لاہور : گورنر پنجاب چوہدری سرور کا کہنا ہے کہ بھارت کےپاس جوثبوت ہیں وہ ہمیں فراہم کرے یابین الاقوامی سطح پر سامنےلائے،ہم الزامات کی تفتیش کےلئےتیار ہیں، جنگ نہیں چاہتے، مگر کسی جارحیت کاپاکستان منہ توڑ جواب دے گا۔
تفصیلات کے مطابق لاہور میں میڈیا سے گفتگو کرتے ہوئے گورنر پنجاب چوہدری سرور نے کہا ادارے جوکچھ کر رہےہیں ، اس میں حکومت کاعمل دخل نہیں ، ادارے کے معاملےمیں مداخلت نہیں کرتے ہیں ، ہم نےکبھی عدالتوں پر تنقید نہیں کی، ادارو ں کوآئین کےمطابق اورحدودمیں رہ کر کام کرناچاہیے، نظام میں کوئی خرابی ہےتو قانون سازی کرکےٹھیک کرنی چاہیے، اداروں کوبااختیار اورسیاست سے پاک کرنا چاہیے۔
گورنر پنجاب کا کہنا تھا کہ پاکستان ہمسایوں اور دنیاسےبرابر کے تعلقات چاہتا ہے ، بھارت کا رویہ جارحانہ ہے،دھمکی دےرہاہے،پانی بندکرنےکاکہہ رہا ہے، جنگ نہیں چاہتے،مگر کسی جارحیت کاپاکستان منہ توڑ جواب دے گا، جارحیت کامقابلہ کرنے کی صلاحیت اورمنہ توڑ جواب دینا جانتے ہیں۔
جارحیت کامقابلہ کرنے کی صلاحیت اورمنہ توڑ جواب دینا جانتے ہیں
چوہدری سرور نے کہا جتنی ناانصافی اور بربریت بھارتی حکومت نےکی اس کی مثال نہیں ، بھارت کےپاس جوثبوت ہیں وہ ہمیں فراہم کرے یابین الاقوامی سطح پر سامنےلائے،ہم الزامات کی تفتیش کےلئےتیار ہیں، پاکستان کی خاموشی کو کمزوری نہ سمجھاجائے۔
پاکستان کی خاموشی کو کمزوری نہ سمجھاجائے
ان کا کہنا تھا کہ میں نجومی نہیں کہ کسی کی گرفتاری پر بات کرسکوں، تحریک انصاف کی حکومت یا کسی ادارے کا گرفتاریوں سے کوئی تعلق نہیں، تمام ادارے آزادانہ طور پر کام کررہے ہیں،سیاستدانوں کو نظام میں خرابی کو عوام میں نہیں لانا چاہیے، معاملےپر اسمبلی میں بات ہونی چاہیے۔
گورنر پنجاب نے کہا عدالتوں نے حق میں بھی فیصلے کیے اور خلاف بھی، ہم عدالتوں کے خلاف بات نہیں کرتے ، ہمارا سینئروزیرگرفتار ہوا مگر ہم نے تنقید نہیں کی ، اداروں کو غیر سیاسی بنانا چاہتے ہیں ، علیم خان نے ضمانت قبل از گرفتاری بھی نہیں کرائی۔