Tag: civil aviation authority

کراچی : سول ایوی ایشن اتھارٹی نے افسران کو ترقیاں دے دیں، مسافروں کی شکایات کے ازالہ کیلئے سی اے اے کے بورڈ آف ڈائریکٹرز کے اجلاس میں سٹیزن پورٹل کے قیام کی منظوری بھی دی گئی۔

تفصیلات کے مطابق سول ایوی ایشن اتھارٹی میں افسران کو ترقیاں دے دی گئیں، اس حوالے سے ذرائع کا کہنا ہے کہ کراچی ایئرپورٹ منیجر ظفر اعتماد کو ترقی دے کر ڈائریکٹر آپریشن تعینات کردیا گیا۔

ڈپٹی ایئرپورٹ منیجر عمران خان کو کراچی ایئرپورٹ پر چیف آپریٹنگ آفیسر تعینات کردیا گیا، ڈائریکٹر ایچ آر کی جانب سے باقاعدہ نوٹی فکیشن جاری کردیا گیا۔

سول ایوی ایشن اتھارٹی کے بورڈ آف ڈائریکٹرز کے اجلاس میں مذکورہ افسران کی ترقیوں کی منظوری دی گئی، ذرائع کے مطابق ملک کے دیگر ائرپورٹس مینجر کے تبادلوں کا امکان ہے، اس کے علاوہ ملک کے دیگر ائیرپورٹ پر مسافروں کی سہولت کے لئے اقدامات کئے جا رہے ہیں۔

دوسری جانب وزیر اعظم عمران خان کی ہدایت پر مسافروں کی شکایات کے ازالہ کیلئے سول ایوی ایشن اتھارٹی نے اہم اقدام کیا ہے جس کے تحت مختلف ایئرپورٹس پر مسافر بلا تاخیر اپنی شکایات سی اے اے کے اعلیٰ حکام تک پہنچا سکیں گے۔

عوام وزیر اعظم کی قائم کردہ سٹیزن پورٹل پر براہ راست اپنی شکایتیں درج کراسکتے ہیں، سول ایوی ایشن اتھارٹی نے سٹیزن پورٹل اپنی ویب سائٹ پر بھی آویزاں کردیا گیا، مسافروں کی شکایت کے ازالے کیلئے ڈی جی سی اے اے براہ راست نگرانی کریں گے

سی اے اے کے مطابق اندرون و بیرون ملک جانے والے مسافروں کی جو بھی شکایتیں ہوں گی ان کا فوری ازالہ کیا جائے گا، شکایتوں کے ازالے کے حوالے سے کوئی بھی افسر غفلت کا مرتب پایا گیا تو اس کیخلاف ضابطے کی کاروائی عمل میں لائی جائے گی،۔

علاوہ ازیں ملک بھر کے تمام ایئرپورٹس پر اندرون و بیرون ملک جانے اور آنے والے مسافروں کو تمام تر سہولتیں فراہم کی جارہی ہے۔