاری کرنے کا مقصد ہے کہ مسیحی ملازمین کرسمس بھرپور طریقے سے مناسکیں۔

دسمبر 14, 2020