Tag: civil aviation authority

کراچی : سول ایوی ایشن اتھارٹی کے دو ڈائریکٹرز کو ملازمت سے فارغ کر دیا گیا، فارغ ہونے والوں میں ڈائریکٹر ایر ٹرانسپورٹ اور ڈائریکٹر سیکیورٹی شامل ہیں۔

تفصیلات کے مطابق سول ایوی ایشن اتھارٹی میں 2 ڈائریکٹرز کو ملازمت سے فارغ کردیا گیا، ڈائریکٹر ایئرٹرانسپورٹ عرفان صابر اور ڈائریکٹرسیکیورٹی ایئرسلمان کو فارغ کیا گیا۔

ذرائع سی اےاے نے بتایا کہ عرفان صابر کینٹریکٹ کی مدت ابھی باقی تھی تاہم غیرملکی ایرلائن کو اضافی پروازوں کی اجازت میں بے قاعدگی پر ڈائریکٹر ائیر ٹرانسپورٹ عرفان صابر کو برطرف کیا گیا۔

ذرائع کے مطابق ڈائریکٹر ایئرٹرانسپورٹ کا چارج ایڈیشنل ڈائریکٹر کو دے دیا گیا ہے۔

ذرائع کا کہنا تھا کہ ڈائریکٹر سیکیورٹی ایئر سلمان عزیز کے کنٹریکٹ میں توسیع نہیں کی گئی جبکہ یڈیشنل ڈائریکٹر سیکیورٹی کرنل ریحان کے کنٹریکٹ میں چھ ماہ کی توسیع کردی گئی۔

کراچی : سول ایوی ایشن اتھارٹی کو 2حصوں میں تقسیم کردیاگیا ، جس کے تحت ریگولیٹری اورایئرپورٹ سروسز 2 الگ الگ شعبے ہوں گے۔

تفصیلات کے مطابق سول ایوی ایشن اتھارٹی کو 2حصوں میں تقسیم کردیاگیا ہے ، اس حوالے سے نوٹی فکیشن بھی جاری کردیا، جس میں کہا گیا ہے کہ ریگولیٹری اورایئرپورٹ سروسز 2 الگ الگ شعبے ہوں گے، دونوں محکموں کےعلیحدہ علیحدہ ڈائریکٹرجنرل تعینات کیے جائیں گے۔

ڈی جی سول ایوی ایشن اتھارٹی خاقان مرتضیٰ نے اس حوالے سے کہا کہ تقسیم سےادارےکی کارکردگی میں بہتری آئےگی ، ریگولیٹری میں عملےکی تعداد350 کےقریب ہوگی اور کارکردگی کی بنیادپران کی صلاحیتوں کوجانچاجائے گا۔

خاقان مرتضیٰ کا کہنا تھا کہ ریگولیٹری میں کوشش ہوگی کانٹریکٹ افسران و عملےکورکھا جائے گا، مسافروں کوزیادہ سے زیادہ سہولت دینےکے اقدامات کئے جائیں گے۔

خیال رہے گذشتہ سال نومبر میں حکومت نے آرڈیننس کے ذریعے سول ایوی ایشن اتھارٹی کو 2 حصوں میں تقسیم کرنےکا فیصلہ کیا تھا ، جس کے بعد وفاقی کابینہ نے سول ایوی ایشن اتھارٹی کی 2 حصوں میں تقسیم کی منظوری دی تھی۔