اسلام آباد : وزیر داخلہ اعجاز شاہ نے کہا ہے کہ سول کیس میں پولیس کی مداخلت نہیں ہوگی ،فیصلے سول عدالتوں میں ہوں گے اور ہدایت کی بلا مجاز مداخلت پر بھی معاملات سول عدالت کے زریعے پراسس کئے جائیں۔
تفصیلات کے مطابق وزیر داخلہ اعجاز شاہ نے سول کیس حل کر نے کے لئے بڑا فیصلہ کرلیا ، اب سول کیس میں پولیس کی مداخلت نہیں ہوگی ،فیصلے سول عدالتوں میں ہوں گے۔
اس سلسلے میں وفاقی وزیرداخلہ اعجازاحمدشاہ نے آئی جی اسلام آباد اور چیف کمشنر کو خط لکھا ، جس میں کہا کہ عدالت کے احکامات کے بغیر پولیس کی مداخلت کی ممانعت ہے ، کسی بھی قسم کی غیر قانونی مداخلت کی صورت میں سخت نتائج کاسامنہ کرنا ہوگا۔
اعجازشاہ نے واضح کیا کہ قانون سے بالاتر کوئی نہیں اور ہدایت کی پولیس کے حکام کی بلا مجاز مداخلت پر بھی معاملات سول عدالت کے زریعے پراسس کئے جائیں۔
وزیرداخلہ نے ذاتی مفادات کی بنیاد پر کئے جانے والے اقدامات پر کڑی نظر رکھنے کی ہدایت کی ۔
دوسری جانب وفاقی پولیس اصلاحات کے حوالے سے بھی ایک بڑا فیصلہ کیا گیا ، جس کے مطابق پولیس سول یا دیوانی مقدمات ڈیل نہیں کرے گی جبکہ اراضی اور فیملی معاملات پرپولیس کو مقدمات کا اختیار ختم کردیا ہے اور وزارت داخلہ نے اختیار ختم کرنے کی منظوری دے دی۔
وزارت داخلہ کا کہنا ہے کہ سول معاملات میں عدالتی احکامات پرپولیس مداخلت کرسکے گی ، پولیس مداخلت کر کے غیر قانونی سپورٹ فراہم کرتی تھی۔
